اتمنى تكونوا بخير وصحه وعافيه
عملت بحث على الشوربه الحارقه وانبهرت بنتائج الكثيرين وفيه ناس تقول انه يرجع الوزن بسرعه
وناس ثانيه تقول لا مايرجع الا مثلا كيلو او كيلو ونصف بعد مرور اشهر
وعدد من التجارب يتراوح نزولهم في الاسبوعين مابين 10 كيلو الى 14
وماشاء الله قريت تجربة وحده الله يحفظها من وزن 105 الى عالم الستينات في 3 اشهر على مااتذكر
عموما ابتديت فيها من يومين اليوم هو الثالث ماوزنت لكن اهلي يقولون وجهك باين خف شوي
صورت لكم طريقتي بالتفصيل
والطريقه الصحيحه
لكن المفروض عدم اضافة ماجي لكن اضفته لانه الطعم غير مستساغ وكثير جربوها بعد اضافته مافيه مشكله من حيث التأثير
بالنسبه للطعم مقبول ولكن ليس جيد
العاده احس بدوخه وتعب لكن هالمره عادي زي الخمول البسييط المعتاد مع اي نظام
بالنسبه لوزني 87 تقريبا
للكميه كل مااكثرتي منها كل ماكان نزولك افضل وتستخدم فطور وغداء وعشاء وبين الوجبات
وفيه اسفل الصور تفاصيل الايام وايش تاكلين عشان ماينقص جسمك عن حاجاته وفيتاميناته
قريت من خلال تجارب البنات انها ماتنفع للي فصيلة دمهم o بسبب الملفوف حتى بعد ماجربوه ويقولون استبدليه بالبقدونس
فصيلة دمي a+
ابي دعوه طيبه منكم الله يرضى عليكم بالستر والهدايه والشفاء لزوجي
اليوم الاول:
تناولي كثيرا من الفواكه مهما كان نوعها ماعدا الموز وتناولي كثيرا من الشوربه في اي وقت ترغبين بدون
تحديد.
لابأس من تناول عصير الفاكهه معلبة او طازجه وتذكري بأن البطيخ والشمام اقل سعرات من غيرها
اليوم الثاني:
تناولي الخضروات بأنواعها وكثيرا من الشوربة ووقت العشاء تناولي حبة بطاطس مسلوقه او مشويه
بالاضافه الى الشوربه.
اليوم الثالث:
تناولي الكثير من الخضار والفواكه ماعدا الموز والبطاطس وتناولي الكثير من الشوربة.
ملاحظة:
اذا اتبعتي التعليمات السابقه بدون خداع لنفسك ستكونين قد فقدتي بنهاية اليوم الثالث من 3_4 كيلو
جرام.
اليوم الرابع:
تناولي 3 حبات موز ((للحصول على البوتاسيوم)) مع 5_6 اكواب حليب قليل الدسم بالاضافه الى الشوربه واكثري من الشوربه واكثري من الماء مع اضافة مسحوق النخالة اليه لجعل عملية الاخراج طبيعيه (( نظرا لان الموز والحليب تسبب الامساك)).
اليوم الخامس:
تناولي قطعتين من صدر الدجاج مسلوقه او مشوية حسب رغبتك بعد ازالة الجلد مع 6 حبات بندوره طبعا مقسمه على طول اليوم مع الشوربة طبعا وتاكدي من شرب 6_8 كاسات من الماء في هذا اليوم بالذات.
اليوم السادس:
مثل اليوم الخامس ويضاف عليه الخضار بكل انواعها ماعدا البطاطس وطبعا الكثير من الشوربة والماء.
اليوم السابع:
كميه غير محدده من الارز المسلوق بدون اضافات (( وياحبذا الرز البني)) مع كميه غير محدده من الفواكه والخضار
ماعدا الموز والبطاطس حتى تشبعي تماما.
ملاحظات:
بإمكانك تناول القهوه والشاي بدون اضافة السكر
يجب تناول كميات كبيره من الماء.
تذكري ان الشوربة هي اساس هذه الحمية وكل ما اكثرتي منها زاد الاستقلاب بجسمك اكثر.
اذا فقدتي بنهاية اليوم السابع اكثر من 7 كيلو توقفي ليوم راحه قبل استئناف الريجيم مرة اخرى.
ممنوع قطعيا تناول الخبز والمشروبات الغازيه.
والله ماابي الا الدعوات الطيبه
لا تنسوني من صالح دعاااكم يارب تسترني وتحفظني وتهديني ويارب تشفي زوجي وجميع المسلمين والمسلمات يارب
سلقت البطاطس بالقشر بعد غسلها
ثم قطعتها من النصف وفرغتها من الداخل زي القوارب
ثم حطيت داخلها حشوه مكونه من
بصل - جزر - كوسه - باذنجان - فلفل حار - فلفل بارد - حمستها مع بهارات وملح وشووووي صويا
وبعد ماتستوي حطيت معاها شوية ذره
ثم حطيتها في وسط البطاطس وفوقها شويي موزاريلا مع ذرة زعتر
ودخلتها الفرن حوالي 10 دقايق او اقل
وبالعاااافيه