السلام عليكم ورحمه الله وبركاته
مسائكم ورد وفل وياسمين معطر بأجمل أنواع العطور لكم
اخباركم عساكم كلكم بخير يارب العالمين
إن شاء الله كلكن بخير والحمد لله
انا عندي موضوع كذا مرة احاول اني انزله لكن اتردد فجمعت لكم أكثر معلومات عنه
المهم ياأخواتي هذولا حمولت أختي في القصيم كنا رايحين هناك ومن هناك بدئت جمع المعلومات عنه جالسين بلأستراحه وجاء موضوع الخطبه سلمكم ربي المهم وتقوم العجيز تحتسي عن العجيز الثانيات إذا راحوا يخطبون لعيالهم
تقول وماذا تقول:وه بس من هالعجز:
تقول هالعجيز اللي تحتسي عن العجيز الثانيه انها راحت تخطب لولدها المهم ويحول وتدخل البنيه
المهم البنيه وش زينها جمال وسائلين عنها واخلاق وكل شيء لكن العجيز تقول ما أعجبتن ليه وراه تقول انوه فتحة خشمها كبيره <<<<<<<انا هنا حمدت ربي وشكرته هالحين ياذا العجيز من زينتس وشو فتحتة خشمه كبيرة
<<بس مالقت في الورد عيب قالت احمر الخدين<<\
ايه وهذي سالفة ثانيه بعد بس موب من عند الحموله لأ سامعتها في مكان ثاني
هالعجز قاهريني ترا تسوي نفسها ماتشوف وتعقد حواجبها وهي نظرها 6\6 ويمكن تكون زرقاء اليمامه بعد بس قولي لها السالفه سالفه خطبه تفصفص لتس البنيه تفصفص
المهم تقولكم راحت العجيز تشوف البنيه وبعد البنيه ماعليها كلام تبارك الرحمن بس وشو وش مسويه تتوقعون
مسيكينه حاطه تقويم تقول لأ ماتنفع<<<امي معيه تخليني أركب تقويم من بعد ماسمعتها اقولها يمه ذي عجوز مخرفه تقول لأ ولو
<<بعد ذي مالقت في الورد عيب قالت أحمر الخدين<<
وفيه سالفه بعد حصلت لي دخلت عليها المهم واعجبتها وقمت اجيب لها سجاده علشان تصلي واسمعها تقول تبرطم لنفسها لأ ياسفابها أطول منه<<<<تراني مو عملاقه اخاف تقولون كم طولها ذي بس هو شكلوه قصير الله يصلحه:arb: اقول بكيفها ماجابت ولد طويل هي حره
<<مالقت في الورد عيب قالت أحمر الخدين<<
وواجد قصص وأشياء
الولد يقول يمه أخطبي لي وابيها طويله وبيضاء شعرها طويل <<خلاص انتي ركزي على اللي هو يبي وشوله مناقر الحريم لأ ابيها وابيها وابيا ابيها أحس من مرت ولد بنت خالتي
ابيها مدري ايش خير وين حنا عايشين بوه
ولا تجيس تشرط تحط مواصفات متحلمه فيها ياهالعجز الله يهديكم بس
والله العظيم انوه مرت عمي جلست 4 سنوات تدور لولدها
وانا أقول حشى ماتشوف زين ذي اما عاد مالقت طلبها خلال 4 سنوات هذي يبيلها وحده مخروطه<<<<<<ككككككككككك ضحكت على مخروطه سيارة هي ولا أيش
الله يهديهم بس هالعجيزات
لا فيه عجز دقه قديمه تقول مانبيها تدرس ولا مو متعلمه ليش يختي وش دعوه العلم نور والجهل سنوات الضياع<<<<<<<<<<ككككككك
يا أخواتي يا حبيباتي من هذا المنطلق<<ايوه بدت الخطاي الرسمي خخخخ
اناشدكم أيها الخطيبين والخطيبات<حلوة كأني بخطاب رسمي سياسي
ايه ايها الخطيبين والخطيبات العجز منهم والبنات الرجال منهم والنساء
انكم تخففون من طلباتكم شوي على البنات ابي وابيها مايصير تراهم خلق مثلكم وايها العجوزات الحبوبات ماكنتوا بمكاننا يوم أن أزواجكم يتشرطون عليكم اممم لأ هذاك زمن غير زمننا يقوله ابوك بتتزوج بنت عمك بكرة يقوله طيب يبه امر وانتي يابنت ولد عمس جاي يأخذ بكرة ترد عاد هي بكل خجل وانوثه تخيلوا الموقف معي((وين يأخذي يبه))زوجتس على بيتس وهاتك ياطيران من الفرح
بس طلعت علينا حنا الزمن هذا الود ودي اخلي الوليد يجي يشوف خطيبته شوفه شرعيه أن رضى فيها ولا توكل على الله
هالحريم الله يصلحم بس
ولا تراني حذرت أشد التحذير بأنه سوف يكون عليكم أنقلاب أيها الخطيبين والخطبيات العجوزات منهم والبنات اننا سوف نطالب بأزواج من وحي الخيال
واأنا أولهم ابي واحد عيونه خضر وشعره أشقر وابيض ومايجلسس بالبران ويطعس هذا أهم شيء ومايشرب دخانىتى ايه وطويل الجسم ممشوق القوام ومايبلس سروا وفنيله يلبس بجايم وحركتات
وابيه قائمه تطول من المطالب
فأحسلكم خخففوا علينا شوي
ظللي واقري للبنات بس يظللون ويقرون
لأنه أتفاق بيني وبينكم ككككك
تذكرت زميلتي تقول ابي واحد فرنسي عمره 50 سنه اقولها وش تبين بوه تقول يدلعني هذا يوم أننا بالثانوي والله ياحنا نفطس عليا ضحك
المهم خواتي والله اتكلم جد حاولو تخففون من طلباتكم شوي والتزمي اللي طلبه ولد أو أخوك
واللي عندها شيء حابه تقولوه موقف ولا تعليق ولا مناقشه عادي ترا أنا أحب النقاش في غير جدال
وترا الموضوع جهد شخصي مانقلت ولا كلمه كلوه من كلامي
ولا إله الا الله محمد رسول الله
سبحانك اللهم وبحمد أشهد أن لا إله الا أنت أستغفرك وأتوب إليك
:39::39:
^
^
^
خلوكم دائما كذا
أخر همي أنسان @akhr_hmy_ansan
محررة فضية
يلزم عليك تسجيل الدخول أولًا لكتابة تعليق.
الدايه ام زكي
•
مشكوره عيوني
الصفحة الأخيرة