02-03-1426 هـ, 04:24 مساءً
بسم الله الرحمن الرحيم

هلا بالجميع
الشيشبرك اكلة ممكن كتير تضيف لها او تنقص بحسب ذوق الشخص وما يحب

مقادير العجينة:
2-كأس طحين منخول .
ملعقة صغيرة ملح
ملقعة كبيرة زيت مازولا
نخلط الطحين والملح والزيت منيح بعدين نضيف الماء شوي شوي ونعجن اتصير العجينة طرية وما بتلزق باليد
ونتركها شي نصف ساعة ترتاح اذا شوب او ساعة بالبرد مع تغطيتها بمنشفة مبلولة شوي

مقادير الحشو :
نصف كيلو لحمة مطحونة
كمشة بقدونس مفرومة صغير كتير (في ناس ما بيحطوها )
بصلة كبيرة مفرومة ناعم كتير كمان
ملح ،فلفل، بهار
نقلي البصلة بزيت مازولا لحد ما تدبل موتنحرق او يتغير اللون
نضيف اللحمة والملح والبهار ونقليها منيح منيح
اخر شي نضيف البقدونس ونقليها شوي بس
ونترك اللحمة لتبرد ونحاول نشفها من الزيت لانه ما بيخلي العجينة تسكر اذا كان كتير
الطريقة بالصور :
نرق العجينة منيح بالشوبك او بألة العجين متل الصورة



منقطع العجينة او بكاسةمدورة بس صغيرة او بألة التقطيع وكل ما كانت الدائرة اصغر اطيب واحلى ومنظرها حلو اكتر
وهي صورة مع مراحل عمل الشيشبرك بالتدريج بجانبها
وهي اوضح





بعد ما نقطع العجينة بشكل دائري ناخد كل دائرة ونضع بداخلها نصف ملعقة صغيرة من الحشو ونسكرها على بعض بشكل هلال




بعدين ناخد طرفين الهلال ونلزقن ببعض متل الصورة

قطعة قطعة ليخلصوا الكل
اذا بتحبوا تفرزوا دخلوات الصحن على البراد متل ما هو ولما يجمد العجين منحطوا بكيس نايلون حتى ما ياخد حجم



طبخ اللبن :
افضل طريقة للبن يلي ساكن بالسعودية وبيطلع متل لبن الشام
3 علب لبن زبادي نادك وبعده ندى يلي حجم العلبة 400غرام مو اللبن السائل لالاالجامد
اعلبة من اللبن بس فيها ماء فقط
3 ملاعق كورن فلاور كبار بس ممسوحين مو مطفطفين
ملعقة صغيرة ملح وبعدين ممكن نزيد الملح حسب الذوق
نضربهم بالخلاط او اذا في الخلاط يلي بينزل بالطنجرة احسن منحطون بالطنجرة ومنخلطهن منيح منيح ونضعهن على نار متوسطة موعالية حتى ما يلزق اللبن ومنضل عم نحرك ونحرك ونحرك ليغلي اللبن
منسقط الشيشبرك بهدوء ونتركه على نار هادية شي عشر دقايق بيكفي لانه العجينة رقيقة وصغيرة

وبهل الاثناء انا بحب اللبن مع الكزبرة والثوم في ناس بتحبه سادة في مع الطرخون او النعنع اليابس
نحط ملعقة كبيرة سمنة ونضع نصف جرزة كزبرة مفرومة منيح منقليها بالكزبرة وسنين ثوم صغار مدقوقين
منقليهن منيح ومنحطون فوق اللبن قبل ما نطفي بدقيقتين والف صحة
واتفضلوا

02-03-1426 هـ, 04:35 مساءً
إبداع يا تياااااااااا شيء رائع وفوق لوصف
ويبدوا أن الطعم أممممممممممممممم
بحاول أجرب قريبا
يسلموا حبيبتي لكن بدي توضيح اصغييير

أيش تقصدي بالجملة التالية :

اعلبة من اللبن بس فيها ماء فقط
02-03-1426 هـ, 05:05 مساءً
تسلم ايديك ياحلوه
02-03-1426 هـ, 05:14 مساءً
تسلم ايديك
02-03-1426 هـ, 05:38 مساءً
تسلمي يا احلى الورد الندي
والف صحة
بالنسبة للاستفسار اختي
يعني مقدار علبة اللبن الفارغة بس فيها ماء
والف صحة حبيبتي

تسلمي حبيبتي يكفي عذاب.....؟
ةالف صحة يا رب

الله يسلمك اختي _ zahraa_
02-03-1426 هـ, 05:41 مساءً
يسلمو ايديكي و عنيكي على هالوصفة!! بتشهييييييي.. واضحة و مرتبة..
زكرتيني في شيشبرك ماما.. انا ولا مرة جربتو الصراحة.. بس بتزكر ماما كانت تشوي بالفرن قبل ما تسقطه باللبن...
02-03-1426 هـ, 06:34 مساءً
يا هلا حبيبتي نابلسية في جدة
والله يحفظلك امك يا رب
ايه اذا كانت القطعة كبيرة شوي ممكن تنشوى او تنسلق حتى اذا صغيرة
بس انا عملته رقيق كتير وصدقيني ما احتاج اكتر من شوية غلي مع اللبن
والف صحة حبيبتي
03-03-1426 هـ, 03:01 صباحاً
ماشاءالله تبارك الله..

وينك يااختي من زمان..

طريقتك سهلة وواضحة يعطيك العافية..

تحياتي
اللهم فارج الهم فرج همي
دعواتكم
03-03-1426 هـ, 07:19 صباحاً
تسلممممممممممممممممم ايدك يا غاليه
العجينه كيف تستوى في اللبن


تطلع معجنه----------------واالا لااااااااااااااا
‘‘‘ ر بــــــــ اجعلني مقيم الصلاة ومن ذريتي ربنا وتقبل دعـــــــــاء‘‘‘اسأل الله حسن الخاتمه

يا الله عساني ما اموت الا وانا ساجده-
03-03-1426 هـ, 08:41 صباحاً
[grade="008080 FF6347 008000 4B0082"]يسلموووووووووو tiaa
باين عليها روووووعه..[/grade]

ناسن تمشي معك تخاويك...ومن ورا ظهرك تذمك
تبتسم في وجهك تـداريك...وانـت مغبون وغابنك يمك


اخترنا لك هذا الموضوع:

اقرئي المزيد »

الساعة الآن 03:23 .

جميع الحقوق محفوظة - عالم حواء - 2015