السلام عليكم ورحمة الله وبركاته
صبايا انا اتوقع الكل عرف قصتي مع السحر من عشر سنين واكثر وكل خطبه ماتتم تقولون يختفون لاجو عندي :44: بس تعبت وصلت مرحله حتى الصلاه مااصليها الصيام رمضان اللي فات ابي اصومه مااقدر ابي ابكي بس مااقدر مااقدر على اي طاعه احسها ثقيله مو ثقيله الا مستحيله والحمد لله يوم قريت عن برنامج البقره
المكثف قلت ليه مااجرب انا مااحب اطول بشي وانتظري لاني ملوله فهمتوو ويوم لبست قبعة المسك والله والله والله اني احس رجع فيني الحماس مااحس اني لبست قبعه احس اني كنت مدفونه وطلعت فكرت في حالي قلت اللحين عمرج 27 سنه الكل تزوج وانتي مكانك مافي اي جديد عندك وليته بالزواج بس كل امورك موقفه وغير كذا بعيده عن ربك لاصلاه لا ديانه اللله يحب المؤمن القوي احب من المؤمن الضعيف لين متى بنستمر نندب حظنا وانا وانا وغصبن عني غصبن عني قلت انا وش سويت عشان استاهل اكون من امة محمد عليه الصلاه والسلام انا في نعمه اني انولدت مسلمه ايام الرسول عليه الصلاة والسلام حاربوووو وجاهدووو وتقطعووو تخيلو تنقطع ايدهم ولا رجلهم وايام قبل لابنج ولا مسكنات تعذبوووو عذااااب دفاعااا عن الاسلام الفتوحات الغزوات الام تشوف ولدها ميت تشوف ولدها مقطوعه رجله ولا يده ولا تقدر تعطيه شي يخفف عليه كله هذا استحملوه عشان شنووو عشان ((الاسلام )) دفاعا عن الاسلام وانا العاصيه المذنبه مو قادره اواجه نفسي اواجه المس او العارض واقول لين هينا واستوووب محد بيردني عن الطاعات تعب النبي عليه الصلاه والسلام وكل من دافع عن الاسلام عشان يوصل لنا ماراح يروح هدر المس او الساحر العارض عمومااا عدووو الله دخل في مسلمه يكرها بالطاعات بالعبادات بالصلاه كم وحده جت وكتبت تقول تكفووون ابي اصلي وانا منهم موضوعي تعبت ابي اصلي عشان ضيقه واكتئاب اوقف واقوول لاخلاص مااقدر ربي سامحني ترى المس مايخليني انا مااقدر شفتو المقارنه قارنتي نفسك فيهم انا الصراحه حسيت نفسي تافهه وبحالنا اللحين لين متى لازم تواجهين مشكلتك لازم تدافعين عن صلاتك عن حبك للطاعات عن ايمانك واجد يشكون لعب فيهم الوسواس والهم والغم مشاكل مشاكل بس حلها وين حلها (( قبله سجاده عين تدمع وقلب يخشع ويااااااااااارب )) ربي ماقال عذبوا نفسكم ربي مايرضى بالظلم ربي يحب المؤمن القوي احب من المؤمن الضعيف لازم نتخذ موقف هاذي حياتنااا لازم نحسن الظن بالله (إِنَّ اللَّهَ لا يُغَيِّرُ مَا بِقَوْمٍ حَتَّى يُغَيِّرُوا مَا بِأَنْفُسِهِمْ) غيري نظرتك للمرض الروحي قولي هذا جهاد قولي الحمد لله انتي جند من جنود الله مو انتي تدافعين عن دينج عن حياتج مو هو كافر اعتدى وظلمج وأذاج ؟ ليه السلبيه اللي فينا لين متى بتمين يارب يارب السانج يناجيه وقلبج بعيد قاومي قولي انا مسلمه انا بجاهد على من اعتدى علي وماراح اخليه يهنى في جسدي يووم واحد من هو عشان ينكد حياتج خلي صلتج بربج اقوى فكري قولي ربي مابلانا الا له حكمه سبحانه تمعني شوفي حياتك شوفي شنو محتاج تغيير اعرفي ربي مابلاج الا يبي لج الخير مشاطة ابنة فرعون واجهت فرعوون واقتلوا اعيالها واحد ورى الثاني قدامها انتي انا مرينا بهالتجربه احنا في رحمه احنا في نعمه والله واجهي نفسك وشيطان ضعيف ان كيد الشيطان كان ضعيفا احنا لو مارين بتجربه مثل ماشطة ابنة فرعون وش بنسوي احنا عشان شي بسيط مقارنه باللي مرووا فيه قعدنا نأجل ونأجل ويمر العمر لازواج لادين ولا سعاده ونندب حظنا وماغير انتحسب حسبي الله على من سحرنا وحسبي الله طيب وين الفعل مافي داء الا له دواء الدواء موجود قدامنا شوفي رحمة الله ابتلانا وعطانا دوانا علينا بس نمد يدنا ((ليه للحين مامدينا يدنا ؟؟؟)) بتقولين المس يتعبني ماتحسين فيني لا احس فيج ومريت بامور مايعلم فيها الا ربي وانا لين اللحين اعاني ماتعالجت بس حالتي بأذن الله في تحسن وراح اشفى وكلنا بنشفى وبنصوم رمضان هذا وبنكتب من المعتوقين من النار بأذن الله هذا اسمه << حسن الظن بالله احسنووو الظن تفائلو بالخير تجدوووه مافيه شي بعيد كلكم بأذن الله عرايس وحوامل 2011 ماراح اقول 2012 لا 2011 ايقنوووو ان الله معنااا ربي احن من الام على ضناها شفتي شلون امج يتقطع قلبها عليج ربي احن شفتو الرحمه اللي بقلوبنا كلنا هاذي رحمه وحده توزعت علينا كلنا فمابالك ربك الرحمن الرحيم ادري طولت عليكم بس ابي اوصلكم حاجه انا كنت مثلكم وربي بس غيرت نظرتي تمعنت عرفت ليه ربي بلاني ربي بلاني عشان اغير من نفسي حتى لو قلتي مافيني عيوب ربي يبيك تكونين احسن يبيك مؤمنه اقوى يبيك بالجنه ماارحمك يالله أتمنى أتمنى أتمنى من كل قلبي كلامي هذا أثر ولو بقليل في نفوسكم وشجعكم أنكم تبدون بدايه جديده واتفكرون في نفسكم وفي حالكم وتختارون انكم تجاهدون عشان الحياه اللي تستحقونها انتي وانتي وانتي كلكم تستحقون حياه افضل مو شياطين والعياذ منهم بيوقفون في وجه مؤمنه احنا معانا الرب العزيز الجبار وهم أذلاء من اليوم ورايح كلكم اعتبرووا اي عارض في جسدكم سجين عندكم تلذذو في عذابهم من سورة البقره والانفال والتوبه والصدقات والصلاه بوقتها اجعلي ايامك عامره بذكر الله ولاتستسلمي وكرري اني مغلوب فانتصر الحمد لله على نعمة الاسلام والحمد لله على مابتلانا اللهم ارزقنا حبك وحب من يحبك وحب عمل يقربنا لحبك مااطلب منكم الا الدعاء لي معاكم بالشفاء العاجل وانا اوعدكم اني ادعي لكم معاي
((اللهم اشفي بنات حواء شفاء لايغادر سقما ))
اللهم امييييييييييييييييييييييييين
يلزم عليك تسجيل الدخول أولًا لكتابة تعليق.
الوزيره!!!
•
الوزيره الله يجزاج خير ويفرح قلبج
قلب منكسر الله يجبر كسرج ويفرح قلبج ويصلح حالج مع امج ويسخركم لبعض يارب ويجمعكم على محبه وود اللهم امين
قلب منكسر الله يجبر كسرج ويفرح قلبج ويصلح حالج مع امج ويسخركم لبعض يارب ويجمعكم على محبه وود اللهم امين
الصفحة الأخيرة