زوجة عمه مضايقتني هذا وأنا بعدني ما تزوجته

السلام عليكم بنات حواء

في موضوع مضايقني أو بالأحرى فالق كبدي :(

"زوجة عمه" واللي حاطة علي
هذا وأنا بعدني فترة خطوبه ما تزوجت :icon33:
وخايفه بكره بعد الزواج تتفاقم المشكلة، فياريت تنصحوني هل اتجنبها ؟
ولا اواجهها :icon29: في حال صار موقف لاسمح الله

خلوني أقولكم القصة من البداية

يوم الخطوبه
أو يوم ما زارونا الحريم، طبعاً هو مب من أهلي
والأكيد اننا ما نعرف زوجة عمه بالذات ..
"واللي كانت كاشخه واااايد ومسويه تسريحه عند الصالون
ومكياج كامل وتحسون لابسه احلى ما عندها من ألماسات ومن غيره"
لاحظت نظراتها واللي ما عجبتني ولكن ما درت بال تدرووووووون
مب فاضيتلها ساعتها مرتبكه ومستحيه وحالتي حاله..
بس لاحظت طوول الوقت تتجنب تطالعني أو بالعربي كان أسلوبها
هي بالذات معاي أنا بالذات مش طبيعي....... هني اختكم في الله قالت
وش بيكون عندها ضدي وأحنا نشوف بعض لأول مره؟
ونسيت القصه

بعد الملكة
بعدها بكم شهر تمت الملكة بسلام وكان كل شي أوكي ..
وصرنا أنا وبو الشباب نكلم بعض..
وصار يكلمني عن مدى علاقته في عمه "زوج المذكورة أعلاه"
وكيف أنها قوية بحكم تقارب السن بينهم وغيرها من الأمور..
حطيت ببالي اني لازم اتقرب من هالإنسانه وأكسبها كصديقة
عشان زوجي في المستقبل يكون مرتاح بزياراته لعمه والعكس.

أول فلقة كبد
قاعدين نتكلم وجينا على ذكر راي أهله فيني ومن هالكلام..
و فاجأني بكل بساطه وبرود يقوولي: "اييه كلمني عمي ذاك اليوم
يقولي هاه؟ يقولون خطيبتك شكلها كذا وكذا وعيوبها كذا وكذا

:blink: هاااااااااااااااه؟ وعمك من وين ياب هالكلام؟

ورد بكل برود بعد: زوجته قالتله. :eek:

تضايقت وااااااااااااااااااااااااااااايد طبعاً تعرفوون
كيف توصفني قدام زوجها وهو ريال غريب علي؟ o:

فوق انه هالشي حرام بعد قلة ذوق من زوجة عمه في المقام الأول
من عمه في المقام الثاني انه يروح يقوله والله يقولون انه خطيبتك كذا
منه هوووووووو في المقام الأخيييييييييير؟؟؟؟؟ ليش ينقل لي هالكلام؟؟؟؟؟؟

طبعاً أنا عصبت وسويتها سالفه :angry2:
نقلت فيها استيائي عن اللي ذكرته أعلاه :024:
كانت ردة فعله عاديه أو حسيت في خاطره شي ما وضحه لي..
راجعتلكم فيه بس خل أقولكم عن:

فلقة الكبد الثانيه
بعدها بأشهر عرفت منه أنها تقول انه (اللي هو خطيبي)
ما عنده شخصية وأنه إنسان ما يقدر يواجه أهله :confused-
ليش يتزوجني وليش ومايتزوج أختها.. :confused:
وعرفت بعد انها مسويه سالفة لزوجها تقوله انت ما اقنعت ولد أخوك يتزوج أختي.. :dry:
وصارت منقلبه على أهله لدرجة أنها ما تزورهم ..
وحتى لو زوجها جا وزار أهله هي تقعد بالسيارة برا وما تنزل تسلم؟؟؟؟؟؟ :huh:

أنا حسيت أنه الموضوع جداً كبيييييييير
وسألت خطيبي قلتله هل أنت كنت تحب أختها؟ (في حوار عقلاني جداً)
قال لو أحب أختها وش اللي رادني عنها؟
سألته طيب هل في لحظه فكرت تبي أختها لمحت لها شي؟
قال أبد أبد بس كنت حاس لأنها دايم تمدح في أختها ولكن أنا في الأساس ما ابيها لأنها مب من ثوبي أبد وما تعجبني طريقة حياتهم؟
طيب يا ابن الناس ليش تقول ما عندك شخصية ؟؟؟؟ :confused:
قال لأنه عمي متزوجها اهي غصبن عن أهله..
(يعني ترى زوجها اللي عنده شخصية لما راح وتزوج ولا واحد من أهله حضر خطوبته أو زواجه)؟؟

أنا شكيت انه الحرمه على بالها انه خطيبي كان يبي اختها بس كان خايف من أهله .............
مع العلم أن اهله كانوا رافضين زواجه مني لأسباب اجتماعية ..
وتعب فيهم لين اقنعهم وانا من صوبي تعبت لين اقنعت اهلي
أنا احبه وايد واحترمه واقدره بس دخل بقلبي الشك انه كان
في شي بينه وبين اختها أو وش اللي خلاها تعتقد هالشي؟..
ثاني شي كيف اتجنبها باجر وماخليها تأثر على زواجي :024:

صح وأرجعكم لفلقة الكبد الأولى لما استغربت انه ينقلي كلام عمه عني ..
نقلاً عن كلام صاحبتنا المذكورة أعلاه..
قالي انا ذاك اليوم لما قلتلج انها قالت لزوجها هالكلام
حبيت أوضح لج شخصيتها وأنها انسانه ترى كل شي تقوله
عشان تعرفين باجر لاتزوجنا انه مب كل شي ينقال لها................!!

اللحين دلوني وش أسوي فيها هذي وكيف اتصرف لو باجر تزوجت وطلعت لي
هالعله؟ أنا أقول اطنشها ولا كأنها موجوده
بس خوفاتي انه هالشي يأثر على علاقة زوجي بعمه واللي هو خويه حرام؟؟؟؟؟
كيف ازيل هالنقطه هل اتقرب لها ويمكن بعد ما تعرفني
وترضخ للأمر الواقع انه هالإنسان خلاص تزوج تعقل؟؟؟؟؟

أنصحووووووووووووووووووووووووووووووني

صاحبة الكبد المفلوووووووووووووقة من الخاطر