أخبار حواء:
«    »

                 

قديم 29-06-1432 هـ, 05:25 مساءً   #1
وفاء...

عضوة فعالة
 
الصورة الرمزية وفاء...
 
تاريخ التسجيل: 22-01-1431 هـ
المشاركات: 822


Unhappy قصة مؤلمة لفتاة مبتعثة مع أخيها من موقع الشيخ العريفي


(من الرسائل التي تصل إلى جوال الشيخ د.محمد العريفي أو بريده الإلكتروني)
[وصلت إلى جوال الشيخ يوم السبت 18/6/1432هـ]
الإخوة والأخوات .. هذه الرسالة جاءتني البارحة على جوالي فنشرتها مختصرة ثم أرسلتها الأخت مفصلة
وقد طلبت من الأخت أن تشارك في ضع بصمتك باتصال هاتفي فاعتذرت ..
وأرسلتها بالتفصيل كالتالي :


شيخي العريفي أنت طلبت إني أرسلك قصتي بالتفصيل في ايميلك لكن.. يا شيخ العريفي آسفه ما أقدر بالايميل لانه ضوء الشاشه يضرني..
لكن أنا أبكتب لك الرساله مرة ثانية وأعطيك تفصيل ما كان يحصل لي بعد..
يا شيخ أنا البارحة تابعت برنامجك (ضع بصمتك في الأمراض الجنسية)
أولا.. يا شيخ جزاك الله خير على طرحك لموضوع الامراض الجنسيه والأهم إنك ما جرحت مشاعرنا بصور مخيفة والأهم أنك كنت رفيقا رحيما بمرضى الإيدز..
ما أطول عليك..
قصتي ياشيخ تجمع بين الحلقين مخدرات وأمراض جنسيه..
يا شيخ..
أنا عمري الآن 21 سنه بنت ناس وأبوي إمام مسجد..
لما تخرجت من الثانوي وعمري 17سنة سافرت مع أخوي اللي أكبر مني بسنة مبتعثين ندرس في دولة أجنبيه..
أول سنه من الدراسه كانت الأمور فيها طبيعيه نروح الجامعه ندرس بعدها نرجع السكن ونذاكر مع بعض لكن بعد هاذي السنه أخوي تعرف على شله فاسده..
أول شي علموه على الخمر بعدها سجاير حشيش بعدها حبوب..
أنا هددته إني أبلغ الوالد..
ترجاني إني ما علمه ووعدني إنه يبطل هالخرابيط..
لكنه استمر..
وفي يوم حط لي حبه في وسط العصير..
كنت كل يوم أبكي وأطلب منه يحضر لي من هذا العصير وكنت أدعي في نفسي إنه ما يكون العصير هذا مخدر..
وبعدها رحت في نفس الطريق وصرت زيه أتعاطى وأهملنا دراستنا وصرنا مثل البهايم خمر ومخدرات ونوم..
تنقلنا من حبوب وسجاير حشيش وشراب للابر وكانت غاليه ما كنا نعرف المروج كان يجيبها لنا واحد كويتي يدرس معانا بالجامعه..
ما أبغا أطول عليك ياشيخ..
زادت مصاريفنا جدا وصرنا كل شوي نطلب من الوالد إنه يرسل لنا فلوس مع إنه أول كانت مكافأة المبتعثين تكفينا والمسكين يرسل ويظنها تروح في كتب ودروس خصوصية..
تطورنا من حبوب الى إبر وهيروين اندمرنا فعلا..
ولا أنسى أتعس يوم مر علي صرت فيه أهون وأحقر من الحيوانات وأنا اللي أبوي مربيني ع الحجاب والقرآن..
لأ أنسى يوم وأنا مع أخوي في الشقة كانت عنده إبره وحده وكنت أبغى أتعاطاها ترجيته يعطيني هالإبرة فقال لي أعطيك هي بس على شرط؟..
قلت وشو؟..
قال : ... وطلب مني يفعل بي الزنا..
كنت ذيك اللحظة مثل المجنونة بدون تفكير نزعت ملابسي وفعل الزنا..
لاتستغرب يا شيخ كان همي الابره آخذها..
طبعا بعد أخوي ما أغتصبني صار عندي شي عادي..
ويوم من الايام ما كان عندنا إلا حق إبره وحده أخوي أخذها وأنا ما عندي فكنت أشعر بمثل الجنون ..
وفي يوم هذا الكويتي قال لأخوي أنا بأجي عندك في الشقه على إني أدرس معاك..
وفعلاً جاء وأعطى أخوي حق الابره أما أنا قال لي تبغين إبره ؟ وأنا أبكي وأترجاه إني تعبانه ..
قال لأخوي ما أعطيك الإبره لين تفسخ ملابس أختك وتدخلها لي الغرفه دخلني بعد ما نزع ملابسي ودخل الكويتي وكان يقول لي قولي وراي :أنا زانيه أنا ساقطه وكنت أردد وراه بس عشان هالإبره بعدين قال إمسحي جزمتي بلسانك..
فوالله يا شيخ نظفت جزمته وخليتها تلمع بلساني هذا كله وأنا بدون ملابس وأنا ما تعدى عمري ال18سنة لا أم ولا أب بس أخو متعاطي عمره 19سنة..
بعدها إغتصبني ورمى علي الإبره رحت زي المجنونه لأخوي عشان يدق لي الإبره
حياتي كانت عذااااااب ..
بعدها تعودت على الاعتداء على عرضي..
كان أخوي يقول لي : لازم نوفر حق الأكل للإبر كنا نروح المطاعم وننتظر بقايا أكل الناس اللي في الصحون ونجلس في مطبخ المطعم ونأكل الفضله حقت الناس..
وكان هذا الكويتي اللي يزودنا بالمخدرات يجيب أصحابه عندنا..
وكان أخوي يقول لي بالعامي : إذا طلب منك تفسخي لا تقولي لأ سامعه ؟
إي والله ياشيخ أخوي كذا يقول لي..
كنت أسوي اللي يبون وأخوي ما همه كان يكافأنا يعطينا 3 أو 4 إبر هذا غير الاغتصاب وكنت أنام بالجنابه يومين أو ثلاثه..
وكانت تنزل مني قطع دم كبيره والله أعلم إنها أجنه..
كان الحياء منزوع مني أبكي في الحمام وأتألم ألين تنزل قطعة الدم الجامده وكنت أتوقع إنها جنين..
أروح لاخوي وقطعة الدم شايلتها في منديل في يدي أقول له شوف إيش نزل مني..
يقول : عادي أرميها وغسلي..
كانت الدوره الشهريه تغيب عني شهرين ثلاثه من بعد إلاغتصاب..
والله يا شيخ كنت أنام مع أخوي عادي أهم شي يرضا ويفتكرني لما يشتري مخدرات..
صارت تمر علينا أيام ما عندنا حق الإبره..
ونروح أنا وأخوي للمروج الله يلعنه ونترجاه يعطينا أو نسدده بعدين..
فيقعد ينظر فيني بعدين يطلب من أخوي إنه يخليه يغتصبني فيجي أخوي على طول ينزع ملابسي ويخلي الرجل يعتدي وأخوي قدامي يضرب الابره..
والله يا شيخ إني أبكي وأنتفض وأنا أكتب لك..
والله حوالي 3 مرات إعتدى علي المروج وأنا ساكته..
والله كنت أفتح الشباك وأطالع في السما وأقول إلى متى يا ربي؟..
بعدين عرفت إنه الله ما يقدر غير الخير بس إحنا اللي ندمر نفسنا طبعا..
المهم في وحده طالبه سعوديه من زميلاتي شافت حالنا أنا وأخوي فاتصلت على أهلي..
أبوي مسكين كبير في السن ما يدري عن شي..
جانا أخوي الكبير المتزوج وخاف نرجع وننفضح فدخلنا في أحد دور علاج الإدمان في هذه الدوله وعالجنا ولما كانوا يعملوا تحاليل دم إكتشفوا إصابتنا بالايدز أنا وأخوي طبعا..
عطونا علاجات كثيرة بعدين رجعنا يا شيخ بس والله إتدمر مستقبلنا أنا وأخوي ورجعنا السعوديه وإنقلب حالنا 180درجه أخوي صار ملازم المسجد وحفظنا القران..
أصبحت حذره في التعامل مع إخواني وأبي..
والله ياشيخ كل ما أحط راسي على المخده زي الشريط يمر قدامي..
لكني أعرف إنه ربي غفور رحيم..
والله يا شيخ قبل أسافر الخارج كنت أقول لاخواتي أبغى أتزوج واحد مطوع زي أبوي عشان يخليني أجيب أطفال كثير وعشان أظمن ما يجيب قنوات فضائيه خربانة في بيتي..
وأبغى أجيب أولاد وبنات أدخلهم من سنه أولى إبتدائي مدارس تحفيظ قران وأخليهم يحفظوا القران كامل.. وأزوجهم بنات مطوعات..
حتى لما أختي تولد أقولها لا تسمي أولادك على أسماء أولادي مستقبلا كنت بسمي أولادي عبدالله وعبدالرحمن وكنت بسمي البنات ..
وكنت .. وكنت لأنه حياتي الأطفال..
الان صرت أخاف أبوس عيال أختي وأخوي..
أخاف أعديهم بالإيدز..
الان كل أحلامي راحت..
بس أسأل الله العوض في الجنه..
سألتك الله يا شيخ تقول لكل البنات قصتي والله ما أبغى أحد يدمر مستقبله..
أنا لما كنت أشوف برامج التوعيه أقول الله يهديهم الناس ليش يبالغون؟..
يا شيخ ترى هذا اللي كتبته ولا شي من اللي صار اللي صار أعظم وأعظم وأعظم..
بس اسأل الله التوبه أدعيلي يا شيخ .يا شيخ ترى أغلب البنات والاولاد يعتبرونك إنت القدوه..
يا رب ما تشوف هالمصيبة في أحد من حبايبك أسأل الله أن يبلغك في عبدالرحمن وأخوته اسأل الله أن يررقك برهم وأنا تر أبنائك أئمة للحرمين.وجزاك الله خير..
فأرجوك أن تنصح الناس في ضع بصمتك..

الله تقبّل توبتها وأصلح لها شأنها كله ...آميـــــــــــن


لاتفحم نفسكـ بإقناع الآخرين برأيكـ,فأمكـ يراهاالناس شخصاًعادياً, وأنت تراها الجنّـــــة!!
وفاء... غير متواجد حالياً إرسال الموضوع إلى الفيس بوك إرسال الموضوع إلى تويتر


قديم 29-06-1432 هـ, 05:28 مساءً   #2
22سماء
تاجرة موثوقة
 
تاريخ التسجيل: 18-02-1432 هـ
المشاركات: 5,056








لاحول ولاقوة الابالله
اهلهاهم السبب
ارسلو الناربالنار
مع اخيهافقط"الرسول صلى الله عليه وسلم سمى سفر الاثنين شيطانان وهم رجال والثلاثة ركب
فلنحذر


اعذروني لقلة دخولي
ظروف خاصه واعودلكم باذن الله

عرض خاااص
الشحن مجاااني لمشتريات فوق 200
نفاس بلامشاكل

http://forum.hawaaworld.com/showthread.php?t=3047754


اذاتبغين من ذاق اكلك سألك وش سر النكهه ...تفضلي

http://forum.hawaaworld.com/showthread.php?t=2907572






رب اجعلني مقيم الصلاة ومن ذريتي
رب اجعل لي من كل هم مخرجا ومن كل ضيق فرجا
آمين
22سماء غير متواجد حالياً

قديم 29-06-1432 هـ, 05:32 مساءً   #3
fdfd556

محررة ذهبية
 
الصورة الرمزية fdfd556
 
تاريخ التسجيل: 19-10-1429 هـ
المشاركات: 4,059


قريتها قبل كم يوم والله عيوني دمعت
ابوها ليش يرسلها مع واحد مراهق مثلها
لاحول ولاقوة الا بالله


fdfd556 غير متواجد حالياً

قديم 29-06-1432 هـ, 05:40 مساءً   #4
لمبه بلا نور

كبيرة محررات
 
تاريخ التسجيل: 01-05-1431 هـ
المشاركات: 6,410


يارب إحفظنا وأحفظ لنا ديننا ، وهذا الإبتعاث مايجي منه إلا الدمار والعار وحسبنا الله والنعم الوكيل على من فتح باب ألإبتعاث سيحمل وزر كل من ضيع دينه 0


اللهم لك الحمد إذهديتنا للإسلام
لمبه بلا نور غير متواجد حالياً

قديم 29-06-1432 هـ, 05:49 مساءً   #5
توي متزوجه

محررة برونزية
 
الصورة الرمزية توي متزوجه
 
تاريخ التسجيل: 04-04-1430 هـ
المشاركات: 2,340


الله يستر


اللهم اجعل رزقي صبا صبا
اللهم ارزقني الذريه الصالحه عاجلا غير اجل انا وكل محرومه يارب

توي متزوجه غير متواجد حالياً

 







أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
الانتقال السريع


الساعة الآن 03:23 .


شات عالم حواء
تابعونا على Google+
تابعونا على instagram
تابعونا على twitter
تابعونا على Facebook