بنات بنبهكم لشيء اللي حامل لاتستخدم ولا شيء لين تولد أنتبهوا لهذي النقطه
اللي خربانه خراب قووي ومبطي فيها تقول أمي تروح لها لحرمه وتشوف وش فيها
المردود تقول أمي مايضر مثله مثل الأكل عادي واللي تبيه بوقت الدوره بعد عادي وطريقته ملعقه على كأس حليب الفجربعد الفطور والمغرب
البنات عادي يأكلونه بس أمي ماتشجع البنت تأكله وهو مايضرلوأكلته وخالتي تعطيه بناتها وهن ماتزوجن وتمدحه بالحيل
على فكره تراه يسمن خخخخخخخخخخخخخ اللي ماتبي تسمن لاتأكله وقت طويل أو تعتمده بالدوره فقط
مثل ماوعدتكم أجيب لكم نظام الدوره وعلاج الخواء والهواء من خبرة امي بهذا
الموضوع ..بس قبل كل شيء تعالوا نعرف ايش الهواء ولخواء وهواء الراس
خواء الراس (تحسين بصداع واي صوت يعورلك راس وطنين بالآذاون ودوران فالراس والصوت يضايقك حتى لوكان صوت عادي ودايم مصدعه وتحسين نفسك مسبوههه تشوفين الشيء قدامك وماتشوفينه )
علاجه تجيبين رأس وتحشينه حوايج ورز وأمي تقول احسن شيء المردود وتلقينه جاهزعندالعطار بس نقيه من الصك واللك والعفص والاشياء هذي وعشان تعرفينها روحي للعطارقولي عطني عفص وصك ولك عشان تعرفين شكلهم واحفظي شكلهم زين ثم اشري مردود واي شيء تلقينهمنهم يعني صك ولك احذفيه واطحنيه وبالعافيه عليك
بعدما تحشين الراس خليها خمس ساعات مخمرفالقدربعدين أطبخيه لين ينظج واخذي
القدرمعك للغرفه وادخلي تحت بطانيه ونزلي كل شي ولاخلي عليكي قميص وسيع بس
بدون ملابس داخليه وافتحي القدروخلي البخار يدخلك ابد كنك تسوين حمام سونا :hahaha:
بس آنتبهي لاتحرقين نفسك واذا حابه تشربين من مرقة الراس تراها زينه واذا ماتبين
اشربي كوب اعشاب ثم البسي ملابسك وارقدي أو اقعدي ساعه كامله بعد التبخربغرفتك
لاتشمين ولانسمة هواء بارده
الحين أنتي بحول ربي وقدرته شفيتي من خواء الراس وهذي طريقه قديمه ومعروفه واسمها الحنذه
خواء البطن(اصوات وغازات وهواء يطلع من تحت ورطوبات وبعد بخواء الراس
يصيبك هالأشياء)
علاجها تجيبين كرشةغنم وتنظفينها وتحطين فيها ثلاث ملاعق مردود ورز وتخيطينها وتخلينها تخمر وتطبخينها وتبخرين بخارها نفس طريقة الراس بالضبط وتأكلين منها اذا
حابه
هذا العلاج ماتحتاجه كل وحده بس اللي تحس نفسها خبانه خراب ماتصلحه الحوايج
نظامك وقت الدوره :
دواء القهوه عن الشمم والمغص وينزل الدم :
فنجال محلب +فنجال كمون + كم كسرة مره + ملعقه صغيره مسمار + فنجال خوجوا
ناشفه
تطحنينهن كلهن وتحطينهن بعلبه وكل ماتقهويتي العصروالصبح تحطين شوي بفنجالك
وتقهوين (أول ثلاث أيام الدوره)
تمرة الدوره :
ملعقه رشاد + ملعقة سمن او زبده + نص كيسة التمر الصغيره تعجنينهم جميع وتقهوين عليه كل صبح وتغيرين المقاديرعلى حسب كمية التمر
دواء الحليب :
فنجالين حلبه مطحونه + فنجالين ماش مطحون + فنجال سويداء مطحونه + فنجال كمون مطحون+ نص فنجال فلفل أسود مطحون + ربع الفنجال رشاد حب ماينطحن الرشاد ابد لانه حارعلى المعده + فنجال محلب
تلهمينه لهم اول ماتصحين الصبح تجيبين كاس حليب دافي عشان تقدرين تشربينه ورى اللهوم وتلهمين ملعقه أوملعقتين وعلى طول وراها كاس حليب
وتسوين لك قرصان مفروك اوعصيده وتحطين معه من هالحوايج ولازم فطورك يكون بدري اقصى حدلك الساعه 8ونص لاترقدين لأكثرمن هالوقت وأنتي معك الدوره
علاج المويات والرطوبه الزايده والهواء :
كسرة مقل (المقل يشبه المره لونه اسود تلقينه عند العطار)
عشرحبات محلب أو 15 عادي بس لاتكثيرين (والمحلب غيرالحلبه آنتبهوا يابنات )
وصورت لكم المقل والمحلب عشان اللي ماتعرفه :39:
بخورالهواء وصورته لكم بعد
أمي تشريه جاهز من العطار اللي تبي تسويه بنفسها
مره حلتيت قشربصل اثل سويداء فلفل الهواء قشر ثوم بس اللي باعطار احسن بواجد على كلام أمي :04:
البخور لاحسيتي الدم وقف معك تبدين تبخرين يعني تقريبا الثلاث الأيام الأخيره
واللي محتاجه للبخور يعني حست بهواء وهي ماهي بوقت الدوره عادي تسويلها
كبو الصبح والمغرب لين تحس انها تمام أمي تقول بعض الحريم تاخذ اسبوعين
وبعضهن يومين حسب حالتك
وفيه بخور بطريقه ثانيه تحطين حوايج وأذخر وكزبره بماء وتكونين بالمطبخ عندك دافورولاجزه ولاالفرن عادي تحتاجين احديساعدك تكبين بخارهالحوايج وكل مابرد الماء تركبينه مره ثانيه على النار وترجعين تبخرين به
مشروب الدوره :
دارسين + قشرقهوه + زنجبيل + فلفل ابيض + كمون وكل وحده وحسب طريقتها وايش تحب
تشرب بس الدرسين وقشرالقهوه اهم شي
وضوء الدوره:
ارطى + ملح +مره زين للأتهابات ويشد المنطقه هذا للمتزوجات
البنات عادي بدون ارطه
أنتبهي من الامساك تقول أمي يوسع المره ويلعب فيها ويخلي ريحتها من تحت شينه وعلاج الامساك عنزورت تشربينه
مع القهوه واذا عندك اي علاج للأمساك استخدميه اهم شيء انتبهي من الأمساك لأنه عدو المره وسبب توسعها
النظام كامل يصلح للبنات والمتزوجات مثل ماأنتم شايفين مافيه تحاميل ولاخرابيط
يعني ينفع للبنت بس المردود ماتنصحه فيه امي للبنت مع ان فيه بنات يأخذونه عادي
بس أمي تقول خراب البنت اسهل من خراب المتزوجه :04:
أخر شيء دعواتكم لي بأن الله يحقق لي اللي في بالي ويشفي أمي
ويطول بعمرها واي سؤال أنا حاضره ترى تعبت بالموضوع من الساعه 2وأنا
أكتب من أمي بدفتربعدين اكتب لكم هنا وصورت لكم الأغراض بنفسي ولاأبي
غيردعائكم :39:
بنت الفريدي وكل وحده طلبت طريقة المردود أمي تقول ارخص تشرينه جاهز مخلط بدل ماتشرين كل حاجه بلحالها وتنقينه ثم تطحنينه لاتأخذين مطحون أبد خاصه المردود الكويتي
واللي ماتبي تشري جاهز هذي المقادير من أمي :
فنجال يعني فنجال قهوه كاسه يعني بيالة شاهي أو استكانه للي ماتفهم وش يعني
المقادير :
ملعقة زرار تلاقينه عند العطار
وطريقته تدقينه بالنجرلأنه صعب ينطحن ثم بعد ماتدقينه تطحنيه ناعم ثم تضيفينه لباقي المقادير
عدس (فنجال )
حلبه (كاسه)
ماش (كاسه)
كمون (فنجال )
شمر (ملعقتين )
حبه سوداء (فنجال )
محلب (فنجال )
لويه (عود ولاعودين )
عرق الضهر (كسره وحده بس )
رزنه (فنجال ) تقول أمي الرزنه تبيض البشره
حبه وحده كلوه
(تجيك نفس شكل الكليه ولونه بني وملمسها ناعم وصلب تكسرينها وتأخذين اللي داخلها بس وتحلتين الجزء القاسي
اللي لونه البني يعني قشرتها الخارجيه إن شاء الله فهمتوا قصدي)
تتطحن جميع المقاديرطحن ناعم وتحفظ بعلبه زجاج وتشربين منها على كاس حليب