يابنات ياحريم دشوا شوفو ام علي على طريقتي سهله وايد

السلام عليكم
حبيباتي يا حلوات انتوا يا قمر

قبل ماقول لكم طريقة ام علي السهله

خلوني احكي لكم الحكايه هذي

ذاك اليوم اخوي جاب لنا طبق بقلاوه وكمان صديقة امي جابت طبق بقلاوه
عاد خبركم حنا مانحب البقلاوه كذا ناكلها لانه مليانه مكسرات وزيت
انا احب البقلاوه بالقشطه وكمان اخوي ،، عاد هنا عندنا بالبحرين مايبيعون بقلاوه بقشطه

زين وجلست انا اناظر اطباق البقلاوه كذا باستغراب :16: واقول ياربي وش اسوي فيهم وين اوديهم هذولي ،، حرام نرميهم
قمت وفكرت بخطه وهي نفس الوقت تجربه

اخذت كم قطعه بقلاوه وحطيتهم بطبق بلاستيك ،، صفيتهم واخذت كاس حليب نيدو وحطيت به سكر وكثرت من السكر لان انا واخوي الصغير نحب السكر وايد
وحطيت عليهم ملعقة صغيره ماء ورد وصبيته فوق البقلاوه وغطيته بنايلون وحطيته بالمكرويف وخليته لين يفور شوي وسكرت المكرويف وطلعت لي ام علي فديت روحها

طريقة سهله جدا بدل ماتروحين تشترين عجين قلاش وتملينه مكسرات وتحطينه بالفرن وتطلعينه وتردين تصبين عليه حليب

هذي طريقه سهله ولذيذه
وامي واخوي ماتوا يسألوني وش هذا كيف سويتيه بهذي السرعه ،، عجبهم وايد ،،
وامي جلست تقوللي ايه اكيد قطعتي التوست ومدري وش سويتي به
اكيد بسكويت
اكيد مدري وشو
امي انقهرت وطلعت من المطبخ معصبه ههههههههه لاني ماقلت لها
واخوي بعد ياكل ياكل يقول شنو هذا اقوله مو شغلك عجبك اكل ماعجبك خله
وقعد يتنهوص ويعاني ويسألني الا يبي يعرف شنو
بس ماقدر
قلت اكل بعد ماتاكل اقولك خخخخخخخخخخخخخخخ :30:
ولي حين ماقلت له
زين
المهم

المقادير عندج هي
نص كيلو بقلاوه جاهزه يفضل تكون مثلثات محشيه فقط مكسرات لاتاخذين اللي محشيه تمر

ثلاث اكواب حليب نيدو ساخن
سكر حسب الذوق
ماء ورد حسب الذوق

صفي البقلاوه في صينيه بايركس وصبي عليها الحليب وبقية المقادير
وحطيها بالفرن او المكرويف براحتك اللي تشوفينه يريحك سويه
بس المكرويف يكون اسرع
خمس دقايق وهي جاهزه

وبالهنا والشفاء

جربوها وخبروني

يفضل تاخذين بقلاوه من احسن محل بقلاوه يسويه عندكم وماتكون دسمه مليانه زيت