28-08-1432 هـ, 08:05 صباحاً


السلام عليكم
حابه انقلكم تجربتي مع غسالة الصحون ال جي
اول شي راح اقولكم معلومات عنها
سعرها 3500
شريتها من اكسترا
نوعها شاشه رقميه مع نظام تعقيم فوق الاشعه البنفسجيه وعليها ضمان 10 سنوات
وفيها نظام حمايه للطفل

030120081008

طبعا راح اشرح طريقة استخدامها
على اليمين اول شي حاط لك اش تبين تشغلين الرف العلوي او السفلي وتحته على طول نوع التشطيف حار اوعادي وتحته نوع كثافة الرذاذ قوي اومعتدل او ناعم وفي النص زي ماتشوفون الشاشه اللي راح يطلع فيها الوقت وراح تبين لك هي وصلت الى اي مرحله وبجنب الارقام فيه ثلاث علامات الاول علامة رمز الحمايه للطفل والثاني علامة الملح اذا طافي يعني ماتحتاجي تحطي ملح اذا كانت العلامه شغاله يعني اضيفي الملح
والعلامه الثالثه حقت مساعد الشطف
وطبعا على يسار الشاشه هذا زر نظام التعقيم

030120081009

نجي للازارير اللي في يسار الغساله
هذي تعلمك نوع البرنامج
اللي راح تغسلين عليه
الاول اتومتيكي الي هذا البرنامج يحدد نوع اتساخ المواعين اتومتك
جربته بس ماحبيته لانه يطول 3 ساعات ونص تقريبا
والثاني اقتصادي من اسمه اقتصادي في الطاقه والماء وكمان هو ماحبيته لانه يطول
الثالث ياحبني له الا هو لطيف يستخدم للمواعين اللي تخافين تنكسر بس انا اشتغل عليه دايم واغير درجة قوة الرذاذ واحطه قوي واحدد الرف اللي فوق او تحت
الرابع غسيل ثنائي ماقد جربته لانه يستخدم للمواعين شديدة الاستخدام
الخامس اسمه غسل مبدئي اولي برضو ماقد جربته لانه يصلح للي يبون يوخرون الوسخ عن الصحون بعدين يغسلون بيدينهم
السادس سريع هذا جربته مره حلو ومايطول تقريبا ساعه الاربع بس عيبه يغسل ويشطف مايجفف بس عادي انا افتح الغساله واسحب الارفف واشغل المروحه وتنشف عالطول
طبعا زي ماشفتو استخدامها سهل
ومريحه جداااااااااااا ودايم ادعي لزوجي وللي اخترعها
اهم شي اذا تبين النتايج مرضيه
خذي فرشه او منديل وشيل بقايا الاكل
ورصي المواعين على شكل مايل
واحسن شي خلي مواعينك تيفال اواستيل
لانها ماتغسل المعدن تسووووووود اي شي فيه معدن لانها تغسل بمويه حاره
وعالفكره تغسل القدور
وهذا شكلها

30072011135

حبيت انقلكم تجربتي للافاده واللي يعجبها موضوعي تدعي لي دعوه صادقه
اي سوال انا حاضره واعذورني طولت وبرضو سامحوني ماعرف اصغر الصور
28-08-1432 هـ, 08:49 صباحاً
الله يجزاك خير يارب ويهنيك فيها

ويرزقني بغسالة مواعين
28-08-1432 هـ, 08:53 صباحاً
ماشاءالله تتهنين فيها وعقبال مأشتري غساله وارتاح

وربي يوفقك ويستر عليك
benotat-2f9228d6bb

سأكِون كالِوُرد
كِلما ينجرحُ " بزخات مطر " يفِوٌحُ عِطِراً ..!
28-08-1432 هـ, 09:03 صباحاً
ياعمري عليك ياحظ ركز شويه تسلمين على الدعوه
28-08-1432 هـ, 08:57 مساءً
الله يجززززاك خير ويبلغك ليله القدر ويحفظ لك زوجك


28-08-1432 هـ, 10:43 مساءً
تتهنى فيها





أطقم أغطية للكنب وكراسي السفرة من تركيا
والتوصيل والشحن لجميع الدول العربية
للطلب مراسلتي في حالة الجدية
واتس. 00966568081520

وتحديد الطلب والمدينة

كود:
http://instagram.com/yasmena84?ref=badge
أنستغرام
Yasmena84

ورابط الانستغرام بالاسفل
اقتباس مشاركة
http://instagram.com/yasmena84?ref=badge
28-08-1432 هـ, 11:24 مساءً
ما شاء الله تبارك الرحمن الله يهنيك فيها ويرزقني غسالة صحون

مشكوره حبيبتي على ذكر التجربه
سبحان الله والحمد الله والله اكبر
28-08-1432 هـ, 11:26 مساءً
ماشالله تبارك الله
تتهني فيها حبيبتي
29-08-1432 هـ, 02:36 صباحاً
ماشاءالله تتهني فيها فتحتي نفسي لغسالة المواعين


baby-balloons-beach-dress-flow
24-10-1432 هـ, 11:19 مساءً
ابسألك ........
وش موديلها ؟
وهل فيه وحده بنفس المواصفات بيضاء ؟ وهل هي ارخص لأني اتوقع الأستيل اغلى ..
ومنين اشتريتيها ؟
واعذريني ع الاطاله


اللهم يسر أمري..


الساعة الآن 04:44 .

جميع الحقوق محفوظة - عالم حواء - 2015