السلام عليكم ورحمة الله وبركاته ..
أخواتي الغاليات .. أنا من فتره بسيطه كنت اعاني من الكوع عندي رغم ان بشرتي حنطيه لكن فركت كوعي مره وانا استحم بليفة الصابونه المغربيه وسبب لي احتكاك لكوعي وركبتي .. وصارت سوداء زي الاحتكاك كوعي الصراحه اسود صار وركبتي صارت اسمر شوي .. المهم نزلت هنا موضوع وطلبت من الجميع وماصار فايده الين توصلت للخلطه ذي .. واقسم بالله ان نتيجتها وانا اناظر من ثاني استخدام واقول ماشاء الله بارتباك شديد من شدة خوفي اني اعطي نفسي عين .. ارجوكم اذكروا الله جميعا ً .. صرت شنو اقول يارب متى يجي الصيف بلبس نص كم متى يجي اليوم اللي اتزوج واقدر اطلع اباطي وكوعي وركبتي وكل شي بثقه .. بنات الخلطه ان شاء الله ماتخوف ولا فيها شي يخوف .. انا استخدمتها ولا حبيت انزلها لين اجربها بنفسي لاني مستحيل بضركم وانتو خواتي .. وانا ادري وحاسه بمعاناة بنات كثير وحاسه فيهم كيف ودهم يتخلصون من شغلات تأرق تفكيرهم واحيانا ممكن تسبب لهم تاخر الزواج .. المهم الخلطه هذه اهي لا سحر ولا شي .. انا من شدة اعجابي بها فكرت اجربها على الافخاذ ومابينهم لاني بجد حبيتها ..
المكونات مع الصور ..
1/ كيلي
2/ بوهلي
3/ جلسوليد بنفس الحجم ذا صغير يعني ..
4/ منيرفا ومالقيت الا الصوره هذه وان شاء الله واضحه .
.. طبعا ً تخطلينهم مع بعض .. خلط صح مليون بالميه .. لين تصير ممتزجه بعضها .. ثم تحطينها في علبه بلاستيكيه انتبهي تحطينها في علبه معدنيه او حديد !!! لانها بتصدي ولاقدر الله تتأكسد او تضرك ..
اوكي خلطناهم وحطيناهم في العلبه .. تدهين المنطقه اللي تبين كوع ركبه ابط بحركات دائريه لين تحسين انه امتص ولو جزء بسيط منه وملابسك اللي تلبسينها لازم تكون قديمه لانه بيطبع شي خفيف عليها .. ونامي واصحي الصباح بإذن الله وتغسليها كيف ....؟؟؟؟؟ هذا المهم .. طبعا انتهبي تفركينها لا لا لا وألف لا .. اغسلي بنعومه فائقه بغسول نيتروجينا مثلا لوجهك وكوعك وركبتك او غسول لايف بوي اللوشن .. طبعا ً لايف بوي السائل تلاقينه عند الصيدليات البقالات الكبيره السوبرماركت سعره بـ 19 ريال طبي ومنظف .. للجسم ...
نهاية الاسبوع سوي حمام لطيف كيف !!! تدهنين جسمك بفازلين وتخلينه ساعه ساعتين وتدخلين الحمام وتدعكين بليفه ناعمه جسمك لين ينظف من الفازلين او اي كريم ثاني دهني .. وتطلعين وترطبين نفسك ..
طبعا ً وصلتي للون المذهل والخيالي اوكي !! بعدها اتركيها تدريجيا وصيري سويها مثلا ً كل 4 ايام مره تراها بنات والله كنز الخلطه هذه ماتتركينها ابدا ولا تفكرين تتركينها والايام اللي ماتدهنين فيها اهتمي بالترطيب لان السوااااااااااااد فقط من الاهمال ..
//
وبكذا بإذن الله أشوف كل وحده منكم قمر وعروس ومتوفقه ومتهنيه واللي بيت زوجها ربي يجعلها اميره في عيون زوجها ويسخره لها ابد الدهر ويرزقكم ربي جميعا ً بالذريه الصالحه ..
\\
والله مابي إلا دعوه ( أن الله يحقق لي اللي في بالي ويسهله علي ويعجل فيه عاجلا غير آجل ) وادعو لأبوي بالرحمه والمغفره .. واي سوال على الخاص لاني انسى ساعات ادش الموضوع .. وانا جاهزه لكم حبيباتي ..