أكيد هذا هو قسم السنعات ولا ؟؟؟؟؟؟؟؟؟ أكيد هو حبيت ارز عمري شوي عندكم
واعطيكم سر من اسراري ..
ماشاء الله لا قوة الا بالله ذبايحنا نذبحها بالبيت ونطبخها بالبيت هذا قبل لا اتزوج عند اهلي بس للأمانه مااعرف اقطع الذبيحه للحين :(
والسبب ابوي الله يحفظه في يوم من الايام وانا مخطووبه صجتني امي من صباح الله خير ابوك بيجيب الذبيحه تعالي شوفي كيف نقطعها لا تفشلينا
قلت طيب ووجهي كذا:16:
وجالسه اشوف وامي تقول امسكي ... شدي وانا قرفانه الله يكرم النعمه ... قال ابوي ليه جايبه العروس
قالت امي ابيها تتعلم كيف تقطع وتوزع الذبيحه
رد ابوي .... خلي زوجها يعرف يذبح بعدين علميها تقطع ههههههههههههههههههه ومن يومها اذا جبنا ذبيحه خالتي ام زوجي تقطعها
وزوجي لو قال شي اقوله تعلم اذبح اول وبعدين انا اتعلم خخخخخخخخخخخخخ
المهم مالك بالطووويله ....... امي الله يعطيها الصحه والعافيه تطبخ ذبايحنا بالبيت وانا تعلمت الطريقه ومن يوم تزوجت ماجبنا ذبايح من برا الا مرتين او ثلاث ماشاء الله تبارك الله
وكل من ذلقها انهبل عليها حتى اهل زوجي يهلوووسون بمفطحاتي خخخخخخخخخخ
:42:
والطريقه سهله جدا لو حابه تسوينها بلحم مقطع صغار او بالنص كااامل تحطينه بصينيه كبيره بالفرن
انا احط صينيتين احيانا مع بعض واحيانا بالدور لا خلصت وحده احط الثانيه
اليوم سويتها لكم بقطع صغار
بسم الله نبدء
المقـــــــــــــــــــادير ...
لحم مقطع او نص كامل
ملح
اجينامتو ( ملح صيني )
فلفل أســـود
كركم (هرد)
مويه
لون طعام
مقادير الرز.......
بصله كبيره
3 فصوص ثوم
3 فلفل حار
بهارات صحيحه ( قرفه _ قرنفل _ هيل _ ورق غار اجيناموتو )
زيت
الطريقه اول شي نغسل اللحمه
نزع اللحم بالصينيه
نقرب بهارات اللحمه
نكمل
وبعدين نحط شوية كركم في كاس مويه مع شوي لون طعام
وبعدين نمسح فيها وجه اللحمه
وبعد كذا نصب شوي مويه يعني فنجال شاهي مويه بالصينه
وبعدين نغلفها بالقصدير زين ونحطها بالفرن ونعلي عليها النار تحتاج ساعتين بالفرن الكهرباء
قبل لا تخلص اللحمه بنص ساعه نبداء نسوي الرز
نغسل الرز وانا مااحب انقعه يتكسر علي
احط بالقدر الزيت والبهارات الصحيحه والاجي والثوم والبصل والفلفل
ونحمسه لين تطلع ريحة البهارات بعدها احط الرز والمويه والملح
ونغطي عليه ونخليه يستوي على نار هاديه
بهالوقت تكون اللحمه استوت نفتح القصدير وناخذ شوي من موية اللحم ونصبها على الرز
ونقلب الرز شوي
وبعدين نجهز الحمسه الاخير على الوجه
عباره عن بصل مقطع صغار وشوية جزر مبشور واحيانا احط رمان ناشف يعطي حموضه شي بسيط وطبعا تحمس لين يبل البصل والجزر ونحط عليها فلفل اسود وشوي ملح
بعد مانغرف ونحط اللحم نرشها على الوجه ونزين الصحن
وبكذا صار جاااهز