اللهم لك الحمد كما ينبغي لجلال وجهك وعظيم سلطانك ...

بسم الله الرحمن الرحيم


والحمد لله حمدا كثيرا .. فهو مسبب الاسباب وهو الرازق ..وهو الكريم الرحيم

..



دكتورتي قالت لي لاتسوين تحليل هرموني لان سويت قبل وطلعت النتيجه ايجابيه بس هي قالت

التحليل الهرموني الدقيق يبحث عن هرمون الحمل بالدم عن طريق الدي جيتل


ويطلع لك اقل نسبه في الحمل .. وبيطلع لك هرمون الابره حتى لو كان خفيف ...قالت احنا مانبي ذا نبي تحليل الدم العادي لان مفعول الابره يتلاشى ومايبين بالدم العادي بعد فتره

واذا كان فييه حمل بيبين معك بالدم العادي بعد تاخر الدوره مايحتاج هرموني ..


بقول لكم بالتفصيل كل شي يمكن وحده تمر بالي مريت فيه ..


انا لي اربع ونص سنوات زواج والله مارزقني ماسلمت من الكلام ولا سلمت من التجريح
بس محللتهم جميع ...لوجه الله

رحت المستشفى تحاليلي سليمه والحمد لله قعدت فتره معع دكتور وزوجي تحاليله سليمه

طولت مع هالدكتور الين مليت لان كان زحمه عنده وسبحان الله ماكان يعطيني ويشرح لي حالتي والي نسويه من ابر والخ


توكلت على الله وقلت ماعاد بروح مستشفيات برتاح شوي وحجزت عند دكتور مشهور اسمه محمد خان

قالو موعدك بعد شهرين بتاريخ 26 /6

وقعدت شهرين من تركت المستشفيات .. جات الدوره بوقتها ... وايام التبويض نزل علي دم كثير وشي غريب قطع واول مره يصير معي كذا ووقت تبويض استبعدت انه حمل



خفت مره لانه نزل مني وانا احوس وانظف في بيتي ودفيت الثلاجه ودفيت كل شي ماخليت شي بمكانه

يعني نزل بعد التعب والارهاق

رحت لمستوصف > صدفه كنت بس بشوف وش ذا الدم ولا ماكان ببالي اروح اتعالج بمستوصف

اول ماقبلتها كشفت علي من تحت قالت يمكن قرحه ويوم كشفت قالت مافي شي هذا دم دوره عادي

يمكن نزل عليك لان الدوره مانزلت كلها

وارتحت لكلامها مره قعدت تشرح لي وتوريني بالسونار رحمك كذا سماكته كذا والخ


ارتحت لها قلت براجع عندها وان شاء الله خير

جيتها بعد مانزلت دورتي الثانيه

وصفت لي ابر اول مره اخذ كورس ابر زي كذا

تئلمت وتوجعت كثير .. لدرجه اوقات كانت تضربها لي في بطني مكان المبايض:06:

والحمد لله سوينا سونار طلع فيه بويضات باحجام مناسبه .. اعطتني ابره تفجير ثنتين في وحده


وقالت تعالي بعد اسبوع رجعت لها بعد اسبوع قالت باقي فيه بويضات احجماها مناسبه بعطيك

ابره تفجير عشان نزود فرصه الحمل .. اخذتها


المهم قالت انتظري الين يعدي موعد الدوره وسوي تحليل دم

بس من لقافتي ولان الانتظار ممل


كنت اسوي تحليل منزلي وكان يجي خطين واسوي هرموني فيه حمل

قلت لها هاوشتني قالت لاتسوين الين تتاخر الدوره

قبل الدور ه ب خمس ايام سويت تحليل دم عادي طلع مافي حمل لان زوجي قال يالله نروح نشوف في حمل ولالا


ووقتها سويت تحليل منزلي مابين انه فيه حمل ...


تاخرت الدوره سويت هرموني طلع فيه حمل ونسبته في الاسبوع الثالث

قلت لدكتورتي رجعت هاوشتني سوي تحليل دم عادي :06:
خفت اسوي مدري ليش لان سويت ومابان قبل


:44:

للحين والدوره لها 6 ايام متاخره

والدفستون خلصته لي 8 يوم

ولانزلت الدوره ..

صحيت الصبح الا لقيت زوجي جايب لي تحليل منزلي

سويته الا طلع لي خطين فرحت مره وصليت قلت يارب لاتجعلها فرحه زائله

هالكلام امس
اليوم اخر الليل زوجي قال نروح نسوي تحليل دم عادي

نتاكد دامه طلع لك خطين وقبل كم يوم سويتي ماطلع لك شي وسويتي دم مافي شي

قلت طيب وتوكلت على الله وصليت قبل نمشي



رحت وسويت تحليل الحمل وقاعدين ننتظر النتيجه ..

طول وقتي وانا استغفر واسبح وارتجي من الله يرزقني ويبشرني

واردد

اللهم بشرني كما بشرت يعقوب بيوسف وزكريا بيحي ومريم بعيسى

استغفر الله اللذي لااله الا هو الحي القيوم واتوب اليه


واستغفر واسبح وادعي ولانه كان اخر الليل قعدت ادعي يارب انت قريب من عبادك بهالوقت

اجب دعائي يارب العالمين ... انت ملاذي وانا متوكله عليك ف كن معي ولاتتخلى عني ..

كان المستشفى فاضي مافي احد

زوجي راح جاب النتيجه وانا انتظره ... الا وهو جاي قلت له بشرني النتيجه ايش؟:06:

مارد علي .. خفت مره وبطني وجعني ... قلت تراني على اعصابي ..جا سلم على راسي قال الحمد لله


حامل ...ماشاء الله تبارك الله ...وربي صرت ارجف وابكي واقول الحمد لله هذا من فضل ربي الحمد لله


واحنا رايحين على السياره والله كني في حلم وكني امشي على شي خفيف ماني حاسه بشي


والحمد لله يارب


اللهم لك الحمد كما ينبغي لجلال وجهك وعظيم سلطانك ...


اللهم لك الحمد كما ينبغي لجلال وجهك وعظيم سلطانك ...


اللهم لك الحمد كما ينبغي لجلال وجهك وعظيم سلطانك ...


اللهم لك الحمد كما ينبغي لجلال وجهك وعظيم سلطانك ...


اللهم لك الحمد كما ينبغي لجلال وجهك وعظيم سلطانك ...


اللهم لك الحمد كما ينبغي لجلال وجهك وعظيم سلطانك ...



بنات نصيحه لوجه الله ... مع انه تحاليل زوجي سليمه اكثر من دكتورين قالو كذا لكن دكتوري شافت النتيجه

قالت كل شي تمام بس الحركه متوسطه ماهي سريعه وصفت له حبوب غذاء ملكات النحل وشي ثاني

وفيتامين سي .. زوجي ماعجبته حبوب غذاء الملكات قال تسبب لي خفقان وضيق بتنفسي

لانه مايحب الحبوب ... وماخذ غير حبه وحده

واستمر على فيتامين سي الفوار ... وجبت عسل وخلطت معه لقاح النخل بودره تلقونه ب وادي النحل

او السوبر ماركاتتت الكبيره ...

وكان ياخذ منها وانا اخذ منها متى مايشتتهي ياخذ

والله صار تحسن وحسيت انه صار ينزل شي كثير

والله اعلم اذا كان هو بعد الله فادنا او لا بس ترا طعمه حلو ومايضر


وكنت مستمره على قيام الليل وادعي فيه واستغفر واسسبح

وصلاة الضحى ...


وماانام الا وانا مشغله قران واردد وراه بنفسي ... وسورة مريم كنت اوقات اقراها بعد ماصلي


والحمد لله اولا واخيرا فا هو مسبب الاسباب ...


الاعراض الي جاتني .. قبل الدوره بكم يوم ووقت الدوره وبعدها

تجيني تقلصات برحمي والم بظهري كنه الم دوره وكنها بتنزل بس ارواح اشوف مالاقيها دوره الاقي افرازات

بيضاء ...كان الالم يجيني كل بعد فتره ..عكس دورتي كان يجيني الالم وتنزل الدوره على طول بوقتها


صدري منتفخ شوي وفيه نتؤاات زي الحبوب من نفس الحلمه وواضحه

ونفس الحلمه توجعني لا ضغطت عليها

وغثيان بس بدون ترجيع ... ولا قمت فجاءه وانا منسدحه ولا قاعده احس بدوخه

هذا الي حسيت فيه ... ادعو ان الله يثبته لي ويرزقني بششوفته او شوفتها يارب

وربي لمن عرفت النتيجه دعيت لكثير من جماعتنا ماحملو ودعيت لكم وان الله مايحرم احد


من الذريه ...

دعواتكم لي ... راح استمر في متابعتكم وراح ادعي لكل وحده كانت جنبي


والله يرزقكم ويعطيكم من فضله ورحمته .. وكونو على يقين ان الله هو الرزاق

وخلوكم متوكلين عليه ومتفائلين فيه ...