بسم الله الرحمن الرحيم
https://d2s63a22uzwg40.cloudfront.net/hw-uploadcenter/up/sites/up.hawaaworld.com/files/links/713b5c4caaa641a83a602eb84c1331d6.jpeg
صلوا على محمد ريــــح العطــــر والعــــــــود
من ليلة مايقدر يعيد الكـــون هدبــــــها
هـــذه الليلـــــة انـــــــــور نورهـــــــــــــــــــا زود
والسمـــاء نجومها اضوت في ذهبــها
كيف ماتضوي والكل حــــاضر وموجــــــــود
بشـــــوق المحبة نلتقي من سعــــــدها
عروسنا العروسة ياكل الحسن فيها موجود
يغـــــار منهــــا البدر من طلة هدبــــــها
عروسنا العروسة يابنت الاصل يابنت الجود
فيــــك القصـــــــــايد ماتوفي سببـــــها
عريسنا العريس ياكل الشهـــــامة بــــــلا زود
ولد الرجــــــــــال والمكـــــــارم هو اهلها
واللـــــه يجعـــل ايامكــــــم حـــــــب وورود
وسعادة يحكي بها الكون ويعجب بها
آخر ليلة حاولت أنام ما قدرت قلبت راسي يمين شمال النوم في وادي وانا في وادي ثاني الكل راح ينام وراهم بكرة زواج وكوفيرة مسكة الورد حقتي لازم يمرون ياخذونها وعقد الورد والورد اللي راح يزفوني فيه يعني الكل شايل هم ولازم يرتاحون جلست اتذكر غرفتي وانظر في الشباك وفي اللمبات والدولاب في كل ذرة في الغرفة واقول معقوله بكرة أكون في غرفه ثانية ومع شخص ثاني كيف راح يكون وضعي معه اطالع في أخواتي ساعة تنزل دموعي عشان بفارقم وروح بيت ثاني وساعة احس بفرحة عمري عشان راح البس الفستان الأبيض ويكون لي بيت لحالي اطلع بكيفي واخرج انام واصحي متى ما ابغى إلى ان وصلت الساعة 10 صباحا الكل صحي وجهزو الفطور والكل ينادي عليه على بالهم إني نمت افطرنا وجلسو يطالعون فيه ويتريقون ويمزحون معايه احس الوضع شوي فيه ربكة دخلت الحمام الله يكرمكم عشان اتجهز واروح للكوفيرة على الساعة 2 ظهر واتجهز لليلة العمر طبعا قبل الزواج ب5 أيام رحت للكوفيرة وصبغت زي كذا
وكان هذا القصر
كانت كروت الدعوة فخمة وبسيطة في نفس الوقت وعزمت أخذ نسخة واحتفظ بها للذكرى وهذا كان شكلها
واتفقت انا وأمي واخواتي مع مسقة للزواج واخترت ديكور المدخل والكوشه وهذ هو
الكوشه
وما نسيت دفتر الذكريات لصديقاتي وكل من يعز علي يكتبون لي اجمل العبارات للذكرى
وذحين نجي للمهم واللي كل عروسة تحوس فيه الفستاااااااااان مع الطرحة
هذا طقمي عجبني حيل
هذي الدبل
وهذا الصندل الله يكرمكم
وهذي المسكة حبيت هذي الألوان احس الأحمر غير مع الورد
واتفقت مع محنية وطلع نقشها يهبل والكل أخذ رقمها من أمي وأخواتي وهذا شغلها
طبعا التسريحة كانت رومانية وهذي هي مع التاج
والمكياج خليت الكوفيرة تسويه نفس ألوان المسكة
هذي التورته خليتها نفس الوان المسكة والمكياج
وهذا كاسات العصير اللي شربنا فيها أنا والمحروس الله يحرسة
هذي عينة من التوزيعات كان بعضها ورق عنب وحلاوة باتشي ما صورتها بس هذي توزيعات ارقام للعبايت وفيها ميداليات
ياخذونها المعازيم بعد ما ياخذون عباياتهم وهم طالعين من الزواج
وجبنا حرمة تغطرف الليل كله وحدة تشبه هذي