حياكم الله جميع ومتعكم بالصحة والعافية ,,
اول طلب طلبا لا امرا
اذكروا الله حتى لو ماعجبكم ماتدروا قد ايش اخذ مني وقت عشان انزل الموضوع
وأقل مافيها تقدير للتعب لما يتنقل الموضوع لاي مكان ثاني
اقل مافيها قولي منقول
موضوعي اليوم بإذن الله عن العريس المزيون
اللاب توب
دورت مواضيع ابغى ازينه ما لقيت شي ناسبني
واقتبست الفكرة من زوجة اخوي وطبقتها بطريقتي
وقلبت في قرابيع البيت ولميت لي ادوات وبدأت الشغل
اليكم الشرح مع النتيجة بعون الله
الموضوع طويل شوي ويعلم الله قد ايش تعبت فيه بس كلللله عشان خاطر عيونكم
وماني طمعانة غير في دعوة صادقة بظهر الغيب
ان الله يرحم امي ويغفر لها ويجمعني بها في جناته
والموضوع اهديه لمنتداي الغالي
وااهداااااااء خاص
لاخواتي في همم بنات قسم التنظيف
تجليد الجهاز
بسم الله نبدأ
اول شي نسيت ما اصور جهازي قبل
ودورت في النت ولقيت صورته ونفس لونه وموديله
الادوات
تجليد لاصق شفاف حق الكتب
ورق شفاف - مقص - غراء
قماش قطيفة لون ليلكي -
فصوص - اكليل فضي
اخذت التجليد وقست على الجهاز وقصيته
بعدين شلت التجليد وحطيته على القماش وقصيته
بعدها غريت القماش على التجليد من الناحية اللي ما تلصق
بعد كذا جلدت الجهاز
يتبع
تلبيسة غطا حامي
وبما ان لون القماش غامق ونوعه قطيفه فبينعدم غبرة
حبيت اسوي له تلبيسة تنشال وتتغسل وتكون حامية
وتغطي الشاشة كمان
الادوات
قماش قطيفة بيج - مقص - خيط وابرة
بعد ما اخذت المقاس
خيطت اطراف القماش عشان لا يتناسل وفي نفس الوقت يكون نظيف
بغرزة السراجة
وصار بهذا الشكل
وطبقت القماش بالنص وخيطت من 3 جهات
زي ماهو موضح بالصورة
وسويت فتحتين من قدام عشان اقدر اقفله
وخيطتهم غرزة اللفقة
سبحان الله وبحمده ,,,سبحان الله العظيم