السعودية - الرياض
خادمه كينية للتنازل
ب20الف للتنازل عندي من 5شهور نظيفه جداا للجادين فقط
              

السعودية - الرياض
خادمه كينية للتنازل
ب20الف للتنازل عندي من 5شهور نظيفه جداا للجادين فقط
إضافة رد
 
أدوات الموضوع انواع عرض الموضوع
قديم 02-06-1432 هـ, 12:56 صباحاً   #1
سمراءOK

محررة
 
الصورة الرمزية سمراءOK
 
تاريخ التسجيل: 20-12-1431 هـ
المشاركات: 1,059


خلطة سمراءokاستخدميها لكن لاتصيرين نحيسه وتقولين لوني فتح من الليمون والجليسلويد هههه

في البدايه اعتذر عن التأخير لاني كنت ابي انزل الكريمات بالصور وفيه كريمات ماحصلت صورها وكنت ناويه اروح اوح لصيدليه بس عشان اصورها لكن ههههههه لكن ما الله كتب ....
والبياض اللي تبينه يتحدد على مدة استخدامك لكن يابنات ماانصح تطولون حيل


نتائجها الحمد لله جدا مرضيه طبعا استخدمها من زمان مع بعض التغيرات بالكريمات ولاشفت ضرر علي او على اللي استخدموها


وطبعا انا عجبتني لانها تغير لكن انا مشكلتي مااحب التفتيح اللي على بياض يمكن هو يعجب الاغلبيه بس انا اموت بدرجات السمار البرونزاج مودري شلون اشرحلكم اللي في بالي *_*
لجذي المره الاولى انا قطعتها مره وحده عشان ارد لوني الاول ولما استخدمتها ثا نيمره وجهي استخدمت له بس دريموفيت الاخضر وفيراندلفي لاني شفت هالكريمين يوصلوني لدرجه اللي ابيها
بعكس اختي كريمات التفتيح ماشاء الله تعطيها ا اللون الخمري الحلو هذا دليل ان البشرات تختلف


وطبعا هالخلطه اول ماحطيتها بداء يتكلمون شنو حاطه وبدت الاشاعات اللي قال مسويه تقشير واللي ليزر واللي مودري شنو حتى ابر التبييض قالوا مستخدمتها خصوصا اني حطيتها عقب ماعالجت حبوب كانت في بشرتي وسببت لي حاله نفسيه وان شاء الله بنزل طريقة علاجها بموضوع مستقل عشان ماتلخبطون
المهم تخيلوا واللي قاهرني بالموضوع وحده من زميلاتي كنا بالجامعه مع بعض شله وحده المهم عقب ماتفرقنا البنت سحبت سحبه اليمه اتصل ماترد امسج واسئلها عن حالها طناش وماقاهرني الا انها ساحبه على اغلب الشله وتتواصل مع بنات ثانيات انزين يبه شنو جاك منا وخبرتنا صديقتها اللي الروح بالروح ان هذا طبعها وهي مزاجيه بعلاقاتها تخيلوا خالتها شافتني بزواج عندنا وخبرتها قالت والله صديقتك قلبت قلبه على قولها لبنانيه حريمنا مايعرفون يبالغون وخبركم مع الاضاءه وكريم الاساس والخلطه اللي الله يخليها وكنت ماشيه على كورس علاجي من.....الى......
حتى الارادف ماخليتها بحالها
المهم بالزواج كنت حاطه صبغه مؤقته لونها فاتح اول مره احط هالدرجه ومفتحتني بزياده وعاد هي نقلت لبنت اختها والله ماقهرني الا اليوم الثاني تخيلوا متصله عقب هالقطاعه بدون لا كيف حالك ولا مقدمات اول مارديت قالت هلا والله وجلست تضحك هلا باللي يقلون صارت لبنانيه وقلبت بالبياض انا والله ماجاء في بالي شي جلست اضحك واسئلها عن اخبارها قالت انتي شنو شمسويه وربي قهرتني قلت لها ابد جلسليويد وليمون حركات البنات ههههههههههههههه وبعدين انتي ماشاء الله بيضاء شتبين بالبياض ودك تنافسين الفلبينيات تجيني منيه واجيها مناك قلت تعرفين الراحه وكنت مستمره على الجليسلويد والليمون والملح والله مب من عادتي مااخبر بس قهرتني الناس يجون بااسلوب مب اشكره مصلحجيه عيني عينك
قامت وراحت تتصل على صديقتي وصديقتي تدري اني احب ادعبر بعمري واحوفر لكن لاني مااستقر على شي معين ماتدري هالمره شنو حطيت وهي ماسئلتني وانا عرفت انها مكلمتها علمتها لكن حلفتها ماتقولها مثل ماهي مزاجيه بعلاقاتها ومصلحجيه انا بعداعرف اكون مزاجيه وشريره




نوع البشره: حساسه
نوع الخلطه: فيه كريمات فيها كرتيزون وبعضها لا
مدة الاستخدام:لحد مااخلص العلبه
متى تبان النتيجه:من الاسبوع الاول
نسبة فائدتها:100% الحمد لله وماشاء الله تبارك الله
وقت استخدام الخلطه:بوقت الزنقه زنقه
اللون قبل الاستخدام :لوني الاصلي تقريبا مثل لون هند البلوشي
اللون بعد الانتهاء من الاستخدام باريس هيلتون هههههههههههههههه لا لا قويه صح اممم تقريبا اروى اليمنيه
الصابونه المستخدمه:البابايا




المهم يابنات هذي الخلطه..........
علبة ماجيكلير((عيبه ان سعره مب موحد انا اخذه بستين او سبعين وحصلته بمحلات بميه وحصلته 130 وحصلته 175لانهم على قولهم شركه سويسريه وطبعا مب مكتوب عليه السعر لجذي يتلاعبون بالاسعار))



علبتين دريموفيت الاخضر



علبتين دريموفيت البني
>
علبه بنتوفيت





علبه دريموفيت الاصفر((هذا ماحصلت له صوره وتراني اخذه من الصيدليه هو من قبيلةالشيخ دريموفيت لكن لونه اصفر))

هم هذا ماحصلت صورته اذا رحت لصيدلينه تحصلينه صوب دريموفيت الاخضر لانهم يحطون الاخضر والبني والاصفر والوردي صوب بعض



اعذروني بنات تراني نادرا ارجع لردودي اللي اكتبها بمواضيع البنات.....كذالك اعتذر لقلة تواجدي ومشاركتي بالمنتدى...سبحان الله والحمد لله والله اكبر ..ربي اشرح لي صدري ويسرلي امري
سمراءOK غير متواجد حالياً رد مع اقتباس إرسال الموضوع إلى الفيس بوك إرسال الموضوع إلى تويتر




02-06-1432 هـ, 12:56 صباحاً
#2
علبتين لوكسيد((هذا مقشر))


نص العلبه سويت هونيستي((هذا يشيل السواد والبقع ))فتحت العلبه عشان تشوفون قوامه
هالكريم صورته لكم وحملته ومثل باقي الصور ولاطلعت صورته ===>>فيس يصيح
وجيت احمله من مواقع ثانيه ولاحصلته هو لون علبته بيج على لحمي وعلى الغطاء مكتوب اسم الكريم بالانجليزي والغطاء عليه استيكر ثلاث الوان موف وتركواز وبينك وورده صفراء===>>تناظر بالعلبه وتوصف لبى قليبها





فيراندلفي بالاعشاب(( لانه اسرع بالتفتيح من الثاني))واشتري النوع الجديد لان ريحته احلى الاول مب حلوه ريحته مثل ريحة حوش الغنم
هذا اللي ماعجبني الجديد ماحصلت صروته



علبه كريم ريو(( لاتلخبطون بينه وبين ريكو ... ريو ابو بنت بيضاء ريكو ابو بنت سمراء))
انا استخد ريو اللي عليه بنت بيضاء ولاحصلت صورته اكيد اغلبكم عارفينه
نص العلبه الصغيره كريم سودو


علبه صغيره جلسليويد الاحمر




نص علبه كريم21 مال البشره شديدة الجفاف عشان يرطب بشرتك لانك تستخدمين مقشر


طبعا خلطتهم كلهم مع بعض عدا البني لاني مااحب استخدمه على وجهي نهائي يطلع بقع لجذي للامانه انا مااحطه ودايم اللي اعرفهم اقول لاتحطونه صحيح يفتح لكن يخلي علامة بنيه على الوجه وهالشي لاحظته على البنات اللي يحطونه بعد
لكن على باقي الجسم لا كذالك لوكسيد لانه مقشر قوي مااحب احطه على خشتي لكن اللي لونها حيل غامق عادي تحطه لكن تراه يبين التقشير يعني اللي عندها جامعه والا موظفه ترااااه يبين لازم تكثف الترطيب وللامانه تراني سبق وحطيته بس شفت ان بشرتي تقدر توصل للون بدونه
انزين عقب مانخلط كل الكريمات مع بعض عدا لوكسيد والبني نطلع بعلبه صغيره للوجه فقط بالمقدار اللي تشوفين انه يناسبك وخلي العلبه على جنب
روحي لباقي الخلطه اللي بالعلبه الكبيره واعصري عليها الكريم البني ولوكسيد
وتمرخي كل ليله وترى عادي تقدرين تحطينها على جسمك وتطلعين لدوام لان الكريمات مافيها ريحه يعني ريحة كريم عادي واصلا البشره تمتصها


واستخدم وياها صابونة البابايا اللي فيها مكعبات عادي اخذي أي نوع انا جربت الانواع كلها وجربت العاديه اللي مافيها مكعبات احس هذي افضل
وبالنسبه لكريم سويت هانيستي بصراحه ماخذيته من السعوديه للامانه بس يمكن تحصلونه بالبقالات الفلبينيه او العطاريين اللي يجيبون حاجات من برى على اساس اختي قالت بتدور هني لكن للحين مابعد بدت رحلة البحث واحنا باقي عندنا ماانتهى لان جبنا عدة علب وسعره والله مودري بالضبط ناسيه انا لان له فتره عندنا
انا استخدمته على مدح ممرضه فلبينيه واذكر اول ماجربته اختي كان علي يدها سواد زي الحراق حساسيه مودري تصبغات المهم حطته عليه وماشاء الله خلال خمس ايام راح هم حلو لسواد المفاصل هو الكريم سائل نفس قوام كريم 21 يعني تقدرين حتى ماتحطين العلبه كامله وتخلين منها على جنب عشان تخلينها يمكن تحتاجينها
وسويت بحث عن هالكريم لكن كل اللي حصلته مواقع اجنبيه بس اللي فهمته انها شركه عريقه ههههههه ومنتجاتهم كثيراهم شي اني عرفتي انهاعريقه


طبعا الخلطه كنت اخليها بكمية اكثر لان عندي اخت نشبه لاسويت شي استخدمته وصرت الحين دايركت أي خلطه اسويها ازود الكميه وغير هذا استخدمها للجسم كله اخر مره استخدمتها تقريبا قبل 5 او 6 شهور لان كان عندي مناسبه طبعا انا احطها بوقت المناسبات تقريبا قبل المناسبه بشهر او 3 اسابيع ثم تدريجيا اقطعها واجلس على الزبادي والطحينيه والمر والبطاطس والفراوله والطين يعني الحاجات الطبيعيه
كذالك تراني مااتقيد بالخلطات كل فتره انوع هذي لاحظت تفتيحها قوي ماشاء الله تبارك الله وكم لي تاركت

كذالك اول ماتشترون الكريمات اخذوا كل نوع وجربيه على بشرتك لان بعضهم يحسسون وحرام لماتخلطيهم كلهم وتتخسرين كريم يخرب عليك تراني يوم كنت ورعه واول مابديت ادعبر بهالخلطات غلطت هالغلطه وخصوصا ان بشرتي حساسه ومو أي شي يناسبها وراحتمن نصيب اوخيتي
كذالك لوكسيد بالرغم انه ماشي وياي اكثر من اوكى لكنه نتيجته للامانه مع بنت اختي عكسيه سمرها وطلع لها حبوب وماناسبها لجذي اخذوا الحذر لاتقومون تدعون علي الصبح===>>تروح وترجع على الدعاوي هههه



ختاما....
انا كتبتلكم تجربتي وضحت كل شي بالامانه ومااجبر أي وحده تستخدمها اللي بتقول فيها كروتيزون اقولها يب يب فيها وكريمات الكيرو من زمان استخدمها والحمد لله الله لايضرني والله يديم نعمة الصحه علي مافيني الا العافيه لا انا ولا اللي اعرفهم وحطوها
كذالك لاتفرطون بااستخدامها لان الشي لازاد عن حده انقلب ضده حطيها لوقت المناسبه فقط وعقبها اتركيها بشكل تدريجي وخليك على الطبيعي طبيعي لونك راح يخف درجه لكن مو عاد على قولهم يوصل لسمار والسواد الا اذا تركتيها بطريقة خطاء هذا اكيد ايه طبعا يرجع لونك الاول مو اغمق من لونك
وبالطبيعي راح يستمر تفتيحك
ياربي ذكرني شنو بعد ايه ترى مدى استجابة البشره تختلف فيه ناس ماشاء الله البياض يبان فيهم وفيه ناس بطيء

وياليت يابنات تستخدمونها قبل المناسبه عشان اذا ماناسبتكم مايكون بوقت الزواج متوهقين وبشرتكم مب زينه

شنو بعد ياربي ايه ياويل وحده ماتناسبها الخلطه وتحسب علي شوفني قلتها لكم لان انا مايخوفني الاامهات الدعاوي ويقعدون يقلون فلانه نصابه غشاشه
اللي تناسبها موبي منها الادعوه بظهر الغيب واللي تبي تبيعها لاتدبل السعر على البنات وتقول هذا كريم القذافيvip هههههههههههههه
اذا نسيت شي ذكروني تراني فاتحه الصفحه وجالسه ارتجل الكلام واللي قالوا عندهم ظروف و ارسلت لهم الخلطه بالخاص وقلت لهم ارجعوا لموضوعي لانزلته لانه اكيد بيكون فيه اختلاف بالكريمات وشكل مفصل اكثر لاني عطيتهمكريماتانا استخدمتها وفادتني على السريع يعني اللي عندها الكريمات تختلف لاتخاف حتى اللي جتكم انا مجربتها وزينه
بس اوصيكم يابنات اول شي بالاستخارة
لان النبي عليه الصلاة والسلام يستخير في الامور كلها(صلوا عليه وسلموا تسليما)
شي ثاني
قبل استخدام اي خلطة
قولي بسم الله وبسم الله الذي لايضر مع اسمة شي في الارض ولافي السماء وهو السميع العليم)

ثالثا لاتستعجلين على البياض وكل ساعه تنطين للمرايه لا اركدي الله يصلحك الركاده زينه وانا اختك
الحامل لاتستخدمها كذالك المرضع بس انا عن نفسي لاحملت مابستخدمها لكن وانا ارضع بستخدمها
تراني ماجبرت اي وحده تستخدمها لان فيه ردود تحسسني اني حالفه على ابوي يطلق اوميمتي لو مااستخدمتها




ملاحظه :مااحلل بنقل هالموضوع بدون ذكر اسمي واسم المنتدى وانها تخترع حاجات هي ماجربتها بنفسها مب حسد لكن لان فيه بنات ينسبونها لانفسهم ويجلسون يوصفون للبنات بشي هم بالاساس ماجربوه اللي ماترضينه لنفسك لاترضينه لغيرك مثل خلطة الشعر لما نزلتها وخذتها وحده ونزلتها بمدونتها وجالسه تعطي البنات بدائل لحاجات ماحصلوها على اساس ان الخلطه لها وهي ماجربتها والله يجزاها بالخير وحده ا رسلتلي خاص وتقول انا قاريتها بمدونه وتسئلني اذا هو انا ووحده ثانيه بموضوعي تقول انتي اللي بالمنتدى الفلاني ومغيره نكك والا انتي اللي ناقله هالموضوع لجذي تراني مااحلل اي وحده ماتنقل الكلام والموضوع كامل كامل مافيني لدعاوي بنات خلق الله

اي سؤال انا حاضره والله الله بالدعوات الطيبه .....

سبحانك اللهم وبحمدك لااله الاانت استغفرك واتوب اليك...


رد مع اقتباس
سمراءOK غير متواجد حالياً  



02-06-1432 هـ, 01:07 صباحاً
#3
وناسه اوووووووووووووول وحده
مشكووووووووره ياقلبي
موضوع متعووووووووووووب عليه صراحه>
والله يتمم عليك الصحه والعافيه ومن بعدها <<البياض

تشكراااااااااااااااااااات


توقيع

يآآآآآآآآرب
سقيا فررح"لأحلامنا المبتوره"

رد مع اقتباس
مثل العسل" غير متواجد حالياً  



02-06-1432 هـ, 01:07 صباحاً
#4
ماشاء الله مابقى شي بالصيدليه ماحطيتيه!!!!!!!!
المشكله كلها ادويه كيماويه
شلون تجرأتي وخلطتيها مع بعض
صراحه مستحيل اسويها مأحب الكيماويات
دائما لها اثار جانبيه وبلاوي


توقيع


رد مع اقتباس
حمامه حلوه غير متواجد حالياً  



02-06-1432 هـ, 01:10 صباحاً
#5
مشكوره ماقصرتي

جزاك الله خير والله يسعدك


توقيع

.....أستغفر الله العظيم وأتوب اليه.....


رد مع اقتباس
طيبة القلب 26 غير متواجد حالياً  



02-06-1432 هـ, 01:13 صباحاً
#6
المشاركة الأصلية كتبت بواسطة مثل العسل" مشاهدة المشاركة
وناسه اوووووووووووووول وحده
مشكووووووووره ياقلبي
موضوع متعووووووووووووب عليه صراحه>
والله يتمم عليك الصحه والعافيه ومن بعدها <<البياض

تشكراااااااااااااااااااات

وعشانك اول وحده
فقد ربحتي رحله لجزر المالديف
فديتك تشرفت بمرورك

المشاركة الأصلية كتبت بواسطة حمامه حلوه مشاهدة المشاركة
ماشاء الله مابقى شي بالصيدليه ماحطيتيه!!!!!!!!
المشكله كلها ادويه كيماويه
شلون تجرأتي وخلطتيها مع بعض
صراحه مستحيل اسويها مأحب الكيماويات
دائما لها اثار جانبيه وبلاوي
الحمد لله ماجاني منها
بس هو على مدى تقبل الشخص

المشاركة الأصلية كتبت بواسطة طيبة القلب 26 مشاهدة المشاركة
مشكوره ماقصرتي

جزاك الله خير والله يسعدك
وياااااااااك حبيبتي


رد مع اقتباس
سمراءOK غير متواجد حالياً  



02-06-1432 هـ, 01:19 صباحاً
#7
الله يجزاك خييير

قل لن يصيبنا الا مآكتب الله لنآ

الله يعينك يآسسمراآء عاللي جآي خخخ < حشى حررب


رد مع اقتباس
رآئحة الطهر غير متواجد حالياً  



02-06-1432 هـ, 01:21 صباحاً
#8
المشاركة الأصلية كتبت بواسطة رآئحة الطهر مشاهدة المشاركة
الله يجزاك خييير

قل لن يصيبنا الا مآكتب الله لنآ

الله يعينك يآسسمراآء عاللي جآي خخخ < حشى حررب

ايه الحين تبداء حملة جابر القحطاني والكيرتيزون

وياك حبيبتي


رد مع اقتباس
سمراءOK غير متواجد حالياً  



02-06-1432 هـ, 01:29 صباحاً
#9
جزااك الله خير
مشكووووره ياعسل


رد مع اقتباس
miss sarona22 غير متواجد حالياً  



02-06-1432 هـ, 01:32 صباحاً
#10
الله يعطييييك العافيه

موضوع متعووب عليه

بس بسااالك الحين هالكريمات من وين تنلقي فيه بعضها اعرفها بس بعضها اول مره اسمع فيهاااااا

يعني الصيدليه القى عندها كل شي؟


رد مع اقتباس
أغـــــاريد غير متواجد حالياً  



إضافة رد

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
الانتقال السريع


الساعة الآن 03:41 .