قصة ولادتي في الحبيب الريان

السلام عليكم
كيفكم بنات
ابشركم ولدت ولله الحمد والشكر ولادتي كانت بالاسبوع الثالث من التاسع
في مستشفى الحبيب الريان
مع الدكتوره خالده العتيبي ياعساها في الفردوس الاعلى
بدا فيني الطلق الساعة 7 الصباح
رحت المستشفى الساعه 11 الصباح
ولما كشفت دكتورة الطوارئ قالت بس 2 سم
وانا هذا طفلي الثالث
فنصحتني اطلع امشي او اروح البيت ساعتين بعدين ارجع
وطلعت للبيت والطلق ذابحني
وقريت من ورد الولاده وشربت مويه مقري فيها الورد
ورجعت الساعه 3 والرحم على حاله ماتوسع
فقالت اذا تتحملين راح اوسع لك بالتحريض عشان يكون 3سم وقلت لها توكلي على الله
وسوت لي تحريض
وطلعتني فوق لغرفة الولاده ولما جت الساعه خمسه ونص وصل الرحم 6 مع التحريض اللي كانت تسويه الدكتوره والممرضه
وبعدها بنص ساعه فتحت المويه
وعطوني طلق صناعي خفيف
بس ذبحني
وعطوني ابره للرحم بس مادري وشي؟؟؟
وبدا الطلق يجي بدون توقف
والممرضه اللي معي كانت عسل بس تدلك ظهري ورجولي وتمسك يديني واطمني
حتى لما انخفض السكر معي وبديت ارجف
دبلت اللحاف اللي علي
وجابت كريم وحطت لي عشان يدفيني ولبستني شراب حق غرف العمليات
وجابت عصير وبدت تشربني شوي شوي
عشان يرفع السكر
حتى لما انتهى دوامها الساعه سبع ماطلعت جلست لين ولدت
لما جت 7ونص
استدعوا الدكتوره لانه البيبي نزل وقربت طلعته
وجت الدكتوره خالده
وكانت تشجعني وصبوره وبشوشه ماشاءالله عليها
بس البيبي كان يتغلى ماطلع الا بطلعة الروح
وسوت لي توسيع لاني طلبت منها
واخيرااا شرف الساعه 8
وخلصت الدكتوره من الخياطه تقريبا حول 9 بالليل
وخلوني بالغرفه ساعتين تحت الملاحظه
بعدين طلعوني لغرفتي على الساعه 11
تعامل الطوارئ رائع
قسم التوليد رائع
الدكتوره عسل
والممرضات مايخلونك
الغرفه حلوه
عنايتهم راقيه
واكلهم حليو
والحضانه ممتازه
اذا طلبتي البيبي يجيبونه وتوقعين على استلامه وتسليمه
سويت الختان في المستشفى والى الان حلو ومافيه مشاكل
لانه توه ماله الا اربع ايام
الاسعار ماادري عنها لاني تأمين
وبس اللي عنده اسئله حياه الله