الفستان ده لي مده طويييييله عايزه اشرح غرزته
وبصراحه بنات كتير غاليين علي طلبوا مني اشرحه
هو سهل بس الباترونات بتاعته مختلفه في تفاصيل بسيطه
انا كررت الغرزه مرتين في بلوزه بنتي وفي فستان بيبي
وفي المرتين كنت بابدأ من تحت الصدر لييييه
علشان ادي لنفسي الحريه اعمل الصدر زي ماانا عايزه
يعني بحرده مربعه او مدوره او حمالات او سبعه او كروازيه
يعني باعمل الجيبه وبعدين اكون حره في اختيار موديل الصدر
طبعا الموضوع اللي منزله فيه الفساتين باين فيه اختلاف الموديلات
بس مش عارفه اسوي بحث عن الموضوع علشان خاصيه البحث معطله
المهم من غير رغي فكرت اشرح هنا الصدر لاجمل فستان فيهم(من وجهه نظري )
الفستان ده
حانبدا الصدر علي الباترون ده
نشوف الاول مقاسات ملابس الاطفال
من سن 1 // 12 سنة
للإستعانة بها في عمل باترونات ملابس الأطفال
بالخطوات التي سيتم شرحها لاحقاً بإذن الله
السن -- 1/2 -- 3/4 -- 5/6 -- 7/8 -- 9/10 -- 11/12
محيط الوسط -- 55 -- 60 -- 65 -- 68 -- 72 -- 80
محيط الصدر -- 55 -- 60 -- 62 -- 64 -- 66 -- 70
محيط الجانبين -- 55 -- 60 -- 68 -- 76 -- 80 -- 86
طول الوسط -- 30 -- 23 -- 25 -- 28 -- 32 -- 35
الطول الكلي -- 42 -- 48 -- 56 -- 62 -- 72 -- 82
طول الكم الطويل -- 30 -- 34 -- 38 -- 42 -- 46 -- 50
طول الكم القصير -- 14 -- 11 -- 13 -- 15 -- 16 -- 18
محيط الذراع -- 24 -- 26 -- 28 -- 30 -- 32 -- 34
حردة الكم -- 5 -- 6 -- 7 -- 8 -- 9 -- 11
محيط الأسورة -- 12 -- 13 -- 14 -- 15 -- 16 -- 18
للكم القصير
محيط الأسورة -- 11 -- 12 -- 13 -- 14 -- 15 -- 16
للكم الطويل
بتاخدي المقاسات القريبه لمقاساتك المختاره او بتقيسي علي بنوتك
انا علشان ماعنديش المقاس ده عملت علي الجدول واخدت مقاس 4سنوات
يعني محيط الصدر 60
بتقسمي المحيط علي 2يطلع لك مقاس الضهر لوحده ومقاس الصدر لوحده
يعني كده عندنا الضهر 30 والصدر 30
الصدر بتعملي مثلثين متداخلين من الامام
يعني مفروض المثلث يكون طول ضلعه المستقيم 15سم +مقدار التداخل بين المثلثين
بتبدئي شغل المثلث علي الباترون بابئي عند ال4سلاسل الي عليهم اشاره بالاحمر
وامشي مع الاسهم مع ملاحظه ان الزياده بتكون
1-من ناحيه واحده
2-بتكون في سطر بتزودي عمود وفي سطر بتزودي عمودين
استمري في الشغل هكذا حتي تصلي للمقاس النهائي للمثلث(15+مقدار التداخل بين المثلثين)
لما تصلي للمقاس المناسب اعملي الحماله
عند نهايه السطر من جهه الزياده اعملي سلسله بالطول المرغوب للحماله للامام والخلف
ثم ارجعي علي السلسله دي بسطر عماويد وكملي السطر للنهايه
بعد كده في السطر التالي املي لغايه تلتين السطر او نصه وامشي علي كده لغايه مسافه نص الضهر
ملحوظه مهمه
ممكن تعملي مسافه الضهر كله لو مش عايزه فتحه في الضهر بس انا باحب دايما يكون فيه فتحه في الضهر علشان اقدر اظبط المقاس ولتسهيل لبس الفستان
اعملي الجانب الاخر مثله تماما
اعملي التداخل وخيطي الجزئين في بعض
شوفوا الجمال
بأغريكوا
نتااابع الشرح