والله اليوم جايبه لكم حلى سهلللللللللل جدا جدا جدا..وطعمه حلو..طعمه مو غريب..لكن شكله
اللي غريب..ويضحك شوي..حشا مسرحيه مو حلى هههههههههههههه..
ومقاديره جدا سهله ومتوفره..
اللي مسويته الله يعطيها العافيه..زوجة اخوي ( أم عبدالعزيز) بس للأسف اني مالحقت
عليها وهي تسويه..انا مالحقت عليه الا وهو في الفرن..
وعشان كذا ماقدرت اصور الخطوات من الأول,,
شوفوا صورته واقولكم طريقته..
تراه حلى مو بيض..يمكن مو جديد عليكم..بس انا والله ماشفته بالمنتدى..
المقادير والطريقه:
بف باستري الكرامه اللي حجمها صغير..
ولو مو متوفر عادي جيبي الكبير وقطعيه اربع قطع..
شوي كنافه وزبده..
جبن كيري..
شيره..
الطريقه سهله جدا..جيبي قوالب الكيك الصغيره..وحطي بكل واحده قطعه من البف باستري..
بعدين..ذوبي الزبده على النار..وحمصي الكنافه في الزبده..خليها يصير لونها ذهبي على بني..
حطي في بالك انها ماراح تطول في الفرن..يعني لازم تستوي الكنافه على النار..
وبعدين بعد ماتتحمص الكنافه خذي مقدار صغير منها وافرديه فوق البف باستري..
عشان يصير شكله مثل عش الحمامه..
وبعدين قطعي جبن الكيري الى قطع صغيره وكوريها بيدك..حتى يصير شكلها مثل البيض..
وحطيها فوق الكنافه..ودخليها الفرن حتى تتحمر من تحت بس..
لاتحمرينها من فوق..وماتطول بالفرن تقريبا 15 دقيقه..
واذا تحمرت طلعيها واسقيها بشيره..وقدميها وبالهناااااااااء والعااااااااااااااافيه..
ودعائكم لأم عبدالعزيز ان الله ييسر حملها وولادتها..
:26: