السعودية - الرياض
مكتب استاج للخدمات
يــوجــــد عــامــــلات مـن (الفلبيين ـ سيرلانكا ـ كينيا ) لـلتـنـازل
السعودية - الرياض
مطلوب ايفون6
ابغى ايفون 6 للبيع باسقاط مريحة
           
           
إضافة رد
 
أدوات الموضوع انواع عرض الموضوع
قديم 25-06-1432 هـ, 03:51 صباحاً   #1
ام ولدي الغالي

عضوة جديدة
 
تاريخ التسجيل: 14-11-1431 هـ
المشاركات: 58


قصه ولادتي اللي غير شكل بالتفصيل الملل,,,حياكم ادخو واستفيدوو

بسم الله الرحمن الرحيم

السلام عليكم ورحمه الله وبركاته..

اولا شي راح ابداء موضوعي بدعوووه ياحي ياقيووم ارزق كل متأخره بطفل سليم معافي عاجل غير اجل
وسهل على كل حامل حملها وولادتها يااارب

حبيت اقولكم قصتي لأني حلفت بعد الولاده اني اكتب قصتي وافضح المستشفى باللي سووه لي لي
وراح انزلها على جزئين او3 علشان مااغفل عن التفاصيل وتستفيدوون

راح ابداء من حملي اول شي انا حملت وانا خلاااص بسنه رابعه وداخله ع الأمتحانات ..طبعا امتحنت ونجحت بكل المواد الا ماده وحده من تأثير الحمل شكله هههه..اول الأيام كان حملي خفيف وشوي شووي بس دخلت الخامس بدات التغيرات تطلع لي بشكلي بداءت انتفخ جاني زلال واسمر وبس وصلت للشهر السابع الا انا تعبااانه وحركتي ثقيله ويااادوب امشي طبعا كنت بكريه وفرحااانه بحملي وكل شهر ناطه اراجع عند الدكتوره طبعا كنت اراجع عند مستوصفين واحده بالدمام بحكم ان اهلي هناك ووحده بالأحساء بحكم انه مكان سكني ومن احس بشي خفت على البيبي وطرت اراجع بصراحه اللي بالاحساء مااحس انها نفعتني بشي بس تكتب لي ادويه ومراهم والترا ساوند علشان علشان هي تاخذ المقسووم هه اما اللي بالدمام فكانت كوويسه.. من اهم المحطات>> متعووب عليها ..اللي اتذكرها بحملي اني مره كنت تعبانه وكنت بالشهر الخامس في رمضان وماكان فيني بطن الاصغينوون ومن التعب انام على بطني من الليل لين اليوم الثاني وبعدها اجلس يووم كامل وماتحرك البيبيوانا خفت واروح للدكتوره اللي بمستوصف الملحم هي اللي اتابع عندها وادخل انا وزوجي عندها طبعا هي طلعت بااجازه مسافره لمصر هي مصريه وفي وحده بدالها برضو مصريه وتقول لي وش فيك واقولها اني نمت على بطني والبيي ماتحرك وتقوم تصرخ وتهاوش وتقول <<انتي عملتي كده ليه؟؟>> وانا وزوجي خفنا صارت وجهينا كذاقلت لها والله ماادري عن نفسي من التعب قطيت بروحي ونمت هههه حسيت انها ابلتي وانا ماحليت الواجب
..لكن الحمدالله سوت الألترا ساوند وطلع كوويس ومافيه شي..واذكر مره كنت رايحه للمستشفى الولاده اللي بالحسا بالطوارئ تعببانه جاني اسهال>> تكرموون الا وفجأه اسمع صراخ اللممرضات قامو يركضوون الا طلعت وحده ولدت في بيتها جايبينها الأسعاف الا والحريم يقولون احسن افتكت من االكشفيات والخربطه وانا اقول مسكينه عساني مااولد الا لين اوصل للمستشفى >>قمه البراءه..
المهم لما صرت بالشهر التاسع على طول نزلت عند اهلي علشان اولد عندهم وقتها بديت اراجع بالعسكري علشان اولد هناك المجمع الطبي اللي بالظهران لأن زوجي عسكري وماكنت ابغى اولد بالولاده متخووفه منه خواتي ولدو هناك لما يقولون لي قصصهم كنت اخاااف ماامداني اراجع الا مره دخلت عند الدكتوره ماقالت لي شي بس قالت اذا تأخرتي بالولاده نعطيك طلق صناعي وماراح نستعجل عليك لأنك بكريه نعطيك اسبوع بعد التاسع وانا كنت طفشانه ابي اووولد وبرضو قالت احسبي للبيبي 12 حركه باليوم لوصارت اقل تعالي
تذكرون ني قلت لكم اني كنت اراجع بالدمام ماخليت مكان مارحت له ههههه المهم واقول للدكتوره بمستوصف الصحه والحياه اني طفشت وابي اولد قالت جربي زيت الخروع شربيه كامل مع عصير لأن طعمه وووع قالت خوذي وحده واصبري يومين لو ماجاك طلق خذي الثانيه طبعا انا كنت ماخذه من التاسع نصه وقالت امشي وحذرتني اني مااخذه الا وانا في البيت لأنه يمشي البطن يعني يخليك رايحه جايه للحمام تكرموون ..
المهم على اليوم الثاني قلت لزوجي ياخذني للمشى وكانت ايام شتاء كنت متروشه وملابسي لبستها كنت غاسلتها والبسها بدوون لااجففها عدل ياشين العجله ..المشكله مو من قل الملابس التطنيش ومايسووي ..على فكره انا فيني ربووو..المهم واروح اشرب علبه الخروع كامله واروح امشي على الممشي لمده ساعه الاربع اكبر غلطه سويتها اني طول مامشيت من الشهر التاسع ولافكرت وفجأه قمت امشي لا وعندي امل اني بوولد المهم بعد ماركبت للسيااااره ومشينا شووي الا واحس ببطني مغص الم موطبيعي طبعا في قلبي اقول يارب طلق وبس وصلت لبيت اهلي ويرجع الألم مررره ثانيه وانا كنت ابي اعيش الموقف واسووي نفسي شجاعه ومااقول لزوجي الا لين اوصل حدي ونروح المستشفي ويطلع رحمي مفتوح 5 ويقولون ولاده هههههههه >> طبعا كله خيال والألم طلع مغص من الخرووع والله بس وضلت على البيت ومريت من عند اهلي وامي واخواتي يسولفون بالمطبخ ولا سلام ولاكلام طيراااان على دوره المياه حتى زوجي مسكين جالس بالحوش مستحي يدخل طبعا وانتم بالكرامه الخروع يجيب سهال موطبيعي وبعدها جلست مناوبه على دوره المياه وحتى بعد مادخل زوجي وانا يادووب اقول كلمه واروح الحماح والله احس اني انحرجت بس كنت خلاص مو قادره من الأ
لم ..ونام زوجي وانا على هالحال ..المهم الصباح راح زوجي للدوام وانا اول ماجلست الا فيني حراره وخشمي مسدوود وزكام والم في اذني انا كنت متعوده يجيني ككذا من الحساسيه والربو بس تخيلووو طول فتره حملي سبحان الله نسيت الربو وماجاني الا بذاك اليوم طبعا السبب مني انا لاني مشيت بالممشى وايام شتى وملابسي رطبه المهم واتحمل اتحمل اشرب ليموون ومشروبات دافيه ونفس الحاله لا طول اليوم احس التعب يزيد لين جا اخر الليل واقول لزوجي انا تعبانه ودني للمستشفى ويقوم يجيب لي دواء حراره من الصيدليه ويقول اشربيه قلت مااتوقع ينفع ويقول بلا دلع المهم واشررربه وانا حدي داايخه واخوي كان جالس مع زوجي بالغرفه والغرفه فيها دوره المياااه وكنت تو متعشيه والله بس شربت الدواء من هووون الا وارجع كل شي بمعدتي من هووون قدام اخوي وزوجي والله احس انهم خاااافو وانصدمو وان طيررران ارجع ونبطح من الدوخه وخوي يقول سلامات وش فيك وانا لا حياه لمن تنادي وانام والله وفجأه اصحى على الفجر وخلاص تعبااانه وفيني حراره وتخيلو زوجي ذاك اليوم ماادري وش فيه اقول له ودني يقول بلا دلع بلادلع والله جلست لاشعوريا اااصيح لأني تعباااانه حراره وكتمه ودووخ وتعب ماينوصف ولاني بقادره اقوله اني من جد تعبانه واجلس اعيط اعيط اعيط على قوله عادل امام الا وشوي انتبه لي وقام يلبس طبعا حنا في بيت اهلي الا وانا طالعه امي وابوي الله يحفظهم جالسين بالصالون وامي تقول وش فيك قلت لها تعبانه ومسكينه حسيت وجهها تغير وابوي يقول الله يسهل عليك يابنتي ههههه يفكرني بروح اولد ياجعلني فدى رجوله ..
والله من كثر انا مو تعبانه انا ساكته وزوجي يوم شاف اني جد تعبانه صدق تأثرر لأنه كان يفكرني اكذب او دلع ..المهم لما دخلنا على الطوارى دخلت لدكتور مصري وقلت له انا حامل وفيني حراره ومدري وشو تخيلو قام يتفلسف ويقول انتي حامل ومااقدر اخاطر واعطيك ادوويه وكتب لي بس دواء حرارهوكتب لي بخار وقال مع السلامه المهم انا تذكرت كلام الدكتوره قالت اذا ماتحرك البيبي12 حركه على طوول تعالي هنا واقووم اقوووول له البيبي ماتحرك الا 2 بس والدكتوره قالت كذا وكذا.. المهم قال خلاص بحولك على طبيبه النساء والولاده..

بنات والله تعبت شوويات واكمل لكم القصه..
راح انزلها على جزئين لاني حابه اكتبها لكم بالتفصيل الملل


ام ولدي الغالي غير متواجد حالياً رد مع اقتباس إرسال الموضوع إلى الفيس بوك إرسال الموضوع إلى تويتر




25-06-1432 هـ, 04:02 صباحاً
#2
جار الانتظااااااااااااااااار


توقيع

اللهم لك الحمد والشكر حتى ترضى
رد مع اقتباس
**ام دانه** غير متواجد حالياً  



25-06-1432 هـ, 04:19 صباحاً
#5
معليه ع المقاطعة بس حبيت اقلك انو الاهمال منك معليه اسفة ادري انك بكريه بس مهما كان ليش تاخذين خروع .الخ
كان خليتيها ع الله وكمان كثرت المراجعة تخوووووووف ومو حلووووووووة
يالله انتظر تكملة القصة وان شاء الله ربي يسرلك


توقيع





رد مع اقتباس
nice-shhoood غير متواجد حالياً  



25-06-1432 هـ, 04:20 صباحاً
#6
ننتظرررررررررررررررررررررررررر ررررك


توقيع


رد مع اقتباس
دلـــوعتـــهـ غير متواجد حالياً  



25-06-1432 هـ, 04:32 صباحاً
#7
أنتظر التكمله بفارغ الصبر ......... لا تتأخرين الله يسعدك


توقيع


رد مع اقتباس
مس لانكوم غير متواجد حالياً  



25-06-1432 هـ, 04:36 صباحاً
#8
كمللللي


توقيع

لا اله الا انت سبحانك اني كنت من الظالمين

رد مع اقتباس
a7lamoooo غير متواجد حالياً  



25-06-1432 هـ, 04:37 صباحاً
#9
حمستيني لا طولين


توقيع



كـــــن جميــــــلا ....... ترى الوجـــــود جميلا


رد مع اقتباس
ألجوري غير متواجد حالياً  



25-06-1432 هـ, 04:42 صباحاً
#10
احس مرره لااعبه بحاالك

الله يوفقك والبيبي كمان الله يحفظه لك

والخروع مايتاخذ الا اذا عوشرتي والبيبي بالحووض


توقيع

خدمة كفالة اليتيم برسالة جوال لجمعية إنسان عن طريق
رسالة فارغةإلى5055للتبرع مرة واحده ب10

رد مع اقتباس
فـوفـى غير متواجد حالياً  



إضافة رد

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
الانتقال السريع


الساعة الآن 06:09 .