تجربتي بمركز سليمان الحبيب الطبي ببريده ...... بالصووور

السلام عليكم ورحمة الله وبركاته.......
بنات القصيم حطيت لكم هالتجربة للفائدة لأني من اول ماحملت وانا ادور موضوع متكامل للولادة بهالمستشفى ولا حصلت فحبيت افيدكم بتجربتي......
رزقني الله ولله الحمد ببنوته قبل اسبوع بعملية قيصرية وولدت في هذا المركز وسأذكر ايجابياته وسلبياته...
من اول ماحللت قررت اني اتابع في هذا المركز وفعلا تحت ملف متابعة حمل عند الدكتورة ساجيلا الدكتورة كانت ممتازة وحبوبة مررررة تابعت عندها 8 شهور ولما جاء الشهر التاسع اخذت اجازة وبدأت معاناة البحث عن طبيبة اخرى دخلت على سعاد الجعافرة مااعجبتني ابدا الموعد اللي وراه دخلت على انصاف السودانية صراحة ارتحت لها وبعد هالموعد بيوم جاني الطلق وولدتني بعملية قيصرية والتخدير نصفي .......
المميزات :
1- الدكتورة ساجيلا وانصاف ودكتور التخدير كانوا ممتازين...
2- النظافة كل شوي ينظفون الغرف ويستأذنونك قبل اذا تبين تنظفينها او لا...
3- الجناح واسع جدا قسمين وفيه مطبخ وحمام...
4- الممرضات اول ماتضغطين الزر وهم عندك...
5- يعطونك يوميا قائمة للأكل تختارين منها الفطور والغداء والعشاء ....
6- كل صباح يوزعون جريدة
7- تشوفين طفلك امامك على الشاشة
العيوب:
1- عند متابعة الحمل السونار دائما زحمة جدا.....
2- احيانا ما ادخل بنفس موعدي اتأخر حوالي ساعة او اكثر...
3- الاسعار غالية جدا خاصة العناية المركزة لأن بنتي احتاجت لدخول العناية المركزة ....
4- الغرفة اللي حطوني فيها قبل ما اطلب الجناح صغيرة وضيقة جدا ومافيها الا كرسيين ...
5- لايوجد شبكة انترنت او بالاحرى الشبكة ماتشتغل...
6- الدكتورة اللي ولدتك ماتمرك الامرة او مرتين وباقي الايام دكتورات مناوبات
7- الاجازات اذا كنتي موظفة صعبين شوي ماتحصلينها بسهوله...
وهذي صور الجناح مع بعض الوجبات:

















يتبع....:)