السلام عليكم
بدخل في الموضوع على طول " أحب الإختصار"
كنت أعاني من تساقط الشعر بشكل كبير حتى اني كنت انظف بيتي من كثر الشعر اللي يتساقط
وإذا تروشت يمتلي الحمام " الله يكرمكم " من شعري
جربت الفيتامينات والزيوت والحنه وغيرت الشامبو بس بدون فايده
إلى أن قرأت عن شامبو السدر الله يسعدها ويوفقها اللي كانت كاتبه عنه
وصار لي أستخدمه أكثر من شهرين ( حبيت أجربه وبعدين أذكر لكم تجربتي )
والحمد لله خف التساقط بشكل كبــــيــــر جدا وغير كذا طال شعري وصار أنعم ما شاء الله تبارك الله
طريقة الشامبو :
3 ملاعق كبيره سدر ( خذوا السدر الأصلي اللي ما يكون مخلوط من عطار يكون معروف ويجي لون السدر أخضر وهو يشبه الحنه ) :
1
و 3 ملاعق كبيره بابونج ( مفيد للشعر و يخفف من ريحة السدر اللي تشبه ريحة الحنه ":
2
تحطينهم بترمس " مطاره " مخصصتها للأعشاب :
3
مع مويه حاره لمدة تقريبا ساعتين أو ثلاث ساعات ( تنقيع فقط مو نغليهم ) علشان ما تروح الفايده
بعدين تصفينهم :
4
وتحطينهم بعلبه مناسبه عن طريق القمع :
5
أنا عندي علبة شامبو كبيره 700 مل أحطهم فيها
6
وتحطين معاهم بياله ونصف شامبو واللي شعرها دهني تحط بيالتين شامبو
عادي أي شامبو مناسب لشعرك
على فكره الصور من النت
وأخواتي لا تعتقدون أنه ما ينظف الشعر
لا بالعكس أصلا أول ما كان في شامبو كان الاعتماد على السدر
وبعدين أنا لما أحط زيوت بشعري أتروش بنفس هذا الشامبو ويروح الزيت
على الأقل نخفف من نسبة الكيماويات اللي بالشامبو
وحبيت أضيف ترى ماله ريحه شينه أبد
وفي كثير يقولون أن السدر يجفف الشعر أنا شعري عادي أقرب إلى الجاف ولا حسيت بأن شعري جف أبد يمكن لاني احط كريم شعر بعد ما أتروش أو لأني أزيت شعري بين فتره وفتره
((( أستفدت كثير منكم وحبيت أفيدكم ربي يسعدكم )))
أتمنى اللي يعجبها موضوعي وتستفيد منه ما تنساني من دعوه حلوه
موني 14 @mony_14_1
محررة ماسية
يلزم عليك تسجيل الدخول أولًا لكتابة تعليق.
الصفحة الأخيرة
يعطيك ربي الف
عافيه على ذكر تجربتك
والله يسهل امورك ويسعدك بالدنيا والآخرة