يمنع التجمعات بقسم السمنه والنحافه
الرجاء الأطلاع على قوانين المنتدى
http://forum.hawaaworld.com/showthread.php?t=2078166
السلام عليكم ورحمة الله وبركاته
كيفكم يابنوتات
انا كل ما افتح قسم السمنه والنحافه القى اغلب المواضيع او كلها عن الريجيم
والنحيفات مالهن طاري كل وحده فيهن تدخل وتقول ابي امتن وابي ازيد وتطلع ولا تجيب شيء مفيد ولا تستفيد يعني ماعندها عزيممه ولا إصرآر
مو مثل المتينات مآشآء الله كل وحده تتحدى الثانيه بالتخسيس
تبين تمتنين ويحلو جسمك وتبين خدود وصدر !!
اجل اقري موضوعي كآمل بدون كسل
اول شيء خلي عنك الكسل واقريه بعزيممه
قووولي أبي اسمممن أبي اسمممن أبي اسمممممممممن
خخخخخخ
انا كنت نحيفه وزني 45 والحين وزني 76 وامنيتي انزل 10 كيلو والحين انتقلت من تجمع النحافه الى السمنه ههههههههههههه
والله اني صادزه وانتي ان ششآإء الله تنضمين معي
اذا برمجتي مخك الكسلان واصريتي انك تتحدي نفسك وتسمنين بيتحقق حلمك اما اذا قلتي ابي اسمن وانتي تتصفحين وتنتظرين الجواب بتبطين عظم مازدتي ولا كيلو
طيب تعالي معي بقولك تجربتي انا بنفسي مو فلانه ولا علانه انا استمريت وزدت 30 كيلو في 4 اشهر
لا تنصدمين والله اني اتكلم بصدق شوفي وزني قبل وبعد واحسسبي الفرق
طبعا انا كنت كسلانه انام الفجر واصحى الظهر ولا اشتهي اكل شيء
واكلي خفيف وعندي فقر دم
كنت انقهر اذا جت مناسبه او عيد او زواج مآآآلي كشخه لو لبسي احلى ماركه ولا احد يمدحني
والسمينه لو لابسه خلاقين تهبل لان جسمها اللي محليه
طبعا كلكم مليتو من كلامي وتبون الزبده ؟؟؟؟
طيب طولو بالكم
اول شيء امي نصحتني باشياء كثيييييييييره انا غافله عنها اول شيء عادت النوم قالت لي حاولي تنامي بدري وتصحين بدري او حاولي تخففي من السهر لانو يضرك والجسم ماينمو الا بالليل ولازم الواحد ينام بالليل عشان جسمه يرتاح
طبعا جربت ونمت 11 وصحيت 8 وتعودت كذا والله يا بنات حسيت براحه وشهيتي مفتووحه للاكل
ثاني شيء عطتني وصفه اجربها طبعا الوالده معالجه شعبيه وتفهم بالحوايج
وهي من عند العطار سجليها بورقه وعطيه وهو بيعرفها
بـ5 ريال يانسون , وبـ15 ريال ماش, 10 ريال حبة البركه ,10 ريال بذرة الكتان , 10 ريال سكر نبات , 2 ريال شبا (اذا عطاك حبتين كبار حطي وحده واذا الثنتين صغار حطيهن كلهن ), 10 ريال كمون , 5 ريال شمر, 10 ريال رزنا الخضراء مو الصفراء لانها نوعين
طبعا يطحنهم لك وبتصير كثيره وحطيهم بعلبة حليب فاضي وحطيها بالثلاجه
وطريقة استعمالها للنفاس 40 يوم كامله في الاكل الدافي مثل عصيده ومرقوق
والمتزوجه تستعملها مرتين باليوم بحليب دافي مرررره ممتازه للرحم تنظف وتضوق ومايجيك تكيسات باذن الله
واللي مو متزوجه تستعملها وقت الدوره ثالث يوم اليومين الاولى لا
ملعقه صغيره فكوب حليب وتقدرين تسوين مثل النفاس يعني مرقوق وعصيده وتحطين عليها من الحاجه
عادي
هذي الوصفه عشان مايجيك خواء ويصير جسمك يقبل السمنه كل وحده تسال امها عن الخواء وتشوف اضراره وتسالها عن الحاجه ذي وكل الحريم يستعملونها
الخواء يجي الوحده اذا اهملت نفسها وقت الدوره
وهو الم فالراس وصداع تحسين راسك فيه هوا
طبعا وقت الدوره دفي نفسك كويس البسي سروال طويل وشراب وطرحه ع راسك
الحين انا استعملها وقت الدوره يعني مو كل الشهر لاني مو متزوجه استعملها 3 ايام واخواتي المتزوجات يستعملوها دايم يوميا
واستعمل زبيب يمني انقعه باليل والصباح احطه بالخلاط بمويته مع ملعقة حلبه واخلطهم واشربه ع الريق
والله انه ممتاز من ثاني اسبوع صارت خدوودي فووشيه >>> خخخخخخ
يرفع الدم فل للي يعانون من فقر الدم
طبعا النحيفه وعندها فقر دم مستحيل تسمن لو تاكل
السحت والبحت >> ع قولت جدتي
يعني ابدي فالزبيب لفقر الدم اهم شيء ماتتركينه
وبعده بربع ساعه افطر اي شيء ( بيض وجبن وقشطه وطحينه وعسل وفوول سوداني ) هذي كلها فيها سعرات حراريه لازم تاكليها كلها بتقوولين كيف ومااقدر >> اقوولك طريقه حلوه
جيبي صامولي او توست وسوي سندويتشات كثيره واحد قرص بيض وجبنه سايله والثاني فول سوداني وعسل والثالث طحينيه والرابع جبنه كيري وعسل والخامس زبده ومربى
وحطيها بالصحن قدامك منظرها يفتح النفس بتاكليها من دوون شعووور طبعا لا تنسي عصير المانجو معها
وعصير المانجو تعرفون السعرات اللي فيه
بعده بساعه اشربي حليب مع الوصفه ذي
( مقادير متساويه من السحلب والمغات والفول السوداني والسمسم وجوز الهند )
اوضحهم لك >> السحلب كله سعرات وهو مسحووق ابيض مثل النشادر تستعمله النفاس كشراب وطعمه حلو
يسمممن وابحثي عنه بالنت
والمغات اعواد خشب قاسيه واذا طحنتيها وحطيتيها بسايل يثقل وفيه سعراااات بعد
والجوز اللي يستخدم فالبسبوووووسه
طبعا تطحن كلها ويوخذ ملعقه كبيره فحليب 3 مرات باليوم طبعا بعد ماتحطيها فالحليب يصير ثقيل مررررره مثل المهلبيه بس طعممه حلو
وانا احيان ماسوي حليب يعني مااغليه ع النار بس احط ملعقتين نيدو بالشاهي واحط عليه من الوصفه
لو بتجربينه عادي
وقبل الغداء بنص ساعه اكلي ملعقه صغيره من الوصفه ذي ( نص كيلو املج + ربع كيلو سمسم + ربع كيلو محلب(
تطحنيهم وحطيهم بعلبه واستعمليه ملعقه مع ماء بارد قبل الوجبه بنص ساعه قبل الغداء والعشاء
هذي تفتح الشهييييه مررررررا وجربيها بتاكلي اللي قداامك هذي وصفه للدكتور عبدالباسط
وبين الوجبات اكلي مفتقه اللي هي عسسل بالمكسرات
وهذي الطريقه
(كيلو عسل اسوود +كاس صغير زيت زيتون +نص كوب حلبه مطحوونه+نص كوب دقيق فاخر +ربع كوب مغات +كوب مكسرات منوعه ومطحووونه فستق وجوز ولوز وسمسم وفوول سوداني وعين الجمل اجمعيها كلها تصير كوب مو كل واحد كوب فهمتو
طريقتها تحمين الزيت ع النار وتضيفين الدقيق مع التحريك حتى يحمر لووونه وتضيفي المكسرات وتستمري بالتحريك حتى تحمر كلها
ثم تضيفي الحلبه ثم المغات مع التحريك لدقايق ثم تضيفي العسسل وتحركين ليما يصير عجينه متماسكه بس انتبهي لا تطول ع النار يعني كلها 10 دقايق بالكثير وتحطيها بعد ماتبرد في علب زجاج وتاكلين منها ملعقه كبيره اي وقت وهذي الوصفه غنيه عن التعريف ولو استعملتيها لحالها بتنتفخين بس زيادة الخير خيرين
وكل شهر اضيفي شيء مثلا حليب بالموز
طريقته كل موزتين كاس ونص حليب مراعي فالخلاط
وجربي المهلبيه بالنشاء مررره رووعه وكلها سعرات وحطي معها فستق مجروووش رووووعه
وجربي سميد بالكاكاو وطريقته مثل المهلبيه ملعقتين سميد في كوب ماء وحطيه ع النار يغلي وحطي عليه دانيت بالشوكلات او كاكاو بودر
وجربي الميلك شيلك رووعه والكوب منه مليان سعرات حراريه وطعممه روووعه ومن حلاوته بتشربين 3 اكوااب اكيد
ولاتنسين النقانق من سنكرز وباونتي وشبس تسلين فيها وتستفيدين
كل اللي كتبته ماله اضرار اشياء طبيعيه ومتوفره
وحتى لو مع بعض ماتضرك اذا مانفعتك
انا جربتها شخصيا وسمنت من اول شهر صرت مربربه خدوود وصدر ومن ورى ويدي من فووق
جسممي صار رووووعه وللحين مانحفت ومستحيل ترجعين مثل قبل الا اذا سويتي ريجيم
يعني لو تركتيها بعد ماتسمنين ماتضرك جسمك طبيعي
يبيلك عزيممه وكل شيء حسب قبول الجسم يعني يمكن البعض ماتبين معها الا بالشهر الثاني او الثالث يعني لا تملين ولا تتكاسلين باقي ع العطله 4 اشهر يمديك تنتفخين شدي حيللك وعلّي همتك وخلي الكل يتفاجأ اذا شافووك بالزواجات وانتي تستعرضين ويقولون ذيك اللي كانت عصاقيل مو معقووووول كيف تغيرت سبحآآآآن الله >>>>خخخخخ عاد انتي عشتي الوضع
بتقولين صعب اجربها كلها بالعكس اذا صعبتيها مستحيل تتقبليها كل شيء من نفسك انتي اللي تقررين
اتركي النووم والكسل لو بتنامين طول عمرك ماراح تشبعين ولا تتغيرين قوومي وافطري وتقهووي وسوي لك صينيه بسبوووسه وكيكات وحلا
وبلاش والكسل ولا تاكلين من الحبووب وتقولين
ابي ازيد وتضحكين على نفسك بالكيلوات الكاذبه اللي كلها مويات
لا تستغربين هذي الحقييقه كلها تضرك ولو ع المدى البعيد الموسيقوور بتفتح الشهيه الى متى بتاكليها
سنه سنتين ثلاث ....!! وبعدها ولو تركتيها بيثبت جسممك؟؟
بتدحدريين وتنسد نفسسك عن الاكل وبتكرهينه
وسبروفيتـــــــــــــــــــــآ لو مالها ضرر لقيتيها بالصيدليه وقدام عينك مو بالخفاء وحريم يوفرونها لك ماتدرين من وين؟؟
وكل ماتاكلينها تنتفخين وتكذبين على نفسك وتصدقين الكذبه
بتاكليها الى متى ؟؟ طول عمرك؟؟ واذا تركتيها !! نزلتي اخس من قبل وضاع جهدك
؟؟
من الحين ارمي اللي عندك من حبووب او مسحوووق او بوودره >> ولاتقولين تو اشتريتها او تو بديت
فلوسك تتعوضين خير
وفريها بشي طبيعي وتحت اشرافك وعارفه وش مكوناته ومرتاحه
صدقيني بتزيدين الكيلوااات اللي تبين وبطلع اللبس عليك خيآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآل لو من ابو 10 خخخخ
وبتدعين لي طوول عمرك
جربيها اليوم ابدي من 1/5 ~~ الى 1/9
اذا مازدتي بالصيفيه عادي العيد تطلعين باحلى اطلاله
خلي عندك عزييمه واصرآآآآر ولا تملين او تتكاسلين
واذا ماسمنتي من اول شهر عادي ياقلبي استمري الشهر الثاني والثالث ليما توصلي للوزن اللي تبين
بس انتبهي تزيدين فوق حاجتك وتدعين علي
هههههههههههههه
يلا خلوونا نتحدى السمينآآآآآت وكل وحده تسجل وش صار معها ونبدا مع بعض ونرفع الموضوووع ليما نوصل للوزن اللي نبي وعقبه بنقوول للمراقبه ارفعيه للارشييف >>هههههههههههه
ادري طوولت بس لمصلحتكم حبيت افيدكم مثل مااستفدت
دعواتكم لي
و أي سؤال انا بالخدممه
روح آلغلآ @roh_alghla_32
عضوة جديدة
هذا الموضوع مغلق.
بنت سيد آلرجآآل يلآ نبي حمآآآآآآآآآس هههههههه
أم آلكتكوتين >>> وش قلنا من آليوووم :/
مآنبي كسل
يلآ شمري وإبدأي معنآ
أم آلكتكوتين >>> وش قلنا من آليوووم :/
مآنبي كسل
يلآ شمري وإبدأي معنآ
الصفحة الأخيرة
جاري التطبيق