أخواتي الغاليات ... مربيات الأجيال
موضوعي هذا كان إجابة للأخت أحلى توتهـ .. سألت عن طريقة لتحفيز الطالبات وتشجيعهم لحفظ القران الكريم
لما كتبت لها الاجابة تشجعت وقلت خليني أنشط القسم وأنزل موضوع فيه .. وأتمنى يستفيد منه أكبر عدد من معلمات الأطفال ..
هالطريقة اخترعتها بنفسي بعد تفكير طوييييييييل ولله الحمد توصلت لهالفكرة :32:وبصراحة سهلة وحلوة والأهم انها جابت نتيجة ما توقعتها أبدا .. وتفاعلوا البنات معها وحبوها ..
بداية .. راح أشرح لكم الفكرة بالتفصيل لأنها دقيقة جداً والله يعينكم عليا :22:
وعندي كم صورة لها راح أحطها بس لا تضحكوا عليها <<<< صورتها كذكرى ماتوقعت اني أنزلها أبدا:hahaha:
فكرة الدبابيس بكل بساطة تتلخص في تجميع أكبر عدد ممكن من الدبابيس ...
وعلى أساسه (تجمع الطالبة أكبر عدد من الهدايا)
أول شي نجيب لوحة فلين أي شكل تبغيه ( بس من الفلين العريض عشان نقدر نغرس الدبابيس فيه) ويكون حجمها وسط
ونجيب الدبابيس الملونة ( اللي راسها ملون )
عن نفسي كان عندي 3 مجموعات بفصلي ..
قسمتهم على اساس مقدار حفظهم ومستواهم وطبعا راعيت العمر لانه له دور كبير
وجبت ورق ملون قصيته على شكل قلوب
كل قلب يحوي مجموعة ..
ولصقت القلوب على الفلين وزينتها بطريقتي .. وكتبت على كل قلب اسم المجموعة
جبت الاستكرات الصغيرة العادية ( لونها أبيض مستطيلة وفي منها صفرا دائرية ) المهم اللي يناسبك
وكتبت على كل استكر اسم بنت وحدة
وطبعا حطيت أسماء البنات بداخل القلوب .. كل بنت بداخل القلب تبع مجموعتها
نهاية اليوم نشوف كل وحدة كم جمعت دبوس؟
ونغرس الدبابيس حول اسمها ( طبعا حاولي يكون غرسك للدبابيس بطريقة مرتبة وعلى حدود الاستكر والاسم حيكون مكتوب بالوسط عشان يبان .. يعني لا تغرسي بطريقة عشوائية حتحسي الدنيا حووووسة :eek:.. وطبعا بين فترة وفترة كل ما حسيتي الاستكر صار مغرس وشكله بشع .. غيري الاستكرات وارجعي اكتبي اسماء البنات من جديد ولصقيهم مرة ثانية في الفلين )
المهم هذي الفكرة ككل ...:27:...
وهذي أول تجربة لي ..
وهذا تطبيق اخر ... لنفس الفكرة
وهنا لما علقتها في السبورة
تاااابعووووووووووني
أنا حددت قوانين معينة ووضحتها للبنات من اول الشهر.. وبإمكانك تضيفي أي شي حابة تضيفيه مثلاً ..
الالتزام بالزي = 1 دبوس
الحضور المبكر = 1 دبوس
الهدوء << كنت أعاني منه بصراحة:06:= 2 دبوس
الحضور وعدم التغيب = 2 دبوس
وبالمقابل ...
عدم الالتزام بالزي = -1 دبوس
الحضور المتأخر = -1 دبوس
المشاغبة والكلام = -2 دبوس أو على حسب .. طبعا بعد ما أنبهها وتكون مطلعة روحي :angry2:
الغياب = -2 دبوس
أما عن الحفظ ..
حفظ متقن بدون أخطااااء = 3 دبابيس <<<وطبعا ما تاخذها الا الطالبة المتميزة
اللي عندها خطأ واحد فقط = 2 دبوس
اللي عندها خطأين = 1 دبوس
اللي عندها أكثر من كذا <<<<< مالها شي
طبعا هذا الشي تدونيه في دفترك كل يوم ...
يعني ممكن تجمعي النقاط ( اللي هي عدد الدبابيس) في دفترك ونهاية الاسبوع تحطيلهم الدبابيس على اللوحة .. ونهاية الشهر تحصدي الثمااااار وتكرميهم
أو ممكن كل يوم بيومه .. كل نهاية يوم تحطيلهم الدبابيس على اللوحة .. ونهاية الأسبوع تكرميهم
على حسب اللي يناسبك
* عن نفسي .. كنت أدون كل يوم بيومه في دفتري الخاص..
وأخلي البنات يحطوا حول اسمهم الدبابيس اللي حصلوا عليها كل نهاية يوم
واخر الاسبوع أجي أنا وأسحب الدبابيس اللي نقصوها <<< نذالة صح ؟؟:p
يعني ما كنت أنقصهم في نفس اليوم .. لالالا أنقصهم اخر الاسبوع وطبعا قدامهم واقولهم السبب ..
مثلا .. تأخرتي عن الحضور يومين وبكذا تكوني نقصتي دبوسين
((( يعني تكون اجتهدت اجتهدت انها تجمع .. وبالأخير تنقهر انها ضيعت كم دبوس ..
وهالشي يخليها تنتبه الاسبوع القادم وتحاول ما تخسر ولا دبوس )))
نجي ليوم الحصااااد ( وهالشي كمان لازم يعرفوه طالباتك من البداية )
انا استخدمت في هاليوم صندوق المفاجئات
وكنت حاطته طوال الشهر قدام عينهم بس ما يشوفوا اللي بداخله عشان يتشجعوا
وهذا تطبيق اخر لصندوق المفاجئات
اخر الشهر حددي يوم ( تكريم وحصد الثمار )
وحيكون كالتالي .. اللي جمعت طوال الشهر من ::
** (( دبوس واحد إلى 5 دبابيس )) تحصل على هدية واحدة من صندوق المفاجئات
** (( 6 دبابيس إلى 10 دبابيس )) تحصل على هديتين من صندوق المفاجئات
** (( 11 دبوس إلى 15 دبوس )) تحصل على 3 هدايا
وهكذاااا ..
عندي بنات متميزات كانوا يجمعوا 30 دبوس ويحصلوا على 8 هدايا <<< وكنت محددة هذا اقصى عدد هدايا ممكن تاخذها الطالبة..
و كله يهون لما تشوفي فرحتهم وتحصدي ثمار حفظهم واجتهادهم
طبعا الهدايا كلها بسيطة وماتكلف شي
وهذي بعضها
طبعا لا تعتمدي على اللي سويته انا .. كل شي انتي تحدديه
ارسمي الخطة بدايةً في دفترك .. وعلمي طالباتك عليها
(( ممكن اول شهر تكتبي القوانين على لوحة عشان يفهموا الطريقة ليييييين تعودوا عليها بعدين شيليها )) ..
الحلو في فكرة الدبابيس ::: انو هالشي محسوس ومرئي أمام الطالبات
* كل طالبة تفرح لما تشوف نفسها جمعت عدد كبير من الدبابيس وتنافست مع مجموعتها
نسيت أقولكم .. في يوم التكريم كنت أطلع طالبة مميزة من كل مجموعة .. وأعطيها شي مميز .. وغالبا حتكون الأولى
بالنسبة لصندوق المفاجئات أنا نزلته من فترة في قسم الأشغال الفنية
بس الظاهر الصور اختفت ومو راضية تطلع
إذا حابين طريقته ان شاء الله أرجع أنزل الموضوع وأحمل الصور من جديد .. والله يعين
حبيبااااتي :::
أتمنى فهمتوا طريقتي تمااااااااام .. وان شاء الله تنفذوها لأنها مريحة لكم وممتعة لطالباتكم ..
ياليت ترفعوا الموضوع ولو بدعوة
دمتم بخير
أختكمـ .. قلب الأمة