هذا يا طويلات العمر على طاعته ان شاءلله
اختي الكبيره تزوجت ضابط وهو الحين عميد
ومن تزوجته مسكينه عروس وهي غير مستقرة ..من ديره لديره ومن قريه لقريه ومن حال لحاله
قسم انها تحزني ..........
صبرت كثير كثيرررررررررررررررررررر .....:crap:
ونفسيتها كانت تتعب اذا جات الاجازه ولا جابها زوجها عند اهلي يكون مرابط
وتتعب زوود لاصار مناسبه افراح وليالي ملاح وهي بعيـــــده
ياحليلها كانت تدق علينا ونخلي السماعة مفتوحه تسمع سوالفنا والطق ..وهي دموعها اربع اربع :icon33:
المهــــــم...الله ربط على قلبها...وقريب ان شاءلله بتفرج
زوجها على وجه تقاعد....وولدها على وشك بيتزوج.. وبناتها جامعيات
وبيتها الملك على وشك بيخلص وبتسكنه قريب وتستقر والحمدلله
وهنا صار الموقف
اختي حاليا ساكنه في ابها <<اخر بلاد التنقلات
وكل أجازة تجي لمكه وتروح هي و زوجها وعيالها للبيتهم اللي ماخلص للحين توه...
بيتهم هذا في حي جديد مافيه انوار حي مظلم
وبيتهم هذا فيه بلكونه <<<من زين الجو اللي كله غبار وشمس تسلخ جلد البعارين يحطون بلكونه :dozey:
المهم
تقول في يوم واحنا نطوف بالبيت بعد العصر...قرب المغرب..ومابعد دخلت الكهربه
تقول بدأ الجو يظلم ...وشوي إلا نسمع ذااااااااااااااااك الصوووت
أأأأأااااييييييه آآآآآآآآآآييييييييييييييييييععععع آآآآآآآآآآه آآآآآآآآآآييييييييآآآآآآآآآه آآآآآآآآآوووووووه
صوت كأنه ازززير يشق الصدر شق.......ومره صوت شي يآآآن آنين مكتووم يقطع الحنجرة
تقول مدري كيف تناقزوا علي بناتي وتلاصقوا فيني تقول كنهم حلاوة نتف اذا نشبت
تقول وجلسنا نسمي بالله ونذكر الله ونتحرى وين مكان الصوت ونمشي له
تقول وصلنا للبلكونه نحسب الصوت بالبلكونه.........لكن ماطلع بالبلكونه
تقول ونتقدم شوي لصور البلكون ..ونطالع الحوش الا مافيه شي
الا بنتي تقول يمااااه يمااااه شوفي هذا اللي على الرصيف قبال بيتنا
تقول اختي الا هذا الشي الاسود الضخممم المنكب على وجهه
وشكله كأنه متكي على يدينه ورجلينه << زي الحصان
ويهتزززز قدام ورى قدام ورى ...والصوت مازال آآآآآآآآآآآآآييييييييييييييييه ه ه آآآآآيييييييععععآآآآآآآ
تقول انا ماخفت لكن بناتي اربكــوني من خوفهم << اختي صار عندها مناعه من الخوف من كثر ماشافت في ترحالها :biggrin2:
تقول وروح اجيب الكشااف ..وتوني ابي اشغله وسلط النور على هالجسم المخيف
إلا ويمر من عنده شاب ابو 18 سنه لابس ثوب....
ويوقف عند هالشي الاسود وكأنه كلمه.. وشوي الا هالولد يحط رجله ركضضضض :confused-
تقول ويرجع ذاااك الآنيـن آآآآآآآآآآآآآيييييييييه آآآآآآآآآآيعععععععععآآآآآآآآآ
تقول وشوي الا نسمع صووووووووووووووووووووووت
صووووووووووووووووووووووت
وآآآآآآآآآآآآآآآآ وآآآآآآآآآآآآآآآآآآآ وآآآآآآآآآآآآآآآآآآآ <<< نونو يبكي :ohmy:
تقول اختي وسلط عليه الضو إلا هي حجه (( تكرونية )) على قولة أهل مكه<< حرمه افريقيه كانت فيه حاله ولاده
كانت متكيـه على يديها وركبها والعبايه حقتها فووقها
تقول اختي ويجي الولد ومعه حرمتين من جماعتها << ناداهم عشان يساعدونها ....خلوها
وجلسو جنبها يسولفون<< تعبوا انفسهم :blink:
تقول اختي خذت شرشف كان معي ونزلت لعندهم
تقول انتي فيه ولاده قالت ايوا....قالت طيب تبين شي اطلب لك الاسعاف ..قالتلا بس ابي مويه اشرب
راحت اختي جابت لها مويه
واخذت من اختي الشرشف ولفت ولدها فيه وهي بعدها منكبه على وجهه تبي المشيمه تنزل :icon32:
تقول اختي انا طقني الفضول الف إلا اسألها اهي اختارت هالوضعيه للولاده ولا من التعب طاحت ؟؟
قالت كذا احنا اذا جات الولاده نعمل كذا ....سالتها طيب هذا اول نونو لك..قالت لا فيه سته في البيت
عاد تقول اختي اعطينها جك مويه كان عندنا وعطيتها المقسوم لولدها ومشينا وهي وخوياتها على حالهم
بس الصراحه ذكرتني بـ امهاتنا زمان كانوا ,,,ماشاءلله عليهم
كانوا يرحون يصرمون ويرعون الغنم ويحصدون ويشيلون كومة شعير على ظهورهم والوحده على وجه ولاده ..
تقول امي كانت تولد الوحده فينا وين مايمسكها الضيم وتنظف بزرها وتقوم تكمل شغلها..
وترجع البيت شايله الضيف وتطرحه وتقوم تخبز وتقوم ببيتها
يمه الله لايحطنا بمكانها ويجعل كل حامل تولد بالمستشفى وتحت رعايه الله ثم الدكاتره
وهذا علمي وسلامتكم