السعودية - 0534500470
لوشن البياض الخاص
تم توفير لوشن الفيتامينات المبيضه روعه ويناسب الاطفال بياض وصفا وتوحيد
              

السعودية - 0534500470
لوشن البياض الخاص
تم توفير لوشن الفيتامينات المبيضه روعه ويناسب الاطفال بياض وصفا وتوحيد
إضافة رد
 
أدوات الموضوع انواع عرض الموضوع
قديم 13-04-1432 هـ, 12:50 صباحاً   #1
الغاده المترفه

كبيرة محررات
 
الصورة الرمزية الغاده المترفه
 
تاريخ التسجيل: 13-12-1428 هـ
المشاركات: 7,607


Red face لسعاده زوجيه أهتمي بنفسك من الداخل موضوع مهم لكل بنت ومتزوجه

السلام عليكم يافتيات

موضوعي مهم جداً مهم وراح تندم اللي ماتقراه ...

أنا مو متزوجه لكني من جتني الدوره وأمي توصيني أهتم نفسي بوقت الدوره
وكانت تزعل واحيانا تدعي علينا (أناوخواتي اذا نمنا وقت الدوره ولاأكلنا شيء بس
عشان تخليني نهتم)

ومطنشات لين الحين بس نقوم قدام عينها ونرجع نرقد تزوجن خواتي الكبارأختي الكبيره أختلطت بجاره لها حضريه وأقنعتها أن البدويات يبالغن بالحوايج والأهتمام
والهواء ومدري أيش أختي سمعت كلام جارتها وماأكلت مردود بنفاسها ولاشيء
من أدوية النفاس (ماأقلل من معرفة الحضريات وخبرتهن لكني حبيت اسرد لكم القصه بتفاصيلها )

وأعتمدت على الرشاد والمشروبات الساخنه ورفضت تأكل المردود وأمي تزن على رأسها ورفضت أختي بحجة أن المردود يخرب المره (كلام أمي المردود ابد مايخرب لكن فيه مردود كويتي فيه عفص وصك ولك لازم تنقين المردود منه زين قبل تطحنينه )

وآستمرت أختي على نظام جارتها وتركت كلام أمي وزود على كذا فطورها احيان نواشف واحيان ماتفطريعني على مزاجها

خلصت الأربعين وكانت المفاجأه أنواع الخراب هواء ومويات
والتهابات وبلاوي لدرجة أختي صارت بنفسيه صفرودايم ضيق خلقها ومهمومه وتبكي
وكل شوي رايحه لحرمه وصرف فلوس وكل معالجه وشطارتها في لهف الفلوس

وندمت انها ماتهتم بنفسهايومهابنت ويوم ولدت

ضاق صدرأمي عليها وكنت جالسه معهم واسمع وش يقولون أنصدمت بكلام أمي ياربي
معقووله حنابهذا العمرومانعرف ندبرأمورنا تحلف أمي تقول منول على وقتنا كان جوع
وفقرمانلقى شيء نأكله لدرجة الوحده منا تأكل التراب وقت الدوره عشان يثقل رحمها
ويسد جوعه ولايتعبى رحمها هواء

واي وحده عندها مره كبيره أمهاولاجدتها تسأل عن كلام أمي هذا تحلف حلف أنهن يأكلن التراب ..

وتقول أمي أختي (تقصد خالتي ) جابها زوجها وقالها روحي لأمك تسنعك ولاصرتي مره تعالي !!!
والسبب أن معها مويات بس شلون هواء ونزول ومدري أيش

وتقول سالفه ثانيه تقول وحده ملكة جمال يتذابحون عندها الرجال على وقتنا وكل شوي
وهي مطلقه وراحت لمره وعالجتها والمره هذي علمت بقصتها كل الحريم تعرفون الحريم ماعندهن ستر خخخخخخخ رغم أنها ملكة جمال شوفي ماتحملها رجال على قولة أمي الرجال لازان طوووووووط يشوفك ملكه << أفهموها عاد

والله أني ماذكرت لكم هالكلام الا عشان تنتبهون لأنفسكم كثيرمنا جاهلات سواء بنات أو
متزوجات وثمن الجهل في هذي الأمورغالي غالي الي هو سعادتك لاتستغربون قسم بالله
اللي ماهي مضبطه آمورها تلقينها تعيسه مع زوجها الا من رحم الله

نصايح أمي حسب ماسمعتها وهي تقولها لخواتي خاصه اختي اللي خربت

اللي معها أفرازات تجيب قارورة موية صحه أمي ريال وتحط فيها عشر حبات محلب وكسرة مقل قد حبة الحمص (المقل تلاقينها فالعطار وكذلك المحلب) واشربي منها
كل شوي رجيها واشربي لين تخلص اذا أحتجتي يعني مانشفتي سويها مره ثانيه
تنفع للبنات والمتزوجات

اللي عندها خواالراس تجيب راس خرووف وتحط معها مردود في قدر وماء اللي يكفي
لنضج الرأس ولما يخلص تجيبين بطانيه وتخلين احد يساعدك يدخل لك القدر من تحت وخليكي تبخرين بخاره لين يروح البخار وبعدين أكلي من الراس واذا ماتحبينه عادي

اللي عندها خوا البطن تحيب كرشه وتنظفها وتحط فيها 3ملاعق مردود وتخيطها وتطبخها ونفس طريقة الرأس أطبقينها

ألشبه والعفص والصك واللك أبعدي عنهم ولاقسم بالله ادمرين نفسك ونتايجه وقتيه بس
ولاتركتيها تعالي شوفي نفسك خربات ومويات وهواء وكل شيء


الهواء اللي يطلع من تحت :
كبوالهواء تلقينه جاهز عند العطار واحسن نوع اللي يجي فيه
حبوب حمراء دايم اشوف امي تشريه لخواتي

الرشاد زين بس كثرته ترخي (اللحم) جربي حطي حبات رشاد بماء وشوفي اللزوجه اللي تطلع فظيعه مايكثرابد ابد

تعبت بكملكم الموضوع بكره اي وحده عندها سؤال تسدحه عشان أكتب لكم موضوع متكامل مستقل وتكون أمي صاحيه وأسالها لأني نسيت اشياء أمي تقولها خخخخخخ

لاتنسوني من دعائكم أن الله يحقق لي اللي في بالي ويشفي والدتي لأن قلت لها يمه
أبكتب موضوع للبنات نبي من خبرتك قالت ابشرن



اللي تعرف علاج للنزيف ترسلي خاص الله يوفقها ويحقق لها ماتتمنى

لقب الغاده المترفه يمثلني في عالم حوا فقط اي لقب في مكان ثاني او تويتر اوفيس بوك ليس لي ولا يعنيني
الغاده المترفه غير متواجد حالياً رد مع اقتباس إرسال الموضوع إلى الفيس بوك إرسال الموضوع إلى تويتر




13-04-1432 هـ, 12:56 صباحاً
#2
الله يسعد امك ويخليها لكم وكلامها عين العقل بس ايش نظامكم وقت الدوره وتسلمي ياالغلا


توقيع


رد مع اقتباس
فوفو الشمالية غير متواجد حالياً  



13-04-1432 هـ, 12:58 صباحاً
#3
!!!!
عمومااااااااا جزيتي خيراااااااااااا


توقيع

[center][b][size=6][color=black]قهوه ملكيه مضبوطه 100%عباره عن بن وبهارات وزعفران لا ينقصها سوى الهيل مخلوطه على ايدي خبيرات في القهوه العربيه وراح تصيرين خبيره مثلهم
30KBforum.********** للطلب 0543260111لكيلو ب70ريال
رد مع اقتباس
القهوة الملكية غير متواجد حالياً  



13-04-1432 هـ, 01:01 صباحاً
#5
الله يجزاك خير


توقيع

اللهم اشفي امي شفاء لا يغادر سقمى اللهم امين

رد مع اقتباس
اخت اخوها.. غير متواجد حالياً  



13-04-1432 هـ, 01:05 صباحاً
#6
الله يسعدك ويشفي امك وامانه سلميني عليها والله يلبسها الصحه والعافيه


رد مع اقتباس
معذبني الشوق غير متواجد حالياً  



13-04-1432 هـ, 01:05 صباحاً
#7
الله يووفقك ويجزااك خيير ويخليك لاميمتك
ويجزا امك خييير
فعلا مووضووع مفييد
ننتظر المزييد


توقيع

واذا سألك عبادي عني فأني قريب أجيب دعوة الداعي أذا دعان
رد مع اقتباس
شذا الجنه غير متواجد حالياً  



13-04-1432 هـ, 01:07 صباحاً
#8
بانتظارك ياعسل وبانتظار نصائح مامتك


توقيع


رد مع اقتباس
هلآك بس ملآك غير متواجد حالياً  



13-04-1432 هـ, 01:10 صباحاً
#9
فوفو الشماليه انتي بنت ولامتزوجه عشان اعطيك نظام يناسبك


رد مع اقتباس
الغاده المترفه غير متواجد حالياً  



13-04-1432 هـ, 01:12 صباحاً
#10
الله يسعدك ياحبيبتي


توقيع

,

ياااارب لا تحرمني زينة الحياة الدنيااا <3

رد مع اقتباس
دنيا العجايب ! غير متواجد حالياً  



إضافة رد

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
الانتقال السريع


الساعة الآن 05:38 .