يسعدني ان اكون معكم :27:
طبعاً الصور ساعدتني مره في انهاء هذا الموضوع
والي اخذتها من موضوع سمايلي الله يوفقها
http://forum.hawaaworld.com/showthread.php?t=2966681
وأحب أبين عدة نقاط مهمه حتى نتجاوز صعوبه جداره بجداره
- اول شي = افتحي المفكره او صفحة وورد
واكتبي فيها الاتي :
- رقم الهوية الوطنيه
- رقم الهاتف
- رقم جوالك + رقم جوال اخر
- ايميلك + ايميل اخر
- كلمة المرور :
كلمة المرور يبي لها انتباه
- فقط 3 حروف و3 ارقام
- اول شي الحروف وبعدين الارقام
- مثال :
sss111
واضح
انتبهي لازم تكون حروف انقليزي وليس عربي
احفظي الرقم ولاتنسينه بتدخلي في موال جديد
هالامور كلها تخص اول صفحه
لانها كل شوي تنعاد وكل شوي يعلق
فماراح تجلسي باوراقك تحوسين وتبحثين
كل شي اكتبيه بالمفكره وبس نسخ ولصق وبسرعه
واذا علق ارجعي بس انسخي والصقي
هالطريقه ريحتني كثيررررررر
انا من السبت حايسه ومااجتزت الصفحه الاولى الا البارح
وعشان كذا انا معكم اليوم عشان اقدر اساعدكم ونساعد بعض
هذي الصفحه الاولى ..
من سجل جديد ندخل
واذا تم دخولك بسلام لها الصفحة
راح تجيك هالصفحه
واذا تم دخولك بسلام
تكتبي المعلومات الي شرحتها والي قلت اكتبيها في مفكره اسهل لك
اي اسئلة انا حاظره بس هنا بالموضوع
بعد شوي راح اكمل النقطه الثانيه الي تخص الصفحه الثانيه
وبصراحه كل صفحه وفيها مشاكل وصعوبه
حسيتها كنها مغامره لازم احل اسرارها عشان اجتازها للمرحله الثانيه والثالثه حتى افوز
بجد موقع سيء بكل المقاييس
بس ان شاءالله نلقى فايده ونتوظف يارب
نكمل ....
هنا كل المراحل بالتسلسل ... اوكي
اذا اجتزتي مرحلة المعلومات الشخصية + مرحلة المؤهل خلاص تضمني ان اسمك دخل في التسجيل
- صح اذا علق معك بترجعي من جديد بس اهم شي اسمك موجود
- اذا سجلتي وخرجك النظام
ماتدخلي من سجل جديد
لاااااااااااااا
تدخلي من الصفحه عادي تدخلي السجل المدني ثم كلمة المرور المكونه من 3 حروف و3 ارقام اوكي
مرحلة ادخال المؤهل ترفع الضغط
لان عند ادخالك اي معلومه يجلس تقريبا 5 ثواني يحملها
- تبدئي بادخال الدرجة العلمية = جامعي ثانوي وغيره
- بعدين تدخلي التخصص ... في كثير مالقو تخصصهم او حاسو فيه بشويش ابحثو عنه كل التخصصات تقريبا موجوده واذا مالقيته اكتب بالعموم يعني مثلا هو تاريخ او جغرافيا مالقى الا اجتماعيات خلاص يختارها مو يروح عليه الوقت عالفاضي ويجلس بدون تسجيل !
- طبعا يكتب المؤسسة العلميه جامعات او كلية البنات حتى لو تحولت الكليات الى جامعه اكتبي كلية لاتكتبي جامعه لانك تخرجتي من مسمى كلية وليس جامعه اوكي
- طبعا تم الحصول على المؤهل تختاريه !
- نجي للمرحلة الي بعدها ...
- نوع المعدل اما نسبة مئوية او معدل
تلقينه واضح في الوثيقة
اما نسبة او معدل
اذا معدل من 4 او 5
كله واضح بالوثيقه لاتحوسون انفسكم اوكي
كيف نكتب النسبه ... مثلا 45و89 بالمئة كيف تكتب
89.45 فقط بدون وضع %
كيف كتبتها الرقم شفت الت حرف ( ز )
واضحه
المعدل هم بعد واضح
معدلك من 5 وكان 45و3 كيف يكتب
3.45 فقط تكتبي الرقم فقط
مو تكملي 3.45 من 5
لا مافي داعي
شفت الت الرقم (ز)
(ز)<<< هي الفاصله فهمتو
-تكتبي التقدير ونوع الدراسة انتظام او انتساب
- طبعا نجي عند نقطة
نوع المؤهل ... تربوي او غير تربوي
والي تدرس الان تربوي تكتب غير تربوي حتى تخلص دراستها لان فيه مفاضله 25-5 واذا لقو اي غلط في المعلومات تروح عليك فالافضل الدقه في وضع المعلومات
- بخصوص رقم الطالب ايضا هو اختياري = وهو الرقم الجامعي منتي حافظته اكتبي اي رقم
- نكتب تاريخ التحاقك بالجامعه ولو بالتقريب
وهنا جدول يوضح لكم تاريخ بداية الدراسة من 1419 الى 1428
http://i578.photobucket.com/albums/s...7/98821b70.png
وتاريخ الانتهاء من الدراسة موجود بالوثيقه
- نجي للمرحلة الصعبه
وهو ارفاق صورة من المؤهل !!!
انا بصراحه حاولت فيها ورفض كل محاولاتي
ورجعت من الاول التالي التالي
وطنشتها ماجيت يمها والحمدلله مشي معي
يعني ماهي لازم تنحط اوكي
اضغطي التالي ...
مرحلة الي بعدها =المجالات الوظيفية
نكمل ,,,
تدخلي من هنــــــــــا
خلاص تنسي تسجيل جديد
تكتبي رقم الهويه الوطنيه وكلمة السر
وتكملي الصفحات الي عبيتيها خلاص
بـ التالي التالي التالي
لين توصلي للصفحه الي بعد ماكملتيها
واضح
اذا خرجك النظام وطلعت لك هالصفحه ...
لاتقفلي الصفحه انتبهي
ولاتسوي تحديث f5
لا اضغطي على >>> العوده الى الصفحة الرئيسية
وانا حطيت عليها مربع احمر واضحه بالصوره
راح تفتح لك هالصفحه
ولو فتحت لك تراها بتسهل لك تسجيلك بكل يسر وسهوله
وبكذا تفتح معك من الاول الصفحات
لاتزعلي
بس اضغطي التالي التالي التالي
حتى توصلي للصفحه الي لسى ماكملتي تعبيتها وتكملي
وكل مافتحت لك صفحة المحاولة لاحقاً
ارجعي من العودة للصفحة الرائيسية
واضح
مع العلم اني الى الان مانتهيت منه
الله كريم
يارب يكمل اليوم وارتاح
نكمل ...