12-04-1432 هـ, 09:30 مساءً
اقتباس مشاركة  (ام الحلوات 001)
ياغالتي عندي غرفة بناتي نفسي اصبغها لون فوشي وتفاحي لون أثاث الغرفة أبيض وفيها وردي بسيط أعمارهم 4سنوات وسنتين
اختيارك للالوان حلو هاذي بعض الافكار والاقتراحات لما تجين تسوين الصبغ

طبعا الصور لوحدة حاطتهم في النت انا جبتهم لانهم ابداااع وحلوين ونفس اللي انتي تبينه



سوي لك جدار واحد كذا يكون اعمدة خليها نفس الشي اعمدة تفاحي ووردي فاتح وحددي الاعمدة بالفوشي عاد خلي التفاحي اغمق شوي




هذا الجدار نفسه من بعيد



بعدين جدار فوشي وحطي فيه ارفف وردية .



هاذا الجدار نفسه



هنا بعد الجدار الثالث بعد فوشي .. صاحبة الغرفة مسوية الجدار الرابع بعد فوشي أنا من راييسويها تفاحي فاتح وسوي فيها دوائر فوشي وتفاحي

بالنسبة لترتيب الاثاث أنا اقول : السرير في جدار الدوائر خزانة الملابس في الجدار المقلم أما التسريحة والمكتب وبقية الامور في الجدارين الفوشي

في النهاية اتمنى افكاري تكون اعجبتك


12-04-1432 هـ, 09:38 مساءً
اقتباس مشاركة  (محيرتهم)
تكفين اسعفينى

حلو موضوعك جدا ومشكوره كلنا بنتعبك >>> بيتى عباره عن صاله مزينه وكل شي والجزء الثانى
عندي سيب <ممر> طويل يوصلل للغرف غرفه يمين ومطبخ يسار شفتى ممرات المستشفيات زي كذا
مره مو حلو ما اقدر احط لا زينه و بالجدار ولا شي لان عرض الممر تقريبا متر فقط والسيراميك لونه قريب من لون الخربزي
افيدنى الله يسعدك علما انى احب الافكار واشتغل بالاعمال الفنيه الاهالممر عقدنى وتوقف تفكيري


وشكرا
بسم الله الرحمن الرحيم

بما انك تحبين الاعمال اليدوية أنا اقترح عليج تسوين دوائر باحجام مختلفة بتجليد الشمواه واختاري الوان مناسبة للسيراميك و لون البوية الصورة توضح لج قصدي بالدوائر



بعدين روحي عند النجار وخليه يسوي لج إطارات ناعمة خشبية وحطي داخلها مرايا ووزعيها على الجدار خلي احجام الاطارات متنوعة ومو كلها مرايا خلي بعضها مرايا وبعضها خليه للصور

نصيحة قبل لا تسوي الدوائر خططي وين بتحطين الاطارت عشان ما تصير الدوائر كثيرة أو الإطارات كثيرة ويصير مبالغ فيه .. خططي وبعدين ابتدي الشغل

اتمنى اكون افدتج
12-04-1432 هـ, 10:01 مساءً
اقتباس مشاركة  (وطن رحال)
عزيزتي االله يعطيك العافيه
بسوي غرفه لبناتي اعمارهم 5سنين و2سنتين
وابغى اصبغها لونين ومحتاااره جدا بالالوان ؟؟
وتنظيم الاسره كمان ماني عارفه كيف
ياليت تساعديني فيها
وايش احط لهم فيها من اكسسوارت
وهي ماهي مرا كبيره
يمكن 3 *4
ولي رجعه مع بقيه البيت
الله يقويك ويعطيك الصحه والعافيه
اول شي نجي للالوان


شوفي هنا الالوان رووعة وطريقة تداخل الالوان اروع أنا من رايي سوي جدار واحد كامل كذا وبعدين الجدار الملاصق له واصلي عليه مثل الصورة بس مو الجدار كامل لا شوية منه والباقي من الجدار خليه للخزانة يعني لا تصبغينه لاني ارشح انج تسوين خزانة كبيرة للسقف يعني هالجدار راح يكون للخزانة ماعدا جزء صغير وانا من رايي خلي هالجزء الصغير حطي فيه رفوف ابيض سادة و صفي عليها الالعاب


بقية الجدران سويها وردي شوفي في الصورة في ورديين أنا اقول سوي الوردي الفاتح وسوي الاثاث ابيض

أول شي نجي للتسريحة سويها شي ناعم وبسيط بما انهم لساتهم صغار


السرير سويه مثل هالتصميم بس لونه ابيض سادة .. بالنسبة لبنتك الصغيرة ممكن تسوين لها نفس السرير بس اشتري الحواجز اللي تنشال وتنحط لانها الحين صغيرة لكنها بتكبر فلازم يكون السرير مناسب للحين وللمستقبل وحطي السريرين جمب بعض وبينهم كوميدينو شوفي اللي في الصورة صغير ومرتب سويه ابيض سادة واللي يزيد من البوية الملونة سوي في درج واحد اعمدة ولونيها بنفس الالوان وخلي مفرش السرير ملون بنفس الوان الجدار


وسوي الارضية سواء موكيت أو رخام مثل لون الصورة الفوقية أنا احبه في الغرف لانه محايد تقدري تنسقيه مع اي شي ووزعي قطع زل مناسبة

والستارة سويها شي سمبل شوفي مثل الصورة بس انتي غيري في الجزء اللي فوق سوية بنفس الوان الجدار




ولو حابة اساعدج في تنظيم الاثاث رسمي لي رسمة مبسطة للغرفة يعني مكان الستارة ومكان الباب عشان اوريج وين تحطين الجدار الملون ووين السادة و وين نحط كل قطعة من الاثاث

اتمنى اكون افدتج
12-04-1432 هـ, 10:02 مساءً
عندي أستفسار عندي صاله طويله يمكن 3ونصف في سته أبغى صور لكنب على شكل Lوياريت أسمامحلات
بجده
12-04-1432 هـ, 10:18 مساءً
اقتباس مشاركة  (*أم الإمام*)
ماشاء الله
موضوع مميز ،
أممم ،، أنا توني أمس رحت اخرت غرفة ولدي ،،
اخرت السرير مع الدولاب لونهم أبيض مع أخضر ،
الأخضر نفس ذا اللون :






و احترت في البوية : وش أصبغ الجدران ، أول كنت مفكرة أحط 3 جدران سماوي و جدار مقلم أخضر و سماوي و أبيض ،


أنا كان ودي الأثاث يصير سادة أبيض ، بس زوجي بالمحل قال لي لازم ندخل لون ،
أحس ودي أقول له يكلم صاحب المحل يخليه لون واحد بس أبيض
و كنت مفكرة أبدع بالمفارش و الجدران و الستارة و الاكسسوارات ـ
وش رأيك أخلي الأخضر مع الأبيض و لا أخليه أبيض سادة ،


و الجدران وش أصبغها ..
بما انك دخلتي اللون الاخضر لازم تغيري الالوان اللي اخترتيها للبوية اول شي اهنيكي درجة الاخضر اللي اخترتيها روووعة وانا احبها

نجي للبوية بنطبق نفس فكرتك 3 جدران سادة وجدار مقلم بس بنغير الالوان



شوفي الثلاث الوان اللي في السرير انا ارشحها تسويها في الجدار المقلم وبقية الجدار تسويها اخضر فاتح بعد مثل درجة اللي في الصورة

الارضية سويها سكري فاتح عشان يبرز بقية الالوان ووزعي قطع زل على شكل دوائر بالاخضرين يعني الفاتح والغامق و خلي المفرش جيشي ( مثل ملابس الجيش ) يطلع وااااااااااو بس مو اي جيشي اختاري شي مناسب في جيشي تحسينه املح لا خذي واحد فيه زهوته ويجذب الواحد

في النهاية اتمنى يكون ذوقي عجبج .. والفكرة نالت على رضاج

تحياتي / ترنيمة عناد
12-04-1432 هـ, 10:37 مساءً
اقتباس مشاركة  (ام دنو الاموره)
الله يسعدك يااااااااارب بصراحه موضوووووووع رائع 00

ببدا بمشكلتي اول ماادخل بيتي من قسم الحريم فهمتي يعني انا بالحوش وبدخل قسم الحريم علطوول سيب مو مره طويل وعلى يساري غرفة الحريم 00ومحتاااااااره فين احط المدخل او اذاعندك فكره جديده بدل المدخل لانو مافي مكااااااان مناسب يكوون فيه المدخل الا هالسيييب تكفيييين يالغاليه تساعديني ولك مني اصدق الدعوااااااااات واعذريني على لخبطة الكلام 000
انا اقتراحي سوي لج شي فخم لان اول ما ينفتح باب الحريم راح يكون هالشي بالوجه شوفي هالصورة وخذي لج منها افكار انا عجبتني ككل ماعدا قطعة الزل شوفي الذهبي شلون حلو بالمدخل راااقي صراحة و لون ورق الجدران رووعة .. بس انا من رايي ينشالون الكراسي الصغار مالهم داعي يطلع احلى





اتمنى اكون افدتج ..
12-04-1432 هـ, 10:39 مساءً
وانا غرفه جلوس عند امي 3×4
وتقريبا بيتنا ضيق
والصاله كنب مغربي
وامي حابتها جلسه عربيه يعني بس مخدات
وانا اقترح عليها كنب مرتفع لانه اريح بالجلسه وحلو للكشخه نستقبل ضيوفنا فييييييه
وانا وامي محتارات رايك يهمنا
شغالة اثيوبية للتنازل ب7الآف الجادات ع الخاص
12-04-1432 هـ, 10:43 مساءً
موضوع روعه صراحه
وافكارك وابداعتك مع البنات تدل على ذوق راقي ماشاء الله

وحابه استفيد منك
غرفه اهلي لجلستهم وهي مفتوحه على الصاله وابوي ماسوي نصف الجدار سراميك ونصف معتق اللون سكري
يقول عشان الاطفال واسهل لتمسيح
وشرايك سويت جلسه ارضيه لون بنفسجي غامق والخداديات مستطيله كبيره 3 مقلمه بين البنفسجي والفوشي والاسود و3 مشجر بين الالوان هذي و3 ساده فوشي والستاره شيفون ابيض بورد مخمل اسود
وباقي طاوله بلازما تفصيل اسود
وشرايك هل ينفع نحط ورق حائط خلف البلازما ومشكله السراميك
ودي اضيف خدديات صغيره بيضاء او سوداء او ابيض بسود (زيبرا)
12-04-1432 هـ, 10:49 مساءً
اقتباس مشاركة  (ترنيمة عناد)
بما انك دخلتي اللون الاخضر لازم تغيري الالوان اللي اخترتيها للبوية اول شي اهنيكي درجة الاخضر اللي اخترتيها روووعة وانا احبها

نجي للبوية بنطبق نفس فكرتك 3 جدران سادة وجدار مقلم بس بنغير الالوان



شوفي الثلاث الوان اللي في السرير انا ارشحها تسويها في الجدار المقلم وبقية الجدار تسويها اخضر فاتح بعد مثل درجة اللي في الصورة

الارضية سويها سكري فاتح عشان يبرز بقية الالوان ووزعي قطع زل على شكل دوائر بالاخضرين يعني الفاتح والغامق و خلي المفرش جيشي ( مثل ملابس الجيش ) يطلع وااااااااااو بس مو اي جيشي اختاري شي مناسب في جيشي تحسينه املح لا خذي واحد فيه زهوته ويجذب الواحد

في النهاية اتمنى يكون ذوقي عجبج .. والفكرة نالت على رضاج

تحياتي / ترنيمة عناد

يعطيك العافية و الله ماقصرتي ،
فكيتي حيرتي ،
درجة الألوان اللي اخترتيها مرة حلوة ، يجزاك ربي خير و لا يحرمك الأجر على مساعدتنا ،،
12-04-1432 هـ, 11:02 مساءً
[IMG]http://www.*******4s.com/vb/imgcache/4685.imgcache.jpg[/IMG]مشكوره اختي
اللهم يارحمن يارحيم ياجواد ياكريم اشف اخي وامي وابي شفاء لايغادر سقما يارب ومتعهم بالصحه والعافيه يارب العالمين عاجلا غير آجل وجميع مرضى المسلمين


الساعة الآن 09:01 .

جميع الحقوق محفوظة - عالم حواء - 2015