02-08-1432 هـ, 11:24 مساءً



السلام عليكم ورحمة الله وبركاته


شحوم الذراعين .. هي من أصعب الشحوم في ازالتها وقت الرجيم ..

وانا جسمي من النوع التفاحه يعني الشحوم تكون مرتكزه في الجزء الأعلى من جسمي الي هو البطن والذراع ..

المهم وللأن افتكر افضل نادي سجلت فيه بحياااااتي كلها ..

بس يافرحه ماتمت .. لما جيت اسجل فيه اللحين لقيت انو اتقفل خساره لأنو صاحبته وسعت المكان وحولته كوفيرا

المهم ...

كانت المدربة فلبينيه .. صااااااارمه ، وماتترك الوحده وقت التمرين إلا بعد ماتشوفها تصب عرق (اعذروني ع الجمله لكن ده اقرب وصف )

وكانت كل اسبوع تقيس الوزن لكل وحده + بشريط قياس تقيس ذراعي وخصري وكله ..

المهم ..ففي أول اسبوع كانت تشوفني وانا فاضيه تقولي لاتجلسي اعملي تمارين بالثقالات ليدك ..





فكنت انزل تحت واتهرب منها
ولما مرت اسبوع قاست وزني وطبعا نزلت ، وقاست بالشريط خصري وفخذي وكللله نحـــف ..
ومع اني كنت امشي ساااعه ع اله السير وبسرعه ولمده ساعه وكنت احرق خلالها 500 سعره والله ..
ومع التمارين القوويه حقتها والي جد نحفت جسمي ..

لكن صدمت لما قالت لي كل جسمك نزل الا ذرااااااااااااااااااااعك

لانو احنا كل يوم تمرين مختلف عن الي قبله والتمارين الي خاصه باليد نعملها مره بالاسبوع ..



المووهم

فقالت لي :- ده لانك ماتسمعي كلامي ودي ذراعك ماتروح شحومها الا بالثقالاااااات (الدامبلزز)
فمسكتني ع جمب وعلمتني تمارين للذراع بالثقالات ، وصرت يوميااا بعد ما انتهي من المشي والتمارين اعمل دي الرياضات بس بأمانه مش اي كلام ولمده نص ساااعه وكل تمرين 30 مره ..


والحمدلله بعد اسبوع قاست لي بالشريط ونقصت درجه ..


ودي معلومات عنه ... وهي بنفسها قالت لي هي ..

كثير من الحريم يخافو من الدامبلز ويحسبو انه يطلع للوحده عضلات !!
لكن ده الشئ خاطئ ..
فدام ثقل الثقاله كيلوين او كيلو ونص فما حيطلع عضلات ..
وكمان لما تنعمل التمرين بيها لاااااازم بحركه سريعه ، مش بطئ ..
لانو الحركه البطيئه هو الي يكون العضلات ... فلو عملتي التمرين سررررريع بيه ، فحيحرق الدهوون وتلاقي نفسك تعرقي بشده ..


فالي تستمر بالدامبلز وبسرعه تنحف ذراعها وحتنشد وحتختفي الشحوم منها .,,

وبالنسبه للتمارين المفيده للذراع باثقالات فأتمنى تعملو بحث عنها لانو يبغالها مشاهده اكتر من شرح لها ...



..
وبسسس
حبيت افيدكم بتجربتي والله ينحفنا بالسلامه كلنا يارب ..
مركز تحميل الصور
No more sadness.. This me her trying to change th the best !
02-08-1432 هـ, 11:43 مساءً
ربي يسسسسعدكً ي شيخة قبل شوية كنت ادور شى يشششدها
بس انا مااقدر اجيب الثقالات دي يصير اسوي بعلبة المويا وهيا مليانة ولا ماينفع
لاني لي يومين اسوي فيها واتابع التمارين من النت
سبحان الله وبحمده . . سبحان الله العظيم
02-08-1432 هـ, 11:50 مساءً
الله يجزاك كل خير على ذكر تجررببتك
وربي يتمم عليك بالخير
والله انا اعتبرها مشكلة ازلية
اتمنى انحف هالمنطقة
02-08-1432 هـ, 11:50 مساءً
يسلمو
انا من يومين شريت الاثقال وحشتغل على يديني ان شاء الله

وشكرا على معلومة البطئ وقت التمارين
02-08-1432 هـ, 11:51 مساءً
ياقمر لو تذكرين لنا التمارين لو بشكل مبسط

يسعدك ربي ويجعله في موازين اعمالك
02-08-1432 هـ, 11:54 مساءً
حاضر حبيباتي ..
انا رسامه متواضعه وحأحاول خلال اليومين ارسم التمارين بورقه وتكون تفي بالغرض ..
لانو من جد التمارين دي خطيره وروعه ..
مركز تحميل الصور
No more sadness.. This me her trying to change th the best !
03-08-1432 هـ, 12:03 صباحاً
يعطيك العافية يالغلا..
لا إله إلا الله الملك الحق المبين.
03-08-1432 هـ, 12:21 صباحاً
اقتباس مشاركة  (cute moon)
حاضر حبيباتي ..
انا رسامه متواضعه وحأحاول خلال اليومين ارسم التمارين بورقه وتكون تفي بالغرض ..
لانو من جد التمارين دي خطيره وروعه ..
الله يووفقك لكل خير ويحقق لك كل ماتتمني
والله تسوين فينا خير

لان هالمشكلة يعاني منها الكثيير من الاخوات هنا
03-08-1432 هـ, 12:28 صباحاً
اقتباس مشاركة  (آمَآنيهآ ڪبَـآ إ ر)
ربي يسسسسعدكً ي شيخة قبل شوية كنت ادور شى يشششدها
بس انا مااقدر اجيب الثقالات دي يصير اسوي بعلبة المويا وهيا مليانة ولا ماينفع
لاني لي يومين اسوي فيها واتابع التمارين من النت
ايوا تنفع حبيبتي بس استعملي قارورة المويه الكبيره مش الي ابو ريال ..
ولاتنسي حبيبتي وقت ماتعملي التمارين تعمليها سريع
مركز تحميل الصور
No more sadness.. This me her trying to change th the best !
03-08-1432 هـ, 12:43 صباحاً
تصدقي والله الكل مدحها
انا عند كيلوين
ببدأ فيها ابغى زواج بنت خالتي يجي وهي قد خفت
مووفقه يالغلا



عنايتي لشعري لمدة عام بإذن الله


الساعة الآن 12:23 .

جميع الحقوق محفوظة - عالم حواء - 2015