هام جدالا تدمرون نفسكم بنفسكم(نصائح لوجهه الله+تجاربي مع السترج مارك)منقول - منتديات عالم حواء

السعودية - جميع دول الخليج
كتاب نكهة الاطباق
تمتعي بأكثر من 300وصفة مضبوطة ومصورة بدقة ومرتبة في 18 قسما منوعا
              

السعودية - جميع دول الخليج
كتاب نكهة الاطباق
تمتعي بأكثر من 300وصفة مضبوطة ومصورة بدقة ومرتبة في 18 قسما منوعا
قديم 23-02-1432 هـ, 02:54 صباحاً   #1
الحنونة_83

محررة
 
الصورة الرمزية الحنونة_83
 
تاريخ التسجيل: 22-09-1431 هـ
المشاركات: 1,307


هام جدالا تدمرون نفسكم بنفسكم(نصائح لوجهه الله+تجاربي مع السترج مارك)منقول

بنات هذا موضوع قريته بمنتدى كويتات للعضوة كرزة ضايعة وحبيت افيدكم

شلونكم شخباركم عساكم بخير..
ملاحظة<<مو كرزة ضايعه ,,انا اختها

ما اطول عليكم ..انا صار لي سنين في المنتدى بس اراقب من وراء الستار مثل ما يقولون..حاولت اسجل بس ما تتفعل عضويتي..
المهم..انا وحده مهووسة بسوالف البشرة والكبت ماشاءالله ..صيدليه مو كبت ..اي كريم يجي في بالكم بتجوفونه موجود

ومثل الجميع اعاني من السترج ماركس..بااد ونس بعد مو اي كلام..من البيضاء القديمه

قبل لا ادخل مع رحلة السترج ماركس..خلني اقول لكم نصيحة مهمه

انا بحكم تخصصي في وزارة الصحة نقدر نسوي تجارب في المختبر ونجيك امور وايد
واحد من اهم الاشياء الي لاحظتها في المنتدى كثرة الخلطات !!! وتتراوح النتايج فيها بين الي حصل فايده والي ما حصل ووالي في النص ..انزين الحين ما علينا من فوايد الخلطات..في شي مهم الكل غافل عنه..انا نفسي كنت غافله ..بس يوم سوينه تجربة في المختبر عندنا تفتحت عيوني على هالنقطه المهمه ..
اخدنا من صيدليتنا دواءين والدواء الاول والثاني يستخدمون لنفس الغرض ..الدواء الاول كان مدة انتهاءة سنة..الدواء الثاني مدة انتهاءه سنتين !! حلو؟
مزجناهم ويه بعض..صارت مدة الانتهاء شهر!!!!!!؟؟
شرايكم
بختصار التجربة وضحت لنا معلومه مهمه انه ادا مزجنا اكثر من ماده كيميائية معلومة تاريخ الانتهاء الناتج يكون ماده مجهولة تاريخ الانتهاء!!

انا عن نفسي كنت من محبين الخلطات وجرب لا تجرب في هالجسم ,,لكن من يوم طلعنا هالنتيجة خلاص حرمت..
لما كنت اسوي خلطات في البيت لاحظت بعض العلامات على كريماتي الي توحي انها مو اوكي هههههههه لكني كنت اكابر
مثلا بتلاحظون انه بعض الزيوت تطفح لفوق وما تكون المكونات ممزوجة تماما..حتى لو كانت كدلك في بداية الامر الا انها بتنفصل بعد مجرد ساعات..وهدا اكبر دليل على انه الكريم فاااااااشل..وغير ناجح لو سوينه له اختبار ستابيليتي الا هو واحد من اهم االاختبارات الي لازم الكريم يعديها قبل لا يعطى تصريح راح يفشل فيه اكيد
او بتجوفون انه اللون يتغير ..وووووو الخ من التغيرات
يعني احنا نستخدم كريمات منتهيه على اجسامنا ,وهالشي له اضرار لو على المدى القريب,على المدى البعيد<<الخلاصة


ثاني شي الكيراتين..تأكدوو ياا بناات انه الكيراتين الي تستخدمووونه خاالي من الفورمال دهاايد..
احنا سوينا تجربة صدمتنا صرااحه ..الفورمال دهايد ماده كيميائية تنحط في الكيراتين بنسبه لاااااااااا تزيد عن 2% للمساعده في تمليس الشعر ,,وهي مادة اثبتت سرطانيتها في حال زادت النسبة!!..
اخدنا عنده انواع من الكيراتين وحللنا نسب المكونات ..تخيلوو !! بعض الانواع والي مكتووب انها خاااليه من الفورمالدهايد كانت تحتوي على 10% !!!!! ايي 10 بالمئة النسبة تعتبر فضيييعه وخطيرة جداا
فنصيحة لوجهه الله انتبهوا من هالشي

الحنة السوداء ما راح اطرق لها بس احب اقول اولا انه خلاص الان تم تطبيق قرار منع نزولها البحرين,, لان وايد اشكالات صارت عليها وحالات ..اممم اقدر اشبهها بالحروق الجلديه او التقرحات
نصيحتي..ابتعدوا عنها ,,ترى كلها كيميائيات ,,خلكم في الطبيعي

اي صح تدكرت..ابدااا ابدااا ابدا لا تاخدين علبة كريم كبيرة وتقسمين المحتوى على علب صغاار ..بختصار لا تغيرين علبه الكريم الي تشترينها فيه ..سواء كريم شعر او بشرة,,وما راح ادخل في تفاصيل ليش مفروض ما نسوي هالشغله..بس المهم لاا تسوينها يا اختي لانها مو اوكي,, وهالشي ياما وياما نجوفه في الصالونات بس حاليا نسوي حملات توعيه طبعا لكل هالامور الي دكرتها ,فانتبهو


نقطة ثانية مهمة جدا..لا تستخدمين اكثر من كريم على ويهج حتى لو كان لنفس الهدف..مثلا لا تحطين كريمين ترطيب في نفس الوقت<<يعني بتسوين ترطيب مكتثف ههههههه
ولا تحطين اي كريمين في نفس الوقت حتى لو ما كانو لنفس الهدف..ادا كان شي ضروري تخلين وقت بينهم وتسمحين للبشرة بامتصاص الاول ..بعدين تحطين الثاني ..
لو مزجتي اكثر من كريم على بشرتج ..تعرفين شبصير
تخيلي انه البشرة ساحة معركة ودخلتي عليها كريم1 وكريم 2 ..بقومون يتهاوشون "المواد الكيميائية الي فيهم بتتفاعل"..والبشرة يا عيني عليها مسكينه ولا تدري شلون تتصرف وبتتعب وبتتأثر وايد<<ادري اني استعبط واحط امثله من عندي بس للامانه كلها مبنية على اسس علميه مثبتة..فعلا المواد راح تتفاعل على سطح البشرة ..وسطح البشرة غير معد لتحمل مثل هده التفاعلات


اممم ما جاي على بالي شي الحين بعد ,, بس على نصيحة على الطاير..حطو بالكم على طرف او في قاع الحمرة والقلوزات وبتجوفون شكل العلبة المفتوحة ومكتوب يمها رقم مثال 12m يعني 12 شهر وهدا يعني مدة الصلاحية بعد الفتح للي ما يعرفون ..فحطوا بالكم على هالشي


الحين نجي للهم العظيم!! الوحش الي دمر اجسامنا..مستر سترج ماارك
يوووه من وين ابدأ اصلا..تجاربي مع السترج مارك مالها بدايه هههههههههه بس ****اءالله بكون لها نهاية
خطوطي بيضا وقديمه تقريبا ل5-6 سنين لورى
جربت عليها اي خلطة ممكنه ..اي خلطه تجي على بالج اتوقعيني استخدمتها
ما ظل تقشير ولا ترطيب ولا كريم الا حطيته عليها
والمشكله اني فقيرة واستمر بعد ههههههه واتاابع ..مع اني ادري انه علميا الامل في انه يروح 10% بس منها ,,بعيييييد

بس من تجاربي اقدر اقول انه البايو اويل bio oil زيت ممتاز لترطيب وتحسين سطح البشرة ..يعني ادا كانت خطوطج خالقه تعرجات على سطح البشرة وفي احساس فيها بالملمس ..تقدرين تستخدمين هالزيت وبتلاحظين تغير..عن نفسي استخدمته مده 3 اشهر او اكثر ,,بس كان في فرق

سيرم فيتامين اي من بالمرز..ما منه فايده
زبدة الكاكو...ابدا ما انصحكم
زبدة الشيا..نفس صديقتها الي فوق..ما منها فايده
تقشير... لا لا لا
خلطة لسان البحر تبع الصينية,,هههههه خياس +ماااا فييي نتيييجة
مسااج..مضيعة وقت بدون اي مبالغه ..
اي كريم مكتوب عليه anti stretch marks لااا تضيعون فلوسكم ووقتكم وتاخدونه
خلطات من المنتدى..مع التحفظ على اساميها..لم تكن سوى مضيعه لوقتي الثمين<<بلييز يا ام وقت ثمين ,بس والله والله عن جد ماا حصلت فايده من بعض اشهر الخلطاات الموجودة وانا من النوع الي يستمر اكثر من شهر على الشي
زيت جنين القمح..مافاادني
زيت زيتون..مافادني
ليفه بودي شوب مع التقشير..هم ما فاااد

اخ يا القهر والله لو اجمع فلوسي الي قطيتها على هالمسخرة جم احصل؟؟

ما علينا..نجي للمهم..الحين بعد ما تعبت من هالخلطات "للعلم جربت خلطات من المنتدى والي البنات ميتين مدح فيها..وما حصلت اي فاااائدة تدكر..ولا حتى 1% " قرأت عن الريو بلش تكنينك..والي هي نفسها الكاربوكسي ثيرابي
والي تحب تتعرف على هالتقنية تقرأ عنها وتسوي سيرج في مواقع اجنبية او حتى عربيه وتجوف ..rio blush
هالتقنية تساعد على ان ترجع الحياة للانسجة الميته"التشققات" وتساعد على انتاج الكولاجين والاستين

قلت يلااا خلاص ..اوردي وصلت لطريق مسدود مع الخلطات الغبية والكريمات الي ما منها فايده
ورحت لدكتورة مشهورة عندنا في البحرين ودخلت اول جلساتي من الريو بلاش سشنس..
بصراحه كانت تألم شوي !..بس الم محتمل خصوصا انه تدخل الابرة في كل سترج مارك..وساعات في كل خط تدخلها مرتين او اكثر!!
وييييمه لو تجوفون شكل المنطقه بعد العلاج "جربته على منطقة الصدر"..يخررررررع كله نقط دم محل كل غرزة ابرة وكدمات بنفسجية وحمرا..بس طبعا كله يروح من 2 -5 ايام ويختفي تمااااماا ,,!!
الجلسة كلفتني 70 دينار..
وبحتاج مينمم 4 جلساات ..والفرق بين الجلسة والثانية شهر ...لانه خطوطي بيضاء والي حمرا اعتقد كل اسبوع تاخد جلسة ..اعتقد يعني مو اكيد ..وطبعا بتحتاج عدد اقل من الجلسات

على العموم اكيد تبون تعرفون النتايج..؟؟
احب ابشركم الحمدلله في نتااائج ملمووسة ..! وتعتبر ممتازة لاني اخدت العلاج في 1-1 واليوم 17 -1 يعني تقريبا نص شهر وحسيت بهالفرق ..الي ما حسيت فيه بستخداام خلطات لشهوووووووووور !
وطمنتني الدكتورة قالت انه بس التزم وياها واحضر كل شهر مرة على الاقل 4 شهور..بيختفون وفعلا انا قاعده الاحظ انه شوي شوي السترج مارك يصك على نفسه ويضيق
وصفت لي الدكتورة كريم افالون للسترج مارك وقالتها بصريح العبارة ..ما راح يأثر هالكريم شي ترى ,,بس ادا تحبين تحطينه ككريم ترطيب للمنطقة بعد الاستحمام راح يكون خيار جيد..ادا ما حبيتي تاخديه على راحتك..بس انا شريته..الكريم حلو بسرعه تمتصه البشرة وريحته اوك..بس ما يفيد شي غير الترطيب خخخ

ادري اني طولت عليكم بس سامحوني والله عندي هدرة واايد حبيت اشارككم فيها ههههههه

السعودية - جميع دول الخليج
كتاب نكهة الاطباق
تمتعي بأكثر من 300وصفة مضبوطة ومصورة بدقة ومرتبة في 18 قسما منوعا



اللهم اني استودعتك نفسي واطفالي وزوجي وكل ما عندي فاحفظنا من كل شر يامن لاتضيع ودائعك
للبيع فستان جوبير سكري على الموضه جديد ب500 وفستان ملكه هندي تركوازي
http://forum.hawaaworld.com/showthread.php?t=3981609
الحنونة_83 غير متواجد حالياً رد مع اقتباس إرسال الموضوع إلى الفيس بوك إرسال الموضوع إلى تويتر


قديم 23-02-1432 هـ, 03:09 صباحاً   #2
مضيعه عقلي

محررة
 
الصورة الرمزية مضيعه عقلي
 
تاريخ التسجيل: 01-07-1431 هـ
المشاركات: 1,495


مشكوره حببيبتي ع النقل ..




آللهم ارزق طفلي جمال الخَلق والخُلق وقوة آلدين وآلبدن وسعآدة آلدنيآ واللآخره ..

.
مضيعه عقلي غير متواجد حالياً رد مع اقتباس

قديم 23-02-1432 هـ, 03:28 صباحاً   #3
(ام بندر)

محررة
 
الصورة الرمزية (ام بندر)
 
تاريخ التسجيل: 26-08-1430 هـ
المشاركات: 1,555


يسلمووووووووووووووووووو


(ام بندر) غير متواجد حالياً رد مع اقتباس

قديم 23-02-1432 هـ, 03:37 صباحاً   #4
زوجةصابرة

عضوة فعالة
 
الصورة الرمزية زوجةصابرة
 
تاريخ التسجيل: 15-11-1429 هـ
المشاركات: 854


جزاك الله خيرا


زوجةصابرة غير متواجد حالياً رد مع اقتباس

قديم 23-02-1432 هـ, 04:06 صباحاً   #5
روح كلها وفا

عضوة فعالة
 
تاريخ التسجيل: 27-04-1431 هـ
المشاركات: 775


الله يجزاك خير،،استفدت كتييييييييييير،،شكراااااا،،


روح كلها وفا غير متواجد حالياً رد مع اقتباس

قديم 23-02-1432 هـ, 04:16 صباحاً   #6
متجر فيولا
تاجرة موثوقة
 
الصورة الرمزية متجر فيولا
 
تاريخ التسجيل: 22-01-1428 هـ
المشاركات: 9,076






يسلموووووووو




تم افتتاح متجري الجديد http://viola-shop.com/


ولازال الطلب مستمر من متجري السابق http://www.h-
q-store.com/index.php

انستقرامي nafnofa23

متجر فيولا غير متواجد حالياً رد مع اقتباس

قديم 24-02-1432 هـ, 10:37 صباحاً   #7
هديل1

عضوة جديدة
 
الصورة الرمزية هديل1
 
تاريخ التسجيل: 08-06-1428 هـ
المشاركات: 86


يسلمو حبيبتي على الافاده والله يعطيك العافيه ابي اسم الدكتوره الي سويتي عندها وانا بعد ابي اسويها حق الهالات السوداء تحت العين


هديل1 غير متواجد حالياً رد مع اقتباس

قديم 24-02-1432 هـ, 12:21 مساءً   #8
ام رغد ومها

عضوة نشيطة
 
تاريخ التسجيل: 10-11-1431 هـ
المشاركات: 383



مشكوررررررره


ام رغد ومها غير متواجد حالياً رد مع اقتباس

قديم 24-02-1432 هـ, 12:37 مساءً   #9
فوز حياتي

كبيرة محررات
 
الصورة الرمزية فوز حياتي
 
تاريخ التسجيل: 25-03-1431 هـ
المشاركات: 6,789



مشكوره يالغلا


فوز حياتي غير متواجد حالياً رد مع اقتباس

قديم 24-02-1432 هـ, 01:41 مساءً   #10
متجر لحظة
تاجرة موثوقة
 
الصورة الرمزية متجر لحظة
 
تاريخ التسجيل: 02-02-1429 هـ
المشاركات: 6,828






الاجسام تختلف واللي بناسب غيرك مو شرط يناسبك والعكس صحيح
عموما مشكورة




ساعات كاسيو الاصلية وكميات محدودة

جديدنا
متجر لحظة غير متواجد حالياً رد مع اقتباس

إضافة رد







أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
الانتقال السريع


الساعة الآن 10:36 .


شات عالم حواء
تابعونا على Google+
تابعونا على instagram
تابعونا على twitter
تابعونا على Facebook