قروب دايت عذاري ..نزول في الوزن وعدم رجوعه <<رشاقه وعباده

[عبير اللافندر]

السلام عليكم ورحمه الله وبركاته

بنوتات انا بعد ماسويت لرجيم عذاري سيرش واعجبني حيل خاصه تجارب البنات وهذا رابط بعض التجارب

http://forums.hawaaworld.com/showthread.php?t=1200165

وعقبه فتحت تجمع وجربته ونزلني 4 كيلو في اسبوعين وبنات كثير نزلو عليه اكثر مثل مس شوشو نزلت 5 في اسبوع
والاغلب ينزل من كيلو الى 3 كيلو على حسب التزام الوحده وقابليه جسمها

هذا رابط تجمعنا الاول فيه كل تنقلاتنا وصداقتنا وتعاون البنات مع بعض ويشمل طبعا النتائج مع الرجيم كل اسبوع ننزلها http://forums.hawaaworld.com/showthread.php?t=2999550

وماانسى صديقتي وحبيبتي جوجو ام جوجوو كانت ساعدي الايمن في ضبط البنات من ناحيه الرياضه ومن ناحيه الترويح عن البنات ومن كل ناحيه فديتها الله لايحرمنا منها


ووقررت افتح تجمع ثاني له بعد ماتقفل لان التجمع الاول تجاوز 2000 رد وكالعاده غيداء فديتها ماراح تقصر وان شاء الله بتنقله لقسم الرشاقه واللياقه

الرجيم بقتبسه من عذاري نفسها عشان اللي مااطلع عليه يشوفه

وان شاء الله الكل ينزل الوزن اللي مايبغاه ومن غير رجعه

يالله حبايبي هذا الدايت

المشاركة الأصلية كتبت بواسطة ***عذاري***

أخيراً يابنات نزل وزني في 20 يوم 15 كيلو .......


اقول لكم قصتي أنا ما خليت ريجيم ماجربته جربت غصن بان الكويت وما نفع وصار لي مضاعفات بعدة لا وطعمة يلوع الكبد ونصحوني كثير بالحبوب اللي تسد الشهية والله وانا اختكم رحت وشريتها العلبة بـ 200 ونفس الشئ مانفع وجربت ريجيم الشوربة هم مانفع وجربت الريجيم الكيميائي ورجعت دبل بعد ماتركته اهئ اهئ
الين ماحصلت هالريجيم من وحدة تقرب لي من زمان ما شفتها وقالوا لي انها تغيرت صارت رشيقة وانا اعرفها منفوخـــــة عالعموم ماصدقت لين شفتها ضعيييييفة ماتصدقون وعزمت اسوي ريجيمها اللي جابتها من وحدة كانت منفوخة وضعفت عالعموم هالريجيم صار كأنة وصية كل وحدة تعطية الثانية وراحت قريبتي وسئلت دكتورة معروفة في منطقتنا وقالت لها هالريجيم زين أنصحك فيه مع الرياضة طبعاً .... عالعموم أنا سويته 20 يوم طبعاً أول أسبوع تحسين أنج خفيتي بس أنصحك إذا جعتي كلي علك خالي من السكر وفي منه أنواع أنا عني أستخدم علكة نوفا بالنعناع عالعموم نزلت عليه كلن أستغرب ويقولون سبحان مغير الأحوال هالمنفوخة صارت كذا أنا كان وزني 80 صار 65 وكله أشياء موجودة بالبيت وأعذروني طولت عليكم وكاهو الريجيم



السبت . الافطار . جبنة قليلة الدسم 100 جم + توست + شاي أقهوة ( أنا أحط شريحة جبنة قليلة الدسم وهي متوفرة فوق 1 شريحة بريد بر مع شاهي طبعاً أحط السكر الخاص بالريجيم فقط لا تفركرين تحطين سكر مع الشاهي ولا نقطة هههههه تعذيب صح ) عالعموم اللي يبي الدح مايقول أح ...
الغدا . 2/1 دجاجة مشوية + سلطة خضراء + خضار مسلوقة .. ( الخضار تجي مجمدة في أكياس بس أسلقيها )
العشا . كوب كبير عصير برتقال ( طازج طبعاً أنتي تعصرينة وأنتي ماتشوفين الدرب ) + علبة زبادي قليل الدسم كليها طبعاً آخر الليل مو مع البرتقال ( يازينك وأنتي تاكلين عصير وتشربين برتقال )

الأحد . الأفطار . 2 بيضة مسلوقة مع شاي ( بدون سكر الا من سكر الريجيم )
الغدا . سمكة مشوية كبيرة + صحن سلطة خضراء ..
العشا . شابورة ( طبعاً بر ) مع قطعة جبنة ( اللي ذكرتها فوق """) مع شاي أو قهوة ( شاي اكيد )

الاثنين . الافطار . بيضة مسلوقة + برتقاله + شاي أو قهوة
الغدا . لحم مشوي غير محدود الكمية مع حبة طماطم أو خيار ( أنا أستبدلته بدجاج ) ...
العشا . كوب حليب قليل الدسم ويفضل منزوع + شابورة ( بر ) ...

الثلاثاء . الافطار . شريحة جبنة قليله الدسم + توست ( بريد بر ) + شاي أقهوة .
الغدا . نوع واح من الفاكهة ... ( أنا كنت آكل التفاح ) ......
العشا . لبن قليل الدسم مع توست ( بريد بر )

الاربعاء . الافطار . 7 حبات تمر مع قهوة طبعاً مو شاي
الغدا . دجاج مشوي بدون جلد غير محدود الكمية .
العشا . 3 بيضات مسلوقات مع توست .... ( أنا كنت أحط البيض في المقلى من دون زيت وأقلقلة .. وأحط شوية جبنة فيتا قليلة الدسم علشان يلينة ) ...

الخميس . الافطار . مفتوح الغدا . مفتوح
العشا . مفتوح
الجمعة . الافطار . جبن قليل الدسم + 2/1 خبزة + عصير برتقال ...
الغدا . لحم مشوي غير محدود الكمية ( أستبدلية بدجاج اذا تبين ) + لبن قليل الدسم ويفضل منزوع ....
العشا . مفتوح
ملاحظة : مفتوح تعني اختيار أي وجبة مما سبق في الريجيم ( لا تستانسين واجد ) ..

عالعموم أنتي بس سوية عشرين يوم يعني أسبوعي و6 أيام = 3 أسابيع وروحي الدوااام وأنتي مستانسة وقولي عذاري ماقالت .. رهيييب واذا حسيتي بالجوع مررة بين الوجبات كلي هوى أقصد كلي تفاحة

وعالعموم أتمنى للجميع الرشاقة وأي استفسار أنا حاضرة بس أهم شي الرياضة أعرف وحدة سوت الريجيم هذا وضعفت بس يبي لها شوية رياضة ........ عالعموم أنا بادية الريجيم اليوم 25 / 6 السبت وهذاني أكل زبادي وبالتوفيق ....................

طبعا انا مشتاااقه كثيييييير لبنات قروبي وان شاء الله كلكم بتلقون القروب الجديد <<فديتكم

طبعا بعض منا قرر انه يقرا سوره البقره يوميا عشان الروح تحتاج اللي يريحها خاصه وقت الدايت وعشان بركه سوره البقره في تحقيق الامنيات اللي ماتخفى على احد منكم

انطلقوووووو حبايبي

[عبير اللافندر]

ربي

لآ اعلم ماتحمله الايام لي »
لگن ( ثقـتي) بأنـك معي تگفيني ..
ربي : اني بعز عظمتگ وجلآلگ ،،
...احـــتآج ..
رحمتگ وفــرحة تريـــح
[ قلبــي ]

.............................. ...

يارب تتحقق امانينا مع قروبنا الجديد

[نور القمرررر]

يالله انا ببدى معاكم من الجمعه بأذن الله ....

[مرووج]

في مجال ادخل معاكم

[منى العرجاني]

انا معاكم من السبت ان شاء****

[نور عيونيB]

الله يعيننا على هالرجيمات
بس صراحه مره حلو الدايت

[جوجو*ام*جوجو]

واااااااااااااو عبوره فديتك احس اني ببكي اخيرا الله لا يحرمنا منك ياااااارب بنات وينكم

[عبير اللافندر]

بنات اللي بتبتدي معانا حياها من السبت

بس تكتب وزنها وطولها والهدف اللي تتمنى توصل له

وبنات قروبي هالاسبوع مافيه ميزان بسبب التشتت اللي حنا فيه الحين

[جوجو*ام*جوجو]

المشاركة الأصلية كتبت بواسطة عبير اللافندر

بنات اللي بتبتدي معانا حياها من السبت

بس تكتب وزنها وطولها والهدف اللي تتمنى توصل له

وبنات قروبي هالاسبوع مافيه ميزان بسبب التشتت اللي حنا فيه الحين

الله يعين
عبوره ارسلت الرابط لغيداء عشان تنقله مكانه
الله لايحرمنا منك
وياليت البنات يدرون ارسلت لهم رسايل بس ام نوف اللي تاكدت انو وصلها اما الباقي نو
كثرث هذره بروووح انام تصبحون وانتوا بقسم رشاقه

[عبير اللافندر]

المشاركة الأصلية كتبت بواسطة جوجو*ام*جوجو

واااااااااااااو عبوره فديتك احس اني ببكي اخيرا الله لا يحرمنا منك ياااااارب بنات وينكم

يااااحبيلك جوجو انا كمان بحاول ارسله للبنات عشان يلتم الشمل

وتصبحين على الف خير