20-05-1432 هـ, 02:55 صباحاً
هلا حبيباتي

صبحكم الله بالخير

بنات الكيكه هذي حصلتها عندي محفوظه من زمان لكن بدون الصوص هذا من راسي وطلعت النتيجه فتاكه

سويت كيكة السينابون بالاسبوع هذا 3 مرات طعمها عجيب واعجبت اللي صلحتها لهم

صلحتها الاربعاء والخميس والجمعه واليوم كنت ودي اصلحها لكن خلص عين الجمل ولا كان صلحتها

وميزيتها انها كيكه مافيها لف وعجن زي السينابون لكن نكهتها مثل السينابون









المقادير ياطويلات العمر

واخلطوها بالترتيب

بيضتين +فانيلا + نقط من الخل الابيض علشان ريحة البيض تروح والفانيلا للنكهه
كاس سكر
نص كاس زيت
علبة قشطه
15 حبة تمره منزوعة النواء (منقوعه في موية حاره علشان تلين الافضل تنقعينها قبل تبدين بخفق البيض
نصفي موية التمر ومانترك فيها الا القليل ونطحنها بالطاحونه ونحطها على خليط الكيك)
كاس ونص دقيق +ملعقة بكنج بودر+ملعقة قرفه وسط

الطريقة
نخلط البيض لين ينفش بخلاط الكيك وبعدها نضيف السكر والزيت والقشطه والتمر المطحون والدقيق

وندخله الفرن على نار هادية ياخذ تقريبا من 30 الى 45 دقيقه بالفرن

اذا طلعتيها من الفرن
جهزي الصوص

مقادير الصوص
ربع اصبع زبده
عين الجمل مجروش
نص علبة النستله الكبيره
3 ملاعق سكر بني
2 كبيره قرفه مطحونه

الطريقه
نذوب الزبده على النار ونحط عليها عين الجمل ونحمسه
بعدين نضيف النستله والسكر البني والقرفه اخر شي

ونصبها على الكيكه وهي حاره وغطيها لين تتشرب الصوص ولاتدخلينها للثلاجة افضل

يابنات الصراحه الكيكه هذي طعمها احلى اذا سويتها قبل بيوم واكلتيها من بكرا
انا ما ادخلها الثلاجه تجلس يوم برا الثلاجه وطعمها يطلع روعه لان الصوص يطلع مجروش واااااااو

والله الله بالتقييم

ولاتنسوني من دعواتكم الطيبه ان الله يحقق لي ما اتمنى

واقول لبنت خالتي مزون وش عندك تنبشين بملفي الشخصي عسى مهب ضايعن لك شي



20-05-1432 هـ, 03:04 صباحاً
يسلمووووووووووو
حياكم الله في متجر عالم الابتكارات
20-05-1432 هـ, 03:05 صباحاً
الله يعطيك العافيه
شكلهالذيذه
.

20-05-1432 هـ, 03:20 صباحاً
مشكوره

وأنا أقول لمزون علامك مسنتره بملف بنت خالتك

يعطيك العافيه حبيبتي
20-05-1432 هـ, 03:23 صباحاً
ما شاء الله يمي يمي شكلها خياااااااااال تسلم ايدك يا عسل
20-05-1432 هـ, 05:21 صباحاً
تسلم الايادي
20-05-1432 هـ, 05:23 صباحاً
باين عليها لذيذه
20-05-1432 هـ, 05:33 صباحاً
امممممم هذي الكيكة غراااااامي
اسوي كيكة التمر نفسها بالضبط مٍْْـٍْْ♡̷̴̬̩̃̊ـٍْْنٍْْ هند الاماراتية يعطيها العافية بس مافيها قشطة

وبجرب هذي خيااااااال مٍْْـٍْْ♡̷̴̬̩̃̊ـٍْْنٍْْ الصوص
يعطيك العافية
R a 3 y a l - D l 3
أووفـ ما بغينا نخلصـ
20-05-1432 هـ, 05:35 صباحاً
شكلها لذيذه

ان شاء الله اجربها قريبا

تسلم يدك
20-05-1432 هـ, 05:39 صباحاً
تسلم ايدك باين عليها لذيييييييييييييييييييييييييييي يييذه
يارب وفقني ويسر امري
اللهم اني استودعتك اهلي و نفسي وزوجي وولدي يامن لاتضيع ودائعه
اللي تشوف توقيعي تدعيلي بالتوفيق وتيسير الامووووووووووور تكفووووووووووون




الساعة الآن 11:53 .

جميع الحقوق محفوظة - عالم حواء - 2015