السلام عليكم ورحمه الله وبركاته
أهلين وسهلين فيكن أخواتي ... شرفتم ونورتم موضوعي
بصراحه إنتم تشجعون الواحدة تتعب علشانكم وتنزل مواضيع لكم
اليوم درسنا مكياج خليجي وهو اللون الماروني ( العودي ) واللون الذهبي
وطبعاً هذا اللون يعطي فخامه للمكياج ومناسب جداً للسهرات
وخاصه إذا وضعنا فوقه لمسه خفيفه من القليتر
وطبعاً هذا الدرس حصري لعالمي الحبيب حواء .. وهو مجهود شخصي مني وأتمنى إنكم
تستفيدون منه وينال على إعجابكم....
مثل ما تعودنا في بدايه كل مكياج ناجح نبدأ أولاً بنتظيف البشرة بالمنظف
وبعدة نرطبها بالمرطب
ونمد الكونسيلر على العين بواسطه الاسفجه
ونحط الاضاءة الذهبيه تحت الحاجب وفي الجفن المتحرك
ونرسم بالقلم الاسود الجاف مثلث العين بهذة الطريقه الموضحه
ويمكن نرسم بالاي شدو الاسود ولكن الافضل رسمه بالقلم الجاف الاسود
وبعد مارسمنا مثلث العين نطير حدود القلم الاسود بواسطه الفرشه من الداخل إلى الخارج
ونحط على المثلث الاسود نحط اللون الماروني ( العودي )
وندمجه معه بطريقه ناعمه من الداخل إلى الخارج وعلى الاطراف
ونحط على أطراف اللون الماروني شوي من اللون الاورنج
وندمجها مع بعض لان كل مازدنا بدمج الالوان الوان ثانيه تكون مناسبه معها
تعطي فخامه أكثر للمكياج
ننظف تحت العين بالكونسيلر بواسطه الاسفنجه
وبعد كذا نرسم بالاي لينر الاسود السائل العين لأنه يعطي لمعان للعين أكثر
ونرسم مثلث العين بالاي لينر وندمجه مع اللون الماروني من طرف العين الخارجيه
ومن فوق ندمجه بشكل ناعم وخفيف
واهم شئ في رسم الاي لينر تكون اليد خفيفه وثابته حتى ما يخرب علينا الرسم
ونحصل على رسمه مضبوطه للعين
ونرسم بالاي لينر الاسود فتحته العين وتكون مفتوحه من برى بطريقه ناعمه وفتحه بسيطه
وفي نفس الوقت تكون عامله حركه في العين
وممكن ندخل إضاءة في فتحه العين لونها ابيض او ذهبي ونحط عليها القليتر حتى تكون أكثر وضوح
وإذا كان فيه أي خطأ في رسمه العين نمسحه ونرتبه بواسطه الكونسيلر بواسطه الاسفنجه حتى ما يبان فيه اي خطا
نحط الماسكر السوداء على الرموش
ونرتب الحواجب بمشط الحواجب ونرسم الفراغات باللون البني الغامق
لأن اللون الاسود على الحاجب مو حلو ويعطي منظر قاسي للوجه
سواء كان اي شدو او قلم جاف
ونكحل العين من الداخل باللون الاسود
وبعدين نوزع الفاونديشن ونخفي الشوائب الموجودة في البشرة بطريقه ناعمه وبالاسفنجه
وبعد كذا نحط البودرة ونوزعها بطريقه الطبطبه ونحط منها تحت العين بطريقه ناعمه
وبعدها نوزع البلاشر ونبرز الخدود بمسحه بسيطه من الاضاءة على الخد
وننحف الانف من الجوانب باللون الغامق ومن وسطه نحط الاضاءة حتى يبرز الانف
ونرسم الشفايف ونحط فوقه القلوس
وهذا المكياج بعد ما إنتهينا
وهنا صورة ثانيه للمكياج الخليجي
وهذا الروج لونه حلو مرررة وناعم
وأخيرا خلصنا مكياجنا اليوم ...
بإذن الله يكون أعجبكم
وانتظروني في مكياج جديد ودرس جديد قادم بإذن الله
لاتنسوني من دعاؤكم