الي تعبت من عياله تدخل وتستفيد من نظامي لعيالي

انا ام لثلاث اطفال البنت الكبيره عمره 7 سنين والولد 5 سنين والبنت الصغيره 11 شهر
بعد ماجبت البنت الاخيره كثرت مسؤلياتي وصرت مااهتم بالكبار وكانو من يصحون الصبح لين ينامون وهم واحد يطق الثاني و البنت الصغيره كل يوم يبغون يطيحونها وانا صرت عصبيه وبس اهاوشهم تعبوني وانا حرمتهم الكلمه الحلوه والضمه الحنونه واحيانا اعصب وامد يدي عليهم وبعدين اندم واجلس الوم نفسي
وبعدين فكرت اسوي لهم نظام مثل الروضات
اشتريت مسبح واشتريت قصص والوان و كراسات و اشتريت حجاب فله للصلاة ومصلى صغير ومسباح
وجبت سطل كبير رمل واشتريت لهم سياكل
اول مايصحون من النوم الصبح افطرهم و اذا نويت اروشهم او اغيرلهم وبعدين ابدى بالجدول
نجلس انا وياهم واخلي البنت تلبس حجابه والولد يجيب مسباحه ونقرا مع بعض دعاء الصباح والاذكار
واطلعلهم الالوان والكراسات واخليهم يلونون على كيفهم انا اخذ بنتي الصغيره واقوم به وبنفسي
وبعدين اطلع لهم السياكل واخيهم يلعبون
على بال مايجي الظهر اناديلهم على الصلاة يتوضون ويصلون معي
نتغدى ويجلسون مع ابوهم شوي وبعدين احطلهم المسبح واخليهم يسبحون فيه لين مااصحى العصر
والعصر يصلون و اخليهم يشوفون التلفزيون ساعه بالكثير قناة سمسم واحطلهم شي ياكلونه
ونطلع انا وياهم السطح طبعا لاني بالدور الفوقي ارش لهم الرمل واحط فيه العابهم واخليهم ينبسطون
والمغرب بعد الصلاة نجلس نقرا قران انا وياهم السور الصغيره
واخليهم يكتبون على الكمبيوتر اساميهم ويكبرون الخط ويحطون اللون الي يبونه وبعد صلاة العشاء يجلسون مع ابوهم وبعدين اقص لهم قصه وينامون والله صرت مرتاحه من ازعاجهم وصارو مالهم وقت يتطاقون فيه وحببتهم في الصلاه وقراية القران وصار وقتي لي و لزوجي لانهم ينشغلون واروح واخليهم وصارو هادين ومطيعين واتمنى انكم تستفيدون من نظامي وادعولي ولهم ان الله يجعلهم بارين بي وبوالدهم