19-07-1432 هـ, 12:57 صباحاً
بسم الله الرحمن الرحيم

كيفكم يا حوامل ان شاء الله الكل بخير والله يسهل على الجميع

بصراحة فيه تمرين قالت لي اختي عنه انه بعد ما سوته ولدت خلال أقل من اسبوع لأنها عانت بولادتها الاولى لان الطفل مانزل بالحوض وقعدوا الممرضات يضغطون بأكواعهم والدكتوره تسحب بيدها من تحت لين نزل بالحوض وضاقت العذاب والله تقول اصعب من خروج الراس.

وهنا بقولكم معلومة انه فيه فرق بين لما يقولون الراس تحت وهذا ممكن يصير من السابع وبين ان الراس نزل بالحوض هنا تلاحظين ان بطنك تغير شكله نزل لأسفل تختفي السره البارزه يلين البطن نوعا ما ويشتد وقت حركة الجنين او الانقباض هذا خارجيا وداخليا يبدأ الرحم في الاتساع وتقل سماكته

هنا اعرفي انك بإذن الله ماراح تقعدين أكثر من اسبوع وتولدين على خير

التمرين هو :

وقفي وباعدي بين رجولك ويكون قدامك شي تسندين عليه كرسي او طاوله تتحملك بعدين اجلسي زي لما تكونين وانتي بكرامه تقضين حاجتك بالحمام العربي ... انتبهي ان الاقدام لازم تكون مستويه كلها على الارض يعني ما تكونين معتمده على اطراف الاصابع بس ,,كلما بعدتي بين رجولك صارت الاقدام مستويه بشكل كامل على الأرض . اتمنى تكون وضحت الوضعيه الحين ابدي عدي الى العشره ثم وقفي مستعينه بالكرسي او الطاولة اللي قدامك وخلي وضع رجولك مثل ماهو تنفسي بهدوء وارجعي اجلسي بنفس الوضع وعدي للعشره ووقفي ونفس الشي خذي نفس استغفري وادعي لنفسك بأذن الله ييسر عليك وكرري التمرين 10 مرات وكل مره عدي للعشره وا ن شاء الله تشوفين خير صلحيه 3-4 مرات باليوم ثلاثة ايام كافيه
مهم جداً
هذا التمرين للي داخله التاسع لها اسبوع يعني خلصت ال36 اسبوع

ممكن على طول تبدى معاك الانقباضات (الطلق) وممكن بعد تنزل موية الجنين


انا والله جربت واستفدت منه وقلت ليش ابخل عليكم لأني اعدكم مثل خواتي وما ابغى الا انفعكم مو اضركم وما ابغى منكم الا الدعاء ان الله ييسر لي ولادتي ويسخر لي زوجي ويحنن قلوب عيالي على بعضهم واني افرح بتخرجي وحصولي على الجامعة بعد 4 سنين

الله ييسر للجميع ويحقق لكم اللي تتمنوا ويجمعنا على خير في حمل غير
منقول للفائده دعواتكم لي بولاده طبيعيه سهله
ربي اني مسني الضر وانت ارحم الراحمين
دعواتكم لي بالشفاء
19-07-1432 هـ, 01:13 صباحاً
الله يسعدك ويسهلك ويسخرلك زوجك وتفرحين بتخرجك يارب

تسلمين حبيبتي
19-07-1432 هـ, 01:16 صباحاً
ربي يسهل ولادتك ويقومك بالسلامه الحركه متعبه جدا الله يعين
19-07-1432 هـ, 01:28 صباحاً
تسلمين حبيبتي
19-07-1432 هـ, 01:32 صباحاً
مشكووووووووووووووووووورة
19-07-1432 هـ, 01:38 صباحاً
الله ييسر لك ولادتك ويقومك بالسلامة ويرزقك الذرية الصالحة ...
19-07-1432 هـ, 01:41 صباحاً
مجربتها يااختي من اخر اسبوع بالثامن ولي الان 10 ايام بالتاسع ولا قد ولت فقط الجنين نازل بالحوض والرحم مفتوح اسم وفيه

الالام طلق بس المستشفى يقولون اصبري انت بكريه الله يجزاك بالخير ويحقق اللي تتمنينه ويرزقنا ولاده ميسره يارب بالعاجل
اللهم ارزقنا قبل الموت توبة وعند الموت شهادة وبعد الموت جنةاللهم ارزقنا حسن الخاتمةاللهم ارزقنا الموت ونحن ساجدين لك يا ارحم الراحمين



19-07-1432 هـ, 08:37 صباحاً
يارب اولد بسلامه
19-07-1432 هـ, 08:42 صباحاً
يارب اولد بالسلامه يارب خفف عني وسهلها يسلموووو ياعسسسل ع المعلومه
مواقع القرآن الكريم :

http://www.tvquran.com/

http://www.quranflash.com/
19-07-1432 هـ, 08:46 صباحاً
جاري التطبيق

والله يجزاك الجنه وتتخرجي وتفرحي بعيالك يارب
ادعولي بالصلاح والذريه الصالحه استغفررر الله واتووووب اليه


الساعة الآن 08:54 .

جميع الحقوق محفوظة - عالم حواء - 2015