كل وحده عندها شغاله والا زوجة اب وهي مسؤوله عن عيال زوجها تجي هون ابيها بسالفه

شخباركم ياحوائيات ان شاء الله انكم بخير



بغيتكم بسالفه مهمه مره لمصلحتكم والله لو مااخاف عليكم من انتقام الشغالات ومن عقاب ربي يوم القيامه للي تقسى ع الشغالات ولا لهم حيله عليكم وتكون تخاف الله ولا تنتقم منكم والا في عيالكم وتسوي لكم عمل وتتركم للي عينه ماتنام كتبت لكم هالموضوع



وكمان لكل زوجة اب ولاها ربي رعاية عيال زوجها تعالي اقري هالسطور لعل الله يفتح ع قلبك فتحا مبيا يشهد الله ماكتبت هالموضوع ابي منكم شي كل الي ارجيه تكون كلماتي رفعه لي يوم القيامه وتكفير لذنوبي وتزحزحني عن النار وتقربني للجنه يارب ارضى عني ورضني فاني راضيه مؤمنه محبه لك ...




اللهم افتح ع قلبي فتحا مبيا واحلل عقدة من لساني يفقههو قولي وانر ع قلبي فانت تعلم اني كتبت ماكتبت خالص لوجه الكريم فاعني بعون من عندك انك قادر ع كل شي
الموضوع طويل وفيه من كل بحر قطره والله ماكتبته الا للفائده وارجو الثواب من الله الي مو فاضيه لا تقرأ تحطه بالمفضله وكل ماحست انها فاضيه تقرأ شوي يمكن تلقى بموضوعي شي يعينها بحياتها ويساعدها

يابنات اي وحده منكم عندي شغاله تحتسب الاجر فيها وتحسن لها لا تتكلمو عليهم كلام يجرح مو معنى كلامي ابيكم تخلون لهم الحبل ع الغارب لا والف لا خليك حازمه معها من غير قسوه اكرميها من غير غباء فكري فيها متغربه ماتركت بيتها وعيالها بطره لا والله ولا عشان تتمشى جت وتركت كل ذولاء وراها عشان توفر لقمة العيش وحياة كريمه لعيااااااااااالها احمدو الله انتو مرتاحات ومبسوطات بين زوج وعيال وبيت وسعاده وتمشيات وهي مسكينه سنتين تشوفك كيف مرتاحه وماعليك من الله قاصر صدقوني هالشي يحز بخاطرها لكن الشاطره منكم والي تحط ربي قدام عيونها بتقدر تعوض هالشغاله وماتتحسسها بالغربه بس تحتسب الاجر عند الله وثقو ان الي عند الله مايضيع ابد وربي عالم بالنيه وبيعطيك ع قد نيتك

والله اتذكر شغالة عمتي اول ماجت مسكينه يوم جت اخت زوجي لامها ودخلت بعيالها وشافت الشغاله بنت حماتي الصغيره دخلت المطبخ تبكي لدرجة تشهق ياقلبي عليها طلعت بنتها بعمر بنت حماتي ومابينهم الا اسبوع بس ومن شافت الصغيره تذكرت بنتها الي تركتها مالها شهور ترضع من صدرها عشان لقمة العيش الله لايحدنا لما حدهم عليه ولا يغربنا ولا يشتتنا من عزيز وغالي
فراحت اخت زوجي رمت بنتها بحضن الشغاله وقالت اعتبري ذي بنتك هنا بالسعوديه والله لو تشوفونها ياقلبي عليها من تشوف الشغاله تطير لها والشغاله بعد شايله البنت شايل كانها بنتها
لو وحده غيرها من هالموسوسات كان ماخلت الشغاله تلمس بنتها وحالتها حاله وتسوي سالفه تخاف الشغاله تسوي لها بلى
انا ماقولكم لاتخافو خافو بس استودعي الله عيالك وزوجك وحصنيهم والي عند الله مايضيع ابد


والله اني ارحم الشغاله لا طاحت بيد وحده ماتخاف الله ياناس بفهم الي تضرب الشغاله وتشوهها وش تستفيد؟؟؟
يااختي غلطت سوت اقلعيها الشغاله مو ملاك تراها بشر مثلا يجيها مثل مايجينا من النفسيه والضيقه وعزة النفس والكآبه انتي مايجيك يوم تقومي تقولي والله مالي نفس شي ولا حتى ارفع عود من البيت ترى الشغاله مثلا تحس وتتعب

ماادري ليش عندنا ايمان وتفكير انها ماجت الا عشان تشتغل ولازم تحلل هالراتب ويويلها وياسواد ويلها لو قامت ومالقيت البيت نظيف وتسبها وتضرب وتسود عيشتها

وينا ووين الرسول اللهم صلي وسلم عليه وشوفو تعامله
هذا الخادم المسكين الضعيف أنزله الرسول صلى الله عليه وسلم منزلة تليق به، قياسًا على دينه وتقواه لا على عمله وضعفه قال عليه السلام والصلاة عن الخدم والأجراء: «هم إخوانكم، جعلهم الله تحت أيديكم، فأطعموهم مما تأكلون، وألبسوهم مما تلبسون، ولا تكلفوهم ما يغلبهم فإن كلفتموهم فأعينوهم».ثم تأمل في خادم يروي عن سيده كلامًا عجيبًا وشهادة مقبولة وثناء عطرًا وهل رأيت خادمًا يثني على سيده مثل ما قال خادم رسول الله صلى الله عليه وسلم.
عن أنس بن مالك رضي الله عنه قال: «خدمت رسول الله صلى الله عليه وسلم عشر سنين فما قال لي أف قط، وما قال لي لشيء صنعته ولا لشيء تركته لم تركته؟».
عشر سنوات كاملة ليست أيامًا أو شهورًا إنه عمر طويل فيه الفرح والترح، والحزن والغضب وتقلبات النفس واضطرابها وفقرها وغناها، ومع هذا فلم ينهره ولم يأمره -بأبي هو وأمي عليه الصلاة والسلام- بل ويكافئه ويطيب خاطر خادمه ويلبي حاجته وحاجة أهله ويدعو لهم.
قال أنس رضي الله عنه: قالت أمي: يا رسول الله خادمك ادع الله له، قال: «اللهم أكثر ماله وولده، وبارك له فيما أعطيته».




والله والله والله وربي شاهد علي بيوم اوقف بين يد ربي اني

وقفت ع حوادث مأسويه لشغالات بعضها مبكيه وبعضها محزنه وبعض مفجعه الله لايفجعنا



من المواقف الي اثرت فيني

ناس نعرفهم عندهم شغاله فكنت انا وزوجي بنسافر لمكان وطلبو منا نوصله لناس من اقاربهم اخذنا الشغاله معنا

لاحظت ع الشغاله شكل مو طبيعي الشغاله شكلها صغيره وضعيفه ولاجت تتكلم صوتها باين فيه عبره


حزنت عليها بشكل ماتتخيلون والله والله اني غمضت عيوني بالسياره وبكيت منظرها يقطع القلب لابسه عبايه مقطعه وحالتها حاله لابسه زنوبه حمام الله يكرمكم واكبر منها ورجلها تروح وتجي فيها والشال الي لابسته راح لونه من كثر ماتغسل

وقفنا بالطريق نفطر وفرشنا فرشتنا واعطيتها تفطر وقلت تجلس معنا ع طرف الفرشه ورفضت وخافت ماادري اشبها والله والله انها تاكل ولا كانها قد شافت عيشه

المهم وانا اعطيها شفت يدها كل جروح ومخوش والله القيح والصديد باين بيدها ليه طيب ماقدرت اسالها

بس لحظتها بكيت من قلبي

شكلها يحزن الي قلبه حجر

كنت اسولف معها خليتها اخت لي بحدود ويشهد الله انها محترمه ماتغلط

ومالها بالرجال عمرها 19 سنه جايه متغربه تشتغل عشان اخوها يقدر يكمل طب شوفو الحاجه الي خلتها تتغرب وتتحمل الاهانات والضرب من الحرمه عشان تساعد اهلها يصرفون ع اخوها
الخلاصه بيوم كنت اطبخ وهي تغسل رفعت كمها اناظر وش ذا يدها كلها مخوش تقولو بسه تمخشها

قلت فلانه ايش ذا ولانها ارتحت معي وحست بالامان قامت تبكي بكى طفل فقد امه اقسم بالله تركت الي بيدي وضميتها وبكيت معها بكى واحد مقهور مغبون ضامته الحياه
بنات ماتتخيلون ورتني يدي جسمها ظهرها رقبتها كل كدمات مخوش وضرب وحرق لدرجه شعرها وهو شعرها تقطع لها بالسكين تضرب بلي والله والله ماابالغ والله ربي يحاسبني ولاتقولو مافيه احد يسوي كذا فيه ويمكن بعضهم معنا بالمنتدى

اه لحظتها يوم شفت الي شفت بكيت بكى ماعاد قدرت اتحمل واعلم زوجي وبكى من رحمته والحمدلله قبل تشكي نزلتها السوق وخليتها تختار لها كل الي نفسها فيه عبايه وقمصان وبنطلون تحت القميص عشان عمتها ماترضى الا تبلس وهالشي انا مع كل مكفوله تجبر خدامتها فيه لو مو الخوف من الشغاله الخوف من الرجال وشرت جزمه الله يكرمكم وكل الي خاطرها فيه مسكينه والله لو تشوفو فرحتها وهي تختار وتشتري وتسالني مدام عادي اخذ ذا ان تبكون رحمه لها اقسم بالله ذاك اليوم احس اني ملكت الدنيا وماعليها فرحه والله كان احد جاء بشرني وقالي تراك حامل يوم اشوف ضحكتها وكيف فرحانه وهي تشتري

جربيها يلي عندها خدامه اليوم نزليها السوق وقولي كل الي نفسك فيه ع حسابي وخلوها تشتري والله ان احسنتي النيه لله ان تشوفي سعاده وراحه بال مو طبيعه وسعه برزقك وكفايه تدخلي سرور لقلب هالضعيفه المتغربه

وتذكري اجر ادخال السرور على المسلمين ولقد مدح النبي صلى الله عليه وآله وسلم فاعله
فقال عليه الصلاة والسلام:


هل جربت يوما أن تمد يد العون لأخيك المسلم
أو تغيث ملهوفا أو تخفف عنه وتدخل السرور إلى قلبه ؟!
ما أمتعها وما ألذ سعادتها ..
تلك الأعمال ...
وما أعظم أجرها يوم القيامة ..
سعادة تمنح لك من الرحمن لأنها تفرح الرحمن


عن أبي موسى رضي الله عنه عن النبي قال :
(( على كل مسلم صدقة )) قال : أرأيت إن لم يجد ؟
قال : (( يعمل بيده فينفع نفسه ويتصدق ))
قال : أرأيت إن لم يستطع ؟
قال : (( يعين ذا الحاجة الملهوف ))




وعن ابن عمر رضي الله عنهما أن رسول الله قال :


http://al-qaseem.net/forums/((

المسلم أخو المسلم لا يظلمه ولا يسلمه ، من كان في حاجة أخيه كان الله في حاجته ،



ومن فرج عن مسلم كربة فرج الله عنه بها كربة من كرب يوم القيامة ،



ومن ستر مسلما ستره يوم القيامة


ما أروع هذا الدين وما أرقاه حينما يلفت الانسان إلى إنسان آخر يصعد بمعونته أرقى الدرجات
وما أجمل تلك اللحظات التي يستشعرها المسلم حينما يقدم المعونة لأخيه ويقف بجانب الضعيف
وما أعذب ذلك الاحساس الذي يتساقط بروعة الدفء عندما يرسم ابتسامة على طفل يتيم أو أم جائعة


أو رجل مسن تدمع عيناه فرحا بمعونتك له أو لعجزه عن شكرك أو مجازاتك ..





إحساس مفعم بالسعادة التي مُنحت لموقف جبار لا يستطيع أي مؤلف أن ينثر إبداعه في سطور الكلام
ويعجز النقاد والشعراء والكتاب أن يصفوه وصفا يليق بمحتواه ويُجمل تفاصيله ويُفسر بواعثه .
أيُّ عاطفة نتوقعها بهذا الجمال وأي شعور ننتظره في لحظات تستثير مشاعر وأحاسيس صادقة
وأيُّ سعادة كهذه تعبر عنها أقلام


وأي مبدع يخلق في خلقه روعة الشعور بهذا الاحساس غير الله


سبحانه وجل شأنه






عن عبدالله بن عمر رضي الله عنهما قال : جاء رجل إلى رسول الله
فقال : يا رسول الله أيُّ الناس أحب إلى الله تعالى ؟ وأيُّ الأعمال أحبُّ إلى الله تعالى ؟
فقال :


((




أحبُّ الناس إلى الله تعالى أنفعهم للناس ، وأحبُّ



الأعمال إلى الله تعالى سرورٌ تُدخله على مسلم ، تكشف عنه كربة ، أو تقضي عنه ديناً ،



أو تطرد عنه جوعاً ، أو ولأن أمشي في حاجة أخٍ لي أحبُّ إليَّ من أن أعتكف في هذا المسجد شهراً..
ومن مشى في حاجة أخيه حتى يثبِّتها له ثبَّت الله قدميه يوم تزلَّ الأقدام



))

قال حكيم بن حزام :
( ما أصبحت يوما وببابي طالب حاجة إلا علمت أنها من منن الله عز وجل عليَّ ،


ولا أصبحت وليس ببابي طالب حاجةٍ إلا علمت أنها من المصائب )





سبحانك يا الله أوجدت شعورا في الانسان


يسعد به تقربًا بك وروعةً منك
يستجدي عفوك ورضاك ولهفة لقاك
ويستنجد بأحب الأعمال إليك
لترضى عنه وتعفو عنه وتغفر له
يا حنان ويا منان يا أكرم الأكرمين





قال الفضيل بن عياض :
إن حوائج الناس إليكم نعمةٌ من الله عليكم ،


فاحذروا أن تملُّوا النعم فتتحول .





ألا تحمدُ ربك أن جعلك موضعًا تُسأل ، ولم يجعلك موضعًا تَسأل ؟



طبعا الشغاله بعد ماقالت لي علمت كبار العائله بسالفتها وهددو الي تشتغل عندهم لو ماتعدلت الحرمه من تصرفتها والا يسفرونها ولما رجعناها لهم عطيتها رقمنا لو ضروبها نسفرها وفعلا رجعت ورجعت تضربها والله ياناس انها طول فتره شغالها عندهم الى اللقمه تتحاسب عليها حتى التمر تشتهيها ولا تقدر تاكلها خوف من الي بيجيها
المهم فعلا رجعت ضربتها وهربت ودق علينا وسوا زوجي مشكله وتدخلو الكبار وسفرو الشغاله والحمدلله ربي رحمها من شر الي كانت تشتغل عندها والحمدلله انها تخاف الله ماسوت لها بلى وسحرتها
ولاتدعون يابنت ع الحرمه قولو اللهم عافنا ولا تبلانا ادعو لها بالهدايه وصلاح امرها والله يشفيها من الابتلاء الي هي فيه




القصه الثانيه

لوحده بعد اعرفها شخصيا ومااحد قالي عنها وانا وقفت ع احداثها بعد

جارة لاهلي الله يغفر لها ويرحمه ويوسع قبرها

كان عندهم شغالة


والشغاله كانت تكب الزباله الله يكرمكم وبيوم كانو الجيران مسيرين ببيت وحده من الجارات ووحده تاخرت ماجت بدري وهي ماره من بيت جاتنا لقت باب بيتها مفتوح استغربت ويوم وصلت للحريم قالت فلانه غريبه مريت توني ع بيتك وباب الشارع مفتوح كله جارتنا انهبلت كيف ومين فتحه:eek:

قالت قومي نروح بيتك نشوف وفعلا راحت راعيه البيت مع وحده من الجيران فتشو البيت دورو منا مناك ينادون الشغاله لا حس ولا خبر دقت ع زوجها وعلمته واتصل ع الشرطه بلغ المهم بعد ربع ساعه جت المليحه

وين يافلانه قالت كنت بغرفة الغسيل اغسل قالت كنت اناديك من اول قامت تصرف انه من سمعت من صوت الغساله طبعا ماقصرت فيها راعية البيت وجت الشرطه وتحقيق وطلعت تروح لسواق الجيران لكبت الزباله وانتو بكرامه

المهم وع طول سفروها

تخيلو سافرت من هنا والحرمه طاحت من هنا وطلع عندها سرطان منتشر بالارحام وماخلو شي الا سوته بكل سنتشر بشكل مو طبيعي ولا طولت اقل من 3 شهور او 4 وتوفت الله يرحمها ويغفر لها ويوسع مدخلها ويجعل قبرها روضه من رياض الجنه


شوفو انتقام الشغالات كيف بالذات الي ماتخاف الله


لاحد يرد ماخلصت كلامي يابنات بعدها براحتكم لكم المايك ردو ع راحتكم:09: