احيانا اسويها بالبرغل واحيانا بالعيش وفي كلا الحالتين لذيذة ماشالله
( الله يشفي زوج اختي ويخليه لهم يارب من اسوي هالطبخة على طول اذكرهم هو واختي
لاني كنت اسويها واطرش لهم كان يعجبه وايد الله يردهم بالسلامة)
ننقع كوبين من البرغل وبعدين اصفيه من مايه واضيف عليه الطماط المفروم والبصل والثوم والشبث والبصل الاخضر والملح والفلفل الاسود والكمون واخلطهم مع بعض
حسيت انه يحتاج الى زيادة بصل اخضر
وملعقة صغيرة ليمون اسود بودرة
ونخلطهم مع بعض
ماشالله الريحة تجننن
نكون مجهزين الدجاج ومنظفينه عدل ومتبلينه
نحشيه بالخلطة والباقي احطه بالصينية
المهم
ناخذ ملعقة معجون طماط مليانة ونذوبها في الماي وعصير ليمون ونصبه فوق الخلطة ونسكره بالقصدير وندخله الفرن الحار لمدة ساعة
اخر شي نفتح القصدير حتى تتحمر الدجاجة ويقدم
الطعم لذييييييييييذ عالاخر
ومع الليمون يجننن
الف صحة وهنا
جربوها تجنننن ماشالله:26:
