اشكر المشرفه العزيزه على قلوبنا (رياح الغربه) ان اعطتنا فرصه لان نبوح ونشاركها افراحنا بسرد قصصنا وتجاربنا مع ريجيم النقاط
قبل مااكتب لكم تجارب البنات مع النظام حبيت اسال سؤال مالوف ومستحيل لم يخطر على بال اي وحده متينه
ليش انحف ؟؟؟؟؟؟؟
بعد ماتقراي الكلام الاراح اكتبه ابغى كل وحده تجاوب في نفسها على السؤال
طبعا الكل مننا يتمنى ينحف ويصير
رشيق ... طيب متى ان شاء الله ؟؟ متى
نحقق امنية صار شبة مستحيل تحقيقة ؟؟
اذا انتي ما عندك عزيمة واصرار ... اذا انتي ماعندك تحدي وارادة ... مين بيكون عنده عزيمة ... لا امك ولا ابوكي بيساعدوكي لو انتي ما غيرتي نفسك ...مين بيغيرك؟؟ حتى لو زوجك يدخلك اكبر نادي ... ويوديكي اكبر دكتور اخصائي تغذية .. وانتي ماعندك عزيمة ... معليش والله ما راح تنحفي ولا بتحققي اي شيء ..
اللي تبغى تنحف ... بتنحف من غير نادي
ولا دكتور .. لكن احنا عم نضحك على نفسنا ... ونتهرب من الوااااقع ... ودايم نعلق اخطائنا على الغير ...
مثلا وحده تقول لامها لوتوديني النادي كل يوم نص ساعه كان نحفت والثانية
تقول انا ما انحف الا اذا رحت لدكتور يعطيني ريجيم لأنه لوحدي ما اعرف ... لا ياشيخة انتي وهي ؟؟.... والله لو تبغوا تنحفوا بتنحفوا من غير شيء وتقدري تدوري على البديل
يعني بدل المشي نص ساعة اطلعي الدرج 20 مرة باليوم 10 بالنهاااار و10 بالليل والله ينحت جسمك نحت والدرج اقوى من المشي
وبدل الدكتور .. افتحي على النت ودوري اي ريجيم يناسبك وفي قروبات لبنات بيعملوا تحدي ويشجعوا بعض ...
اذا تبغي تحطي عزيمة وتحدي في
نفسك.. عاملي نفسك بكل جفاء
<عشان مصلحة نفسك> لا تجلسي كل يوم تقولي بكرة ابدأ ...بكرة اعمل ... كل وحدة فيكم توقف عند المرايا وتطالع لنفسها بكل اشمئزاز .. وتقول لين متى انا كذا .. لين متى وانا زي الفيل <لازم تجرحي نفسك> ايش ناقصني عن الباقيين ... ايش ذنب الناس يتحملوا منظري هذا ...؟؟؟ ايش ذنب زوجي يشوف الرشيقااااات في كل مكان وانا بجسمي هذا كأني كبر امه ؟؟ خاصة اذا جاء
زوجك رشيق وانتي ... ....:44:؟؟
لا وكمااااااااان نزعل ونقول : ازواجنا عيونهم زايغة ... ما الومهم والله .. انتي خليتيه يطالع لغيرك .. والله لو جمالك يقطر في الارض .. ولو اخلاقك بلغت عنان السماء وانتي زي الفيل .... والله يطالع لغيرك... الا اذا كان يخاف الله ما بقي الا تربطي عيونه عشان ما يشوف غيرك ... طيب غيري نفسك .. اذا مو عشان نفسك عشان المسكين هذا اللي ربي ابتلاه بوحدة كبر أمه ...
انتي ما تتمني تكوني زي السنيورة وانتي تمشي جنب زوجك ؟؟ ما تتمني احد يقولك هذا زوجك ولا ابوكي ؟؟ ما تتمني احد يقولك هذولا بناتك ولا اخواتك الصغاااار ؟؟؟ اكيد كل وحدة تتمنى تسمع هذي الكلمتين .. طيب ليش تحرمي نفسك من المدح ورفع المعنوياااات .... ما آآن لكم يا بنات
تغيروا نفسكم وتبطلوا تقولوا بكرة ؟؟ ما اشتهيتي تكوني فراشة خفيفة ... تتدلعي وتتغنجي ...ما تعبتوا وانتوا تتمنوا؟؟ متى تحققوا امنيتكم ؟؟ العمر يجري والسنوات تمر بسرعة ...الحقي عمرك .. والله منجد يا بنات الحقوا اعماااااركم ... قوي عزيمتك .. لأنه مافي
ريجيم بدون عزيمة ... اجرحي نفسك ..
اقسي على نفسك .. لا تتساهلي مع نفسك ... ترى التساهل هو اللي يعدم الوحدة ..
ابدأي من دحين .. لا تنتظري بكرة.. قولي خلاص من دحين اخفف اكل.... لا تفكري ...
خلاص .. عزمي النية
مره عملو مقابله مع هيفاء وهبي ... ومن ضمن كلامها قالت : مرة اشتهيت بطاطس مقلي واكلتها ... ومن زعلي عاقبت نفسي سنتين <او 3 سنوات> ما اكلت بعدها بطاطس مقلي ...على بالكم انها فنانة ومشهورة .. تاكل ما لذ وطااااب ؟؟ جسم زي جسمها ما يجي الا بالتعب والحفااااااااااااااظ .... مجتمعات
عربية واسيوية واوروبية .... بيحافظوا على اجسامهم اكثر مننا ... واحنا فوق االاكل مفجوعين ..ما كأننا شفنا نعمة ...
ترى الاكل ما بيطير ...
اسألكم بالله وكل وحدة تجاوب مع نفسها
من هنا راح تقدري تجاوبي على السؤال (ليش ننحف)
؟؟ لما مثلا تروحي مع زوجك السوق وانتوا جنب بعض وتمروا جنب المرايات الكبيرة وتشوفي نفسك جنب زوجك ؟؟؟ وكيف رايح شكلك كانك جدته ... ساعتها ايش شعورك من الداخل ؟؟؟ اكيد كل زوجة متينة مرت بهذا الشعور ؟؟ ما تتمني ترجعي البيت .. وتكرهي اللبس وابو اللي صنع اللبس ؟؟ خاصة لما تشوفي بنات رشيقااااات كل وحدة تمشي جنب زوجها كأنها سندريلا زمانها ... ما تنقهري على شكلك ؟؟ يعني لا العباية مزبوطة عليكي ... ولا الطرحة مزبوطة عليكي ... والشنطة تتزحلق من كتفك من كثر اللحم المتراكم على الكتف ... مافي عظم يمسك الشنطة ... بالقوة تمشي .. منتي طايقة نفسك ... يا بنت الناس حتى لو زوجك عادي ما يفرق عنده ...ويقول جسمك مافيه شيء ... بس خلي وحدة ممشوقة نحيفة تمشي من جنبكم حتى لو ما كانت طويلة يكفي الرشاقة ... والله ساعتها بيقول لا جسمك ولا جسم اهلك كماان ... معليش يا بنات الجسم والرشاقة مهمة ومطلوبة ... لو الوحدة تلبس خيشة حلو عليها لو تلبس تيشيرت ب 10 ريال بيجنن عليها ... لأنه هي اللي حلت اللبس ... لو بس تلبس ساعة بدون اساور .. بتنطق الساعة من ايدينها ...لو تلف شعرها بطريقة عشوائية بتاكليها من حلاتها ...ولو وحدة متينة واشترت السوق كلة ... والله بيكون عادي واقل من عادي عليها .. اصلا ثقتها بنفسها بتكون معدومة ... لازم تحس بنقص في نفسها ... خاصة اذا كانت مرة مرة مرة نفسها تنحف ... كل ما شافت وحدة نحيفة في الشارع او التلفزيووووون .. بتقول لانها نحيفة حلو عليها ... لأنها رشيقة لايق عليها ...انتي جربي تنحفي .. والله تتغير نفسيتك وثقتك بنفسك 180% ... واغلب المتينات يكرهوا يطلعوا ويروحوا ويجوا عشان الجسم ... واللبس ... صار الجسم عائق كبير بينها وبين طلعاتها ... حتى لو الوحدة كانت اجتماعية .. الا ما تكون ناقصة ثقة بنفسها ... لو نحفتي بتتغير حياتك .. يصير تحبي تحطي مكياااااج .. تحبي تصبغي شعرك ... تحبي تقصي وتغيري ستايلك ... لكن المتينة .. تحب كل شيء بس مالها نفس تسوي من جوة محطمة .. لا لبس حلو عليها .. ولا صبغة بتصير وااااااو .... ولا مكياج بيلبق عليها خاصة اللي تخنها بيكون كمان في وجهاا .. يصير مافي اي معالم تضاريس في وجهها .. لا كحل ولا بلاشر ولا روج بيكون بارز في وجهها ... وجهها كأنه عجينة ... مو محدد ..
ما تبغي تنحفي وتفرحي امك
واخواتك ...؟؟ ما تبغي تفرحي نفسك؟؟
ما تبغي تكوني خفيفة في الفراااااش
<للمتزوجات>؟؟ ما تبغي تمشي زي
الفراشة وتنطي من خفتك ... ما تبغي
تكوني اصغر من عمرك؟؟ ما تبغي
تطلعي الدرجة بدرجتين من خفتك .؟؟
ما تبغي .. ما تبغي .. ماتبغي ...
خلاص اتغيري يختي... حاولي... اجهدي نفسك... اغصبي نفسك... اقسي على نفسك ..... ارمي كل الدهون والشحوم من على جسمك ... انحتي جسمك ....
اللي مو متزوجة ... ترى الفرصة قدااااامك كبيييييرة .... انحفي قبل تنخطبي .. ابهري خطيبك ... اهوسيه بجسمك .... اصلا كيف بتنخطبي وانتي متينة ... والله بتقل الفرص عندك ... يعني لو كل سنة بيجيكي 3 من الخطااااب ... لو كنتي انحف بيجيكي كل سنة 10 خطاااااب ... لا تقولوا اهم شيء الاخلاق او الجماااال ... ما اختلفنا الاخلاق اهم شيء .... لكن برضوا الرجال يبغوا جسم .. خاصة بعد حليمة والقنواااات الفضائية ... صاروا يفكروا في المظهر ...على الاقل ... لو كنتي قليله الجمال ... ما يمنع انك تحافظي على جسمك ... ربي هو اللي خلق وجهك وما تقدري تغيرية ... لكن جسمك رهينك انتي ... انتي اللي تنحفية وانتي اللي تتخنية ...
يعني مثلا لا جمال ولا جسم ولا ثقة ؟؟؟ مو معقول يا بناااااااااااااات ....
عارفييين ؟؟؟ تدروا انه جمال الوجه انتي اللي تظهرية حتى لو ماكنتي حلوة ... انا
اقولكم كيف ؟؟؟
لو نحفتي ... راح تحبي جسمك وتزيد ثقتك في نفسك ... صح ؟؟ طيب اذا كنتي واثقة من نفسك وحبيتي
جسمك ...راح تدلعي نفسك لأنك حبيتي نفسك ... واذا دلعتي نفسك راح تظهري كل شيء حلو في نفسك وحتى كمان في وجهك <حتى لو كنتي مو حلوة> ... اذا عندك خصر .. اكيد بتلبسي لبس يبرز خصرك ... ولو عندك صدر ... بتلبسي لبس يبرز صدرك ... ولو كنتي نحيفة اكيد وجهك بيكون محدد مو عجينة ... ساعتها بتدوري على معالم الجمال بوجهك ... يعني اللي مو حلوة لو تدور على شيء في وجها .. بتلاقي يا حواجبها حلوة او شفايافها او انفها .. او اقل شيء اوجانها او عيونها ... اذا حواجبك حلوة راح تبدعي فيها ... واذا شفايفك حلوة راح تبرزية بأرواج حلوة ... واذا عيونك حلوة راح تبدعي في عيونك ...
شفتوا كيف انه الثقة بالنفس تغير الوحدة
وتخلي اللي مو حلوة... حلوة بعينها وعين النااااااس .... هذا غير الاعجاب و
والاطراء من الناااااس يخليكي تطلعي فوق السحاااااااااااااااب ...
المتزوجااااااااات ... اللي عندهم تخطيط يسافروا برة السعودية مع ازواجهم ...يلا شدي حيلك وانحفي ... خليكي رشيقة .. عشان ما تنقهري لما تشوفي الاجساااااااام هناك ... وانتي كأنك بطة .. السفر يبغالة حركة وقومة وقعدة ... ترى باقي شهور على بال ما يجي الصيف ... تقدري تلحقي على نفسك ... عشان ما تتحطمي لما تشوفي اجسام البنات هناك ... خليكي احسن منهم ... ليش؟؟ انتي رايحة تنبسطي ولا تقهري نفسك وتجي؟؟؟ انحفي قبل تسافري عشان تقدري تشتري جينزات وملابس عملية ... لا تشتري وانتي بالمنظر هذا ... انحفي قبل ما زوجك يعجب بأجسام البنااااات ... خليكي احسن منهم ...زيدي ثقتك بنفسك .. افتني زوجك .. امشي جنبه كأنك صديقته مو امه ؟؟ لا تتصوري وانتي بذا المنظر ... اعملي حساب الصور اللي بتعيش عمر اطول منك ... قدامك فرصةلسى الصيف ما جاااااء ...كل دولة لها نظام معين ... الا الخليجين حياتهم فوضى الا من رحم ربي ... امريكا وهي امريكا اللي فيها اكبر نسبة سمنة بالعالم بتلاقوا كثير منهم رشيقاااااااااااات .... روحوا لأي دولة في العالم من امريكا على استراليا على شرق اسيا ...على اوروبا ... وادخلو السوبر ماركت وشوفوا العربيات حقتهم ... وشوفوا عربيات الخليجين .. وانتوا تعرفوا ايش سبب التخمة عندنا ...
ما يشتروا اي شيء ... وما يشتروا الا بالحبة والعدد ... كميات قليلة على قدهم ... ما رموا فلوسهم بالأكل والشرب ... لا تحسبوا انه ما عندهم فلووووووووووووووووس ... عندهم فلوس بس وفروها في المنتزهات
والمنتجعاااااااااااااات والطلعاااااااات والخرجااااااااااااات .... وهم اكثر شعوبا يدلعوا نفسهم ... وما خلوا بخاطرهم شيء .. والسعودين ما تشوفي الا بس رمي في العربية.. طراااااخ .... كثير مو كثير خلاص صارت عادة الله يخلصنا منها بس ... واخر الاسبوع مو لاقيه الوحدة قرشين تتمشى او تتفسح فيها ...
والان ساترك لكم قصص وتجارب البنات مع نظامنا الحبيب النقاط الا مانستغنى عنه
1-مع الاخت افنان الجنان
الاسم :افنان الجنان
الطول:158
الوزن قبل اتباع اي رجيم:75
الوزن الحالي:69
نوع الرجيم:النقااااط
تجربتي مع رجيم النقاط:هو من الانظمة المريحة ونتائجه واضحة وذلك بشرط الالتزام فيه..وتكون النتيجة افضل اذا ما التزمنا بالرياضة والمشي وابتعدنا عن التخبيص في الحلويات والمقالي
اما عن القائدة فهي حقا رائعة تبذل قصارى جهدها لتصل ببنات فريقها لاهدافهن فلا تترك اي مشتركة دون ان توجهها لما فيه مصلحتها..بارك الله لنا فيكي يا اخت مون
2- مع الاخت روحي فداامي
السلام عليكم ورحمه الله
بديت الرجيم يوم وصل وزني 80 احسيت بالاحباط ونظرات الناس اللي ماترحم واولهم زوجي فكان لابد لي من وقفه جاده مع نفسي قررت اسوي رجيم النقاط وكانت اختي ام معاذ جزاها الله الف خير هي من دلتني عليه اشكرها من كل قلبي فهي من اعانني ولا تزال انظميت لقروب الاخت امال وكانت داعم لي جزاها الله الف خير وكان عن النقاط وهذا العام الماضي في شهر 10 والتزمت التزام تام بنقاطي لمده 5 اشهر خلالها نقصت 18 كيلو وصار وزني 62 وبطلت من النقاط بسبب اني حسيت ان كيلو بالاسبوع قليل وكنت غلطانه والى الان ندمانه درت في دوامه الرجيمات السريعه صرت انزل وارجع اللي نزلته ونهاية الحرمان اللي حطيت نفسي فيه بطلت رجيم اشهر طوييييييييييييله يمكن 7 شهور وصار وزني 68 طبعا خلال ال 7 شهور هذي انظميت لقروب مون وهي ماقصرت معنا ودايم تنصحني والله تعبت معنا كثير بس ما انتظم والشيطان لايزال يوسوس لي بالرجيمات السريعه بس الان قررت قرار صارم ارجع للنقاط مع احلى مون وراح اوصل لوزني المثالي باذن الله خلال اربع شهور ادعوا لي
3-كرز فضي
انا بديت بالرجيم هذا قبل اسبوعين والحين هذا الاسبوع الثالث
اول مابديت كان وزني 75 وطولي 158 اخذت نقاط 18 مع مشي يومياااا مده ساعه او نص ساعه
والاسبوع الاول نقصت كيلوو وصار 74
والاسبوع الثاني نقصت كيلو بعد وصار73 والحمدللله
وان شاءالله هالاسبوع انقص كيلوو يارب
والسبب بصراحه ودي انحف قبل مااحمل اذا ربي اراد ان شاءءلله
ودعواتكم لي 3 سنوات بدون اطفال بس ان شاءالله ربي كريييييممم :04:
4-ام حمد ومحمد
بسم الله الرحمن الرحيم
نجربتي مع نظام النقاط
انا طبعا صار لي سنين وزني زايد على المثالي تقريبا من 10-7 كيلو وتنقص مع الحمل واصير الوزن المثالي بعد الولادة لكن مع الرضاعة يرجع الوزن اللي راح في شهر او شهرين
يعني تقريبا حلم حياتي انحف والبس مثل البنات ويكون شكل جسمي متناسق طبعا غير انو اساسا اكلي مو صحي ابدا ونادر اكل فاكهه او خضار او اشرب موية
كانت البداية في شهر خمسة السنة الماضية بعد ولادتي ب 4 شهور تقريبا
وكان لي رغبة في نزول وزني لاني زدت تقريبا 10كيلو بعد ماجبت مولدي الثالث في خلال 4 شهور بسبب الرضاعة وحبوب منع الحمل
وطبعا هو حلم قديم من زمان جالسة اتبع انظمة رجيم انواع واشكال عشان ابغى اصل للجسم المتناسق
يعني من سنين وانا احاول ولا بقى خلطة عشبية او شاي او كلام في التليفزيون او النت ماجربتها وكلها ماتجيب نتيجة
الى ان بدات اسبوع على النقاط لاني اعرف هالنظام اللي اقدر اقول عنة ممتع من قبل
ولما كنت اتصفح في النت لقيت مون تقول بتفتح ملف وراح نبداء من السبت
طبعا اول مرة اشارك في موضوع مثل كذة ولا توقعت اني بستمر بس قلت فرصة الاقي بنات معي يشجعوني
لكن لله الحمد اتبعت النظام من هذيك الايام وفعلا خليتة نظام حياة لي مو رجيم
والحمدلله نقصت الى الان 11 كيلو كان وزني 75 واصبح 64
ولولا اني اهمل في اوقات كثيرة او اسافر كنت بنزل 20 كيلو
بس باقي لي القليل باذن الله -بس مع النظام مافي مستحيل
وكل ذا بفضل من الله ثم جهود مون جزاها الله الجنة وصديقاتي في النظام اللي كل ماكسلت وحدة او قالت بتنسحب الكل يشجعها تستمر
والحمدلله كما ينبغى لجلال وجهه وعظيم سلطانة
واخيرا اتمنى اني ماطولت عليكم
كل مااتمناه للجميع الصحه والعافيه يتخللها رشاقه دائمه
واخيرا اقول ايضا ينبغي ان يكون شعار كل انثى (نعومتي برشاقتي)
محبتكم
moonhoney