انا من فترة رديت في موضوع الأخت أشواق المحبين على هالرابط
http://forum.hawaaworld.com/showthread.php?t=3020736
في الرد رقم 20
وجتني رسايل كثير تطلب مني الكورس فاليوم زوجي من حظكم عنده استلام فقررت ارد عليكم
ــــــــــــــــــــــــــــــــــــــــــــــــــ
اولا
عزيزاتي بقولكم ان الكورس اللي سويته لأختي مو شي جديد عليكم ياما انكتبت لكم وقريتوا مواضيع كثيرة في قسم البشرة
من كثييير بنات عرضوا تجاربهم وإفادتهم للبنات ربي يوفقهم وحدة وحدة ويجزاهم خير الجزاء
بس الكثير من البنات يقرون من غير تطبيق او انهم يسوفون بكرة بعده راح أجرب..وهكذا
ثانيا
الكورس كان عبارة عن كذا تجربة لي من كثر ماقريت صرت احاول اطبق كل فترة شي واحد واللي وقتي يسمح لي اسويه بحكم انشغالي بعيالي وبيتي..
ثالثا
بالنسبة لأختي لما شفت فوائد هالاشياء اللي كنت اسويها كل فترة طبعا مو مع بعض كل مرة واحد لوحده لأني مااقدر اسوي كذا شي لاني متزوجة وعندي عيال فمو من السهل القى وقت فكنت اسوي شي واحد من اللي قريته
وإذا خلص اتركه فترة وحسب مزاجي اسوي شي ثاني غيره وفي اشياء مجربتها من قبل زواجي
فمثل ماقلت لكم لما شفت فوائد كل واحد لوحده
قمت جمعتهم بكورس بسيط ومكثف لأختي
بحكم انها بالبيت وماعندها احد وأجلت دراستها
بسم الله وعلى بركة الله نبدأ الكورس
اولا خلطة كريمات تحطها بالليل قبل تنام عبارة عن(.....)سامحوني يابنات مسحتها اللي تبيها تراسلني فيه بنات يكرهونك تنزلين مواضيع وانا لو مجربتها انا واختي ماكنت كتبتها هالخلطة بالذات
طبعا الاكيد فيه بنات يخافون من هالكريمات طبعا للجسم فقط ولمدة 2-3أشهر فقط
اللهم بلغت الله فأشهد
بإمكانهم يستبدلونها بهالخلطة في الرابط
http://forum.hawaaworld.com/showthread.php?t=2771259
إذا صحيت من النوم تغسلها بالخلطة الصابونية وبعدين تسوي تدليك لكل جسمها وتركز عالاماكن الغامقة بخلطة خلطناها بعلبة عبارة عن(حنا+كركم+حلبة) بكميات متساويةوخليتها بالحمام وبعد ماتخلص ترويش بالخلطة الصابونية تاخذ منها اللي يكفي جسمها وتحط عليه موية ورد لحدماتصير زي اللوشن
وهتك ياتدليك مدة من5-10 دقايق
وبعده تشطفها بالموية ولو حبيتوا بعده تغسلوا بشور جل عادي مو مشكلة بس ترى مالها ريحة تروح على طول تراها مهمه لاااااازم يوميا
بس تراها تصفر بالاظافر شي بسيط فممكن اللي ماتبي تلبس قفاز قبل تستعملها
بس تراها ممتااااااااااااازة من جد مع الاستمرار تقشع السواد قشع..
وتطلع ترطب جسمها بس ركبها قبل ترطبها تحط عليه مسحة من كريم دبروساليك
وتراه طول اليوم ترطب ركبها بجلوسليدوليمون وتغلفها بنايلون الاكل وحتى قبل النوم تغلفها
لأن ركبها كانت مستعصية حبتين:angry2:
وبالنسبة لوجها كانت تستخدم هالتركيبة
hydroquinـــــ4جرام
Retin-Aـــــــ46جرام
skinorــــــــــ30جرام
Elecomــــــــــ20جرام
ــــــــــــــــــــــــــــــ ـــــــــــــ
مجموع النسب 100%
وترا فيه وحده هنا اسمها ياسمينة مسكينة ارسلت لها هالتركيبة ونزلتها بموضوع على انها لها ولا جابت طاري اسمي وانا صرت كذا:eek:
بس ماقلت لها شي لأني لما ارسلتها لها كنت ابي الاجر والخير.
بس قلت لكم كذا لا تجي وحدة وتقول انها لفلانة هذي حصريا لي صرفها دكتورمشهور استشاري كبير قبل عشر سنوات وأكثرومستعدة اصور لكم صفحة هالرسالة وورقة التركيبة وتاريخ ارسالها للبنت وتاريخ موضوع البنت
طبعا مالقيت شي يضاهي مفعول هالتركيبة..
رجاااااااااااء اللي ماتبي تستخدمها هي حرة اناماغصبت احد
كفاية ردوود مالها داعي
تحطها بالليل ولما تصحى تغسلها بأي صابونه تفضلها
طبعا لازم تسوونها في صيدلية عندها معمل مو اي صيدلية لايضحكون عليكم لاااازم النسب
وتستخدم مدة 3اشهر وبعدها تترك بالتدريج ويستخدم بعدها افالون نفس هذا للمحافظة عالنتيجة طبعا لاتنسون الواقي ياللي تدومون
هذا اللي تسويه يوميا
ــــــــــــــــــــــــــــــــــــــــــــــــــــــــــــ
وكانت تسوي قناع النشا وموية الورد يوم ايه ويوم لا
والحمام المغربي نفس الطريقة اللي مكتوبة بهالرابط بحذافيرها تراها رهيبة طبعا من غير الاعشاب مااستخدمتها
http://forum.hawaaworld.com/showthread.php?t=2260062
وبعد الحمام المغربي تسوي ماسك انا اسميه السحري
عبارة عن
(شبة +سدر+حليب بودرة+نشا)بكميات متساوية حطيها بعلبة وخذي اللي يكفي جسمك وصبي عليه شاهي اخضر سويه كأنك بتشربيه لحد مايصير زي اللوشن حطي بكل جسمك مع الوجه خليه لحد ماينشف وبعده يتشطف وبس والترطيب بعده طبعا..
هالماسك تسويه مرتين بالاسبوع مرة بعد الحمام المغربي ومرة ثانية وسط الاسبوع بعدماتسوي تقشير لجسمها بأي مقشرعندها وكنت دايما احرص عليه بهالخطوة خطوة التقشير وسط الاسبوع...
وبعد الحمام المغربي بيوم ضروووووووووووووري جدا تسوي تشقير لكامل الجسم اسبوعيا
وهذا اللي كانت تستخدمه من محلات نزيه للتجميل طبعا معروفة..
بنات ترى الترطيب مهم بعد كل ترويش
بالنسبة للمناطق الحساسة والفخوذ ومابين الارداف في المنطقة الداخلية فخلطة 2011 اللي منتشرة بالمنتدى جدا ممتازةتحطها بالليل
والصبح تشطف بمويه وملح وترطب بمسحة زيت لوز وكذلك بعد كل دخلة للحمام تنشف وترطب فيه
ـــــــــــــــــــــــــــــــــــــــــــــــــــــــــــــــــــــــــــــــــــ
هذا برنامجها بالضبط لازودت ولا نقصت شفتو كيف بسيط وسهل
والسر بالالتزام وترى اختي كسووووولة بس حااااااااااولت وشدت حيلها والتزمت بالبرنامج
اللي يبي الزين يتعب والجمال ثمنه غالي..
وتراها كلمتني بعد شهر ونص من الكورس بحكم اني بالرياض وهي بأبها وقالت لي ماتغير فيني غير شي بسيط
قلت لها استمري ولا تيأسين كل بشرة تختلف عن الثانية بسرعة الاستجابة
وكملت 3اشهر وماشاء الله تبارك الله اللهم صلي على محمد
جت حماتي اخت زوجي زيارة عند اهلها هنا بالرياض
لانها في ابها وقاعدة تقولي اختك محلوة مرة متغيرة بقوة وتعلم اهلها
على أنهم كانوا يقولون أنا أحلى وحدة بأخواتي
ألحين يقولون صارت اختي أحلى وحدة فينا ومنجنين كيف تغيرت..
ماشاء الله تبارك الرحمن ربي يحميها
يعني شوفوا كيف بالاهتمام والالتزام الوحدة تقدر تتغيرمن جد..
ـــــــــــــــــــــــــــــــــــــــــــــــــــــــــــــــــ
ايه في شي مهم كل يوم كوب عصير برتقال او فوار فيتاميمن سي ضروري جدا...
ــــــــــــــــــــــــــــــــــــــــــــــــــــــــــــــــــــــ
اي سؤال انا حاضرة بس قبل تكفووون اقروا الموضوع زين
علشان مايجيبي سؤال اجابته بالموضوع...؟
:22:
ــــــــــــــــــــــــــــــــــــــــــــــــــــــــــــــــــــــــــــــــــــ
أخيرا اتمنى الدعاء لي بالهداية والوظيفة وان الله يخلي لي عيالي وزوجي
وأن ربي يرحم أمي ويدخلها فسيح جناته هي وأخوي الله يرحمه
ماشاء الله باين عليه برنامج حلوو كثير
بس مادري اتخوف من المواد الكيميائيه اخاف يكون فيه ضرر
حلوو ان الوحد تستمر ع خلطات طبيعيه عشان ماتقلب عليها في المستقبل
صادقه لازم الواحده الداوم عليه مو زي متعجيزه خخخخ
أخيرا اتمنى الدعاء لي بالهداية والوظيفة وان الله يخلي لي عيالي وزوجي
وأن ربي يرحم أمي ويدخلها فسيح جناته هي وأخوي الله يرحمه
اللهم امين حققلك اللي تبين ويرحم امك واخوك وكل ميت ويوسع عليهم وينورلهم قبورهم يارب...