الريجيم المثالي.. ريجيم اللقيمات ..تجربتي في إشباع المعدة وعلاج النهم للأكل

يعطيك العافيه

يعطييك العاافيه ..

جزاك الله خير عزيزتي

طيبَ دحيِن إنتِ قلتِ إن عآدِي شوكلآتِة
لكِن آنآ مآبشوف بالجَدوَل الغذآئي فيه شوكلآتة
و إذآ كآن فيِه لو بآكِل سنيكرز آكِل نصِه و لآكِيف .. ؟
و شكِرًا كثِيِيِر ق1 حَبوبِه =)

عزيزتي العاقلة

دا نظام غذائي معتدل ومافيهوش حرمان وبنفس الوقت بيثبت الوزن اللي بتنزليه

الجسم بيحتاج سكريات يوميا ..انتي هاتعطيه سكريات لكن أقل من احتياجه ..فقط علشان نشبع رغبتنا وحبنا للحلويات وعلشان تساعدي على الحرق لأن مهم جدا للحرق وجود نسبة صغيره من السكر

قطعة حلويات في حجم علبة الكبريت يعني حجم عقلتين إصبع يعني صغيره جدا

لكن لو لاحظتي الدكتور الهاشمي قال للي عايز ينزل نزول أسرع يخفف من الحلويات بالنظام

شوكولاته سنكرز مسموح بقطعه صغيره حجم علبة الكبريت فقط بس راعي إن شوكولاته سنكرز دسمه جدا

شوكولاته سنكرز أنا من يومين أكلت قطمة بعدين كملت حبه كامله <<< ) :

وما أثرش على الوزن غير 100 جرام زدتهم تقريبا

ودي ميزة النظام دا إنك ممكن في يوم لو زودتي في أكلك شويه مش هاتلاقي زيادة سريعة

وباكل عادي من أكل البيت محشي أو أي شئ ودي ميزة ثانية

أنا كنت بعمل نظام دشتي قبل كدا اللي بيعتمد على اللحوم والدهون فقط

ماقدرتش استمر عليه أبدا ..أولا حسيت بملل ثانيا كنت محتاجة سكريات جدا جدا جدااااا

نزلت عليه في خلال 5 ايام نزلت 4 كيلو ووقفته ماقدرتش أكمل

لكن مع كل وجبة معتدلة كنت باكلها بعد لما وقفت النظام كنت بزيد كيلو لحد ماوصل وزني تاني للمعتاد

نظام اللقيمات مش هاتحسي بملل فيه أبدا

والنهم للحلويات بتسديه بقطعة الحلوة الصغيرة اللي هاتاخديها

وانتي ومقدرتك عايزه تلغيها علشان تحصلي على نزول سريع أو لو مش قادره هي كدا كدا مسموح بيها


كمان شئ الدكتور الهاشمي حاطط رقمه عادي لأي استشارة

فأول يوم كان بيواجهني مشكلة كبيره إني جعانه بعد الوجبة المفرحة واللقيمات الصغيره مش بتشبعني بعدها ابدا

فقاللي أخري وجبتك المفرحة على قد ماتقدري لآخر وقت

أنا يومها أخذتها الساعة 2 الظهر!!!!!

فسمعت كلام الدكتور وأخذتها بالليل الساعة 8 وفعلا استمريت على كدا وقبلها وبعدها باخد اللقيمات وفعلا الحمد لله اتعودت ومابقيتش أحس بجوع

بس اصبري واستمري

كمان شئ بالنسبة للحلويات والنهم ليها

فيه حاجه الدكتور كاتبها في كتابه وهي النتباستيللا nutpistella

دا رابط الدكتور الهاشمي عنها

http://www.americanchronicle.com/articles/view/56900

بس أنا صراحة ماجربتهاش هي طعمها حلو بس ماحطيتهاش في ريجيمي

بيقول إن خلط شوكولاته النوتيللا مع زبدة الفستق وأكلها كلقيمات (ملعقة) مش بتزيد الوزن

وبيقول إن وجود الفستق المطحون مع شوكولاتة النوتيللا بيمنع امتصاص الدهون منها وبالتالي مش بتتخن!

كمان حاجه في كتابه حاطط آراء دكاترة أجانب في مواقع أجنبية في نظامة مقارنة بأنظمة عالميه أخرى وإنه إتقيم على إنه نظام ممتاز ومن أفضل الأنظمة فعلا ومعجبين بيه جدا


جربي النظام واستمري هاتلاحظي إنه فعلا بيصغر حجم معدتك وبتحسي بالشبع مع أقل وجبة

وبالتالي هاتقدري تخسي بسهوله بدون عذاب يعني كأنة نظام معالج