أول مواضيعي بعد ولادتي الثانية : قصة ولادتي هع هع + صور وتقرير للمستشفى ..

المهم
وصلنا المستشفى
قالت الدكتورة اجيب لك عربية من الطوارئ؟؟؟
قلتلها لا انا ابمشي
قالت والله شكلك مايطمن ولاحولك ولاده
وتحاول فيني متأكده ؟؟ طيب مافي الم ؟؟؟
قلتلها الا في الم بس متبااعد يعني كل 10 دقايق تقريبا
ويوم امشي احاول استهبل واتلوى عشان اطمن الدكتورة اني اتوجع خخخخخخخخخ
<< لأنها جت معنا وتوهقت السواق حق المستوصف مشغول ومحد بيرجعها هع



ويوم دخلنا المستشفىقالوا رفعنا الأسعار !!!!!!
قالت ازاي دهما متابعين معانا ليه مش ألتولنا ايه زنبهم هما ؟؟ هع
ودخلتني وقالت راح احل الموضوع انا لأن الغلط عليهم المفروض يخبرون المستوصف لأنه تابع لهم


المهم نوموني على سرير الملاحظه وقاسوا النبض والضغط ... الخ
وكل شوي تجيني الدكتورة ايه الأخبااار ؟؟
بغيت احمسها عشان ماتقول اني مطوله وقلتلها توها جت طلقه !!
تقول وحده بس ؟؟؟؟؟؟؟؟؟؟؟؟؟؟؟ ياحلاااوة
خخخخخخخخ


قالت يلا على غرفة الولادة وبقيس الرحم فوق << لأن لو قاست تحت راح يسمع صرختي القاصي والداني هع

وجابوا لي عربية اركب عليها << بغيت اقولهم ماابيها ابطلع انا برجولي
بس خفت من الدكتورة خخخخخخخ
وركبت وانا مسويه يعنني تعبانه والطلق هالكني
وطلعوني على غرفتي اللي ابقعد فيها بعد الولادة
ثم طلعوني على غرفة الولاااااااااااااده



....

عطوني ملابس زهريه كأنها مريلة مطبخ بس مقطوعه من وراااا خخخخ
وعطتني ابره شرجيه
ورحت دورة المياة قعدت فيها ربع ساعه او اكثر
وهم كل شوي ينادوني
يلا ماااااااماااااا الحين بيبي اطلع

حاولت انظف الصالة كلها لأنه من اسبوع مانظفتها لوووووووووول

بس ولو مكتوب علي ماتنظف كلها لازم شئ يفضحنا وقت الولادة خخخخخخخ

وطلعت ونوموني على سرير ابو نص هع


هنا بدأ يتقارب الطلق شوي
لكن حدته محتمله نوعا ما

ويالله جاء الهم وقالت يلا نقيس الرحم
ويوم قاست بعد محاولات لقت مفتوح من 3 الى 4 بس

قلتلها شولن يعني تسكر ؟؟
قالت لا بس الاول قسته يوم كانت الطلقة موجوده


وأذن العصر وصلوا الناس وجت تقوس الرحم
لقت 5 سم

وصارت الساعة 4 وقاست لقت مفتوح 5 ونص

قالت طلقك بااارد لازم نفتح لك موية الراس عشان يسررع الطلق
قلتهاا خلاااااااااص مابي تعبت من قياس الرحم والحين كيس المويه ؟؟؟
وتقولي لازم نفتحها عشان تولدين ومدري ايش وجالسه تقنع في ..
ثم قالت بتركك ربع ساعة وان مازاد الطلق لازم نفتح كيس المويع عشان خطر مايصير خطر
لأني يوم اقيس الرحم المس شعر الجنين !!!
واااااي بصراحة تحمست قلت بنيتي عندها شعر ماشاء الله ..

وراحت تسأل الممرضات فيه كاباتشينو ؟؟؟ ياني تقرفت اشلون يجيهم نفس ياكلون ويشربون خخخخخ سبحان الله ..

وانا جلست اقول اذكار المساء وقعدت ادعي وادعي ويارب تهون علي وماتحوجني لأي شئ اخاف منه .... الخ
والممرضات اخلاقهم عسسسسسل ماشاء الله وقاعدين يسولفون معي وانا مافيني حيل
بس قلت خليني مبتسمه معهم اخاف لو جلست اصيح مثل ولادتي الاولى يقلبون علي خخخخ

وجت الدكتورة .. يمااامي
حسيت كأن الجلاد جاني خخخخخخ
وقالت يلا نفتح المويه

وتسمي بالله وتحاول تدخل يدها وانا انتفض واقوم خخخخ
وتعيد المحاولة واقولها امسكوني انا غصب عني انحاش وش اسوي
ويمسكوني ويقولون مداااام ريلاكس ريلاكس وانا اصيح وكااااتمة الصرخه واشد اعصاااابي واستغفر
وبالأخير قالت الحمد لله << طلعت يدها الا والمويه تصب ...

وبدأ الطلق الصدق الحااااااااااااااامي نااااااااااررررر خخخخخخخ

وانا اتلوى من الألم واصيح وماعاد طايقة سواليف الممرضات ذي خخخخخخ
ويدقوني ابرة عضل
وجت قاست الرحم قالت 6 ونص

ويأذن المغرب
وتقوس الرحم تقول 8
قالت خلاص الحين لو حسيتي بدفع لاتدفعين لأنها مابعد جهزنا ولسه ابغى اقلب البيبي لأنه على جنب ..
قلتلها حاسة اني بستفرغ ،، وجابوا لي علبة حديد هع
قلت ابغى اروح الحمام << تراني عارفه انها بسبب الولادة بس بغيت احذرهم بطريقتي اني لو سويتها لاتلوموني
خخخخخخخخخخخ

قالت ايه هذا البيبي عشان نازل
ابصلي الحين وراح الف راس البيبي وتولدين ان شاء الله
ولبست جلال الصلاة وصلت المغرب في غرفة الولادة

وانا اصيييييييح وبدأت حنجرتي تستنفر خخخخخ
والممرضات جهزوا المقصات والصحون خخخخخ

وانا عآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآ

خلصت الدكتورة صلاه
ومع التسليمه الثانيه
صااااااااااارخت بأقوى قوتي وحسيت الدفع اجباااااري وهي تقولي لاتدفعين لسه البيبي بعيد
وانا اسمع من هنا واطلع من هناك واقولها مااااااااااا اقدرررررر
والدنيا صااارت حووووسه حسيت الكل مستنفر
وشوي خيست الغرفه << افهموها عاد خخخخخ
الله يقلع ابليسهم الممرضات قالوا اوووووو
قالت الدكتورة عادي عادي كل اللي بيولدوا كده خخخخخ تصرفهم وجع فيهم

وجت الطلقة الحااااسمه واصاااااااااارخ وانا ضامة رجليني
ويبعدون بين رجليني بالغصب وانا شااادة بقوة حسيت مقدر افتحها
والدكتورة تصااارخ علي لاااااا كذا النونو هيموووووت وبالغصب حطوا رجليني على هذي اللي على شكل هلال
وعآآآآآآآآآآآآآآآ( وانا في نص الطلقة والصرخه قلت ياااااااارب اسألك الجنآآآآآآآآآآآآآآآآآآآآآآآآآآآآآه ) مسويه ادعي بهواش استغفر الله بس
...... بررررررررريييييييي خرررررررططططط <<<<<<< لاتقولون وش هالحكي هذي الكتكوته وهي تطلع للدنيااا خخخخخ
بتاريخ
20/1/2011
15/2/1432
الخميس المغرب الساعة 5:41
وشالوا الكتكوته طيرااان يغسلونها وسمعت صياحها وهم رايحين بها ...



وعقبها هجدت ...... وااااه راااحه مع دوووخه


قامت الدكتورة تسمي وتسحب في الحبل السري و المشيمة بشويش وحسيت انها متوترة
يوم طلعت قالت الحمد لله << بعدين عرفت انه كنت انزف وكانت تحسب من المشيمه انها تقطعت بس طلع النزيف مو منها ...



يتبع<<<<>>>>يتبع

وبدأت الولادة الثانية ...........
دخلت شاش وانا آآآآآآآآآآآآآآآآآآآآآآآآآآه وتطلعه وآآآآآآآآآآآآآآآآآآآآآآآآه
واقولها حرام عليك هذاني اموووووت
تقول لازم عشان عنق الرحم ينزف ولازم نرفعه

وبدأت في الخيااااطة ياربي بس

عطتني ابره بنج وقامت تخيط
واتنافض ................

اقولها يادكتورة انتي قلتي فيه بنج ليش ماعطيتيني
وتحلف لي انها بنجتني
بس والله كنت احس بكل غرزززة وتعذبت في الخياااطة اكثر ...
واصاااارخ وتقولي عندك دوالي ولازم نخيطها
وانا اقول ماااابي خليني امووووت بس اتركيني
وهي تقولي بعيد الشر انتي امورة وكنتي هادية بس معرفش ايه اللي حصل
قعدت اذكر الله واقول ياااارب خلصني خخخخ
حسيت الدكتورة تقول وش هالخبلة تدعي علينا ههههههههههه


زوجي يقول نزلت اصلي المغرب ويوم طلعت لقيتك ولدتي و شفت البنوته وقالولي هذا بيبي انتا
ويوم اسمعك تصارخين قلت اكيد فيه بلا صاير او بتجيب توم خخخخ
وقلت ايه لأنك ماسمعت صرخة الولادة لازم اعوضك...

وبعد ربع ساعة تقريبا خلصت خياطة ونظفتني بغسول
الا وفيه نزيف بعد

واشوفها تطلع شاش ثاني عشان تدخله فيني
واقول لاوالله مافي مااابي
قالت هو شايفتني اعزم عليك ؟؟ خخخخخ
فيه نزيف ولازم ندخله وتشك تشك دخلته عالسريع ويالهوي كأنها تدخل سكين
الله يأجرنا بس
وجابوا قفاز فيها ثلج وحطوه على بطني وقالوا لاتشيلينه عشان لو استمر النزيف لازم عمليه

الجووو بااارد وشتا وهذا ثلج فوق بطني
ياربي قلت لاوالله ياكافي وش عمليه
حطوا لو فريزر بس الله يكفيني العمليات

ثم دخلوا علي زوجي وسلم علي ويقولي وش فيك تصارخين << مادرى اني اولد خخخخ
بس هو يقصد عقب الولادة كنت اصرخ من الخياطة ..

وقعدت ساعة بالغرفه
ثم نقلووني على غرفتي


قالت الدكتورة بعد 6 ساعات بجي اشيل الشاش


وانا انخبلت وشلت هم الين جت دكتورة من المستشفى وقالت يلا نشيل الشاش
قعدت اصيييح وزوجي قال توكلي على الله وطلع برااا

وهي تمسك الخيط اللي طالع من الشاش وانا اقولها لحظه لحظه طيب بشويش
وتقول ماعليك مارح يألمك
وامسك يدها واسحب معها بشووويش والحمد لله طلعت بسهوووله
وسألتني مافي نزيف وتطمنت علي وراحت


وتوته توته خلصت الحدوته
هع هع

دعواتكم بصلاح النية والذرية ...



............

هذي صور الأكل ..

العشا اول شئ حطوه بعد ما ولدت :معكرونه باشاميل وسلطة وشوربه وبسكوت وخبز ومويه





......

الفطور : عسل وجبن وزبده ولبنه وزيتون وحليب ودله مويه للشاهي ..





.......

الغدا : رز ودجاج وسلطة وشوربة وتفاحه ..
اللي تعرف وش النبته اللي زي الشوشه بجنب الرز تعلمني وش اسمها؟؟ مرة خفت منها خخخخ





.....

واخيرا العشا قبل اطلع كان : سمك فيليه بالفرن وسلطة طحينه وشوربة وكيك ..





.....
فطورهم الساعه 8 الصبح
وغداهم الساعة 11 الظهر
وعشاهم بعد المغرب

مواعيدهم مو حلوة لازم تاخذون اشياء معكم بين الوجبات

عني انا زوجي جاب لي غذا من برااا وجبت معي تمر وامي ماقصرت الله يحفظها جابت عشا ومشروبات دافيه ....


والأكل ريحته طيبه
يعني اللي تحب أكل المستشفيات راح يعجبها
بس للأمانه ما ذقته لأني اتقرف من اكل المستشفيات
يرجع لهم مثل مايجي بس كنت افك التغليف عشان اصوره لكم ..

( بغيت ادق الجرس وابيع الاكل عالممرضات بس خفت يصفقوني خخخخ )


وعموما نصيحتي خلي أحد يسوي لك مشروبات دافيه لأني تعذبت من المغص قبل تجيب لي امي شئ دافي ،،وبعدها الحمد لله ارتحت ..
ولو احد يسوي لك يانسون زين مره يريح بطنك بعد الولادة خاصة للي عندها قولون ..

وهذي صور الغرفه ..

لاتدققون في الحوسة هع

وعلى فكرة ترى في كل غرفه سريرين بس مايحطون اكثر من حرمه في الغرفه
بس مدري ليش حاطين سرير ثاني ؟؟ يمكن للمرافق خخخخخ
واثاثهم نظيف بس مو كبير يعني لو يجونك زوار كثير بالمستشفى مافي مكان
لازم يصيرون واقفين.. احسن عشان يمشون بسرعه خخخخخ
















هذا سريري ..




وهنا من الجهة الثانية << سريري اللي في الصورة ادري محيوس احتريهم ينظفون


وهذا من الشباك كان فيه امطار يوم الجمعه ..
والجدار اللي جنب الجمس في الشارع هذا حق سوق الهرم بلازا



...........

الكرسي المتحرك هع << والله مرييح خخخخ


وهذا الممر قدام غرفتي خليت الممرضه تصوره << عشان زوجي لا يطقني لوووول
والكاونتر مره مزعجات الممرضات اللي فيه:angry2:




عموما اسعارهم تختلف مو ثابته وكل شوي يغيرون فيها
كنت ابدفع 3200
بس الدكتورة خاصمتهم ودفعنا السعر اللي كان في العرض 2800 او 2400

ومدري فيه غرف سبشل ولا لأ
بس هذي الغرفه مادفعنا عليها شئ ...

ياااربي تصدقون مدري قلت لكم اسم المستشفى ولا لأ ؟؟ خخخخ
اسمه مستشفى الجزيرة بالرياض ...
هذي كل اللي اعرفه عنه
وسلامتكم


الله يصلح لنا ذرياتنا يارب

سبحانك اللهم وبحمدك اشهد ان لااله الا انت استغفرك واتوب اليك ...


لا اله الا الله ..

يوووووووووووه وش محجوز تراني اتحراكي اتحمسسسست والله ........خخخخ اتذكرت نفسي يوم تقولي لصقت بالسقف ..عاد أنا بالقووووة يفتحوا رجلي عشان يقيسون والله لو انهم حاطين غرا خخخخخ مدري من وين جتني القوة حتى دخلوا زوجي عشان يساعدهم في فتح رجولي خخخ الله لايفشلنا