السعودية - الرياض
محمود الوسيط
يوجد خادمات من فيتنام وكينيا والفلبين للتنازل 0569239132 0557597569
                 

السعودية - الرياض
محمود الوسيط
يوجد خادمات من فيتنام وكينيا والفلبين للتنازل 0569239132 0557597569
إضافة رد
 
أدوات الموضوع انواع عرض الموضوع
قديم 14-08-1432 هـ, 08:06 صباحاً   #1
ام سعود وتالا

عضوة نشيطة
 
تاريخ التسجيل: 21-04-1432 هـ
المشاركات: 257


Smile ام سعود رجعت لكم بقصة ولادة بنتها تالا الحلوه

السلام عليكم حوائيات
الف مبروك للوالدات ومبروك ماجاكم والله يسهل على كل الحوامل ياااااارب

جايتكم اليوم بقصة ولادتي ببنتي تالا زي ماوعدتكم<<<اخلصي علينا

طبعا انا اخر دوره لي كانت في9/11/1431والدكتوره حددتلي الولاده في22/8/1432

وبالنسبه لجنس البيبي الدكتوره كانت تقولي بالشهور الاولى بنوته ويوم وصلت الثامن قالتلي ولد وبنسبة 90%طبعا انا وزوجي صرنا كذا والحمد لله رضينا على نعمة ربي وجهزت للنونو ملابس بالوان محايده
وسافرت لاهلي بالرياض يوم28/7/1432 طياره انا وولدي وكان لي اسبوع داخله التاسع والحمد لله ماكشفوني ومااثر

علي السفر وجلست اسبوع بالرياض امشي كثير وخليت امي تقرا لي ورد الولاده في مويه وكنت اشرب منه كل يوم

وانا امشي وامسح منه على بطني وكنت ادعي ان الله يسهل لي ولادتي في كل وقت وان الله يسخر لي الطيبين من

عباده اثناء الولاده وكنت استغفر بنية تسهيل الولاده واكل سبع تمرات يوميا عالريق واشرب حليب حار وفي يوم

الخميس 6/8/1432رحنا انا واهلي حديقة السويدي بالرياض واخذت معي موية زمزم وسلمت ولدي لاخواني الصغار

يلعب معهم وانا مترت الحديقه مشي من اول ماجيت امشي وادعي واشرب موية زمزم وادعي وامسح على بطني

واروح اخذ راحه عند ماما وبابا وبعدها اكمل مشي واشرب وادعي يمكن ظليت امشي حوالي من3الى4ساعات امشي

وارتاح وارجع امشي بعدين رجعنا البيت وانا ظهري يوجعني مره من المشي رجعنا على الساعه12وعليها الليل

وسبحت ولدي ونومته وتسبحت وقالتلي وحده من خواتي هذي شكلها ترويشة المستشفى من بعد المشي اللي

مشيتيه اليوم وجلسنا بعدها نسولف حتى اذن الفجر وصلينا وجيت انسدح وقريت الاذكار وجابتلي اختي حليب حار

بالزنجبيل وقالتلي ماما تقول اشربيه وشربته ورجعت انسدحت وماجاني النوم بس اتقلب وافكر واحاول انام النوم مو

راضي يجي وظليت كذا حتى الساعه 6الصباح طبعا دخلنا بيوم الجمعه7/8/1432 بعدها حسيت بمغص ببطني ورحت

الحمام وكان اسهال الله يكرمكم وانا مستغربه من زماااااااااان عن الاسهال من يوم حملت والامساك ذابحني ورجعت

انسدحت ويرجع المغص واروح الحمام واسهال مره ثانيه الله يكرمكم انا جا ببالي اني اكلت شي مو نظيف يوم كنا برى

ورجعت ابي احاول انام وخواتي يسالوني ها نصحي بابا يوديك المستشفى قلتلهم لا مافيني شي بنام وبعدها جاني

الم قوي اسفل بطني بس ماطول وبعدها رجع مره ثانيه بس كانت المده بين كل الم والثاني طويله ونفس الالم ماكان

يطول انا شكيت انه طلق خاصة انه كان مؤؤؤؤؤلم بس اللي شككني انه مو طلق انه ماكان مثل طلقي على ولدي كان

يجي بسرعه ورى بعض اما اللحين فكان ياخذ وقت ويرجع انسدحت على جنبي وضميت رجولي لبعض وكانت كل

ماتجي الطلقه اخذ نفس عميق بعدين اطلعه شوي شوي وهالطريقه قريت انها تخفف الم الطلق وبالفعل الحمدلله

حسيت بالفرق بين الطلقه اللي كنت اخذ فيها النفس وبين اللي ماخذ فيها النفس العميق كانت اقوى في الالم

وبهالوقت كانو كل البيت قد نام واخذت الجوال وجلست احسب الوقت بين كل طلقتين ويوم شفته صار منتظم قمت من

السرير ورحت الصاله جلست شوي لاني كنت حاطه ببالي اني ماروح المستشفى من بداية الطلق عشان ماطول

عندهم ويلعبون فيني وكانت كل ماتجيني الطلقه اخذ نفس وانحني على قدام كاني اركع ورحت وتسبحت وغيرت

ملابسي ومشطت شعري وتاكدت من شنطة المستشفى وملفي وكل شي وسخنت مويه وحطيته بطشت ونقعت

رجولي فيه وحسيت براحه وجلست ادهن بطني بزيت زيتون دافي وجوانبي وظهري بعدها طلعت من الحمام لقيت

ابوي صحي وراح يجيب فطور الساعه كانت تسعه ونص رحت لامي قلتلها فيني الام ببطني وابي اروح المستشفى

انفجعت امي وقعدت تسالني من متى قلتلها من بعد الفجر قالت وليه ماقلتي من اول قلتلها كنت شاكه لانها مو مثل

الالام اللي جتني على سعود يطول بين الالم والثاني قالت اجل اللي ببطنك بنت وقالتلي نزل معك مويه او دم او شي

قلتلها لا جا بابا وقالتله امي بعد الفطور بنروح المستشفى طبعا انا مافطرت كانت نفسي مسدوده وخايفه ومرتبكه

واتخيل وش راح يصيرلي بالمستشفى قالي ابوي يالا نمشي وانا رفضت ان امي تروح معنا لان شكلها كانت تعبانه

والمستشفى مايسمحون لها تدخل معي يعني تروح وترجع عالفاضي سلمت عليها وودعتها وقلتلها ادعيلي واذا

صارلي شي سامحيني وسعود امانه عندك طلعت من البيت الساعه 10وبالطريق جا الالم الصح ونسيت النفس العميق

وكل شي وصرت اتمسك بالكرسي واتالم بس بدون ماصرخ واخيرا وصلنا المستشفى10وربع(مستشفى الامير سلمان

بالرياض)وجابلي بابا عربيه ودخلوني الطوارئ وابوي راح يسوي الاوراق واستقبلتني ممرضه فلبينيه عسسسسسل

وقالتلي يالا مدام شيلي الاندروير وانسدحي وجت قاستلي الضغط طلع مرتفع اول مره يرتفع من الخوف والتوتر وكانت

الدكتوره اللي معها باكستانيه عسل مثلها جت تكشف علي قلتلها شوي شوي قالت ايوه شوي شوي وكشفت

وماحسيت بيدها ابد وقالت6سم ماشاء الله انا فرحت الحمدلله وبعدها رجعت للمكتب وجلست تسالني عن الولادات

السابقه والاشياء هذي وشوي الا وتنزل المويه وبللت كل ملابسي وقلتلها دكتوره نزلت المويه قالت خليني اكشف مره

ثانيه يمكن فتح زياده وكشفت لقته7سم ماشاء الله وقالت سستر يالا سرعة وديها فوق ولاده والممرضه جت تساعني

وتجلسني عالعربيه وترفع رجولي وتصلح عباتي وكل شوي تقول معليش ماما بصراحه قمة في الاخلاق الله يوفقها وين

ماراحت وطلعنا من الطوارئ وكان بابا قد خلص الاوراق وراح وانا كان ودي اسلم عليه واودعه قبل يروح بس مالحقت

عليه طلعوني فوق قسم الولاده واستقبلتني ممرضتين سعوديات عسل وذوق وكل شي بس كانت سوالفهم

وضحكاتهم شوي مزعجه دخلوني على غرفة الملاحظه واعطتني كيس وقالت حطي عبايتك وحذيانك فيه وانسدحي

عالسرير وشلت عباتي وخليت علي القميص والطرحه والنظاره بعد شلتها مابي اشوف المقصات والخرابيط هذي كلها

واتوتر زياده انسدحت على جنبي وضميت رجولي لبعضها وجلست ادعي بصوت عالي واتمسك بالسرير والممرضه

السعوديه تركب المغذيه وتامن وتدعي معي وشوي قالت انسدحي على ظهرك عشان احط جهاز التخطيط وبدت تحطه

وخلصت الا والمويه تنزل مره ثانيه واحس بشي ببيطلع مني واقولها دكتوره نزلت المويه وفيه شي بينزل على طول

فصلت الجهاز والمغذيه وكشفت وقالت خلاص بتولدين ونادت ممرضه هنديه جابتلي عربيه وتنافخ الهنديه وتقول يالا

بسرعه انزل اركب عربيه نزلت وركبت العربيه وودتني لغرفة الولاده وسريرها المرعب وساعدتني السعوديه في طلوع

السرير وانا خلاص احس شي نازل مني ووقفت عندي ممرضتين سعوديات يقولولي ادفعي يالا وادفع قالت كمان

ماتحتاجين توسعه وفرحت وادفع مره ومرتين بس ماطلع قالت اجل بنوسع بس شوي وتشق ووجعني كثيييييييير وقالت

ادفعي مره وحده بس وامسك بحدايد السرير وادفع وطلع الراس وهذي اكثر لحظه الم وعذاب بالولاده صرخت صرخه

احس العالم كله سمعها وقالت خلاص وقفي ويطلعونه ويحطونه على بطني وقطعو الحبل السري وقالتلي وحده منهم

جبتي بنت صغيييييره حرام عليك ليش ماكنتي تتغذين فترة الحمل وجلست تنظفها وتقيسها وتقول 2 كيلو حرام عليك

وانا يوم شفتها راح نص الالم وفرحت وقعدت احمدلله وادعيلهم وهو يامنون بعدين قالتلي انتظري 5دقايق عشان تنزل

المشيمه الحمدلله كنت خايفه تضغط على بطني وتطلعها مثل ولادتي الاولى بس انتظرت لما هي نزلت لوحدها وقبلها

دخلت ابره وقالت بسحب عينه من المشيمه وماحسيت فيها بعدين قلتلها خلاص مافيه خياطه؟؟قالت الا فيه بس مو

كثير يمكن 3او4غرز ماوسعناك كثير انا فرحت بخلص بسرعه واعطتني ابره البنج بفخذي وجلست تنظف وتنتظر دكتورة

الخياطه وطولت على ماجت احس اني امتليت هواء ومت برد واحنا بعز الظهر وشوي وتدخل دكتوره سودانيه منقبه واول

مادخلت سكرت الستاره وقالت ساعدينا عشان نخلص بسرعه انا ظهري واجعني من الصيح وانا واقفه(اجل انا وش

اقول بموت من التعب وانتي تزيدين علي)المهم قلتلها ان شاء الله وتبدا خياطه وانا ياحليلي اعد الغرز على بالي

3او4مثل ماقالتلي الممرضه السعوديه عدت الخمس والست وباقي ماخلصت وبصراحه ماحسيت بالام بس كنت احس

بدخول وخروج الابره بعدها وقفت وفرحت على بالي خلصت شوي ويدخل دكتور سوداني معها وانا خلاص مدري وش

اسوي ومدري هو وش بيسوي قلت يمكن بس بيشوف من بعيد اسمعهم ينادونه الدكتور حسن شوي وتناوله الممرضه

الابره والخيط والمقص ويكمل خياطه وخياطته عذاااااب حسيت فيها كانه يقطع لحمي وانا فخوذي تنتفض غصبا عني

والسودانيه تثبتها وتهاوش وتقول ارخي نفسك عشان بعدين الطرف الثاني يرتاح قصدها على زوجي والدكتور يخيط

غرزه ويعقدها ويشدها بقوه بعدين يدخل يده ويرص عليها وانا بموت من العذاب وهو من اول مادخل ماتكلم ولاكلمه بس

يناظر فيني بعصبيه اذا شديت نفسي ويشتغل وبعد ماخلص صار يدخل قطن وينظف وفي النهايه دخل قطنه وماسحبها

تركها داخل وراح هو والدكتوره وجلست الممرضه تمسح رجولي وبطني وفخوذي وجابولي بنتي بعد مانظفوها ولفوها

بسم الله عليها زي القمر وودوني على سرير في سيب قبل ماطلع التنويم وحطولي المغذي وشوي ويجي الدكتور

نفسه ومت من الخوف واقول في نفسي وش بيسوي بعد جت الممرضه الهنديه تنافخ وتقول يالا انسدح كويس

عشان دكتور يكشف انسدحت على ظهري ويدخل يده ويسحب القطنه اللي دخلها وكانت كلها دم ويقول للسودانيه

كويس اخيرا تكلم حسبته اطرم وجا بيدخل يده قلتله دكتور خلاص ارحمني ارحمني واناظر في السودانيه واقولها

قوليله يرحمني خلاص وكشف بيده ووجعني وبعدها راح والحمد لله معد شفته وجلست اتالم ومن الاصل انا مرهقه

مانمت ودقيت على امي وبشرتها وقلتلها جبت بنوته ماصدقت اني ولدت بالسرعه هذي ماشاء الله

وبعدها دقيت على زوجي وقلتله جتنا تالا ماصدق قال لا انتي صاحيه من النوم وتلعبين على قلتله انا بالمستشفى ولدت جلس يصارخ ويقول لامه زغرطي واسمع امه تزغرط وهو معها بعد وقال الحمدلله على سلامتك وسلامة البنوته وان ربي رزقنا تالا بعد ماقالو انها ولد
بعدها جت الممرضه قالت سوي بول رحت الحمام وبدلت ملابسي ومسحت جسمي وسويت بول الحمد لله تمام بس كان كثييييييير مره وجلست بالسيب حتى الساعه4العصر بعدها ودوني التنويم وانا مخلصه ولاده من 11ونص وجلست اسمع المساجد تخطب خطبة الجمعه وبعدها جو اهلي وزاروني وجلست يومين بالمستشفى لان بنتي عندها صفار وطلعنا يوم الاحد وجا زوجي من السفر واحتفلنا واللحين لي10ايام والده الله يحفظلي ولدي وبنتي وزوجي وكل احبابي يااارب
وهذي المره الثانيه اولد بسلمان والشهاده لله كل المرتين كانت كويسه وماعليها كلام بس اللي يناخذ عليه انك تولدين بملابسك وان مافيه غيارات لك وللبيبي اما الاشياء الثانيه الحمدلله ماعليها كلام

بنات والله كتبت الموضوع وانمسح ورجعت وكتبته لكم مره ثانيه وبالتفصيل ولعيونكم عشان تستفيدون من تجاربي لاني بجد استفدت منكم وهذا جزء بسيط من حقكم علي واعذروني عالاطاله



تاريخ ميلاد بنتي7/8/1432
8/7/2011شفتو التميز كيف هههههههه

ومن الصدف اني جبت ولدي
في اليوم 15من التاسع وكان وقت الولاده من الساعه10الى12الليل
وجبت بنتي في اليوم15من التاسع وكان وقت الولاده من 10الى12الظهر


وتقبلو تحياتي واتمنى اني ماطولت عليكم واي استفسار انا حاضره

(يمديكم عالروايه)هههههههه


ام سعود وتالا غير متواجد حالياً رد مع اقتباس إرسال الموضوع إلى الفيس بوك إرسال الموضوع إلى تويتر




14-08-1432 هـ, 08:22 صباحاً
#2
مبروووووووووووووك البنوته

والحمدالله على سلامتك


رد مع اقتباس
BASTA غير متواجد حالياً  



14-08-1432 هـ, 08:23 صباحاً
#3
الحمدلله على السلامه ومبروك ما جبتي


توقيع




ادعولي ان الله يتمم لي حمل ويسهل علي ولادتي ويرزقني بطفل سليم

جميل الخلق والخلقه وان يكون من الذريه الصالحه
رد مع اقتباس
اخصائيه دلع غير متواجد حالياً  



14-08-1432 هـ, 08:28 صباحاً
#4
ألف مبروك والحمد لله على سلامتك .... يا حلووووووو اسم بنوتتك مثل اسمي بنتي ... بس الله يستر ما تطلع قويه وعنيدة مثل بنتي ما لها الا رأيها ،،،، الله يصلحهم يارب


توقيع


رد مع اقتباس
همس اللؤلؤة غير متواجد حالياً  



14-08-1432 هـ, 08:29 صباحاً
#5
فدددددددددديتك الف مبروك ماجاك تتربي بمعزك والحمدالله ع سلامتك
دعواتك لي


توقيع


[
رد مع اقتباس
سأأأأأأأألى غير متواجد حالياً  



14-08-1432 هـ, 08:32 صباحاً
#6
الف الف مبروك ماشاءالله تبارك اله
ربي يجعلها من الصالحات باذن الله


توقيع


رد مع اقتباس
amsah غير متواجد حالياً  



14-08-1432 هـ, 08:35 صباحاً
#7
ماشاء الله تبارك الله .. الف مبروك ماجبتي تتربى بعزكم

والله يرزقني بولاده سهله مثل ولادتك ماشاء الله تبارك الله ..


توقيع

اللهم بلغنا رمضان لافاقدين ولا مفقودين
رد مع اقتباس
رمانه حلوه غير متواجد حالياً  



14-08-1432 هـ, 09:07 صباحاً
#9
ألف مبروك والحمد لله على سلامتك ....


توقيع

رح للقمر وإفرش على
سطحه بسآآآط ... وخل
الحثاله [لو] بها خير
.. ترقــآ ... }


رد مع اقتباس
♥fraWla♥ غير متواجد حالياً  



14-08-1432 هـ, 10:09 صباحاً
#10
ياعومري ألف الحمدلله على سلامتك
ماتتخيليين قد ايش نزلتي دموعي وذكرتيني بالولاده لأني زيك عندي ولد وحامل فبنت وحطيت نفسي مكانك وانتي تقولين لأمك انتبهيله أحس قلبي عورني على ولدي الله يقومني وجميع الحوامل بالسلامه ويخليلنا ماعطانا


توقيع

الهي مابدأت بة من فضلك فتممة لي,,وماوهبته لي من كرمك فلا تسلبه
التوقيع للذكرى

رد مع اقتباس
نسرين23 غير متواجد حالياً  



إضافة رد

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
الانتقال السريع


الساعة الآن 10:42 .