تعالي ياعروسه اقضي معاك مكياجك :)

السلام عليكم ورحمة الله وبركاته


كيف حالكم ياعرايس..اكيد حايسين صح؟؟<<مابدى حكي


حاسه فيكم كنت احوس العام نفس حوستكم>>لايغركم التوقيع ترى للحين عروس خخخخخخخخخ


المهم..


موضوعي كتبته اولا عشان الكل يستفيد


ثانيا للعرايس الي مايعرفون للمكياج وش الاحسن ووش تاخذ ووش تخلي


وثالثا عشان بعد تجربه مع التجهيز والحوسه شفت ان الفلوس حرام تضيع كلها بالمكياج لان بجد بجد في اشياء كثير اهم من المكياج ولازم نوفرلها


مكياجك بيكون بغرفة نومك محد داري عنه اهم شي يكون عندك الاساسيات يعني وقت ماتجي خرجه او مناسبه يكون عندك كل شي يعني ماتنقصين على نفسك بس بحدود..


حرام تحطين 4او5 الاف على مكياج وتشترين من الغالي وبالاخير محد داري عنه..


اللحين ببداء معاكم خطوه بخطوه..وان شاء الله اني ملخبطكم..هههههههه.


في محلات كثيـــــــر وودك تشترين من هنا ومن هنا وهذا يدلك على ذا المحل وذا يدلك عالثاني وتروحين وتشوفين اشياء متدرين وش هي..


ومن غير اصحاب المحلات الي يضحكون علينا كل واحد يسوي دعايه لمنتجاته..


طبعا انا عن تجربه اشوف افضل ماركة مكياج هي ماك اللوان وثبات وكل شي فيها حلو يوم ادخل ذا المحل عيوني تزغلل ودي الم كل الي فيه..


بس انه غالي حبتين للي مهرها يادووب..يعني لو بتشترين منه بتصكين الخمسه وانت تضحكييييييين


افضل شي عند ماك هو الاساس والكريم المرطب


انصحكم فيه وسعرهم معقوول ماتذكر بكم بالزبط بس ماكلفني الا ميتين وشي الاثنين مع بعض


هذي صورة الكريم المرطب..تحطينه قبل الاساس..


untitled


وهذي صورة كريم الاساس..طبعا تاخذي الدرجه المناسبه لك..


هذا اول نوع سائل بدون لمعه<<انا اشتريت هذا


mac_spf_15_foundation


اما هذا ضغاط وبلمعه خفيفه مررره حلو



333372women


طبعا انا عن نفسي بس هذا الي اشتريته من ماك


الارواج سعر الروج اتوقع بـ82 او شي زي كذا وماشتريت منها


والاضلال ناسيه سعرها بس برضو ماشتريت منها لانها مفرقه وانا بوفر



االحين ياعروسه خلصتي من ماك..


يلا نروح مكيـــــــــــاجي..
اول ماتدخلين المحل سكري اذنك ولا كأنك تسمعين للي يبيع...


ليــــــــش لانه بيلخبطك ويشتت افكارك وبيوريك مية شي وشي وبتحوسين وماتدرين وش تشترين ووش تخلين..


ارجع واقول عن تجربه<<مسكت معاها ذي الكلمه خخخخخخخخخ


افضل شي عند مكياجي الي بعرضه عليكم اللحين



هذي العلبه الرائعـــه الي توفرلك كل شي بدون حووسه ومن جد خطيره واللوانها حلوها وتكفي وتوفي والوانها ثابته وسعرها 199<<ولا احلا من كذا


اشتريها وانت مغمضه فيها 84لون ضل للعيون و60 لون احمر شفاة و8درجات بلشر(احمر خدود) و4درجات بودرة حواجب و4درجات كونسيلر(خافي عيوب)



Tempting




طبعا ما انصحك بالعلب الصغار هذي الي تجي على لون لون لانها راح تكلفك..هذي خليها بعد الزواج يوم تنزلن السوق او بشهر العسل وتشوفين الي يعجبك وتاخذينها وكذا مع الوقت بتصير عندك علب كثييييييييير متدرين وين تودينها خخخخخخخخ


بس بالبدايه قلنا اهم شي التوفير ومانبغاا نضيع فلوس على اشياء محد داري عنها والله هذي العلبه اوفرلك وفي الالوان الي محتاجتها..



طبعا الارواج هذي الي فيها مراح تكفيك ليـــش؟؟


لان وقت ماتخرجي لازم يكون بشنطتك علبة ارواج..


وانصحك بهذي العلبه برضو من مكياجي..<<لسى ماطلعنا من المحل ههههههه


DelectableLipPalette




في منها درجات(الترابيه والوان الاورنج والوردي والوردي الي على فاتح مع الاحمر)


اختاري الي يناسبك منها انا اشتتريت علبتين وحده درجات والاورنج ووحده درجات الوردي لانها اكثر شي استخدمها



هذي العلبه كمان حلوه سعرها 119 دورين واحد اضلال وواحد ارواج قولسات وهذي صورتها


486_1168971022