السعودية - الرياض
شراء اثاث مستعمل
شراء اثاث مستعمل بالرياض 0552713218 /0562086518 شراء اثاث مستعمل بال
              

السعودية - الرياض
شراء اثاث مستعمل
شراء اثاث مستعمل بالرياض 0552713218 /0562086518 شراء اثاث مستعمل بال
إضافة رد
 
أدوات الموضوع انواع عرض الموضوع
قديم 16-02-1432 هـ, 07:50 مساءً   #1
حور دنيا

عضوة فعالة
 
الصورة الرمزية حور دنيا
 
تاريخ التسجيل: 18-05-1428 هـ
المشاركات: 889


(روووووعه) للمتزوجات المجروحات الغافلات شوفي نصرة **** لي

انا قريت هالقصه وبصراحه فادتني وشدتني ووجهتني وهي قصة تشبه قصتي وقصة كثير من النساء المجتمع الي احتكيت معهم وحبيت انقلها لكم باجزاءها جزه االله خيرالي كتبته ولي نقلته
للمتـزوجات المجروحات الغافلات ...شوفينصرة ربي لي بعد صراع دام ست سنوات
--------------------------------------------------------------------------------
بسمالله الرحمن الرحيمالموضوع منقوووووول للإستفادةللمتـزوجات المجروحاتالغافلات ...شوفي نصرة ربي لي بعد صراع دام ست سنواتالسلام عليكم ورحمة اللهوبركاتهاليوم وبعد معاناة ست سنوات انا >> مبتسمه بعد ماكنت بمحنهمايعلم بها الا الله سبحانه واقرب الاشخاص لقلبي اللي هي اختي اللي تصغرني باربعسنواتاول شئ اقول الحمد لله الذي بمكارمه تتم النعم اللهم لك الحمد على نعمةالامن والامان ووالله الامان النفسي مامثله امان ...
قصتي طويـــله طويله طويلهتحمل من الالم والهم والحزن الكثير لكنها تهون عندما اخذ نفس عميــــق واقول وكلييقين اللهم اجرني بمصيبتي واخلفني خيرا منها ...
ياعزيزاتي تبدا قصتي بزواجي اليمر عليه 13 عام والله يجعله زواج الدنيا والاخره ولا يفرق بيني وبين زوجي ولا اياخت في الله وزوجها ويبعد عني وعن اخواتي المسلمات المسالمات الحافظات والطائعاتلله ورسوله شر فتن بنات ابليس اللهم امين ...هذي القصه القصد من نشرها الفائده لكلمن جربة واللي ماجربت شر فتنة بنات ابليس ...
تزوجت اكيد ومثل ماكان سائد بهذاكالوقت في عائلتنا البنت ماتعدي سنه او سنتين على الدوره الا وهي ببيت زوجها... تربيتي عند اهلي كانت تربيه واللهم لك الحمد على الستر والحفاظ اولا واخير على نفسيولكن كنت اعاني من بعض القعد مثل عيب تتزينين كثير ...الضحك كثير مو زين ومنهالسوالف الي اثرت فيني وفي شخصيتي علشان كذا اقول لكل ام دلعي بنتك خليها انسانهتحس بانوثتها وجاذبيتها ولكن بعتدال مو تضيعينها وتقولين علشان مااحرمها ....
المهم تزوجت رجال صاحب دين واللهم لك الحمد فرحت به كثير مثل اي بنت تتزوج ولكنخلفيتي في الزواج ماكانت ذيك الخلفيه الي كنت اشوفه مع امي وابوي الي كل بنت تشوفهمن اهلها ...وكنت افكر هذي هي الحياه الزوجيه الين تزوجت وطحت بالمطب الاول ... قلةخبرتي في الاهتمام بالزوج كشخص . ماكنت اعرف كيف اهتم فيه ابدا ابدا لاني فتحت عينيعلى امي وهي تركض من المطبخ للعيال للحوش للزراعه ولما يجي ابوي تحط له القهوهكلمتين وكلن راح يخلص شغل وطبعا لاننا ننام من وقت مادري كيف امي تتزين لبوي اللهيرحمه ولليوم مااعرف للعلم ...
امهاتنا وابائنا كانت حياتهم شفافه جدا والزوجماكان كثير الشروط مثل هالزمان والي يتشرط ومايشوف فيها فايده يتزوج وكانوا قبليتزوجون لاسباب معينه كالبحث عن العيال او لانه زوجته مريضه او متوفيه فقط ...
اما اليوم فيه رجال والكثير منهن مايبون صدعة راس وزوجه ثانيه وقرقعه واسلمطريقه هي العشيقهالمهم زوجي كان يكبرني بست سنوات يعني شاب يبي يحس برجولتهيحس بعاطفة زوجته واهتمامها ورعايتها له ولكن والله والله والله ماكنت اعرف شئ غيرالطبخ وترتيب غرفة نومي وصبري على امه الله يسامحها على افعالها وبس ...جبت اول ولدوبعدها بنت وزوجي كان كثير الصمت الصمت بالبيت مايسولف نهائيا معي ولا انا كنت اهتملسوالفه لاني مااعرف شو اقول له غير تبي اكلووقت النوم تعالوا شوفوا حالتي الشعرمنكوش ومربوط بشباصه والجلابيه مفتوح الزرار كامل ومتجهزه فقط للارضاع ...واناعايشه حياتي على هالوضع ... هالوضع ...المهم كنت كل مااقول لزوجي وديني لبيت اهليزوجي يركض بي يركض يبي يفتك مني وماالومه والله ...مااقول انه زوجي ماحاول يصلحنيلا والله الرجال كان يلمح لي لكني كنت جاهله ومااعرف اللي يبيه واحسبه يلمح لاناهتم اكثر في البيت وكنت اشتغل شغل الين يوصل الليل منهد حيلي ... وصار البعد بينيوبين زوجي النفسي والعاطفي ولكن الجسدي كان فيه اتصال بيننا ...الين جا اليوم اليوقف فيه هذا الاتصال الجسدي في البدايه مااهتميت ولكن لما زاد الموضوع وبطبيعة كلانثى حنيت له جيت له لكن شفت منه الصدود .
كان ينام معي عادي ولكنه يمتاز جونابالبرود ومو هو الي متعودته قبل منه هنيه شكيت وقلت زوجي متغير حطيت همي بقلبي وسكتوسكت وسكت ولكن طال السكوت وكبر الهم وكبرت الفجوه بيني وبين زوجي الي احبه حبخيالي ولكن مااعرف كيف اجذبه لي اللي اعرفه كنت اطبقه وخلاص ...الين اليوم اللي رحتفيه لبيت اهلي وعندي من الاخوات خمس ...اللي اصغر مني طبعها غيور وماكنت تحاولتساعدني بشئ وكل مااقولها انا متضايقه تقول لي شو اسوي لك وتتركني بحزني المهم اختياللي اصغر مني باربع سنوات وكانت هذيك الايام بثالث متوسط شافتني بالليل ابكيبالحوش من حرقة الالم اللي فيني ...سالتني ليش تبكين قلت متضايقه شوي قالت ليش ...قلت لها امور حريم ماتفهمينها قالت لو تبيني اسمعك بس بسمعك...والحقيقه كنتمحتاجه لمن يسمع شكواي وقلت لها كل شئ وهي تسمعني ومن القهر جلست تبكي معي قالت ليشماتسئلين امي قلت سالتها وقالت اصبري كل الرجال نفس الطبع ...لكني مليت من الصبرهذا الكلام صار وانا حامل بالطفل الثالث وحملي كان تعب بتعب قالت لي اختي انا ودياقولك شئ بس اخاف تزعلين مني قلت لها ليش ازعل منك ؟!!
قبل لاقولكم الي قالتهلي اختي ...احب اعرفكم على شخصيتها ... شخصيتها ...انسانه جدا مرحه وضحوكه وصاحبةمقالب غير كذا طيبوبه وتتميز بذكائها ولماحه جدا ماشاء الله دومها متميزه بكل جميلمن كانت صغيره وماكانت تهتم للتعليقات لم يعلقون على ضحكتها او تزينها كانت تهتملنفسها عكسي تماما كنت اخاف انه امي تتضايق مني فماكنت احط اي شئ يخلها تتضايق ...
المهم اختي قالت لي قومي قدامي قمت معها ورحنا لغرفة ملابس اخواتي هالغرفهبعد زواجي بثلاث سنوات اخواتي سوونها وكانت كلها مرايا كبيره كنت لما ادخل احس انيبنادي رياضي المهم قالت لي طالعي شكلك طالعت نفسي وقلت شو السالفه قالت ماتدري شوالسالفه ركزي بشكلك وتخيلي الي قدامك وحده ثانيه مو انتي وقولي لي شو تشوفين قدامكابتداء من شعرك لرجولك وانا بكتب لك اللي تقولينه كله ...قلت لها اشوف وحده لابسهشيله سودا شعرها اسود حاطه على راسها طوق ملون ولابسه حلق ذهبي لابسه ثوب واسع لونهكحلي وبس قالت وجهها بشو مزينته طالعت بوجهي قلت ولا شئ سالتني فيه كحل قلت لا فيهروج قلت لا فيه كريم قلت لا...قالت منظره صحي مشرق قلت لااااا شاحب تعبان من السهروالحمل والولاده قالت خلي عنك الاعذار الوهميه طالعتها وانا مستغربه من كلامها ...قالت كملي نوصل لليدين فتحت يديني وطالعتهم شو ميزت يدينك قلت عادي مثل كل الناسقالت قولي مثل كل الخدامات طالعتها بحزن قالت قلتي ماراح تزعلين مني صح ؟! قلت ايوهقلت قالت نكمل نوصل للرجول وماابي نتعمق لتحت الملابس وصلت انا للي تقصده اختي ولكنانا مااعرف اهتم بهذي الاشياء ومااعــرف قالت اختي اكيد فهمتي الي اقصد صح قلت انامااعرف قالت كلنا مانعرف لانه محد علمنا وهذي ثاني نقطه انبهها للامهات علمي بنتكامور النظافه علمي بنتك امور الاهتمام بشعرها بوجهها بجسمها علميها لاتخلينها حرامعليك تظلمينها وتخلين اجمل ايام عمرها تروح بتعليم وهم نكد خليها تتزوج وهي فايفستارقالت انتي مشكلتك انك كنتي خوافه وانطويت على نفسك كثير نحن يوم انتيتزوجتي كنا اصغر منك بشويه واذكر هذاك اليوم اللي قالت فيه اختنا اللي بيننا اللهيعين هالزوج على هالبليده .انا مااقول انتي بليده بالعكس انتي انسانه مميزه والدليلتمييزك بطبخك واهتمامك بعيالك وترتيب بيتك ونظافته ولكن فيه امور ماتعلمتيها ولازمتتعالميها واظن هذا اللي خلى زوجك يبتعد عندك ...وهنا بديت اركب اول درجه من سلالمالتغيير في حياتي ...وكانت بداية انطلاقتي على يد اختي الله يوفقها ويخليها ويهنيهابزوجها وعيالها ...
** يتبع إن شاءالله **


(2)
نكمل والله يعنني ويعينكم ...
المهم قالت لي سالتني اختي كم سؤال عن امور النظافه والصراحه انحرجت منها لانها اصغر مني وكانت احسن مني قلت لها انتي كيف تعرفين هالاشياء قالت انا اقراء قلت تقرين هالامور ضحكة قالت الحين كل شئ ينكتب في الكتب والمجلات وهي تتكلم تذكرت اني مامسكت كتاب اقراه من ست سنوات كان كل وقتي كله كرف وشغل طبعا ام زوجي لعبت دور بنحت شخصيتي كيف ماتبي كانت تبيني مجرد خدامه عندها ومتناسيه انه ولدها كان ممكن يضيع عادي اهم شئ راحتها وراحة بناتها ...
عطتني اختي ثلاث كتب كل واحد يتكلم عن شئ للمرأه وكيف تكون انيقه وجذابه ولكن ماطبقت اي شئ منهم ابدا ... مافيه وقت عندي للقرأه ابدا من بينظف البيت وبيخلص غسيل سجاجيد عمتي وحوشها ويطبخ اكلها واكل اولادها ...كنت ابي اتغير لكن الوضع مايساعدني واذكر هذاك اليوم الي رجعت فيه من المستشفى والدكتوره معتطني توصيات بعد الحركه كثير لانه المشيمه تحت والطفل فوق وانا بالشهر السابع وممكن تصير ولاده باي لحظه لانه المشيمه نازله كثير تحت تبون الصدق كنت احس بالم في ظهري ولكن من رحمني ام زوجي قالت ماعليك من هالكلام كله خرابيط دكاتره يلا يلا قومي اشتغلي بس وقمت اشتغل كنت اخاف منها كثير مع العلم في البيت شغاله لكني اشتغلت لما رجع زوجي من العمل شافني اغسل السجاده مع الخدامه عصب علي وقال ليش تغسلين قلت امه انا قلت لها قال انا امنعها تتحرك وضعها خطير وانتي مش مهتمه قالت ماراح يصير لها شئ وان صار بنات الناس كثير بنزوجك حسبي الله ونعم الوكيل على كل ظالم هالكلمه هزتني بالكامل مسكني زوجي من يدي ودخلني الغرفه وقال لو سويتي شئ ياويلك قلت زين وجلست العصر هو طلع اول ماطلع جاتني قالت تعالي خمي الحوش والخدامه بتصب الماي عليك نظفيه معها قلت زوجي بيعصب قالت ماعليك منه قمت لاني خفت منها ورحت اخم الحوش وانا اخم احس ظهري فيه حراره من الالم ولكني خميته ولم قرنا نخلص وصل زوجي وشافني وانا اغسل عصب مره ثانيه المهم ماوصلنا لوحده بالليل الا وانا بالطوارئ نزل دم وصارت الضجه فكروا الحبل السري انقطع داخل الرحم ولكن الحمد لله جات سلميه وهنيه عصبت امي واعلنت احسن واعظم اعلان قالته بحياتها بنتي ماترجع لبيت هلك تبيها حط لها شقه ولا طلاقها بتموتون بنتي تنومة بالمستشفى اسبوعين في هالاسبوعين جات محاضرات معتبره لزوجي من ابوي الله يرحمه ماتبي بنتنا نحن نبيها رجعها لنا والله ماتدخل بنتي بيت اهلك الا للسلام فقط غيره ماتعيش فيه ثانيه ...وطلعت من المستشفى لبيت اهلي وكلها شهر وانا بشقتي ...وفي هالشهر كان التغيير في بعض الافكار ...
عطتني اختي دفتر صغير مدون فيه معلومات كاتبتها هي لنفسها لانها كانت بتتزوج هي واختي الثانيه بعد مااخلص الابعين ...
مسكت الدفتر وفتحته كان مرتب ومقسم لكل شئ بقسمه ...
قسم للملابس في البيت ونوعيها
قسم للملابس الداخليه ونوعيتها
قسم لملابس النوم ونوعيتها
قسم للعطور والكريمات والبخور <<ماكان عندها شئ ابدا
قسم للعنايه بالنظافه الشخصيه والجسديه ...
وقسم خطير خطير جدا كان عنوانه "مفاتيج الرجل "
وقسم كيف تكونين حبيبة ومميزه عند زوجك ...
كنت اقراء فيه مستغربه انا كنت وين والعالم وين كنت اتسائل مقعوله انا من القرن العشرين ؟!!
اول شئ اهتميت بتغذيتي بما اني حامل وببشرتي واخذت
اول نقطه من النصائح انتبهي لحركاتك جلست قومتك ضحكتك
زوجي لاحظ اني ماصرت اقوم واجلس مثل الهمجيه ولا اكل بهمجيه ولا ضحكتي ضحكة وحده مادري من وين صرت اضحك بصوت هادي واحاول انعمه ...
من ضمن النصائح للصوت كان اختاري ضحكه تميزك وانتي تضحكين شدي بطنك للداخل علشان تطلع الضحكه اكثر جمالا وبالفعل وبالفعل سويتها وكانت ضحكتي حلوه وكل الي يسمعها يقول ضحكة دلع الله يرحم ايام القهقه والتكركير
مشيتي الي كنت ادبك الارض برجولي وبين كل خطوه وخطوه مطبه خليتها من مترين لذراع واحيانا لزوم الدلع شبر
المهم والاهم زوجي صار يركز فيني ويطالع فيني ولكن ماسالني عن سبب تغييري وماكنت ابيه يسال اصلن ...لانه امتاز بالشفافيه المطلقه والي بقلبي على الساني واختي كانت محرصه عليه مااقول ولا شئ له اخليه يطالع وبس ...
** يتبع إن شاءالله **
__________________

جزاكن الله كل خير والله يرزق العازبات
(3)
المهم قربت ولدتي وكنت محتاره من بيهتم بالبيت وولدي وبنتي وزوجي الي يحب فنون الطبخ ...
لمحت له بالشغاله اول رد رده علي ليش عند عشر اطفال ومو قادره تشتغلين
قلت لا بس اخاف اتعب وخاصه انه كل ولاده اللهم لك الحمد والشكر تجيني حمى لمدة اسبوعين يارب لا تحرمني اجرهم ومن اطلع للمستشفى للشغل والتنظيف يعني ما فيه راحه وبيني وبينك يا زوجي انا ابي ارتاح ظهري يعورني وابي اهتم فيك اكثر
قال انا كذا مرتاح اهتمي ببيتك وعيالك وماعليك مني هالكلمه عورت قلبي كيف ما اهتم لك
قال افهميها مثل ماتبين
وطرت طيران للتيلفون واكلم اختي تصدقين قال هالكلمه شو يقصد بها
قالت يقصد وجودك مثل عدمه بقلبه
قلت لا تقولين هالكلمه وبكيت
قالت نحن اتفقنا من البدايه بدون زعل
قلت والحين
قالت ما عليك منه انتي صغيره وحلوه وكلها شهر شهرين وهو لازق فيك
قلت اتمنى الحين
ابيك توفرين عدة اشياء في ولادتك
قلت لها مثل شو يعني
قالت اشتري ملابس غير الزبايل الي بدولابك
عصبت عليها لانها سبت السبابيح الي معي السابيح اسم يطلق على خلاقان العجائز بقاموس اهلنا وسكرت بوجهها
وما صار المغرب الا وهي عدي بالبيت جايه تعتذر عن غلطتها الشنيعه في حق خلاقيني الي المفروض اوديها لاقرب متحف ...
بس رحمتهم منها وكنت بعطيها للشغاله ولكن اختي قالت بترميهم بوجهك الافضل سويهم فوط ههههههههههه....
المهم قالت اختي شو رايك نروح انا وانتي مع اخوي نشتري ملابس للبيبي ومنها تاخذين شئ لنفسك لاني بروح اشتري شوية اشياء ناقصتني تدرين قرب موعد العرس
قلت زين
قلت لزوجي بروح معهم فرح لاني بفارق وجهه وقال روحي
قلت ابي فلوس
قال شيلي الي تبينه كان عندي احساس انه عنده شئ ويبي يفتك من وجهي
لكن قلت كلمة وانا كنت حالفه اني اسويها اجيب راسه اجيبه حتى لو كلفني هالشئ عمري المهم اعيش مثل اي وحده متزوجه بحب واهتمام لاني استحق هالشئ وانا الاولى...
رحنا معهم وكنت مو متعوده اروح اشتري كان هو الي يشتري لي حتى الملابس الداخليه ما كان يحب ياخذني معه لاي مكان لما شفت الاسواق شو فيها من بلاوي وكيف البنات يلبسون وكان الناس عايشه جلست اقول من كذا ما يطالع فيني يشوفني ما انتمى للعالم الانثوي ابدا ...
المهم اخذت للبيبي ملابس ورحت اشوف شئ لنفسي واختارت لي اختي ملابس الوانها حلوه وفاتحه وعليها حركات دنتيلات ما اشوفها الا بالافلام بس اخذت كم واحد وسيع علشان البسهم والين ما اولد والبقيه لبعد الولاده وكل لبس طقمت معه ملابسه الداخليه وقالت قمصان النوم بعد الولاده ان شاء الله ...
اشتريت عطر وكريم والي ناقصني ومو موجود معي كله ورحت للبيت فرحانه واول ما دخلت لقيته معصب لاني تاخرت
قلت كنت في السوق مسك الباب وطلع برا حطيت الاغراض ورحت اغير ملابس ولدي وبنتي وسويت له كلن سندويش وحليب اكلوا وناموا وسويت له العشا ورتبت البيت وبخرته من البخور الي اشتريته دخلت اخذ شور وغيرت السبابيح ههههه ولبست واحد من الي اخذتهم مشطت شعري وتعطرت وجلست انتظر الزعلان يوصل رجع للبيت 12.5 بالليل متاخر مو عادته العاده يطلع من بعد اذان المغرب ويرجع 11 الظاهر طلعته تعويض عن الوقت الي انا كنت فيه بالسوق المهم لما دخل شم ريحت البخور
قال من وين هالبخور
قلت اشتريته
قال وينه شافه وكتب اسمه شم العطر فيني
قال انتي متعطره
قلت ايوه
قال رحته حلوه هاتي اشوفه وريته بعد كتب اسمه وانا مستغربه من حركاته ...غير ملابسه
قلت تعال تعشا
قال مابي ونام وما علق اي تعليق على ملابسي ابدا ابدا ولا على اي شئ اخذت بخاطري ورحت اتعشا سألت نفسي مقعوله زوجي في حياته غيري ورديت على نفسي لا لا مستحيل زوجي ملتزم ومستحيل يخونني ورحت انام ...
المهم جا اليوم الي فيه بعد تبدلت الموازين يوم ولادتي تعسرت الولاده وقدر الرحم الرحيم اولد بعمليه جراحيه المشيمه كانت بتنزل قبل والولد بخطر وصارت العمليه وجلست بالمستفشى 15 يوم عمليه بالاضافه للحمى المعتاده وهنيه صار غصب يجيب خدامه كيف بتحرك وبشتغل والبيت بدون خدامه وانا بعمليه قيصريه ...طلعت من المستشفى جلست اربع ايام وامي معي المسكينه تشتغل وفي اليوم الخامس وصلت الاندونوسيه
...وحمدت ربي قلت رب ضارة نافعه ...
جلست شهر وانا التوى من التعب وخاصة انه العمليه التهبت علي وعانيت معاناه وكان عصبي لانه ما كان يقدر يطلع ويخليني وهالحركه جات بحسابه لاني حسيت اني شئ مهم عنده خلصت الشهر وهذيك الايام كان عرس اخواتي ..
واخواتي تولن موضوع تفصيل ثوب العرس لاني ما اكنت اقدر اتحرك خلال فترة الاربعين كنت مهتمه بصحتي اهتمام خيالي الاشياء اللي تضر العمليه وقفتها وقللت اكل الاشياء الدسمه وظليت على السوائل والسلطات اللحوم فقط لم جا يوم العرس رحت لاخواتي للصالون وهناك لابست فستناني وتمكيجت وسويت تسريحتي ورجعني اخوي للبيت علشان اخذ ولدي الي كان ماسكنه زوجي
قلت للخدامه لبسي الاولاد ودخلت عليه لم شافني زوجي كان بيطيح من الكرسي وهذيك الساعه مو هامني يطيح ولا لا ...
همني ولدي الي بيده كان همي اكثر
قلت انتبه للولد حطه بسرعه على الكنبه وجاني يركض والابتسامه بتشق وجهه
قال ثلاث كلمات ورا بعض" وين من كيف " وهو يطالعني وشويه من الفرحه بيطير
قلت بسم الله عليك شوفيك
قال الظاهر مو اخواتك العرايس شكلك انتي العروس طلعت هذيك الضحكه اللي تقطعت حنجرتي وانا اتمرن عليه وعطيته ظهري ورحت اتمشى لتسريحتي البس الذهب وهو مصمت مكانه
قلت له بنروح ولا لا
قال لا اقصد ايه
قلت بسرعه وراح يلبس وكل ما يمر يحط وجهه بيني وبين المرايه يطالع فيني ...
الصراحه حسيت بغصه كنت ببكي حسيت اني بالغباء الي كنت عايشته وعدم معرفتي حرمته من اروع الامور واحلى اقلها كحل يشوفه بعيوني ولكني اخذت عهد على نفسي اني اتعلم فنون الماكياج علشان اتعدل ليل نهار له ...
المهم رحنا للعرس وكل شويه يرسل يلا بنروح
قلت شو فيك حتى العرايس ما دخلوا الصاله اصبر
قال زين خلاني عشر دقايق وارسل يلا بنروح اخر شئ طنشته واول ما زفوا العرايس جيت ادور زوجي علشان اروح ما لقيته ...
سالت اخوي قال طلع من ثلاث ساعات
قلت غريبه وين راح المهم طلبت من اخوي يوصلني ورجعت للبيت كلها ساعه الا وهو داخل طالعته بنظرة عتب
قلت وينك
قلت كان واحد محتاج لي ورحت له وراح ينام هالحزه مو حسيت الا تأكدت انه احد في الخط وقلت الحين بدأت الحرب ولازم انتصر لو بالحلال مو مشكله بقول نصيب لكن المشكله لو كان الموضوع حرام بحرام ...
رحت غير ملابسي مسحت مكياجي وانا اسال نفسي كان مشتاق لي متلهف لي ليش الحين مو مهتم ونام غيرت ولبست ملابس النوم وركض لدفتر اختي الحبيبه اشوف يمكن احصل اجابه لسؤالي ولقيت هالسطر...
...اذا طلب الزوج من زوجته بشوق عليها ان تلبيه وإلا لو كان في حياته امرأه فانها ستكون السابقه حتى لو كانت عشيقه من عشرين سنه لانه في وضع ما يتحمل الانتظار
انتبهن اخواتي للنقطه هذي في اي وقت زوجك يطلبك للفرش لا تهمليه روحي ولا باب الحرام موجود ...عدينا ليلتنا على خير ...وكان القلب يحترق من الشك والغيره .. ثاني يوم اختي سافرت لشهر العسل وبكذا عانيت الامرين لاني ما كنت اعرف كيف اتصرف .....
*** يتبع إن شاءالله ***
__________________

دلوعة زوجي!!
06-08-2008, 04:06 AM
(4)
اخواتي لا تستعجلون النهايه قلت لكم قصتي طويله لكن العبر الي فيها بتخليكم تختصرون مشاكل نفس مشكلتي من بدايتها مو مثلي جلست ست سنين ثانيه الين وصلت للي ابيه
وصلت معكم الين اختي سافرت وبسفرها اشتعلت بقلبي نار الغيره وما اقدرت اتحكم بنفسي وكنت اعصب على اتفه الاسباب وفي نفس الوقت كنت اتزين باللي حدود الي اعرفها لكن انا قدام البنات الي برا اساوي صفر على الشمال مهما سويت كنت بدائية جدا جدا ...
عشت شهر ونص احترق واكتوي كل ساعه الين اختي رجعت من السفر من شافتني
قالت هالوجه ما يبشر بخير طالعتها وعيوني من القهر
قالت استهدى بالله لكل مشكله ربي حاط لها حل
قلت تعبت والله
قالت توك ببداية المشوار وصدقني بتشوفين الي يرضيك وعلمتها عن احساسي وعن الي اشوفه على زوجي وطلعاته الي تستمر خمس ساعات يوميا
قالت تعتقدين متزوج
قلت عندي احساس
قالت اوكي فتشي شوفي اكيد بتحصلين دليل الادانه واشتغلت المحقق كونان واول مره اكتشف اني كنت نايمه على وذاني زوجي الحبيب كانت وحده بحياته ومو اي وحده
وحده كان عاشقها قبل الزواج ولكن اهله رفضوا يزوجونها اياها لانها .............
مو لازم نذكر دول بنختصر الكلام انه عاداتها مو مثل عاداتنا وعلشان يعقلونه قالوا له بنزوجك وسوت امه المستحيل علشان تفرقه عنها ونجحت بانه زوجته وحده ما اقول فيها من ملامحها ولكن كان شكلي قريب لهذي النوعيه من البنات ...
صح الشكل قريب لكن الاسلوب بعيد كل البعد وهذا الي خلى زوجي يرجع لها ...
ولانه خايف من اهله كان الزواج بالسر ولانها بالليل تشتغل بالكوفي كانت ما تنام معه يعني مسموح الحبيب من الليل ومكتفيه بالخمس ساعات من المغرب الين عشر وهي تداوم من عشر ونص الين ثنتين والغريب انه زوجي كان مطمن لها وعاطها الحريه الي كان حارمني منها بالدخول والخروج من البيت
وبعد هذي نقطه ثانيه اظفتها لرصيد حسابه لاني حسيت اني درة غاليه عنده
بتقولون كيف عرفت الحبن بعلمكم كيف عرفت هالموضوع وانا افتش بموبايله
لقيت ارقام ومنها رقم بيت ورقم محل هذولا مسجلهم باسم ابو هيثم
هذا الرقم يوميا له اتصال صادر ولا وارد يوميا وبالساعات والمسجات منه شئ عجيب كتبت الارقام وحطيتهم معي وقلت لاختي ندق لهم
قالت اصبري شو فيك نبي يمكن رجال
قلت شو اسوي
قالت لاحظي بالسياره في شئ بملابسه في اي شئ امممم ملابسه كان لما يرجع للبيت مستحيل يرجع يلبسهم ولم يطلع من عندي يلبس جديد ومكوي ومرتب وجلست اترصد ملابسه الين شفت الي حطم قلبي من مكانه روج على طرف الفالينه من ورا الرقبه وانا ما عندي هاللون هنيه
احترقت وتهورت ورحت لزوجي بسرعه وانا معصبه وقمت اصارخ كشفتك يالخاين كشفت الاعيبك الحين عرفت ليش انت ما تهتم فيني الحين عرفت ليش ما تطالع فيني وماا في كلمه ما قلتها وهو ساكت يطالع فيني ببرود
قال شو فيك
قلت شو هالروج
قال المطلوب الحين بعد ببرود
قلت طلقني ضحك
قال اوكي روحي لبيت ابوك وبتجيك ورقتك
كلمته سويت رنين باذني وجلست اردد كلامه مثل المهووسه اروح بيت اهلي وورقتي بتجيني
اتصلت لاختي اعلمها
قالت ليش تهورتي لكنت صبرتي نعرف شو الموضوع
قلت ما ابي افهم ابي ارجع لبيت اهلي ما عاد لي جلسه هنيه
قالت لا تسوينها انصحك
قلت مـــابي ركبت راسي واخذت عيالي ورحت لبيت اهلي سالني ابوي رحمة الله عليه شو الي صار
قلت تهاوشنا وولم عصبت طلبت الطلاق
قال روحي لبيت ابوك وورقتك بتوصلك
قال ابوي اوكيه اجلسي حياك الله الين نشوف حل لموضوعك
الله يرحمك يابوي المهم لا زوجي جاني ولا الورقه جات ويحطني ببيت اهلي خمس شهور ...
تعبت نفسيا ولكني كنت اكابر واضحك على روحي واقول خليه يولي ...
انا مو خسرانه شئ وتبون الصدق كنت خسرانه وخسرانه بعد باسلوبي هذاك فتحت له المجال وخليته ياخذ راحته معها اكثر ...
اخوي الكبير لما شاف الموضوع زاد عن حده وهو ما قام يسال لا عني ولا عن عياله اتصل فيه
قال فلان وينك نشوفك طولت
قال مشغول مشغول وقفل موبايله تضايق اخوي وراح له لبيته
قال له اسمع الحرمه ما تنركن وبنفس الوقت ما تنمسك
قال شو القصد
قال القصد اختي شاع عنها بين الناس انك مطلقها وامس جاني واحد من عيال العم الي ميته زوجته ويبي وحده عاقله وفاهمه ومو مشكله تكون مطلقه يعني يبي يتزوجها ...
قال زوجي كيف يتزوجها وانا ما طلقتها من الاساس انتم تبون تخترعون نظام جديد من عندكم تزوجون وتطلقون على كيفكم
قال نحن ما نخترع شئ بس انت حاطها للكلام الي رايح والي جاي وانت مو حاس
قال خير خير بجي بكره اكلم ابوك وبرجعها ...
اخوي كان ماسك نفسه بالغصب ويحلف كان ودي اضربه الين ما يأدب ولكن قلت مابي اخرب عليك لو فيه امل ترجعين لزوجك ...
اخوي ما علمني انه راح له انتظر اخوي يوم اثنين اسبوع الين وصلنا لثمان شهور وانا ببيت اهلي وهو ولا سائل فيني ولا حتى يمر يشوف عياله
قال اخوي انا الي بعلمه الادب وراح اخوي يستكشف مكان عمل هالمخلوقه من الرقم الي عندي ويقول اخوي لما شفتها كان بيغمى عليه
قال ليـــت كل الحرم هذي انوثتها مو طبيعيه هالانسانه
قال انتي وين وهذي وين يالعربجيه لو انا مكان زوجك امسح بك البلاط مو اخليك ببيت اهلك ولا احطك مداس لرجولها <<< انقهرت من كلام اخوها ....
قال لكن والله لادبه هو واياها زوجي عسكري وطبعا نظام كل بلد ما يتزوج الا من بلده وكان زواجه بالسر ...
وقام اخوي يشيع بين الضباط عن سالفة زواجه الثاني الين يوم اطلبوه وسالوه عن الموضوع وانكر زوجي
قال لا انا متزوج من بلدي بس وحس زوجي انه بيخسر عمله لكنه واصل معاها المهم كملت سنه وانا ببيت اهلي وهو لا سائل فينا انا شو الي سويته بهذي السنه اهتميت بنفسي كثير اكلي شربي غيرت وايد في نظام حياتي حذفت الي ماله داعي وبديت اتعلم حركات الدلع واخذت ثلاث دورات مكثفه بالماكياج تخيلوا وقبل كل هذا رحت لاقرب مستشفى اخذ حبوب مهدئه لانه النفسيه منحطه جدا جدا ...
واذكر هذا اليوم الي بعد عمل نقله رائعه بحياتي كان 10 شعبان
وكانت في محاضره دينيه في المسجد الي بمنطقتنا ورحت مع اخواتي وبنات الجيران علشان نسمعها لانها كانت تتكلم عن رمضان وجلس الشيخ يتكلم عن اهمية الدعاء والتقرب الي الله وانه الانسان لازم يصفى قلبه وكل الاعمال ترفع لله الا ثلاث ومن ضمنها مشاحن حسيت كلامه كانه موجه لي لكن كان صوت بقلبي يقول انا ماغلطت عليه هو غلط علي هجرني حرمني لكن دست على قلبي وقلت لازم استغفر ربي ما ابي عملي ما يقبل مستحيل احرم هالاجر ومن طلعت من المسجد وانا ابكي رحت لامي
قلت لها سامحيني لو غلطت عليك
قالت مسموحه مع انك ما غلطتي بشئ
رحت لحبيب قلبي الله يغفر له ويرحمه لقيته جالس بحديقة البيت يفكر بمشكلتي
قلت له ابوي تدري انه رمضان قرب
قال ادري
قلت تدري انه المشاحن ما يقبل عمله
قال ايه
قلت شئ بقلبك عليه ابتسم الله يغفر له وبرحمه
قال ليت في عيالي اثنين من نفس طينتك لكنت مرتاح ومن يومها توجة لرب العباد بالدعاء انه الله يفرج همي وينصرني على من ظلمني وياخذ بحق طول بعرض
ودخل رمضان وبدخوله كملت اكون وصلت للشهر 11 ببيت ابوي وما شفت فيه زوجي ولاني ولدت ولدي الثالث بشوال كملنا سنه وابوه شافه بس لما كان بشهوره الاولنيه ...
ونكمل ...
** يتبع إن شاءالله **
__________________

دلوعة زوجي!!
06-08-2008, 04:11 AM
وووووووووواوووووووو
يازين اهل زوجي عندك
والله يستر ويعين
ويسهل الامور لكل متزوجه
انامشكلتي غير
انا البس واكشخ واتزين وكل شي
بس عيبي ماعرف اتكلم ولا اتدلع
عربجيه وبقوه
اختي حاولي تخفضي صوتك ومدي الكلمه مثل قولي حبيبــــــــــــــــــــــــــ ـــــي
حطي ببالك انك تعرفي تتكلمي بس غيري طريقتك والله يجملك بعيون زوجك ولا يشوف غيرك

دلوعة زوجي!!
06-08-2008, 04:39 AM
(5)
المهم اقترح علي اخوي اكمل دراستي ما دام اني فاضيه لا شغل ولا مشغله وكان احسن اقتراح اقترحه علي اخوي
لانه هنيه مشيت اول خطوه في مشوار الخروج للعالم الخارجي الي كنت ما اعرف عنه كثير بما اني فقست من البيضه ببيت زوجي ...
درست مسائي وهالصفوف للمتزوجات والبنات الشابات كنت بصف ثالث متوسط لما دخلت اول يوم الصف اول كلمه قلتها
انا بمدرسه ولا بصالة عرض ازياء كنت افكر نفسي انسانه شيك وقمه بالتمييز باللبس<< فرحانه بكم التنوره اللي عندها
لقيت نفسي على عتبه وبعد بيني وبين عتبة البدائيه مترين ونص سلمت وردن السلام كنت ابي اجلس ولكن ما كان فيه مكان فاضي الا اول كرسي وانا ما ابي هالكرسي بالذات لانه قدام طاولة المدرسه
قالت المدرسه تفضلي اجلسي طالعتها بارتباك وجلست من الخوف الي فيني وكتمت نفسي ولا نفس << تفكر نفسها بصفوف الصباحي ونظام قاسي واوامر ووحركات
المهم قالت المدرسه يلا عرفونا على انفسكم وقاموا البنات والحريم يتكلمون وكانت تختم الكلام بسؤالها طالبه عندنا ولا مستجده وكم صار لك فتره تاركه الدراسه وكانوا يجابون سنه سنتين ولا تاركه الدراسه ثلاث الين وصلت عندي عرفتها بنفسي
وقلت لها مستجده ولي سبع سنين ما درست بققت عيونها المدرسه سبع سنين ليـــــش مع انك صغيره
قلت لها تزوجت
قالت انتي متزوجه
قلت ايوه وام لثلاث اطفال
ابتسمت وقالت ما شاء الله بس الله يعينك وتقدرين تكملين احس الموضوع صعب عليك وانتي ما درستي سبع سنين
قلت التوفيق بيد الله ...
وقالت يلا نبدا معكم اول يوم بشوف فيها مقدرتكم الاملائيه
كانت مدرسة عربي وانا هالماده لو يخدروني ويخلوني احضر ال*** بقوم من التخدير وبهرب ما احب هالماده خير شر
لكن قلت يلا شو ورانا خلينا نكتب هالاملاء
والمدرسه تملي علينا وطبعا عيونها على ورقتي بما اني اول كرسي وطاولتي بجنب طاولتها كانت تملي وانا اكتب بارتباك واقول لازم اغير مكاني ما ابي هالمكان لما خلصنا وقالت سلموا الاوراق عطيتها ورقتي
وسالتني انتي متاكده انه لك سبع سنوات ما درستي
قلت ايوه
سالتني عن الترتيب لما كنت بنت
قلت لها الخامسه
قالت يعني من الاوائل
قلت لها سابقا
قالت مبين بتواصلين مسيرتك بتمييز ...
قلت اتمنى
والله كلمتها شجعتني كثير على اني امشي للامام وما اطالع الماضي ابدا...
هالمدرسه بالذات ما بين كل المدرسات حبيتها
كانت تبدا حصتها بالتذكير الدائم بوجود الله وانه الانسان محاسب على كل افعاله وان لازم دائما وابدا نستحضر وجود الله في كل خطوه نخطيها وان الانسان مبتلى بهذه الدنيا وعليه يصبر ويحمد الله في السراء والضراء...
وان اساس كل نجاح هو التفاؤل والانسان ما يوصل للي يبيه الا بالطموح والاهداف الواضحه والخطط السليمه والثقه في النفس لانها اساس كل ابداع
وكانت تقول يا بنات انا لي *** من الاداره يوميا للي تبي استشاره زوجيه او اسريه او اجتماعيه الي محتاجه لاي نصيحه تتفضل...
المهم حبتها هالمخلوقه حب مو طبيعي درسة نص سنه نسيت فيها كل حزني لو انه قلبي كان ينغزني لم اتذكر حبيب قلبي بس الشكوى لله صابره في هالنص السنه تعلمت اشياء كثيره من البنات منها
كيف اختار شنطة اليد الي ما كنت معترفه فيها نهائيا وشو الي احط فيها
واذكر كلمة وحده من الدارسات كانت تقول
اخوي يقول انه البنت اللي ما تملك شنطة يد ما اعتبرها انسانه يطلق عليها انثى
شو يقول عني وانا كنت الم كم الغرض الي لي لما اروح لاهلي بكيس نايلون ...
كيف اختار لبسي الي يناسب سني وشو الالوان الي تناسبني وتناسب جسمي البنات
كانوا خدومات وكل وحده تنصح الثاني لو اكتشفت شئ جدبد
كانوا يتكلمون عن الاتكيت وطرق التعامل مع الناس وعن العطور وماركاتها
وكانوا يرددون اسم محل ما اعرفته الا من اربع سنوات وما دخلته الا من سنه ذى بودي شوب
المهم بطلعتي هذي عرفت الكثير واهم شئ عرفته والي اذكر لليوم انه في وحده كانت تربط شعرها بطريقه جذابه وهي كلها جاذبيه كل يوم تجي بلبس وشكل مختلف والصراحه ما شفت في شياكتها احد ولا بنعومتها ولا اخلاقها بعد
ما كان ينقصها الا عباية راس وكانت بتكمل والكمال لله اتمنى من الله انها تكون بخير وعافيه وربي مييسر امرها بزوج صالح
المهم قربت مني وجلست قدامي وهي مبتسمه
قالت شعرك حلو الا يجنن
ابتسمت لها وقلت انتي اللي شكل شعرك يجنن ضحكت
قالت انا شعري خلاص مات من كثر الصبغات والتلوين والسحب والشد والطرق <<< ماده فلزيه
لكن انتي شعرك مبين عليه صحي
قالت افتحيه اشوفه
قلت لها لا لا استحي
قالت من من تستحين كلنا حريم وبنات اخذت لفت بعيوني على البنات لقيتهن جالسات عادي اللي شيلتها طايحه على كتوفها واللي شايلتها حاطتها على الكرسي يعني مريحات نفسهن وانا لافه شعري لف بالشيله وكل ما تبان شعره ادخله هههههههه
هذيك الساعه تذكرت اختي لم تقول لي شو فيك زامه هالشيله زم كانك قماشه ريحي فروة راسك شويه ما قدامك الا اخواتك واهلك ..
المهم فكيت شعري علشان تشوفه
قالت شعرك يهبل بس قصي اطرافه علشان يتساوى وقربت منيولا اقولك على حركة تغري زوجك وتخليه يركض وراك طالعتها وانا اضحك
قلت قوليها
قالت روحي اليوم للصالون قولي لها ساوي لي شعري وطرفه قصيه لي على شكل مثلث من نهايته
قلت لها اشمعنى مثلث
قالت مره شغالتي قالت لي هالحركه تغري الزوج وتفتنه وخاصه لو الشعر اسود وناعم وكنت اسويها لزوجي قبل لا يطلقني وكان مجنون ومتيم ويقول لا تفتحين شعرك لي الا وقت النوم
قلت لها صار اليوم بروح اقصها وبالفعل خبرت اختي على هالحركه ورحنا انا واخواتي الثنتين وقصينا شعرنا بنفس الطريقه وثاني يوم جيت للمدرسه
وفي الفسحه سالتي هاه سويتي الي قلته لك
قلت ايوه
قالت شو قال ابو الشباب
قلت لها ملاحظ
قالت مستحيل انتي متغنجتي قدامه اكيد
قلت ببالي هو موجود اصلن هههه الله يخلف بس ورحنا للصف وجاتنا مدرستنا الحبوبه وطبعا كانت كل يوم تبداء لنا بتوجيه نصائحها الحلوه ومن ثم ندخل الدرس على يدها حبيت الماده الي كان يجيني دوار منها واخر *** كانت عندنا فراغ
وجاتني نفس الحرمه وقالت لي فكي شعرك اشوف كيف قصيتيه وريتها
قالت تمام
قالت تعالي معي وبيدها كيس
قلت لها لوين
قالت شو فيك خايفه ما راح اكلك تراني حرمه مثلك رحت معها وانا والله خايفه صدق وصلنا للمرايات الي بدورة المياه الله يعزكم
وقالت انا ملاحظه انه مش مبرزه جمال شعرك انتي هذا نظامك بالبيت
قلت لها ايوه فتحت شعري ولفته لي بطريقه خياليه وطلعت من كيسها مشبك كبير وثبتت شعري وقالت شو رايك الحين
قلت لها روعه
قالت يلا جربي قدامي كيف تسوينها مرتين ونحجت بالملطوب ورحت للبيت لكن المشبك بالكيس لاني متحجبه والبس عباية راس وهالمنظر كان مو لايق لي بما اني متدينه المهم رحت للبيت ولفيت شعري بالطريقه الي هي علمتني اياها ونزلت خصل من شعري ورا وقدام وكان شكلي روعه ...
و مثل ما قلت لكم درسة عندهم نص سنه وبنصف العام الدراسي تذكر زوجي انه له زوجه واولاد وجا لابوي يعتذر عن اللي حصل وقال انا ابي زوجتي واولادي
قال ابوي ما لك عندنا الا اولاد تبيهم خذهم اما بنتي خليها خذ اولادك وبس
قال شو القصد ما تبيني اخذ زوجتي
قال ايوه ما بيك تاخذها اولادك انا احسنت عليهم واعتبر مصروفي عليهم صدقه مني لهم لاني اعتبرتهم ايتام اما البنت ما تطولها لو تموت
قال اوكي بنتك خلها لك وهات اولادي
وقال ابوي لاخوي هات العيال جاني اخوي وقال اخوي جهزي العيال لابوهم
قلت انا شو عندك
قال ابوي قال يروحون لابوهم
قلت لا عيالي ابيهم
قال هذا كلام ابوي
قلت ابوي الله يرحمه واعرفه ما يحط الكلمه الا بمكانها انا كلي ثقه انه ما راح يضيع لي حق الله يرحمه ...
وجهزت اغراض عيالي حبيابي واخذهم ابوهم واخذ الخدامه معه وجلسوا اسبوعين جننوه تجنين نبي امي على الرايحه والجايه وهو يقول امكم بتجي اليوم بكره بعده الين وصل الموضوع اسبوعين اخر شئ جاتني امه <<< من كم سنه ما شفتها حتى بولادتي على ولدي الي بالعمليه ما شفتها
وجات تتعذر لابوي عن اللي حصل وطلبت انه يرجعني علشان عيالي على الاقل وانه الاطفال ما لهم ذنب يفترقون عن امهم
قال ابوي يعتبروا امهم ماتت وانتي قايله من قبل بنات الناس كثار ليش ما تزوجي ولد وحده ثانيه غير الي عنده ...
قالت ما راح احصل له وحده مثل بنتك ولدي واعرفه ولا احد قدر يصبر على طبعه الا هي ...
قال ابوي انا اسف بنتي ما لها رجعه لولدك ...
الظاهر الرجال اشتكى لامه وتدخلوا كبار من عائلتنا وعائلتهم لحل الخلاف وكنت انا من يوم ما اخذ عيالي اصلي استخاره لو كان لرجوعي له خير لي ولعيالي يا رب تعجله كنت بموت من شوقي على عيالي
وصار الحل النهائي بعد ما ابتدى الفصل الدراسي الثاني كنت اروح للمدرسه بوجه شاحب وذهن شارد ولما صار الحل النهائي برجوعي له وبشروط ابوي
وكان اول شرط اكمل دراستي
الثاني يخصص لي مصروف شهري وقدره
والثالث اتعلم السواقه مو شرط يكون عندي سياره لكن يكون عندي رخصه
الرابع يشتري بيت ملك ويكتب باسمي كضمان لمستقبلي
والخامس والخطير اني ما المس حبة رمل ببيته يبي يجيب عشرين خدامه ولكن انا حتى شعري ما اربطه بيدي
وختم كلمته الله يرحمه انا زوجتك بنت ناس وابوها رجال معروف مو لعبه لك تلعب عليها براحتك
الاول ذلتها امك
والحين دورك انت
عاجبك الشروط اهلن وسهلن
مو عاجبك بنات الحلال كثار تزوج
قاموا الرجاجيل الموجودين يرددون كلمة عزالله واصل عزالله واصل
الظاهر انحرج زوجي يرد كلام الرجاجيل
قال عاجبني المهم كان القرار اني ارجع للبيت لكن ابوي الله يرحمه
قال اول شئ انقلي اوراقك لاقرب مدرسه لك وهذا الي صار ولما رحت اودع البنات جات المدرسه الي علمتكم عليها وقالت لي اليوم وجهك احسن من امس
قلت لها الحمد لله عطتني رقمها وقالت انتظر اتصالك متى تخلصين نقل
قلت لها ان شاء الله ...
وقبل لا اطلع من بيتي مسكني رحمة الله عليه
قال بتروحين
قلت ايه
قال الله يحفظ ولكن اياني واياك اشوفك راجعه هالبيت مره ثانيه الا وورقتك معك تعليق ما ابيك فاهمه
قلت فاهمه سكت شويه
قال بنتي انتي ببداية حياتك << الله يرحمه تذكرت كلماته وانا اكتب لكم والله فقدته
المهم قال انتي ببداية حياتك بتشوفين كثير وبتسمعين كثير والرجال رجال مثل الشمس تشرق من الشرق وتغرب من الغرب متغير ما له امان لكن انا اقولك زوجك صدقيني فيه الخير واحسن من غيره بيجيك اليوم الي تقولين فيه كلام ابوي صح
قد ما تقدري دوسي على نفسك وتذكري انه الانسان خلق في كبد ما تبين اجر الاخره تبين حياة رخاء بدون تعب هذي مو في الدنيا هذي مكانها في الجنه ولكن ما يمنع انه تعيشين سعيده ...
اخر نصيحه واللي لليوم ارددها
قال عيشي حياتك كيف ما تبين ولا تهتمين لاحد محد يعجبه شئ هذي اطباع بشر لكن اذا جيت تغلطين تذكري الله وامك وابوك الي تعبوا عليك وكل همهم برغم جهلهم انك تعيشين سعيده ...
انتهى كلام ابوي الله يرحمه ويتغمد روحه الجنه ....
[
u]ورحت لبيتي الحبيب بعد عام من الغياب .... راجعه لكم
*** يتبع إن شاءالله ***
__________________


اسفه على التاخير
6)
قبل لا اروح كنت بتحنى وبتزين وبعدين قلت ما بي يحمد ربه اني رجعت له بعد ...
المهم اخذت حمام عميق عميق وتنظفت زين ولبست لبس محترم ...
كنت ابي اخوي يوصلني لكنه قال الافضل تروحين معه ...
طلعت لزوجي وركبت السياره ولا قلت اي كلمه
قال هو السلام لله
طنشته
قال السلام عليكم
رديت رد داخلي وما عطيته وجه ...
قال تدلع الحرمه
قلت ببالي انت عطيتني فرصه اجرب الدلع لكن بفرضه عليك فرض ...
من ركبت وانا افكر وين الثانيه وليش رجعني كنت خايفه من الاحداث الي بتصير بعدين ...
توكلت على الله وقلت باذن الله بيكون امري كله خير لي والخبر اللي اليوم بفلوس بكرى ببلاش وبينكشف كل شئ
ليش استعجل على رزقي ...
المهم وقف السياره قدام فندق
قال يلا انزلي
قلت ليش
قال بنجلس اسبوع من قدك حتى باول ايام زواجنا ما دخلناك فندق
قلت ما دام في البدايه ما جاني حتى الحين مابي
انصدم من ردة فعلي
قال انا حاجز
قلت انا ماابي ادخل فنادق ابي اروح البيت
قال البيت ما راح يطير
قلت عيالي
قال عيالك عند امي
قلت وديني لعيالي طالع لي وهو مستغرب من اسلوبي بالكلام وللعلم كنت متغطيه ما كشفت وجهي بالسياره
قال اذا ما نزلتي الحين ما رح تشوفين تدخلين معي فنادق مره ثانيه
قلت انا لما رجعت لك مو لاني اشتقت لك ... غيابك عندي كان مثل وجودك يعني انت والغياب تساوي العدم انا رجعت علشان عيالي ما ينحرمون من وجود امهم وابوهم
ما دام خايف على انك حاجز ودافع وخايف تخسر فلوسك هات حبيبتك وتمتع معها اسبوع كامل ومتى تخلص تعال انا موجوده بالبيت ...
سكت اصلن عجز يرد اخذ عشر دقائق بذهول ...
دخل الفندق جاب الاغراض اللي مجهزها لي هناك والغى الحجز ووداني بيت اهله
قال انزلي بتسلمي وبعدين وبناخذ العيال
قلت ما لي نفس انزل تعبانه ابي انام هات العيال وخلينا نروح
نزل جابهم ورحنا للبيت سنه ونص غايبه عنه ليقت الشغاله منظفته ولكن مو بالطريقه الي ابيها وقلت بأجل الموضوع لوقت ثاني
جلس هو بالمجلس فاتح التلفزيون ومسوي روحه مش مهتم وانا اشوفه محترق يبيني اجيه اقوله كلمه
طنشته عشيت الاولاد ونومة حبيبي الصغيرون
للعلم هذا فطمته من الرضاعه لاني كنت استخدم حبوب مهدئه للاعصاب قويه وكان بتاثر عليه والدكتور نصحني افطمه
دخلت غرفة نومي غيرت ملابسي وكان لهذيك الساعه ما شاف وجهي ولا حط عينه بعيني
جاني وانا حاطه راسي ابي انام
قال ما تبين عشا
قلت ما لي نفس سكت وطلع رجع
قال اختك على التيلفون تبيك
قلت زين قمت من نومي وكانت هذيك اللحظه اول مره يشوف وجهي من بعد سنه ونص
طالعته ابتسم لي اخذت الروب وعطيته ظهري
كلمت اختي
قالت كيف شو سويتي
قلت ولا شئ حست بحزن بصوتي
قالت صار شئ
قلت لها احس انه كارهته
قالت شعور طبيعي لانه جرحك لكن سامحيه
سكتت
قالت لازم تسامحيه ابو عيالك زواج صغرك ورفيق الدرب ما راح ترتاحين وانتي حاطه بقلبك شئ
قلت اوكي بحاول
وسكرت عنها وجاني بالمكان الي كنت فيه
قال ادري انك ماخذه بخاطرك علي وزعلانه واني غلطت عليك واني جرحتك واني واني وقال كلام كثير شئ اذكره وشئ ما اذكره
طالعته ببرود وبنفس النظره الي نظر لي فيها قبل سنه ونص
قلت حصل خير
قال انتي زعلانه
قلت لا
قال وليش ما تبين تتعشين معي
قلت ما لي نفس
قال انا لي نفس وابي اتعشا
قلت تعشا احد ماسكك
قال بعدك بخاطرك شئ
ابتسمت له قلت لا
ورحت معه اتعشى بعدم ما ترجاني اروح معه ...
وعدت ليلتنا على خير ...
الحين بخبركم ليش سويت حركة التمنع والرفض
زوجي ما اقول لكم انه مش انسان محترم بالعكس ولكن قلبه متعلق بوحده غيري يعني انا عنده والعدم واحد
ليش رجعني هالموضوع بخبركم عليه بعدين ...
لكن زوجي وكل رجل لما يحب ينسى نفسه وما يهمه احد بالدنيا الا نفسه يعيش جوه
وهالكلام اكيد مو جديد عليكم هالكلام قالته لي الدكتوره اللي تعالجت معاها نفسيا ...
قالت الرجل ما يفكر الا بلذته واذا لقى راحته مستعد يحارب علشان يحافظ عليها ..
ولكن انسب علاج مو هجره وتركه لانه ما راح يهتم اصلن شو يبي من النكد اللي مع زوجته وخاصه لو كانت مثل طينتي السابقه
الزوج يحب التجديد والتشويق ولا ليش الاسلام حلل له اربع
لانه يقدر يعيش مع هذي وهذي وهذي وهذي وهو بنفس الشخصيه ما تتغير نفس الرجل
لكن من يحب وحده منهم تكون قلبه وعقله وكل تفكيره تحصلين رجل متزوج من ثنتين وكل الي عند هذي عند الثانيه ولكن حبه مستحيل يعطيه الا لوحده منهم واكيد اللي يحبها تدري وتحس به لانه مريحها ومعيشها ملكه باحساسها ...
قالت زوجك انتي يبيك لبيته ويحس انك ركيزه عظيمه وما يبي يخسرك لانك ام عياله ولكن لانك ما وفرتي له الجو المطلوب طالع لغيرك واحسن علاج لزوجك ولكل زوج خائن تحسسيه انه انسان غير مرغوب فيه لانه لما يشوف هيام وعشق زوجته فيه يقول خلاص اهم شئ بيتي وعائلتي بامان عادي اخذ راحتي
ولكن لا تتركين له البيت ولا تهملين نفسك ابدا ابدا اهتمي بصحتك بجمالك بكل شئ فيك ودوسي على قلبك ولا تنامين وتناسين افعاله لا شغلي كيد ومكر النساء ولا انتي مو منهن
هههه بالفعل كنت مو منهن ولكني صرت منهن الحين ...
وهذا اول شئ سويته حسست زوجي انه سبب رجوعي له عيالي بس واني ما ابي شئ من هالدنيا الا اني اربي عيال صالحين هالشئ خلاه يحس انه مو مهتمه له ابدا وخلاه يحرص يعرف شو سبب تغيري من مجنونه في حبه لانسانه مو مهتمه
وما دام بداء يحرص معناته انا بديت اشغل تفكيره واكيد ما راح يفكر بالثانيه وان فكر تراها ما راح يكون مرتاح لان اساس البيت بدا يغير ركايزه ...
*** يتبع إن شاءالله ***__________________

(7)
مر شهر على رجوعي لبيتي وانا اشوف زوجي مو نفس الشخص الاولني
صمت مطبق وانسان مجروح ولكن كان يداري جرحه بالصمت وعيونه على الموبايل طنشت كاني ما اشوف شئ ...
وما كنت اسأله شو فيك متضايق تكلم
اهلن بكلامه سكت فر علي علشان ما اندمج كثير ...
قمت بواجباتي الزوجيه كامله ولكن قللت اللهفه والشوق والكلام ...
كان كل يوم مساء يوديني للمدرسه ويرجعني وكنت افكره بهذا الوقت يروح لها لكني انصدمت لما قالت لي خدامتي انه يرجع ينام ...
غريبه الظاهر ماتت هههههههههه ....
جاني فضول غريب ابي اعرف السالفه ولكن ما كنت ابي افتح الخط بيني وبينه كثير
وللعلم بشخصيتي هذي حبني اكثر
حب تجددي
حب غروري وتمنعي منه وكنت لو اطلب قلم رصاص يركض ويطيح علشان يوفره ...
بهذا الاسلوب سويت لنفسي دولة ذات حدود وقوانين
وهذا اكبر غلطه تقع فيها المتزوجات المفروض تتذكرين انك مثل ما لك جسم مختلف ويحتوي كل شئ مختلف حتى بينك وبين اختك الي امك جايبتها لازم تتاكدي انك وزوجك شخصيتين مختلفات الاختلاف التام ...
علشان تفهمون هالمقطع انصحكم بكتاب النساء من الزهره والرجال من المريخ بلاضافه لكتاب لا تهتم لصغائر الامور للازواج وللمراءه
المهم الزوجه لا تقول انا وزوجي روحين بجسد وكلام الافلام الي ما له داعي
غلــــــــــط
انتي مختلفه عن تمام اختلاف دائما اجعلي لنفسك خصوصيه وتامه لبعض الامور الشخصيه مو لازم كل شئ يعرفه وتصيرين انتي قدامه كتاب مفتوح ومن كذا يمل الرجال ويدور له على كتاب جديد يقراءه
عشي مع زوجك امـراه بوقت
وام بوقت
وزوجه بوقت
وحبيبه بوقت
وصديقه بوقت
وانتي ذلك الشخص الذي بداخلك والذي يخصك لوحدك بوقت ...
اجعلي لحياتك نمط يخصك انتي
انتي المسؤله عنه ولا تصيرين صوره وكل من هب ودب يحط لها برواز
بروزي شخصيتك بالذي يناسبك ويريحك انتي وصدقيني زوجك بيحترمك اكثر لانه هذي ميزتهم
هم يحبون النساء ذات الدول والحواجز علشان يقتحمون عالمها وكل فكوني ذات غموض ....
المهم انه وبعد شهرين من رجوعنا لبعض اكتشفت اني حامل
الصراحه تضايقت وبكيت كثير وخاصه اني جايبه طفل بقيصريه والغلطه غلطتي ما فكرت استخدم موانع <<< تفكر نفسها ترضع الحبيبه وضامنه ما تحمل
المهم هو فرح كثير ...
لما مر على حملي شهر ونص وكنت راجعه من المدرسه شفت كرتونه كبيره في السياره ورا
شافني انتبهت لها
انتظر سؤالي لكن الانتظار طال
بطلت التدخل والفضول الزايد كاني ما شفت شئ في البيت
شفته ماخذ الكرتون وللمجلس
رحت للعيال واخذت حمام مضبوط وجيت لزوجي شفته يركب المدعو
بالكمبيوتر
هذا نعرفه بالكتب لكن عيني عينك ما شفته الا اليوم
قلت زين تطورنا شوي
وهو يركبه كان يركبه بسلاسه فتاكدت انه له خبره بهذا الجهاز
حطيت العشا وجلس ياكل وقال عندنا بالدوام واحد وقلت باخذ واحد نتسلى فيه بالبيت بما اني فاضي طوال العصر وانتي مشغوله بدراستك << عذر اقبح من ذنب
طالعته ببرودي المتعاد
قلت له بالبركه الله يعطيك خيره ويكافيك شره
ثاني يوم وصل شئ ثاني الانترنت وبعد ما كنت اعرف شو هذا
قال هذا الاتصال يخليك تشوفين كل العالم
قلت زين
كان يجلس على النت بوقت ما اكون بمدرستي ولما ارجع يقغله
لو ما جا له نوم يجلس عليه
شفت انه زوجي شوي شوي بدا يرجع لطبعه
قال الظاهر في شئ عند هالمخلوق شئ جديد ما صدقنا نفتك من القديم ...
المهم بيوم من الايام جاني اخوي زياره ودخلته المجلس وشاف الكمبيوتر قال عندكم نت
طلع اخوي يعرفه
قلت ايه
قال من يجلس عليه
قلت زوجي
قال كيف هو معك الحين
قلت رجعت حليمه لعادتها القديمه ولكن شو نسوي صبرنا لله ...
قال اصبري لا تنسين عيالك وانتي حامل يعني اصبري وبس
قلت هذا الي بيصير ...
المهم شوي شوي ولا الزوج بدا يسهر للصبح على النت
ياسلام شوي شوي حول فرشه معه وينام هناك وردينا لمثل اول واخس وادهى وامر ولكن هالمره بالبيت
لكن الميزه الجديده في الموضوع انه كان يحترمني ويقدرني ويخاف لو تضايقت وهذا كان يحصل نادرا ...
جلست افكر الحين هالجهاز بيكون بدال الحبيبه وقلت لنفسي لا تكون حبيبته بالداخل بس << تفكر على قدها ...
قلت لو خليته على هالوضع بيرجع مثل قبل وبيبداء يطنشني اكثر مع انه محترم للحين لكن اخاف تتكرر السالفه ...
وكان هذيك الايام قربت مناسبة عيد زواجنا ولاول مره اسوي في هذاك اليوم شئ مميز
فرحت سويت شويت حركات على القد لكن كان لها طابعها واخذت له هديه قلم << تعترف بأهمية المقوله زمان العطاء بلا مقابل ولى
وراح اخذت له قلم ماركه ولكن ما كلفني كثير لانه هو ما يكلف نفسه كثير بهداياه الي شفت منها عطرين بعد رجوعي له ...
انبسط معي هذيك الليله ولكن اخر الليل راح للكمبيوتر ...
قلت لازم اكتشف شو عنده هناك وهذا الي حصل ....
يتبع
__________________


(8)
ثاني يوم لما راح للعمل قلت بدخل اشوف شو حاصل هناك ورحت اتعبث بالهجهاز واشتغل
لكن اول ما شتغل ولا انا اسمع اصوات تنبيه خفت
قلت شو صار
قلت بسكرهع ما عرفت وخفت
ارتجفت اخر شئ طفيته من الفيش ولا كانه شئ صار وهديت نفسيا لكن ...
مازلت ابي اعرف شو موضوع هالسهر وانا افكر تذكرت مدرستي الحبيبه
قلت خليني اتصل فيها يمكن احصل شئ رد شافي معها يريح قلبي ...
سلمت عليها
قالت انتظرتك وطولتي علي
قلت سامحيني تدرين البيت واموره
وقالت امري
خبرتها بالموضوع
قالت اكيد اما انه حبيبته مسافره لبلدها وهو يكلمها عن طريق النت
ولا هو يدخل شات
قلت شو هذا شات بعد
قالت برنامج محادثه الصراحه هالموضوع جديد علي
قلت والحين والحل
قالت باقي عن الامتحانات اسبوعين ركزي على امتحاناتك وتاكدي انه الله ما يضيع عباده كل ما تحسين انك ما تقدرين تتحملين حركاته اتصلي فيني ولا في اي انسانه ترتاحين لها وفضفضي ولا تقربين صوبه لانه ما راح يسمع لك لانه مو محتاج لشكاويك هو يبي يرتاح ما يبي شكاوي ونكد
خلي جوك يتسم بالضحك والتسلي مثل ما انتي عليه
قلت اوكي مرت الايام والامتحانات خلصت واللهم لك الحمد نحجت وبتفوق
فرحت كثير ولما ركبت معه في السياره كنت بطير من الفرحه وانا جايبه الشهاده
قلت عليك سهره لا لا عليك ومطالب بيومين اغير فيهم جو نفسيتي تعبت من الاختبارات فرح لما طلبت هالطلب
قال وين تبين
قلت اي مكان المهم نغير جو
قال اوكي نروح البيت ونقرر المناسب
قلت زين رحنا البيت وكنت فرحانه كثير واضحك واتكلم وهو جالس يسمع لي ويضحك معي
قلت شوف بنوم العيال وبنطلع انا واياك نتمشي شويه شو رايك
قال صار يلا روحي رحت ارتب امور عيالي ودخلت غيرت ملابسي ورتبت نفسي بهذاك الوقت هو جلس على النت ولما جيت ادق له الباب
قال لحظه بجيك
قلت زين رحت انتظرت عشر دقايق ما جاني رحت اشوفه مره ثانيه
قال جاي جاي
قلت الظاهر طار الطير من يدي
قلت خلاص خذ راحتك ما ابي اطلع بنام
وانا رايحه لغرفتي فتح الباب
قال لا خلاص بنروح
قلت ما بي اروح وجلست بغرفتي زعلانه تذكرت تصرفي قبل سنتين نفس الحركه خليته لها بغبائي والحين نفس الحركه سويتها ولمت نفسي على الفعله وانا الوم نفسي جا لي
قال يلا بنروح طالعته بهذيك الابتسامه وقلت يلا
قال تعجبيني لما ما تتضايقين
قلت ما تضايقت بس كنت ابي اشوف غلاتي معك << نصابه كنت اتقطع من العصبيه ولكن تذكرت نصيحة الدكتوره اذا حسيت بزوجك انه في شئ شاغله لا تتهورين وتتركينه لانه ما راح يهتم لك ابدا ابدا لانه عايش جو سعيد ومرتاح فيه
لكن هو اهتم لي وجاني هالمره مو لسواد عيوني ولا لاني افضل من الجو الي عنده
لاني انا تغيرت وما دامني تغيرت علشانه كثير فصار عنده احساس بالذنب وهذا المطلوب من كل وحده لا لا لا تهملين زوجك ابدا ابدا لو حسيتي انه في وحده بالخط ليش تعطينها فرصه تتغلب عليك
اذا جاك لا تصدينه وتقولين له روح للي شاغلك بيروح اكيد لانه هناك ما فيه نكد ولا بوز ممدود ...
اذا حسيتي انه في وحده بحياته لا تهملين جمالك وقوي ثقتك بكلمه ردديها
انا صاحبة السياده
انا ملكة قلبه
ما فيها شئ احسن مني
ومن يدخل للبيت ابتسمي له ورحبي به وهلي وساعديه بخلع ملابسه
جيبي له عصير ماي اي شئ
المهم خليه يحس بالذنب خليه يشوف جمالك الداخلي والخارجي الي فيك من حره وقهر خليه مكانه وابلعي كل شويه معكب ثلج وفوق هذا راقبي وضعه وبكل حذر خربي عليه جوه ...

المهم قال نتعشى برا ولا نتعشى اول وبعدين نطلع
قلت له نفسي بكنتاكي ابتسم ابتسامة مقهور
قال تستاهلين
زوجي سالني تبين عشا برا ولا بالبيت لو قلت بالبيت بيتعشى وبيقول خلاص ننام وخليها بكرة وبيمثل علي دور المشتاق علشان يعجل بدخوله للنت ولكني قلت بطلع احسن طلعت
في البدايه حسيته متضايق ولمحت له لو في شئ شاغلك بنرجع للبيت
ارتبك
قال بصوت مرتبك شو بيشغلني عنك يالغاليه
قلت اشوفك ساكت
قال افكر وين بنروح اليومين الجايات
قلت زين تراني ابي طلعه حلوه نعوض فيها فترة غيابنا عطاني ابتسامه صفراء فهمت مغزها
المهم رجعنا البيت متاخر وغيرت ملابسي وجيت له
قلت بتنام
قال بجلس شويه على النت
قلت اوكي دقايق الا وهو جاي
الظاهر خربت عليه شئ والله يعين بكره ما يطنشني اكثر ههههههههههههه
المهم بدأت اجازة الصيف وانا لهذاك اليوم ما اعرف شئ عن زوجته وشو مصيرها طلقها ماتت اختفت ما اعرف شو موضوعها
الين سمعته مره يتكلم بالموبايل يقول وين حصلتوها اها خلاص اوكي انا جاي لكم قريب بس لا تبنون لها انكم كشفتوها خلوها انا جاي لها
خلال هاليومين سكتت ولا كاني سمعت شئ ولا رحت
جبت له عصير وجيت لقيت يفكر شارد ذهنه
قلت تفضل العصير اخذه
وقال انا صار عندي ظرف طاري واحد من اصدقائي المقربين صار له حادث ولازم اسافر له
كنت متوقعه يقول هالكلام
قلت يالله عساه ما تعور
قال ما ادري بس لازم اسافر اطمن عليه
قلت خلاص حبيبي روح الله يحفظك بس انتبه لنفسك
فرح بردة فعلي ما كان متوقع اني اقبل سفره بهذي السهوله وبالذات لهذي البلد لانه يدري انا ادري عن زوجته
لكني سويت نفسي متاثره جدا وخايفه على صديقه المزعوم واصلن انا كنت ابي اكتشف سر هالكمبيوتر ما دام مو هي اللي يسهر معاها الليلي فمن هي الي الجديده ...
جهزت شنطة زوجي بثياب مرتبه ومبخره ومعطره حطيت لوازمه بشكل انيق حرصت كل الحرص اني احط لمساتي فيها علشان يتذكرني حتى لو ما يبي واهم شئ سويته حطيت صورتي الي صورتها قريب مع عيالي الله يخليهم وهو ما يدري عنها
كتبت من الخلف لاننا نحبك نريد البقاء بجوارك دائما وابدا
وراح زوجي بحفظ الله ورعايته وكلمت مدرستي الحبيبه
قالت روحي على الجهاز وانا معها بالتيلفون شرحت لي كيف افتحه وشو الي لازم اعمله
اكتشفت انه بالجهاز في برنامج يسمونه الماسنجر اكيد تعرفونه مو لازم اشرحه المهم وكانت فيه وحده من نفس طينة الي قبل ومتواجده عندنا في البلاد
ولكنها كانت تمثل على زوجي تحفظها فكانت ماخذه راحتها معه بالماسنجر
قالت لي مدرستي كلميها على اساس انك انتي زوجك وشوفوا الكلام الي جاني ولا الصور الي ارسلتها وانا استقبلتها لها باوضع مختلفه
هذيك الايام الماسنجر ما تتطور وما كان فيه مكان لعرض الصور لكن كان فيه صوتي
بس حسيت اني انهرت تماما صج تعبت تعبت نفسي
وقلت انا ما اصدق افتك من مطب لمطب بنفس اليوم بالليل اتصل لي زوجي
قال من فتح الكمبيوتر
قلت ولا احد
قال كيف اقولك من فتحه
قال محد شو فيك
قال اوكيه اوكيه مع السلامه ومن يومها ما عادت تدخل الظاهر اتصل فيها وخبرته انه في احد على ماسنجره فمنعها من الدخول
علمت اخوي بالسالفه
قال جايك اخذ الايميل ومثل عليها اخوي انه واحد يبي يتعرف وانه حصل الايميل بموقع تعارف
قالت له انا انسانه محترمه وما حطيت ايميلي بمكان
واخوي يمين يسار مسكها زين وتعرف عليها بالماسنجر الين سحب منها كل معلوماتها وعرف كل شئ عنها حتى رقم موبايلها
قلت زين هذا الي نبيه بعد تعمق معها نبي صور شهر
وجاب اخوي كل شئ عنها حتى صورها وارقامها وارسلهم لايميل زوجي هديه معتبره
لما وصل زوجي من سفره كنت انا مرتبه له كل شئ جا ورحت له اجري من الفرحه
علمتني صديقتي عن حركات اسويها علشان استقبله بها وبالفعل كانت الحركه ادت مفعولها بنجاح ...
هذا اليوم رتبت بيتي وعدلت امور وسويت عجايب كانه مسافر دهر مو شهر واهم شئ لبست فستان لوني ارجواني
هاللون يطير مخ الرجال
المهم جلس زوجي وفي اخر الليل
قال اسمحي لي بس بشوف الكمبيوتر
حتى وهو تعبان ومنهك
قلت تفضل يا قلبي تبيني اسوي لك شاي ولا نسكافيه
قال لا لا نامي ارتاحي انتي
قلت اوكيه تصبح على خير اخذ نص ساعه ودخل الغرفه ومسك الموبايل وطلع
قلت اكيد شاف رسالة اخوي له وشاف المحادثات والبلاوي والصور والارقام وانكشفت له حبيبته الخائنه وكانت رقم اثنين تلعب نفس اللعبه ...

ما طلعت اشوف شو قال لاني عارفه شو بيقول جلست بفراشي وجلست انتظره الين ما رجع للنوم وشفته مقهور مو قادر ينام وتبون الصدق انا ما اقدرت انام
بعد طالعة فيه
قلت سلامتك فيك شئ
قال ابد نامي ....
ونمت وصحيت الصبح لقيته طالع قبل لا اقوم
قلت وين طار هذا لما رحت اشوفه بالمجلس ما لقيته
قلت مو مشكله برتب شنطته فتحت الشنطه طلع الملابس ولقيت ظرف فكيته قسيمة زواج وطلاق وحكمين صادرين بحقه من المتهمه زوجته الحراميه والمحكمه مصدره امر بلزم دفع له كل مبالغه الي ما ادري شو قصتها ...
قلنا زين افتكيت من ثنتين بحجر واحد والحمد لله احلى شئ شفته اني لقيت صورتنا مبروزه ببرواز على شكل قلب وللحديث بقيه ...

*** يتبع إن شاءالله ***
__________________
دلوعة زوجي!!
06-10-2008, 02:27 PM
(9)
رجع زوجي من برا وكان منهك
قلت سلامات شوفيك وكان بيده رمل وبملابسه
قال جهزي لي شئ اكله وقولي للخدامه تجهز ملابسنا بنروح بيت اهلي
قلبي دق شكلي زوجي كان يخوف من التعب والانهاك رحت وراه
قلت شوفيك صاير شئ
قال خليني في حالي الحين
عورتني ركبي من الخوف
سويت لي اكل وانا ارتجف ما ادري شو الحاصل جهزنا اغراضنا وسمعته لما سكر باب غرفته
رحت له لقيته يصلي ويبكي
قلت هذا اكيد مسوي مصيبه اليوم خلص صلاته
قلت شو صاير شو اللي حصل طمني
ما قدر يتكلم وراح للمجلس وحاط وجهه بين كفوفه
رحت سحبت يده بقوه شو فيــــــــــك حرقة اعصابي سوت شئ قتلت احد؟!! احد من اهلنا صار له شئ
قال ابــوي مات
عمي الله يرحمه ابو زوجي اعظم رجل عرفته بحياتي صديق ابوي والسبب الرئيسي الي خلى ابوي يوافق على زواجي من ولده ولا نحن بنات ما يطلعونا ابدااا خارج القبيله
عمي الله يرحم انسان حنون جدا وحكيم ليت زوجي جاب ظفره لكن للاسف ولا طبع اخذه الا طبع الزواج الله يغفر له ويرحمه
رحنا لبيت اهل زوجي وجلست شهر مع ام زوجي نسيت كل اللي سوته فيني وقلت الحين ظرف يبان فيه الصديق ولازم اثبت وجودي
صح عمي ما كان انسان موذي بالعكس انسان حليم وصبور ومحترم الله يغفر له ويرحمه ويرحم اموات المسلمين ...
بعد شهر قالت ام زوجي لزوجي الحين انت تشوف الوضع وكيف حالنا ونحن نبيك تسكن معنا اخوانك صغار ...
جاني وقال هذا كلام امي وانا اشوف امي محتاجه لي شو رايك
قلت انت تدري انه رجوعنا بيسبب مشاكل نحن بغنا عنها وبعدين اخوانك كبار اصغر واحد عمره 16 سنه واخوانك 2 متزوجين وعندهم بالبيت ...
شاف ما في فايده مني راح لابوي الله يرحمه
قال بنتي روحي مع زوجك ارضيه نفسيته تعبانه وما يحتاج تكونين قاسيه معه ...
قلت امرك يا ابوي ورحت اخذت اغراضي ورجعت لبيت اهل زوجي وما كملت اسبوعين الا ام زوجي الله يسامحها كشرت عن انيابها وبدأت تضايقني بالكلام وتلمح اني اخذت ولدها وحرمته منها
طنشتها وشوي شوي رجعت المشاكل مره ثانيه لكن الي رحمني اني كنت مضيعه وقتي بالمدرسه المهم بدا العام الدراسي ودخلت اول ثانوي
وهنيه صار التحدي الكبير لاثبات وجودي
لانه ولدي دخل اول روضه وكنت ابي اتفرغ لتدريسه
وثاني الحال انا حامل
والثالث ام زوجي الله يسامحها ابدعت باصناف العذاب
اول شئ سوته طفشت خدامتي مني قلت عادي انا اقدر اخدم عيالي والبيت اصلن فيه خداماتهم على التنظيف بيساعدوني لكن هذا تمنى وكلام
اصدرت مرسومها انه ولا خدامه تدخل قسمي انا بالذات ما بين حريم العيال نهائيا
طنشت قلت عادي اتصلت بمدرستي الحبيبه واستشرتها
قالت حولي لنظام الصباحي احسن لك
قالت الصبح تطلعين ولما والعصر تكونين متفرغه لتدريس ولدك
قلت لكن انا عندي ولد وبنت ما دري من بيهتم فيهم
قالت خليهم عند امك وهذا الي صار ورجعت حياتي التهيت بعيالي ودراستي
وهم ام زوجي اللي سوت بعد قرار جديد على كل وحده من حريم العيال دور للطبيخ وبما اني ادرس اخذ العشى يوميا وهن يتناوبن الغداء كل يوم وحده
شوفوا العدل بس قلت اوكيه المهم افتك من حشرتها ولو تدرون نظامي كيف كان
الصبح انزل اسوي الفطور لي ولعيالي ولزوجي وانا طالعه اودي عيالي لامي واروح لمدرستي وارجع اشيلهم والحق ارتب شويه واحط الغداء يرجع زوجي وولدي يتغدون
احاول اريح جسمي بس النوم مستحيل وانا عندي طفلين صغار يبون رعايه
والعصريه اذاكر لولدي اول شئ وبعدها ارتبهم وانزلهم يلعبون
ارتب غرفي واجلس اذاكر للمغرب
اخذ عيالي سبوح عشا نوم
على عشره يجي زوجي يتعشا وينام زوجي
ما كان يطلع لكن كان يروح بغرفة اخوانه يطالع معهم التلفزيون
ينزل من العصر ما اشوفه الا قبل النوم طبعا
هالنظام خلى حليمه ترد لعادتها القديمه
شوفوا مع اني كنت اضغط على نفسي
البس
اتنزين
ارتب البيت
واتعدل واسوي كل الي يريحه ويفكني من الكلام
ولكن زوجي العزيز قرر انه يتزوج هالكلام وصلني عن طريق اخته جاتني تركض الحقي زوجك بيتزوج
قلت لها بالبركه ورحت
قالت تراني ما امزح
قلت بذمتك شو تبيني اسوي له يعني اربطه ولا امنعه
انا شفت رجاجيل مثل اخوك ما شفت
يعني انا اكرف ليل مع نهار وهو ولا حاس غير كذا مهتمه له ومنظفه بيته وعياله ومتزينه ومتعدله برغم اني بالشهر التاسع وهو يقول بيتزوج يا اختي يتزوج خلاص مليت منه مليت ورحت ابكي بفراشي
قلت شو اللي بقى وما سويته له
تغيير وتغييرت من انسانه همجيه لنعومه ...
انسانه ما تفهم باللبس صرت البس ...
لوحده مش مكمله تعليمها وكملت ...
وعيالي ومهتمه بهم وبيتي ومهتمه وهو هذا انا اتزين واترتب واسوي كل الي اقدر عليه شو الي باقي ودي افهم ...
قلت بعلم ابوي عليه وبعدين قلت لا مابي اضايقه على مشاكل تافهه احسن احلها بروحي ...
فكرت اتصل باختي
قلت لا اختي هي بعد بشهرها وما ابيها تضايق نفسها وتتعب
فضلت اني اسكت واسوي نفسي ما اعرف عن السالفه واطنش واشوف نهايتها ...
المهم حانت ساعة الصفر وعلامات الولاده بينت فيني
كان المسا اول علامه شفتها
قلت بصبر اخاف اتورط بعمليه ثانيه
جلست بالبيت التوى من المسا الين الساعه تسع الصبح ولا حد داري
اتصلت فيه قلت انا تعبانه
قال انتظريني ساعتين وبرجع
عصبت قلت تبيني اولد بالبيت
قال انتي ولادتك مرض الله يمرضك وسبني وسكر بوجهي التيلفون
جلست نص ساعه ما اقدرت اصبر
اتصلت فيه
رد علي قال جاي جاي وسكر للمره الثانيه
قلت الله موجود وما ربك بظلام للعبيد
وصل الحبيب الا وانا خلاص تعبانه تعب خيالي دخل وهو معصب يلا جهزي نفسك
قلت جاهزه
اسبقيني للسياره بجيك رحت للسياره وانا ادعي ربي سترك ما اولد بالسياره بس
قال بتمرين لامك
قلت ما في وقت
جلس يهز راسه مستهزيء بكلامي
قال تصدقين انتي نحيسه حتى بولادتك
سكتت عنه وجلس يتكلم ويتكلم وانا التوى من الالم
صرخت بوجهه قلت شوف لا تخلي ارفع يدي وادعي عليك ربي وانا بهذا الوضع الي فيني وانا انسانه مظلومه وانظلمت وانت متاكد اني مظلومه وانت تعرف رد ربك على دعوت المظلوم اسكت ووفر كلامك ويصير خير بعد الولاده
وصلت للمستشفى ودخلت اسابق الريح نسيت الالم لاني خلاص على وشك وما ابي اولد بالشارع
اول ما دخلت مسكت يد الممرضه
قالت فايل مدام
قلت لها خلاص تعبانه دخلتني للغرفه علشان تشوف ولاده والمسكينه ما لحقت تلبس القفاز الا وانا ولاده والحمد لله بدون عمليه .
نص ساعه وحولوني لغرفة بالعنبر
جا زوجي وهو ما يدري شو يقول مستحي من اسلوبه
قال ما كنت ادري انك تعبانه
قلت يكفي اني ادري
وطلعت بعد ما اخذت اسبوعين بالمستشفى
*** يتبع إن شاءالله ***
__________________

دلوعة زوجي!!
06-10-2008, 02:28 PM
طلعت من المستشفى تعبانه وامي طبعا جاتني زياره وراحت ما تقدر تجلس ببيت عمتي فيه ..
قلت لزوجي ابي خدامه
قال البيت فيه ثلاث خدامات
قلت اوكي هات وحده منهن تجلس اربع وعشرين ساعه تحت خدمتي لحد ما اقوم من فراشي
قال متى تحتاجينهم اطلبي الي تبينها من ماسكك
قلت امك ... مانعه خدامتها يدخلن قسمي وانت تدري ماله داعي كثرة الكلام واسمع ما دامني محترمتك احترمني ...
قال احترمتيني بشو بذمتك قال لي ما يكفي اني صابر عليك
قلت صابر علي ؟!! بشو صابر يالصبور
قال خلاص فكينا من الكلام شغاله وبنجيب لك
وطلع كلامه رن باذني ولثاني مره اسمع منه كلمه تسوي رنين باذني
صابر عليك صوت صدى براسي والله من قوتها ...
قلت اكيد في خلل بالموضوع يا أنا مو صاحيه يا هو الي مجنون
عشرة ايام وجات الشغاله جابها عندي فوق وقال هذي المدام
علمتها على نظامي وكيف تهتم لنتي كملت شهر رجعت لدراستي
وقلت ما دامني ما فلحت مع زوجي خليني اعوض على نفسي بدراستي ابرك لي
ورجعنا انا وزوجي نفس الشئ ولنفس الحاله وخطب زوجي بالفعل وحده امه اختارتها له وتمت مراسيم الخطبه وانا مطنشه تبون الصدق امثل اني مطنشه ولا قلبي يحترق ويغلي من النيران الي فيه ...
اتصل فيني رحمة الله عليه يطمن على حالي بعد ما درى بالموضوع
قال هاه كيف حال القلب
قلت الحمد لله على كل حال قدر الله وما شاء فعل
قال هذي هي تربية يدي الي ببفتخر فيها
كذا ابيك بنات العرب يتعادلون ولو اني ما سويتها لامك
ضحكة
قلت وليش ما سويتها
قال ما تهون علي بنت عمي
قلت الحمد لله انت قدرت بنت عمك وانا يعوضني الله بصبري بعيالي
قال ويخلي لك ابوهم
قلت امين
قال اقولك فيه خير صدقيني بس انتي لليوم يا بنتي ما مسكتي مفتاح قلبه ...
قلت والله ما خليت شئ يابوي انت تشوف تغيري الي مسوته له
قال هذا الي سويتيه لنفسك وبس
تلبسين فهو لك تتزينين بعد لك تتعطرين برضوا لك <<ياعمري على كلمة برضوا لما تطلع منه تشق القلب من حلاتها
قلت وهذي الاشياء تجذبه
بس الرجال يبي حرمه
قلت وانا شو بالله عليك مو حرمه
قال اسالي نفسك
قلت فهمني
قال ما راح افهمك شئ انتي فكري وشوفي شو اقصد ...
وسكر عني الله يرحمه ...
وقمت وقفت قدام المرايه شككني بنفسي جلست احوس وافكر وابي اوصل لسالفة الرجال يبي حرمه كيف يعني حرمه
كيــــــــــــــــــــــــــــ ــــــــــــــــــــ ـــف ...
وما عرفت الاجابه وخليت هالكلمه بقلبي وكنت كل ما اقراء شئ ادور معنى كلمة حرمه <<< جالسه تكتب وتضحك على نفسها وتفكيرها
المهم ي اعزيزاتي خلصنا الاول ثانوي على خير وبتوفيق من الله والحمد لله كانت النتيجه احسن من الي قبلها ...
زوجي في هذيك الفتره ما كان معترف بي نهائيا ولا تسالوني كيف تحملتي
تحملت وخلاص واهم سبب اني ما ارجع لبيت ابوي الا وانا مطلقه وكيف اطلب الطلاق وانا لي اربع اطفال
ولا ابشركم خلصت الاول ثانوي وبنتي عمرها شهرين ونص وحملت بالخامسه يعني ثتبتت مضبوط وما في فكه من زوجي ...
في الاجازه طلبت من زوجي ياخذني للعمره
قال خليها الصيف الجاي
قلت ليش
قال ما تدرين هالصيف وراي عرس
قلت اهاا <<< ما كانت كلمه قالها كانه جاب كوايه ومرره على صدري من قوه الكلمه دموعي نزلت من حرارة قلبي
رحت توجهت لربي يا رب خفف علي نار الغيره ما اقدر على اني اتحمل اكثر يا رب ....
جلست بقسمي وعند عيالي وعندي الكمبيوتر
كل مره اقراء موضوع ومن موقع لموقع
قريت مواضيع كثيره واستفدت فايده عظيمه من نصائح البنات جزاهم الله الف خير وبينما انا غرقانه اتصفح
شويه واسمع دق باب غرفتي
قلت تفضل والا اشوف عمتي جايه استغربت دخولها لقسمي والابتسامه شاقه وجهها
قلت هلا عمه
قالت انزلي تحت ضرتك تحت ...
قلت اوكي بلبس وبنزل
قالت لا تتزينن كثير علشان ما تغار منك
هههههه ضحكتني
قال حاضر
قلت شو فيها عمتي تستهبل علي شو تغار مني المفروض انا الي اغار مو هي
المهم نزلت لتحت دخلت لمجلس الحريم سلمت على الحريم
قلت اكيد العروس راحت عند اخوات زوجي يمشونها بالبيت جلست
قالت عمي هذي زوجة فلان ولدي
قالوا كيف حالك
قلت طيبه الحمد لله وقامت عمتي تعرفني عليهم وحده وحده الين قالت هذي فلانه طالعة فيها ابتسمت لها
سبحان الله شئ مثل الصاروخ دخل بقلبي لما شفتها
هالصاروخ كان منظف نظف قلبي من الغيره ما دري ليش ارتحت لها
قلت لها كيف حالك
قالت تمام وشوي جات الخدامه تقول البيبي مدام واستأذنت منهم ورحت لبنتي نص ساعه وجاتني العروس فوق
قالت ممكن ادخل
قلت تفضلي جات البنت وجلست معي ما تدري شو تقول
قلت لها تكلمي ليش محتاره
قالت ادري انك حزينه لانه زوجك بيتزوجني
قلت لها لا
طالعتني
قالت لا
قلت ايوه
قالت بس انا سمعت انك عارضتي زواجنا
قلت من قالك ؟!
قالت سمعت وخلاص
قلت اشاعه انا انسانه مؤمنه والزواج قسمه ونصيب ولو لك نصيب مع زوجي ربي بيتممه عليكم
قالت ما توقعتك انسانه طيبه
قلت ليش وصلتك اشاعه بااني شريره
قالت سمعت كلام بس فلان يقول ما فيه مثلك في هالدنيا حرمه وانا سالته ما دام ما في مثلها حرمه ليش تتزوج عليها
قال خليني احتفظ بالسبب لنفسي
ابتسمت لها وقلت لا تسائلين كثير احسن لك عيشي حياتك ...
وراحت المسكينه من عندي ...
حسيت انها مجبره على الزواج من نظرتها الحزينه ...

وكان هذاك اليوم اخر يوم اشوف فيه وجهها الين سمعت عن وفاة ابوها
رحت عزيتهم
مسكتني على طرق
قالت بطلبك طلب ممكن
قلت امري
قالت علمي فلان اني ما ابيه
طالعتها
قلت اسفه لا تحرجيني بالموضوع ورحت لبيتي ما دري افرح ولا احزن لكن قلت الحمد لله ...
هي ما تكلمت بالموضوع مع احد وانتظرت امها الين تخلص عدتها
كنت انا هذيك الساعه في الشهر السابع بحملي وكان المفروض اكمل دراستي لكن لا الظرف الصحي ولا النفسي ساعدني ففضلت اهتم ببنتي الصغيره وبحملي وبعدها خير ...

المهم ولدت على بنتي وبعد ما خلصت الاربعين سمعت خبر فسخ الملكه من اخت زوجي هي نفسها الي زفت لي الخبر وبنفس الشهر تزوج اخو زوجي على زوجته
تبون الصدق انصدمت بزواج اخو زوجي على زوجته واصلن الكل انصدم بزواجه وجاتني زوجته تدق بابي بقوه وتقول الله يخليك سامحيني بس خلاص ما اقدر اتحمل اكثر يكفيني اللي صار لي
قلت لها سلامات شو فيك يا بنت الحلال
قالت لي اوعديني تسامحيني اول شئ
قلت لها اوعدك ....
انا اختصرت لكم الاحداث كلها علشان اخلصكم واخلص لانه وراي سفره بكره ...
باقي اخر جزء بالسالفه وهو اهم جزء ...

*** يتبع إن شاءالله ***


__________________


(11)
قالت انتي وعدتيني انك تسامحيني
قلت لها وعدتك
قالت احلفي
قلت بتتكلمين ولا لا
قالت احلفي
قلت ما راح احلف
بكت وترجتني
قلت يا بنت الناس حيرتيني معك شو سالفتك بالله عليك ...
قالت تعرفين انه سبب مشاكلك مع عمتي انا السبب فيها
قلت ادري
انصدمة من ردي
قالت تدرين
قلت ايوه ادري وادري انك كنتي تزنين على راسها علشان تزوج زوجي وانتي الي تخليها تهاوشني وانه منع الخدامات بامر منك وحتى عزومة العروس للبيت كانت من تدبيرك علشان انقهر
وقالت ليش ما كنتي تتكلمين
قلت ماله داعي
ادري انه ربي بينصرني على من ظلمني وليش انا ادافع عن نفسي وعندي ربي ما راح ينساني ...
قالت بخبرك شئ ولازم تعرفيه عمتي حاطه براس زوجك انك انسانه مو مريحته
قلت ومن مريحه
قالت هي كانت يوميا تقول له زوجتك مو بنت ولو تبي تتاكد تزوج بنت وبتكتشف انها كانت مو عذراء
ابتسمت لها وقلت جزاء الله الف خير وانتي انا مسامحتك دنيا واخره وما كنت اتمنى ابدا انه زوجك يتزوج عليك ولكن قولي قدر الله وما شاء فعل ...
وام زوجي كل افعالها مسموحه فيها الا هذي الكلمه ابيها تتحمل وزرها علشان تعرف ترمي المحصنات الغافلات الحافظات لفروجهن
ورحت توضيت وصليت ركعتين استخاره ورحت لزوجي لقيته منسدح بغرفة التلفزيون تحت
سكرت التلفزيون وقلت له فلان
قال نعم
قلت كم جبت لك عيال
قال هاتي من الاخر
قالت من الاخر هذولا مو عيالك ما دري كيف وقف
انا شفته طب واقف وسكر الباب بقوه وسحبني من يدي لعنده شو تقولين
فكيت يده منه بقوه
قلت الي سمعته
وقال تقولينها بكل وقاحه
قلت ايوه اقولها بكل وقاحه هالعيال عيال امك مو عيالك لاني يوم تزوجة الظاهر والله اعلم انه امك كانت داخله علي مو انت
سكت تجمد وجهه من قوة الفشيله
قلت الظاهر انك يا اهبل ولا تستهبل انت ماخذ ثنتين مو وحده لو ما كنت انا العذراء فاكيد الثانيه كانت العذراء الشريفه واكيد كنت بتعرف من فينا الطاهر يا طاهر
عموما الكلام واقف ولنا وقفه عند ابوي وللاسف راح ابوي قبل لا اخبره هالموضوع
مات الله يرحمه في نفس اليوم المساء الله يغفر له ويرحمه ورحت لبيت اهلي جلست مع امي فترة الحداد كامله وما كان بيننا اي نوع من انواع الاتصال كان يجي يزور امي وكنت اطلع لما يجي يزورها ...
طيلة هذيك الفتره كنت افكر ارجع له ولا اطلب الطلاق واريح نفسي
جيت جلست عند امي خبرتها بالموضوع بعد ما خلصت عدتها
قالت امي ما عليك منها يا بنتي بيتك عيالك لا تنسين عنك خمس عيال ومحتاجينك
قلت وانا والاهانه والجرح
قالت ربي بيعوض صبرك خير صدقيني
قلت امي تعبت صدقيني من كل يوم يبي حرمه وانا لليوم ادور معنى كلمة حرمه وما فهمتها
قالت وانتي شو مو حرمه وهي تضحك
قلت والله هذا الي اعرفه
قالت انتي من قال لك انه زوجك يبي حرمه
قلت ابوي الله يرحمه
وجهه امي صار بهذا الشكل
وقالت وانتي جلستي تدورين المعنى
قلت ايوه
قالت المعنى الرجال يبي يحس بوجود زوجته بفراشه يبي يحس انه الي عنده حرمه
قلت اهاااا
قلت زين الحين فهمت ورحت لغرفة اخواتي لقيت اخواتي المتزوجات
وقلت لها ممكن سؤال؟ كيف الرجال يبي يحس بزوجته انها عنده بالفراش
جلسن يضحكن علي وقالوا اني لليوم ما عرفتي
قلت لو كنت اعرف ما كان زوجي كل يوم يركض يبي زواج ...
واخذت درس محترم من اخواتي وفهمت المطلوب ...
وجا زوجي وقال يلا بنروح للبيت
قلت زين ركبت انا وعيالي للسياره وانا اشوف الطريق مو هو طريق بيت اهله
قلت لوين رايحين
قال للبيت
قلت اي بيت
قال البيت
سكتت عنه قال هذا للحين يستهبل ...
وقفت سيارتنا قدام بيت غير بيت اهله
قلت بيت من هذا
قال بيتك الي ابوك الله يرحمه شرطه علي وهذا انا جبته لك
وهنيه اكتفي بهذا القدر عن حياتي واقولكم انا الحمد لله سعيده ومرتاحه اللهم لك الحمد ...
__________________

هذي اسئله سالوها البنات
وهو عبارة عن الأسئلة التي سألتها الأخوات لصاحبة القصة وردودها عليها
فتابعوني أخواتي وأصبروا معي لأن الأسئلة أكثر من القصة بكثير جدا، ويمكنكن مناقشة الأسئلة ولكن من ترغب في إضافة سؤال جديد، فأرجوا أن تنتظر حتى تقرأ جميع الأسئلة فلعل سؤالها من ضمنهن
وها انا انقلها لكم لتتم الافاده لاني انا شخصيا استفدت منها واتمني ان تنال اعجابكم
والسلام عليكم ورحمة الله وبركاته
تقول الأخت
وصلتني رسائل كثيره فيها أسئله متعدده .
"كيف هي حياتك الآن "؟
وكيف قدرتي تتقبلين زوجك بعد كل اللي صار؟
هل مازلتي تحبينه؟
الحين هو كيف معك؟
وانتي كيف تعاملك معه وكيف تجذبينه ؟
ممكن تخبرينا عن نظامك مع زوجك للفائده ؟
ممكن تخبرينا ما هو نظامك اليومي ؟
كيف تواجهين مشاكلك ؟
الاجابه ممكن اخبركم كل شئ وقبل لا أتكلم الموضوع
مسموح نقله مباح محلل دنيا واخر والهدف لله واني ابي الاجر وما في داعي نذكر الاسم او المصدر انه مني
الموضوع لله وفي الله .
حياتي مثل حياة كل انسان وبما اني انتمي لهذه الفئة من الذين خلقهم الله سبحانه وتعالي فأكيد ينطبق على ما جـا في محكم آياته
لَقَدْ خَلَقْنَا الإِنسَانَ فِي كَبَدٍ اللهم لك الحمد والشكر
ولكن هذا مو معناته اني مش مرتاحه بالعكس الحمد لله مرتاحه ومرتاحه بقوه لاني اعرف كل هم يخترق صفو حياتي بأجره .
فلما الحزن على هدايا القدر وهي تتكفل بمسح الذنوب والآثم عنا وذلك مصدقا لما قاله صلى الله عليه وسلم :"ما يصيب المسلم من هم، ولا حزن، ولا وصب، ولا نصب، ولا أذى حتى الشوكة يشاكها إلا كفر الله بها من خطاياه" رواه مسلم.
كيف قدرت اتقبل زوجي بعد كل اللي صار بيننا ؟
بتوفيق من الله . ما انكر لما الشيطان يذكرني بالماضي اني ما احزن لا والله احزن وابكي وايد . واللي يحزني اني كنت اخدمه بعيوني وهو ما قدرني ولكن دائما وابدا تكون الغلبة للاقوى وانا بفضل الله ومنته الاقوى اليوم انتصرت على الكل
اليوم اجبرت الجميع احترامي وتقديري بالعقل والتصرف الصحيح مو بالمشاكل والفوضى .
مثلا :ام زوجي كانت كل ما تتكلم مع الحريم تقول انا مش نظيفه اليوم ودي امسك راسها وابوسه واقول لها عمتي الحبيبه من بعد فضل الله وتوفيقه لي ومن ثم بسبب كلامك الذي لن اصفه الغير صحيح ولكن كان ظلم وبهتان في حقي . اليوم انا اتفوق على كل نساء العائلة بالنظافة والتنسيق وحسن التبعل واستقبال الضيوف فمن هي مثلي اليوم منهن ؟! كلامك عني جعلني اثبت لنفسي ولك وللغير اني مميزه .
اخواتي لما نستفيد من المواقف الشينة بحياتنا ونضبطها في صالحنا نطلع بنتائج مبهره .
صدقوني بحياتنا صارت مواقف مؤلمه ولكن لكل شئ بهذي الدنيا له حكمة .
زوجي تقبلته لاني ابيــه قبل لا يكون لي زوج أب لعيالي عندي عيال وما ابيهم يتبهدلون والسب كلام افلام وجرايد واصرخ واقول كرامتي ما تسمح لأجلهم كل شئ يهون وهالكلام ما ينطبق على الزوج اللي مواصل خياناته وحركاته هالكلام اللي يقول الله حق ومحترم بيته وزوجته وعياله .
هل ما زلتي تحبينه؟
وعن اني احبه ؟ اكيــــد احبه ما لي غيره زوج هو شريك الحياه وهو الحبيب الله لا يحرمني منه ولا يحرمكم من ازواجكم ويرزق كل وحده ما تزوجت بزوج صالح اللهم امين .
الحين هو كيف معك؟
زوجي معي ههههه سؤال ضحكني مثل ما هو زوجي الاولني ما فيه شئ تغير لا تتوقعون صار قيس بن الملوح ولا روميو وانا صرت وجوليت ...
الفرق الوحيد انه صار محترم لاني صرت احترم نفسي . صار ما يعصب لاني ما صرت اضايقه .
ما اتصل فيه وينك وشو تسوي الحين وليش تطلع وليش ما ترد على اتصالي وليش وليش واسوي مشكله من لا شئ .
يعني لو فيه ضروره دقيت له ومن اول رنه يرد تدرون ليش؟
لاني مو كل شويه ادق له ادق له لو صار شئ فصار يفرح بالاتصال .
واصلن صار هو يدق لي ويقول ما اتصلتي فيني اليوم سلامات لا تكوني مريضه اقوم اسوي نفسي مسكينه واقول ما بي اضايقك باتصالي ابيك تاخذ راحتك حبيبي بطلعتك
"ما يدري اني اصلن مو مهتمه بالاتصال اصلن وبيني وبينكم عندي شغل وايد تدريس عيال وان خلصت اهتم بترتيبات البيت وان خلصت اشوف صحتي وجمالي ونظافتي "
من بديت اشوف شغلي واموري وما خليت زوجي اول اولوياتي عرفت معنى الحياه وجمالها .
عرفت كيف اعيش الثانية بروعتها .
استمتعت بصلاتي وبقرأتي للقرآن .
استمتعت بجلوسي مع عيالي اذاكر لهم وقرايب المغرب نردد مع بعض اذكار المساء .
استمتعت بطبخي وبكل شئ احبه
استمتعت وانا اعبئ البانيو بماء دافئ فيه ملح وبابونج ولا نعناع مجفف واسترخي فيه نص ساعه ارمي فيه تعب يوم كامل من العمل وملاحقة امور الاطفال واقول بيني وبين نفسي هذا وقتي الآن وقت راحتي .
استمتعت بقرأتي لكتبي الحبيبة
*** يتبع إن شاءالله ***
__________________


نكمل الاسئلة

وانتي كيف تعاملك معه وكيف تجذبينه ؟

تعاملي معه بأسلوب راقي فأنا دائما اتخيل زوجي هو ضيف عندي وبالفعل هو كذلك فالزوج معك لفترة يعلمها الله أما ان يموت او تموتين قبله هذا ان لم يفرقكم شئ غيره .

هذا الاحساس يجعلني أكون رسمية معه واتخذ معه أسلوب اللباقة والاتكيت والاحترام مو انسى نفسي واسوي كشه ولابسه بيجاما مفككه ازاريرها وحالتي حاله .

دائما اجعل من نفسي رائعة الملمس والملبس والمشم .واتكلم معه بأسلوب راقي بعيد عن الدفاشة والخشونة .انظري لزوجك وهو يكلم طفلتك كيف يكلمها بهدوء!!

لانها ناعمة هادئة وحنونه .هذه المفروض تكون صفاتك انتي وانا وكل انثى .

كيف يمكن للمــرأة ان تجذب زوجها لها ؟

هناك عدة طرق .
الطريقة المعروفة اللي تسويها كل وحده تتسبح وتلبس وتتعطر كل ليلة
وطول النهار اللهم يا كافي تطفش بلد ما تصير انثى الا بعد الساعه تسع بالليل .

الطريقة الثانية اللي تخلي الزوج مثل البطارية اللي تنشحن كل دقيقة ومن تنشحن زين تيدأالعمل

كيف هالطريقة :

يقوم من النوم يحصلك صاحيه قبله مجهزه الفطور وحاطه بخور بالبيت وشكلك بالبيجاما اللي الوانها زاهية وشعرك مرفوع بطريقه حلوه وكحل خفيف قلوس ويكون فمك ريحته عطره .

يروح للعمل وانتي تدعين له بأحسن الدعوات .الله يحفظك .الله يوفقك .الله يستر عليك ويخليك .
وتوصينه حبيبي ممكن تدق لي رنه من توصل
ادري بيقول مو لازم
قولي عندك مو لازم بس عندي ضروري يا عمري
بيروح وبيطنشك
قومي انتي دقي له بعد نص ساعه لو مكان عمله قريب
لو بعيد دقي بعد ساعه وقولي هاه قلبي وصلت
بيقولك أيه ايه يلا مشغول عطيه ضحكه نعومه وقولي ادري انك مشغول بس حبيت اطمن انك وصلت ي اعمري
وسكري عنه وانتي تقولي "عنبو ما يعرف هالانسان الحنيه "

قبل لا يرد من العمل تكوني انتي نظفتي ورتبتي وخلصتي امورك علشان يوصل يحصل قصره الوردي وردي اللون من الروائح العطره ويحصلك يا أميرته تنتظرينه .بيفرح لشوفتك بس ما راح يعطيك وجه بعد طنشي الظاهر بطاريته ما نشحنة ولا كان طار مخه .
المهم بيتغدا وبينام والعصريه جهزي له شئ ياكله والمغرب بيطلع الين ما شاء الله يجي بالليل يشوفك شئ ثاني وبيبدأ يتذكر صورتك .
الصبح نعومه بالبيجاما .
الظهر بثوب خفيف نهاري .
العصر بلبس غير وهادئ ممكن جلابيه
بالليل بقميص نوم احمر .
هنيه بيعرف انه اللي قدامه انسانه مهمته لنفسها وتستحق من يهتم لها .
لانه الزوج يحب اللي تهتم بنفسها يعشقها ويعشق يكتشفها ويعرف خباياها .

مو شرط يجذب الزوج لبس احيانا يجذب ريحة عطرك .
ريحة شعرك ولونه .
احيانا لما يشوفك تحطين كريم الليل قبل النوم .

وحده من صديقاتي تقول كانت تحط كريم الفازلين تخيلو هالكريم كيف فضيع
المهم وهي تفرك الكريم بيدينها زوجها استثار منه؟! وجا لها ملهوف ..!!!

ومنهم من يشوفك وانتي تحطين غلوس بشفايفك يجنن جنونه .
كل وحده تشوف زوجها شو ممكن يجذبه .
وتتفنن بسحر زوجها بالحلال .

نظامي مع زوجي ذكرته من ناحية الجذب .
اني اكون جذابة بكل وقت والجاذبية ما تكون باللبس فقط
الجاذبية تكون بالملس والشكل والهمس والمشم .

تقول إحدى خبيرات التجميل القديرات "لا تكمل جاذبيتك الا بنعومتك "
وهي لا تقصد نعومة جسدك وللعلم نعومة الجسد مفعولها يذيب الجليد.
بل يصهره انصار في ثواني فما بالك بزوجك وهو يلمس جسدك كانه حرير .؟!!

الخبيرة تقصد نعومة افعالك وضربت مثال على النعومة إحدى الفنانات فقالت هذه الفنانة رمزا للانوثة طبعا هذه الفنانة لم تولد من بطن امها وهي تعرف كل هذه الاساليب .!!!

هنا نطرح سؤال هل النعومة درس يجب ان نتعلمه

الاجابة نعم يجب ان نعلمه كلنــــا

فكيف يمكن ان نكون نعومات دلوعات بأفعالنا .؟
وهل هذه الصفات محصوره على الفتاة الصغيرة بالسن والكبيرة ليس لها نصيب من هذا الدلع؟

الاجابة لا.

الصغيرة والكبيرة كلهن اناث والفرق يكمن في كيف يمكنك ان تبرزي انوثتك امام زوجك.؟

مثلا تدخلين عليه وهو يقرأ جريدة " الحبيب بأمانة الله جالس تجيبن انتي يالدفشه بكل قواك وعضلاتك وتطبين تجلسين جمبه ومن جلستك يتحرك الكرسي يقوم يفز المسكين من مكانه يفكر دبابة ولا قذيفة طاحت جمبه ...
هنيه انتي في قمة الخشونه ونوضع على وجهك على
X

ولكن لما تدخلين عليه وهو بنفس المشهد السابق وتجلسين بهدوء بدون لا يشعر بك وتكلمينه بصوت هامس كأنك تهمسين له بسر لا تريدين ان يسمعه غيرك ماذا برأيك سيقول هذا الرجل عنك يا زوجته الرائعه ؟

نظامي مع غيرت كثير من الامور :

طريقة كلامي واكلي وشربي ومشيتي واستبدلت الخشونه بالنعومة والصوت العالي بالهادي .

استبدلت طريقة الطلب التي كانت مجرد امر بطريقة طلب مؤدب بإضافة رتوش رومانسية مثلا حبيبي ممكن تجيب لنا ......
ما عليك امر يالغلا ؟
فديتك ممكن تمر على اخوي ابي منه هالشئ اذا ما عليك كلافة .
عمري ابي جلاكسي خاطري فيه الله يخليك

صرت ما اتصل فيه الا لو فيه شئ ضروري وطبعا من زوج يختلف لو زوجك يحبك تتصلين وتكلمينه خليك على نفس العاده انا شفت انه هالطريقة تناسب زوجي وتناسب وضعي الجديد فأرتحت له وهو ارتاح بعد.

رتب الاولويات والاوقات بحياتي وهالطريقه ريحته وريحتني لاني عطيت كل ذي حق حقه .

الصمت والغموض والاحتفاظ باموري وخصوصياتي اللي ماله شغل فيها لنفسي وهالشئ خلاه يقدرني ويقدر خصوصياتي

بعد صرت ما اسال كثير في اموره ولا عن اهله ولا اصدقائه اذا حب يتكلم حياه وما يبي بعد له مطلق الحريه

*** يتبع إن شاءالله ***
__________________

دلوعة زوجي!!
06-10-2008, 02:32 PM
ممكن تخبرينا ما هو نظامك اليومي ؟

نظامي اليوم متفرع ومتعدد وأحاول فيه اعطي كل ذي حق حقه فيه .

أبدا يومي بفضل الله ومنته .
قبل اذان الفجر بربع ساعه .أصلي فيها ركعتين وأجلس ادعي لأبوي الله يرحمه ولامي الله يطول بعمرها بالرحمه والمغفرة والقبول الحسن .
أدعي لي ولا اخواني واخواتي وابنائي وجميع المؤمنين والمؤمنات الاحياء منهم والاموات فتـــلك ساعة مباركة ولا اريد ان افوتها بدون لا اذكر اي دعوة تكون لي خيـــر في الدنيا او رصيد في الاخــرة فكلنا يعلم انه الدعـــــــــــــاء هو مخ العبادة..

فلا تتهاوني عن إستغلال اي لحظة في الدعاء دائما اجعلي لسانك يتلذذ بالدعاء في كل وقت وكل حين .
لتجمعي لك رصيد لا يفنى في الاخرة ولا تجعلين دعائك فيه سب او قطيعة رحم
ادعي بالهداية لزوجك لابنائك لاخوانك لاخواتك ولامك واباك .
ولجميع المسلمين ولا تنسين اهم دعاء اللهم انصر الاسلام والمسلمين ودمر اعداء الدين اللهم احفظنا بالاسلام وزينا بالايمان واستر عوراتنا واحفظ بناتنا وابنائنا .
حتى اللي يؤذيك قولي الله يهديه ويصلحه وعسا يكون صلاحه بسبب دعوتك ولك الاجر.

يأذن الفجر يصحى زوجي ويأخذ العيال معه
أرجع أنا اصلي الصبح وقبل لا أنزل اصحي بناتي لصلاة الصبح وأروح اجهز الفطور مع الخدامه .
وطبعا قبل الصلاة استفتح يومي بشرب كوبين ماء مضاف لهم ماء ورد .
ولما اجهز فطور العيال
اخلط لي تفاحه +2خياره +عصير لمونه واشربهم قبل الفطور بساعه كامله
بعدها ابخر بيتي كل فجر بحبتين لبان صغيره + كسرة عود كبيره من أجمل واخليهم في الصاله علشان لم يرجع زوجي من الصلاة يستفتح بريحة العود .

اجلس البس عيالي للمدرسة وانا اردد معهم أذكار الصباح واقريهم الايات القرآنية الكرسي واواخر سورة البقره والمعوذات ثلاث مرات.
ابخرهم اعطرهم ويطلعون العيال .
يبدأ دور أرتب السفره قبل لا ينزل واروح لمـرأية الطواري هالمراية حاطتها عند الباب وتحتها دولاب بأدراج كثيرة الاستعمال
منها للجوارب ومنها للمجلات ومنها لاي شئ نحصله طاير بالصالة نخليه الين يسألون عنه
امي وين قلمي البنفسجي نقول بالدرج
أمي وين برايتي هناك بالدرج
مبرمج فمي على هالاجابه وضمن الاشياء فيه شنطه صغننه مثل المقلمة فيها غلوسين واحد وردي والثاني لحمي وتر بروف + قلمين كحل للعيون اسود وبني + مسكارا سوداء+ بلاشر وردي ومسك العروسه .
جمبهم مشط صغيير .

قبل لا ينزل امشط شعر واحط غلوس خفيف وكحلت عيوني ورسمة حواجبي حطيت مسكارا وخلي لمسه من بلاشر وردي ورشت عطر خفيفه وحطيت عود علشان يتبخر الجو.

ينزل زوجي ما يتكلم عادي تعودت على انه ينظر الي بصمت كل الصباح.
أساله اصب شاي يرد بالاشاره لا لا
يفطر وهو صامت ولا نفس اللهم يا كافي هههههه
ولم تنفك اساريره يقول هاتي الحذاء الله يكرمكم اروح اجيبه له .
ابخر زوجي واعطره واعطيه كوب شاي ويطلع بحفظ الله لدوامه وطبعا نسمعه من هالادعية وهو فرحان واكثر ما يسعد زوجي لما اذكره بدعاء خروج المنزل اقوله له مثل العيال يلا قول بسم الله توكلت ......
وهم يكملون علشان اشوف حفظهم واذكرهم وهالطريقه تفرحه فيكمل وهو يضحك .

للحذاء في بيتنا قصه رائعه .تعلمون ما هي ؟

من خمس سنوات اذكر هذاك اليوم كان يوم ماطر وكان ولدي يلعب ولابس حذاء المدرسه وكنت مريضه ما اقدرة اهتم له ...
ثاني يوم لما صحى للمدرسه الخدامه لبسته نفس الحذاء وكان مبلول لما رجع ولدي من المدرسه رجع مسخن والسبب الحذاء المبلول ورجوله تشققة بسبب تجمع الماء والرمل ومن يومها صار عندي وسوسة نظافه مو طبيعية
حتى زوجي يقول انتي لما بندفنك بندفن معك ثلاث اشياء .الديتول واللبنان والفوطه .

الصراحه صرت اهتم بأحذية ابنائي دائما فكل ثلاث ايام احذية الرياضة لها غسيل أحطهم بداخل كيس مخده وارميهم في الغسالة يتغسلون ونفس الحاله لبقية الاحذية اللي تتحمل غسيل واللي ما تتحمل وتنمسح فقط امسحها مسح مضبوط واركز على داخل الحذاء .
اخلط بوردة جونسن مع مسك مطحون وورق شاي ناعم مطحون ونعناع مجفف مطحون وارش داخل الحذاء يعطره ويمنع التخمر داخله وقبل لا يلبسون عيالي الاحذيه وابوهم ابخرها بلبان لما يلبسونها يحسون بانتعاش خيالي وتدفيهم بالبرد .وايام الصيف من الليل ابخرها لهم .

يقول زوجي كل ما افسخ الحذاء لما ابي اصلي الظهر بالعمل ريحة جواربي مسويه ضجة في المسجد .

بعد خروج الجميع من المنزل يكون الوقت لي.
ويكون الوقت تقريبا ثمانية ونص .

ولحظتها يبداء يومي السعيد ..
أروح لغرفتي اغسل وجهي من أثار الماكياج .
امسح وجهي وارش ماء ورد عليه
افتح الشبابيك انظف غرفتي وارتب سرير واحط لبان وعود علشان تتبخر
امسك حبل انط 50 نطه بالحبل
اجهز ماسك لبشرتي هالماسك مهم لكل وحده تبي تظل عمرها ببشره مشدوده ومتماسكه احفظي مكونات هالماسك مثل اسمك .وعلميه بناتك لما يصيرون بسن 16 سنه .

حبة افوكادو بقشورها
ملعقة عسل صغيره
نصف ملعقة زيت زيتون
عصير ربع خياره طازجه
عصير نصف تفاحه طازجه
زلال بيضه
ملعقة طحين ابيض اسمر اي نوع حطيه
ملعقة لبن
ملعقتين من ماء رز مسلوق بالاضافه لملعقتين رز مهروسه .
نخلط ما سبق ونحطه على الوجه من 5 دقائق لـ 15 دقيقه
هالماسك يساعد على تماسك البشرة ويخليها مشدوده منفوخه ومورده

للي بشرتها تعبانه مره وهي فوق الثلاثين تستخدم هالماسك كل اسبوع مره .
للي بشرتها جيده وهي فوق الثلاثين تستخدمه كل عشر ايام يكون لك بالشهر 3 مرات تستخدمينه
للي تحت تحت الثلاثين الين عشرين سنه تستخدمه كل 15 يوم ويكون لك مرتين بالشهر .


اجهز كميات متساويه من زيت الزيتون +زيت السمسم+زيت اللوز +نصف ليمون اخلطهم بالخلاطه وامسح جسمي كامل فيه.
ولشعري نفس الزيوت والليمون بالاضافه لصفار بيضه وملعقة عسل ونقطتين فانيلا واخليهم بشعري واحط كيس والبس الكاب الكهربائي علشان يتخس ويمتص شعري الفوائد بسرعه .
واحط الماسك بوجهي
ادهن رجولي بكميه وفيرة من الفازلين المخفف بالليمون .
البس جوارب والبس قفازتين واجلس اقراء كتاب او اجلس على النت لمدة ساعه وبعدها اقوم اتغسل .

البس ملابس نظيفة اصلي الضحى واروح اقول شو غدانا للخدامه
ارجع اجهز أورراق عمل لعيالي علشان دروسهم وانظم قائمة واجباتهم .

يأذن الظهر أصلي الظهر اروح ألبس واتزين لان ابو العيال اول واحد يرجع اجهز له سفرته
يرجع يتغدا ويطلع ينام ويرجعون العيال اغديهم ونجلس نتكلم شويه
استاذن منهم انام نص ساعه
انام واصحى على صلاة العصر وتبدأ رحلة التدريس واه منها لا اعلم مع من ابدأ وبمن سأنتهي .
المهم تصير عندنا عمليات مد وجزر الين واللي يخلص يروح يلعب بدون اي صوت وما يريحنا من الكتب الا صلاة المغرب والعشا والوقت اللي يكون فيه شرب شئ للنشاط الساعه الثامنة والنصف وبعدها نقول ستووووووب
كلن يحط اغراضه بمكانها يرتب كتبه ويرتب مكانه .
ويلا تغيير ملابس للنوم نحط عشاهم يتعشون
يفرشون اسنانهم
يرددون ادعية النوم وينامون بسم الله عليهم
اشغل في البيت سورة البقره وينامون عيالي فديت قلبهم

والله انهم اروع نعمه والله عوضني فيهم الحمد لك يا رب .
احيانا اقول ليش جبتهم ورا بعض تعبوني ولكن لما اتذكر انه في ناس تتمنى واحد بس اقول الحمــــــــــــــــــد لك يارب عطيتني كل شئ وأنا الظالمه المقصره بشكرك.
أسأل الله العظيم رب العرش العظيم ان يرزق كل محرومه عاجل غير آجل اللهم امين .

بعد نوم عيالي عندي ساعه ونصف ارتب فيها البيت مع الخدامه واطلع اخذ لي اروع دش في التاريخ .
احط بالبانيو ملح خشن وارمي كل التعب داخل البانيو
الحمد لله مر اليوم برغم تعبه بسلام واحسن اني انجزة كل حق علي واحيانا اتذكر وانا بالبانيو اني ما اتصلت بامي فقول من اخلص بتصل فيها .
اطلع البس وابخر غرفتي واتصل بامي امسي عليها وهي متعوده اتصل فيها على تسعه ونص اسولف معها ربع ساعه وقبل لا يجي زوجي اركض للنت اشوف شو فيه واول ما اسمع باب البيت فتح اسكر الجهاز واروح بوصوله يكون خلص يومنا نتعشى وننام .

هذا نظامي اليومي يطرأ عليه تغيير في ايام العطل والاجازات طبعا للزيارات او استقبال الضيوف .

الشئ اللي معروف عني اني خلال الاسبوع ما استقبل اي اتصال من احد الا بأيام الاجازات وكذلك الضيوف وما اطلع لأحد خلال هالاسبوع الا لو فيه شئ طاري الاسبوع كامل لبيتي واسرتي وعيالي .وايام الاجازات اللي بيزورني حياه .

يمكن هالنظام سوى ضجه بالذات بالاتصالات اللي ما كنت ارد عليها ولكن يا اخواتي التيلفونات سوالف بس ومضيعة وقت وعيالي اولى بهذا الوقت اللي نحن محاسبين عليه فليش اضيعه فسوالف فاضيه .

اللي المفروض اكلمه واطمن عليه هم اهلي وهذا انا كل يوم اكلم امي اما اخواني واخواتي وباقي العائله كل اسبوع نتلاقى سواء يجوني ولا انا اروح لهم ببيت العائله .

*** يتبع إن شاءالله ***
__________________

كيف تواجهين مشاكلك ؟

ما احب المشاكل وضيقة البال تبون الصدق بس لما تصير ما في مفر منها .

والله على حسب المشكله
مشاكل الاولاد هي اللي ترفع ضغطي وبالذات لما يصير حرب على قلم وكلن يقول هذا لي
واخر المطاف ينحرمون منه الاثنين طبعا ما ينظلم فيها الا صاحب القلم الاصلي

هذي الطريقه علمتني انا شئ وعلمت العيال شئ .

علمتني اني أتأدب اشتري شئ متشابهه للعيال
صايره حياتنا الحين كوكتيل الوان.

علمت الاولاد انهم يهتمون بأشيائهم وما يضيعونها وبالذات لما يشوفون اصعب دمعه
دمعة اللي انحرم من قلمه مثلا لانه هو صاحب الشئ اللي صارت عليه حرب .

فيقومون كلهم يدورون القلم الثاني ويجيبوه لي
امي حصلنا القلم
فأسال هذا لمن فيقوم اللي كان يهواش ويقول انه اللي قبل قلمه
يقول لي .
اقرصه من اذنه علشان مايضيعه ولانه السبب بحزن اخوه واخليه يعتذر له ونعطي المحروم من قلمه القلم .

مشاكلهم لو انها سهله بس مؤلمه لانك تخافين تظلمين احد منهم فيشيل الحزن بقلبه ويفكرك تكرهينه .

صارت عندي مشكلتين كبار
الاولنيه عند بنتي وكانت بصف ثالث ابتدائي هالبنت فجأه بدأت تسرق
للاحظة هالشئ عليها وراقبتها من بعيد لبعيد وشفتها بعيوني تسرق ولكني ما مسكتها بلحظتها
لاني خفت انها تنحرج وبنفس الوقت خفت على نفسيتها لا تدهور .

لما رجعت من المدرسه جلست احكي لها قصص السرقه وشو عقابها وهي ما شاء الله فهمت القصد .
جلست احكي لها هالقصص لها ولاخوانها اسبوعين وجات البنت تعترف لي عن فعلتها وما تدري اني اعرف انها سرقت
ولما قلت لها انا ادري انك كنتي تاخذين فلوس من الدولاب وسكت عنك ابيك تتركين هالفعله عن قناعه مو بالضرب والتهديد .
فسألتها ليش كنتي تاخذين فلوس وانا اعطيك مثل اخوانك وادري انه المبلغ اللي اعطيه لك يكفيك لوجبتك بالمدرسه .
قالت لاني ابي اشتري مجلة ماجد وانتي كنتي تعطيني وفجأه ما صرتي تعطيني فلوس لها .
قلت لها انا قلت لك لو هالمجله ما راح يكون مصيرها تقصيص صور بعطيك ثمنها واذا انتي تبين تقصصين صور ارسمي اي رسمه تحبينها وقصيها المجلات فيها مواضيع هامه ومفيده وقيمه ومو للتقطيع .
يعني فهمتك سبب عدم اعطائي لك لقيمة المجله صح ولا لا.
قالت ايوه ولكني ابيها واوعدك ما اقطعها ابدا .
قلت برجع اعطيك قيمة المجله ولكن لو شفتك ما اهتميتي فيها بمنعك من الفلوس .

للعلم مجلة ماجد كانت ما تتجاوز الثلاث دراهم ولكن هذي الحركه علمت بنتي انه الفلوس مو لعب الفلوس نعمه ولازم نحافظ عليها .

الشئ الثاني تعلمت البنت انه قيمة المجلات والكتب وانها للفائده وللتزود بالعلم فصارت تحافظ عليهم والحين عندي نسخ قديمه عادي اللي يبي يشتري المجال مفتوح .

المشكله الثاني في ولد الكبير .
ولدي الكبير انسان حساس جدا وما يتحمل اي كلمه وكل يوم مسوي البيت حلبة مصارعه
وكل ما اكلمه يقول لي هم ما يحترموني .
فأقوم واقولهم احترموه وانت لا تضرب اخوانك واذكره بحديث الرسول صلى الله عليه وسلم عن احترام الكبير ورحمة الصغير فيسكتون وفجأه ترجع الحرب الضروس في البيت
قلت الظاهر لازم نجلس نتعمق في هالمشكله ونقلعها من جذورها احسن
هذاك اليوم قلت لولدي الحبيب شو رايك نتمشى برا البيت خاطري اغير جو
قال تم فالج طيب يا امي يا زينه
هاللي مفكر نفسه صار رجال
قلت فالك ما يخيب ي ااسد البيت
انتفخ صار كبر البيت ههههه
ورحنا نمشي انا وهو وكل مره موضوع نتكلم فيه الين طحنا بالموضوع المهم .
ليش دايم تتهاوش مع اخوانك .
قال ما يحترموني
قلت كيف ما يحترمونك
قال ما يسمعون الكلام وبدا يسرد قصص كانت قصص عاديه جدا وتصير بكل بيت
قلت له عادي هالامور تصيير بكل بيت
قال بس هم ما يحترموني رجعنا لنفس الكلمه
قلت من ما يحترمك قال اخواني
قلت طيب خبرني وانا بتصرف معهم
قال انتي لو ضربتهم تهاوشيني
قلت لا تضربهم خبرني وانا بتصرف معهم وبجذيه ما اهاوشك .
قال لكنك ما راح تطلعين حقي
قلت اي حق
قال حقي هم يجرحوني
قلت انا بوقفهم عند حدهم ما عليك
وقال اخوي ما يحترمني ومسويني مهزله
قلت اخوك صغير ولازم يحترمك انت الكبير واحترامك واجب سكت .
حسيت انه سكوته مريب وصار يمشي وهو ساكت
قلت ليش سكتت
قال خلاص غيري الموضوع
مب لازم نتكلم فيه
كان حزين وماسك عبرته والحمد لله كنا قريب البيت
قلت تعال ندخل دخلنا وجلسنا بالحوش وبعد ظل ساكت وماسك دموعه
قلت تعال ندخل المجلس دخلنا المجلس وخليت الاضاءه مطفيه
قلت يلا تكلم
قال شو اقول
قلت تكلم وابكي بس طلع اللي بخاطرك ولانه المكان مظلم بكاء براحته وبدون لا يحس باحراج قدامي
وانا سجلت كلامه كله بالموبايل علشان بعدين اركز بالمشكله واشوف شو عنده بالضبط .
وعرفت مشكلة الولد .

ولدي الحبيب كان حاس بجرح من ابوه اللي كان هو يشد عليه لانه الكبير وهذا غلط
ويحن على الصغير لانه صغيره وبعد هذا غلط .

يقول ابوي يسبني واحيانا يناديني غبي وجلس يصرخ انا مووووووووووووووووووووو غبي
قلت انت اكيد مو غبي
وقال لما اقول لابوي لا تقول انا غبي انا مو غبي
يقول لي اسكت لا ترد علي وكان بيضربني وجلس ولدي الحبيب يبكي بحرقه .

قلت خلصت
قال ايوه
قلت ولدي ابوك يحبك وايد صدقني ولكن يمكن ما عرف يوصل لك حبه يمكن يفكر هالطريقه تخليك حازم
قال ما ابي هالاسلوب
قلت خلاص انا اعتذر لك نيابه عن ابوك واقولك اسفه ما كنت ادري هالطريقه تضايقت واوعدك اننا نغيرها وما نخليك تتضايق مننا ابدا .

قال انتي تضايقني لما تقولين لي لا تضربين اخوانك
قلت لانهم صغار
قال هم ما يحترموني
وقمت ابين له انك انت الحين على بداية سن المراهقه وهالسن حساس ويفكر كل شخص انه اي كلمه القصد فيها اهانته لو تفكر انت شوي بتشوف انهم ما يفهمون ومو قصدهم شئ ومن يومها الحمد لله الولد تضبط مع اخوانه .

وابوه سمعته التسجيل وبينت له سبب حزن الولد وتفاهموا مع بعض .

مشاكلي مع زوجي بديت اسيطر عليها بهدوئي معه والتزامي للصمت بوقت الغضب
وبدال الصراخ الدموع الصامته تلعب دور قوي .
تخليه يحس بتأنيب الضمير .
والهدوء والبعد عن خصوصيات الزوج وعدم التفتيش والشك الدائم ريحت بالي وخلتني ارتاح معه .
واريح نفسي وعرفت كيف اعيش حياتي



انا احس وايد اطبق نظامج مع انه وايد وايد ممتاز ورائع
انا ام لثلاثه وحامل وعندي بنت ما كملت السنه
ومتعندي خدامه حاسه اني بنفجر شغل البيت كله علي والاولاد والحمل
ماني قادره احط حنا بشعري ولا ماسك بوجهي ما عندي وقت ابدا
ابي طريقه اشوف نفسي والبس
ابي اطلع
يالله بنتي الصغيره نامت اطل عالنت
مو عارفه وين الحل ؟؟؟؟؟؟؟؟؟

هوني على نفسك عزيزتي هوني .

خذي نفس عميق واسترخي يا حبيبتي ، كل ما تتضايقين تذكري وصية النبي صلى الله عليه وسلم لابنته الزهراء عندما اشتكت يدها من الرحى، كبري أربعاً وثلاثين، وسبحي ثلاثاً وثلاثين، واحمدي ثلاثاً وثلاثين .

عزيزتي اهم شئ في هذي الدنيا الوقت ... عندما ترتبين وقتك واولوياتك يكون كل شئ سهل وعندما تنظمين عادات واغراضك يكون الامر سهل جدا..
ستجدين مع التنظيم حياتك سلسلة .

حددي لنفسك نظام للعناية لا يتغير ابدا
حددي لابنائك مواعيد نوم ثابته ،مواعيد اكل ثابته ؛مواعيد لعب ثابته .
اذا كان زوجك غير قادر ان يجلب لك خادمة نظمي عمل بيتك بحيث يكون سلسل ومريح .
ألجئي للتصنيف .
واعملي لنفسك جدول اعمال مرتب ومنظم وغير قابل للتغيير
من اهم مقومات النجاح في الحياة الالتزام بنفس النظام .

عنايتك بنفس لا تريد من كل هذا التفكير الصعب والحزن

لو قلنا كل سبت وثلاثاء هذا يومين بالاسبوع لزيت الشعر من يطلع زوجك للعمل ادهني شعرك الين موعد صلاة الظهر غسليه وصلي الظهر .

نقول كل خميس حنا للشعر من بالليل وانتي تنظفين المطبخ اعجنيه بمغلي البابونج او الزعتر او الشاي وفي الصباح بعد ما يطلع زوجك للعمل اضيفي بيضه للحنا وحركيه وحطيه بشعرك الين قبل صلاة الظهر وغسليه وهذي مره بالاسبوع .

ماسك للوجه على حسب نوع بشرتك اختاري اي نوع يناسبك مره بالاسبوع وخليها يوم الخميس بما انه يوم الخلطات

جسمك بنفس يوم اللي تدهنين به شعرك ادهني جسمك بالمره ولما تستحمين سوي له سكراب .

يدينك قبل ما تغسلين وتنظفين ادهنيا بزيت اللوز او زيت الزيتون والبسي قفازات واشتغلي تنظيف ولما تخلصين خذي شوية سكراب وافكري يدك وادهنيها بكريم مرطب
"حطي سلة صغيرة بمطبخك فيها سكراب واحد وكريم مرطب اي نوع مثل دوف او نيفيا او كاميل العبوات الصغيره "

الافضل توزعين هالعبوات الصغار من الكريم بكل مكان تحصلينه فيه "بشنطة اليد،عند الكمبيوتر ،عند التلفزيون ،بالحمام اكرمك الله،في المطبخ ،فوق الكمندينو الطاوله الصغيره اللي جمب سريرك"
وبجذيه تشوفينه قدامك

جمب سريرك خلي سله صغيره فيها كريم الليل للوجه وفازلين للرجول ومجموعه من الجوارب وكريم لليد ومرطب للشفايف وكريم لمحيط العيون "وقبل النوم استخدميهم

في الحمام اعزك الله حطي سله صغيره فيها"كريم النهار علشان لما تغسلين وجهك الصبح تستخدمينه على طول ،غسول الاستخدام اليومي للوجه فرشاتك والملعقة المنظفه للسان استخدميها كل ليلة تشيل تراكمات الاكل اللي طوال اليوم "

فوق تسريحتك حطي صينية فيها ماء +كوب +علبة الفيتامينات الخاصه بك كل صباح ومساء تشربين ماء وفيتاميناتك كل صباح .

الموضوع سهل جدا بس انتي خليك هاديه جدا ومتفائله وباذن الله تكونين بقمة تألقك
يتبع__________________

دلوعة زوجي!!
06-10-2008, 02:35 PM
السؤال الي يخطر ف بالي الحين هو

انا عندي طفلين الاول سنتين والثانية ما كملت شهر

سؤالي كيف ممكن انظم حياتي بوجود هالضيفة الجديدة الي نومها ابدا مش منتظم وكل شوي تقعد تصيح وما ترتاح وتسكت الا لما اهزها بحضني

يعني بعد شهر او شهر ونص لو رجعت لبيتي ما ادري كيف ابا تصرف ؟؟ احس حياتي بتنقلب كلها فوق تحت وخاااااايفة كثير من هالشي خصوصا ان زوجي ما يحب الفوضى

الي مهون علي ان اخوها ينام بوقت محدد لكن هي وش اسوي معها

افيديني الله يجزاك خير


اختي اتمنى انك تستفيدين باللي اكتبه واتمنى من الله ينفعك به .

بنتك الله يبارك لك فيها ويخليها لك ويبارك لك في اخواها

بنتك يا حبيبتي لسه توك ولادتيها وهي محتاجه لحضنك لانك عالمها بعد ما خرجت من بطنك اللي كان محتويها فهي تحس بغربه فحضنك يعتبر ملاذها من هالعالم اللي يخوفها باتساعه .

عموما هي الحين صغيره ومن تكملين الاربعين بيتعدل نومها وبيصير كل ثلاث ساعات تصحى وهي اكيد الحين كل ثلاث ساعات تصحى لو دققتي على تواقيت نومها لو ما في شئ يبكيها مثلا مغص او صداع براسها .

لو فيها مغص شربيها هالمشروب المتكون من ملعقه صغيره ينسون +شمر +حبة البركه +حلبه صفراء
"الحلبه علشان ما تكون فيها مراره من الليل نقعيها في كوب ماء والصبح فوريها مع البقيه وحطي لها المشروب في بكميات قليلة ما دامها صغيره يعني الين الربع وحليه لها بعسل طبيعي او سكر نبات مطحون.

هالمشروب بينظف بطنها من الاوساخ والغازات وبيهديها وبيخليها تنام بأسترخاء..

لو فيها صداع .
"علشان تعرفين فيها صداع حطي يدك الثنتين بحنيه على جوانب راسها وشوفي النبض لو شفتيه سريع وقوي معناتها البنت مصدعه .
ذوبي قطعة مر صغيره بماء دافي وادهني راسها فيه وخلف الاذن ورقبتها من خلف وانتظري شويه يجف.

لا تفكرين انه بيوسخ ملابسها ولكن فكري انه صغيرها وما تتحمل الصداع وللعلم هذي الطريقه سواء الطفل فيه صداع ولا ما فيه نحطها له علشان يرتاح وتخف عنه روائح العطور الفرنسيه والبخور القوي على الاطفال .

من يتعدل نومها بيتعدل وقتك ولا تشغلين بالك بالكركبه اللي بتحصل بحياتك شهرين او ثلاث شهور كل شئ بيرجع لوضعه .

انتي حاولي تكون مواعيد نومك انتي وزوجك وعيالك مضبوطه .

انضابط مواعيد النوم تخليك تتحكمين بحياتك ومن يطلع زوجك للعمل نامي ساعتين او ثلاث ترتاحين فيها من عناء سهرك بالليل .

شغل بيتك خلصيه اول باول تغسلين الملابس الصبح المغرب تكوني كويتهم ورصيتهم بالدولاب .
نفس الشئ شغل المطبخ خلصي اول باول وما دمكم اسره صغيره فالموضوع سهل هوني الموضوع انتي ولا تقلقين فكري بصحتك الحين وصحة بنتك وشغل البيت ملحوق عليه . وبعدين اتفقي مع زوجك يساعدك ويمسك معك البنت الين تخلصين شغلك .

لا تنسين شرب الحليب والسوائل بكثرة والفاكهه الطازحه واخذ فيتاميناتك اللي بتساعدك على تحسين مزاجك
يتبع
__________________

دلوعة زوجي!!
06-10-2008, 02:36 PM
عندي سؤال :

كيف تقدرين تعيشين مع زوج له علاقات متعددة ومشبوهة مع حريم غيرك ؟؟

طبعا لا للمواجهة ولا للتفتيش ف الموبايل

طيب كيف الوحدة تتعامل معاه ؟؟

احس ان الوحدة تموووووووووووت قهر وغيظ وهي كاتمة بصدرها ويالسة تخدمه مثل الخدامة

ولاعبة دور المغفلة الي تسوي نفسها ما تدري عن علاقاته ولعبه من وراها

طيب والحل ؟؟ مو حرام ؟؟

(( ان مع العــــــسر يــــــسرا ))

قبل كل شئ الزوجه لما تخدم الزوج هي تخدم نفسها مو تخدمه ،الاجر لها هي سواء بدنيتها او باخرتها وهذا أهم هدف يجب على كل زوجه ان تضعه نصب عينيها "في اخرتي ماذا سأكون انا "

عن الزوج الخائن وكيف ممكن الزوجه تتعامل معه ،اولا شئ لازم تتأكد من اللي حاصل هل خيانه ام مجرد ظنون ..وما اكثرهن النساء هذه الايام عايشات بأوهام .ظلمات انفسهن وازواجهن بغير حق .

في حالة انها تأكدت انه بالفعل يخونها .هـنا الزوجه لها خياران لا ثالث لهما .

أما أصبر واتجرع مرارة الصـبر ولكن بحكمة وافوز في الاخير .

واما يا دار ما دخلك شر "ألم اغراضي واروح عند اهلي "واكيد الخسرانه الزوجه .بيتها عيالها بيروحون نتيجه خيانة الزوج وعدم تصرف الزوجه الحكيم .

طيب لو صبرت الزوجه وفضلت بيتها وزوجها وعيالها كيف تتحمل ما ترى هل تتعمى وتغمض عيونها .

لا يا عزيزتي .

الزوج هو أنسان يخطي ويصيب وواجب عليك تذكرينه ولكن بدون لا تسوين زلزلازل بالبيت اكيد هو بيفهم قصدك.

احكي له حكاية زوج يخون زوجته واهمل بيته وعياله وكانت النتيجة ضياع اسرته بكامله مثلا لانه مارس العلاقات المحرمة مع النساء فأصابه الايدز .

او احكي له حكاية رجل مات وهو يمارس المحرمات واخبريه انه من مات على شئ ماذا يكون مصيره ....

يعني مارسي معه الموعظة الحسنه وذكريه بالله .

ثانياً: شجعيه على ترك هذه الأفة بشكل راقي .

الزوج الخائن وكذلك الزوجه هم أشخاص فقدوا محبة واعجاب الطرف الاخر فقاموا يبحثون عنها بمكان اخر .

فعندما تهتمين بشخص زوجك "زوجي وحبيبي هل تعلم ما أحب فيك ؟! سينظر لك

اذا كان صاحب صلاة خاشعه أمدحيها ... احب فيك خشوعك في الصلاة او احب فيك محافظتك على صلاتك واذكارك .
مثلا احب فيك برك لوالدايك وانا فخورة بك لانك قدوة لابنائي .
احب فيك هندامك وروعة اسلوبك في الحديث تتحدث بثقة كانك ملك ."الملك لله وحده".

أّذكري الشئ الصحيح والحقيقي .لا تكذبي على نفسك وعليه هو يدري انه هذه الصفه فيه وليست فيه فأذكري الشئ الصحيح فقط.

ثالثاً: وهذا المهم "ثقي به"

اتركي التفتيش والتنقيب والحفر والجرف .ريحي بالك ونفسك من هم تعيشينه ليل مع نهار .اخبريني لماذا هذا التعب ؟!..

قلنا من البداية اذا كنتي تريدين زوجك بيتك عيالك "اصبري" والفوز لك في الاخير .كيف ستفوزين وانتي تتذمرين وتلاحقينه تروي عزيزتي مارسي الهدوء بحياتك .

إذا تركتي عادة التفتيش وملاحقته بالاسئله انت وين ؟ اتصل فيك ما ترد ليش ؟ بتطول برا ؟ شو عندك للحين برا البيت ؟
بيسكر وبيقول يالله هذي متى بفتك منها
ولو كان هو قريب من البيت وبيغير مسار السياره ولا قرب كافي نت ولا استراحه يغير جو وبيقول خليها تنفجر هناك بروحها ناقص همها
انا يكفي اللي عندي من هموم .

طبعا بتتصلين مره واثنين وفي الاخير بيسكر الموبايل "وانفجري انتي .

طيب نغير الحركه طلع من البيت الساعه خمس العصر وانتي انشغلتي خلصتي شغلك اللي عندك بيتك عييالك جمالك جلستي تتصفحين عالم حواء وصار الوقت الساعه عشره بالليل دقيتي عليه
"حبيبي بتطول برا البيت ؟! بيرد عليك خير شو تبين "
متوقع تسوين مشكله ومصيبه
"تردين ابد عمري حبيت اتاكد لو بتتاخر تراني تعبانه وابي انام .بيقولك نامي نامي .هذي اول مره .
طبعا انتي نامي لا تفكرين متى بيجي
خليه بتقولين صعب
ما في صعب على الله
اتركيه لربك يهديه ادعي له بالهدايه وصلي ركعتين قبل النوم ادعي ربك يصلح احوالك واحواله ونامي .
خليك اسبوع على هالحال ولكن بدون لا تتصلين
من توصل الساعه عشر او 11 نامي هو بيفكر بروحه وبيقول غريبه هذي شو فيه
على بداية الاسبوع الثاني بتحصلينه مرتز عندك بالبيت يبي يكتشف سبب التغيير وان سالك قولي النوم صحه للجسم ولا يجوز السهر في شئ الا في طاعة الله .


رابعا :اجذبيه من بعيد لبعيد .

قلنا ونقول ونعيد ونزيد "لبسك مكياجك عطرك نظافتك صحتك "لنفسك اولا وثانيا وعاشرا مو لزوجك .

الزوج اللي متعود زوجته كشته وريحتها تقرف وذراعها وسيقانها صايره حشيش ومجرد انها شكت انه علاقه بوحده ثانيه
قامت غيرت بنفسها وتعدلت يقول لها زوجها بنيه وبين نفسه
صباح الخير الحين عرفتي انك حرمه...
الحين ما تلميني فيه اللي اجمل منك وانظف منك .

لكن لو كنتي من قبل نظيفه مرتبه جميلة المنظر والملمس والهمس ناعمه ذات اسلوب راقي .
ما راح يستغرب لو غيرتي شئ فيك
بيقول هذي طول عمرها "م ت ج د ده" وتحبها تكون قمر .

كيف اجذبه من بعيد لبعيد .
مثلا الاول تتزينين وترتزين مقابله وجهه تنتظرين كلمة
الله شو هالعيون
واااو شو هالشفايف
يا سلام شو هالتسريحه
وهو مطنش مب عاطيك وجهه وتقومين تزعلين وتغسلين وجهك وتشلين ملابسك وتقولين لمن اكشخ
اقولك انا لو لزوجك "من الحين جلسي رددي يا ليل ما اطولك "
ما راح يطالعك سواء خاين ولا لا
طبع الرجال ينظرون للجمال بصمت ويتذوقه بهدوء والنتيجه الفعليه اللتي تصدر مهم هو ما ترينه منه في افعاله ببيته وعياله ومعد وقت النوم فقط .

المطلوب منك سواء كنتي زوجة خائن ولا لا .تجملي لنفسك لانك تستحقين الجمال فقط .

اجذبيه باسلوبك في لبس جديد ولكن لا تساليه هاه شو رايك ؟!
ليش الحبيب اعمى ؟!
هو يشوف ما دامه ما قال شئ وما علق معناته ذايب دايخ مب قادر يتنفس باهرنه الجمال اللي قادمه وساكت . وما يبي يبين لك علشان ما تتدلعين عليه .والشاطره هنيه تلعبها صح تزود الدلع وتتمشى قدامه بدون لا تساله شو رايك .

اخيرا وهو اهم شئ لا تلاحقينه ابدا . لو استمريتي بملاحقه بيهرب منك اثقلي .ودوسي على نفسك وهو بيجيك ملهوف .

اهم شئ يا متزوجات يا زوجات يا مقبلات على الزواج الثقافه الجنسيه .

تعلمي كيف تجذبيه زوجك لفراشك مو بالقمصان الملونه وان كان لها دور عظيم ولا بالمفارش ولا بغيرها
الثقافه هو كيف تغرينه وانتي معه وبين يديه كيف تعيشين زوجك احساسك الصادق وتقبلك له وحبك وعشقك له .
حبك زوجك لك يبان في الفراش وهو يقيس محبتك له على هذا الاساس تبعدين بالفراش معناتك تموتين فيه .

اتمى يكون ردي واضح وكامل وشامل لسؤالك
__________________


تعليق على إحدى الأخوات

عزيزتي دعواتك الطيب ،لامست شغاف قلبي .
وانا اقـرأكل دعوة منك أقول امين واتخيل كتابي وأنا أمسكه بيمني ** فَأَمّا مَنْ أُوتِيَ كِتَابَهُ بِيَمِينِهِ فَيَقُولُ هَآؤُمُ اقْرَؤُاْ كِتَابيَهْ * إِنّي ظَنَنتُ أَنّي مُلاَقٍ حِسَابِيَهْ * فَهُوَ فِي عِيشَةٍ رّاضِيَةٍ * فِي جَنّةٍ عَالِيَةٍ * قُطُوفُهَا دَانِيَةٌ * كُلُواْ وَاشْرَبُواْ هَنِيئَاً بِمَآ أَسْلَفْتُمْ فِي الأيّامِ الْخَالِيَةِ
.
الانسان يا عزيزتي عندما يكون له هدف يريده ربي دائما يسهله له لان الانسان مصر على الوصول له.
وانا يا غاليه لي هدف ان كل حرف اكتبه واي اخت تستفيد منه هو لله ويكتب لي في كتابي يوم لا ينفع مال ولا بنون الا من أتى بقلب سليم .

لست بمعلمه ولا املك شهادات ولكن اعطاني ربي نعمة الصبر ومنها تعلمت الحكمة وهداني ربي للقرأة .
ومنها قرأت وقرأت ومازلت اقرأ ولا اشبع من القـراءة .
وما شاء الله لا حول ولا قوة الا بالله لي كتب شهريه لازم اشتريها مثل الاغراض الشهريه للبيت صار لازم اخذ كتب .

والحمد لله كل ما أقرأ دعوة وحده من الاخوات لي ابتسم واقول الحمد لله وصلت أقترب الوصول للهدف .

والهدف "وعلم يستفاد منه" فهل من منافس لهذا الهدف !!!

من هنا اطرحها دعوة للأ خوات للمنافسه ففي هذا فلتنافس المتنافسون .
في العلم والتعلم والتعليم .

تعلمي يأ أختي تعلمي وعلمي .

تعلمي:

القــرآن وعلميه لابنائك وتخيلي نفسك يوم القيامة تلبسين والدايك اللذان رباياك واحسنا اليك وعلماك تاج من نور وانتي تطلبين من ربك يا رب اشفع لوالدي الذان ربياني صغيرا .
تخيلي ،وأنتِ تشفعين لمن ترغبين من أهلك ويأتي أبنك يلبسك تاج من نور لانك علمتيه وشجعتيه على الحفظ ويشفع لمن يرغب وتأتي ابنتك وهكذا تكونون من أهل الجنة ومن المقربين لله سبحانه وتعالى.

تعلمي :

الحديث واحفظي وحفظيه لأبنائك .فوالله اذكر ابوي الله يرحمه عندما كان يسمعني اسمع لنفسي الحديث وانا طفلة يصححه لي فكنت اتسائل ابوي متعلم ولا لا.؟
وعندما سألته قال ما اعرف اكتب ولا اقرأولكني حافظ .
الله يغفر له ويرحمه ويرحم جميع امواتنا واموات المسلمين جميعا في هذا اليوم العظيم يوم عرفه الله لا يحرمهم من عفوه وكرمه ومغفرته اللهم امين .

تعلمي :

الدعاء وما ادراك مالدعاء مزيل الهم والغم والبلاء .
دافع الشر مجلب الخير .
مزيل العثرات من امامك في دنيا به يفرج كربك وهمك وبالاخرة هو لك رصيد كالجبال يجمعها لك ربك .
سبحانك ربي ما اعظمك.
تكرمنا بالعطاء ونحن البخلاء .

تعلمي:

فن القــرأة وعلمي ابنائك وشجعيهم .
قولي لهم نحن أمة اقـرأ
الامة اللتي نزل فيها قوله تعالى ( أقرأ باسم ربك الذي خلق . خلق الإنسان من علق . اقرأ وربك الأكرم . الذي علم بالقلم ..علم الإنسان ما لم يعلم )
حببي لهم القـرأة في كل المجالات وتذكري انه لفعلك أجر .
ففي الدنيا أنتي ام للمتعلمين وفي الاخرة أجر تعليمك لهم .

تعلمي :

كيفية الاهتمام بنفسك وتقديرها وكيف ترفعيها عن الشهوات والرغبات اللتي لا تليق بك كأمة لله سبحانه .
واغرسي هذه الصفات بأبنائك وبناتك فأنت الفلاح وهم التربة الخصبة اللتي يبان فيها نتيجة زراعتك وتعبك
فلا تكوني كمن يملك صحراء قاحلة لا يوجد فيها غير الاشواك الضارة بل كوني كمن تملك جنة غناء مثمرة بكل ما طاب من ادب واخلاق وحسن تربية وتنظيم ورعاية .
انشئ جيل فاهم متحضر متعلم فاهم متأدب يفرح الناس بلقائهم نظيفين عطرين انيقين مترفعين عن الكلام البذئ كلامهم عطر وملابسهم عطره ومشيتهم واثقه كانهم ملوك .

تعلمي:

كيفية العناية بجمالك
جسدك
شعرك
اظافرك
كل شئ فيك وعلميه لكل من لا تعلم وكل جاهلة علمي ابنتك وابنك كيف يهتمون بنظافتهم ونظافة المكان من حولهم منذ نعومة اظافرهم .
اخبريهم ممنوع قص الاوراق ورمياها في الارض
ممنوع تكسير الاقلام والرسم على الجدران والذي يفعل خطا يقوم بالاعتذار لك اولا ومن ثم ينظف ما قام به .
اغرسي فيهم حب اجسادهم وممتلكاتهم وبيتهم .

عوديهم على نظافة اسنانهم وكل ليلة ينظفون لسانهم بالملعقة حتى لا تتكون البكتيريا على لسانهم ويمرضون .

علميهم ان كل جمعة هو يوم طهارة الابدان يوم قص الاظافر .
ترتيب الشعر وازالة الغير مرغوب فيه لانه يوم عيدنا نحن المسلمين .

تعلمي:

فن الاتيكيت وعلميه لابنائك هل ترضين ان ينظر الناس لابنائك بنظرة اشمئزاز ولا يحبهم ان يزورنهم او يجلسون معهم لانهم غير متعلمين لفنون الادب والذوق العام .!

والحمد لله نحن كمسلمين ديننا الحنيف علمنا كل شئ.
فمثلا كيف ناكل عندما قال الرسول صلى الله عليه وسلم يا غلام سمي الله وكل بيمنك وكل مما يليك .

من هذا الحديث ناخذ ثلاث قواعدك
1) التسمية
2)الاكل والشرب باليد اليمنى
3)ناكل من امامنا فقط مو تروح الايادي يمين ويسار في الصحون .

انصحك عزيزتي قبل ان تتعلمي الاتكيت الفرنسي ولا اللبناني ولا الغربي تعلمي اتكيتنا الاسلامي لانهم اخذوه منا نحن ومن كتابنا العظيم .وهذا لا يمنع ان تتزودي باللذي ينفعك من علومهم حتى تكوني ارقى.

تعلمي:

فن التجميل لنفسك لتعرفين
كيف تبرزين جمال عيونك
شفايفك
اظافرك
شوفي المناسب لك وطبقي وتفنني فيه لكسب اعجاب ومحبة الزوج وتكوني ممن قال فيهن الرسول صلى الله عليه وسلم "وإذا نظر اليه سرته ".
وتذكري انك عندما تتجملين وزوجك يفرح يكون راضي وبرضاه كسبتي رضى الله سبحانه وتعالى الا تعلمين انه جنتك ونارك
فلا تحرميه من ان يرى عيناك الجميلة وقد اكتست بسواد الكحل
ورموشك ازادت سحر بالمسكارا
وشفتاك بمرطب خفيف ومسحه من غلوس ناعم يزدها رقه
وخدودك بمسحه من بلاشر وردي بسيط يعطيك نعومة الطفولة .
ويداك وقد زينتها نقوش بسيطه من الحناء وان لم يكون نقوش على الاقل رؤس اصابعك ببعض الحناء لتزدان جمال .

وهذا علميه لبناتك حتى ينشئن وهن يهتمن بانفسهن
حببي لهن النظافة والتجمل ولا تجعليهن يضيعن عمرهن في البحث عن الجمال
علميهن
مهم جدا تكحلي عينيك يوميا بكحل طبيعي (وليس القلم) .او الاثمد ولكن بالبيت وليس خارجه
عمليها ان تكون ملابسها نظيفه وتتعطر بعطر يناسب سنها والافضل كلونيا الاطفال او المسك او الزعفران للاطفال دون العاشره
وفوق العاشره اشتري للولد والبنت من ذى بودي شوب وعوديهم ان يضعوا ملطف ومزيل لرائحة العرق وتنظيف الاسنان
والولد اجعليه يمضغ بعض حبات الهيل مفيده للوالد والبنت اوراق النعناع لانها تزيد الانوثه .

تعلمي:

فن التقديم وعودي ابنائك عليه
البنت والولد مع بعض يجب ان يجيدوا هذا الفن .

والعلوم كثيره لو نعدها لا تحرمين نفسك وابنائك وكل من حولك كوني زهرة فواحه تفيد الغير بعطرها ولا تكون العكس .

ويوم القيامة سنرى من كتابها يكثر فيه أجر وعلم يستفاد منه
__________________

سؤال ثالث واعذريني لو ثقلت عليج يا قلبي

انا الله يسلمج توي والدة وفي فترة النفاس انا ف بلد وزوجي ف بلد ثاني بحكم ظروف شغله

يعني انا غايبة عن بيت الزوجية من شهر 10 يعني باكمل 3 شهور وما راح ارجع بيتي الا شهر 2 يعني اربع شهور كاملة ما شفت زوجي

المهم يا اختي انا باقيلي 20 يوم تقريبا واخلص النفاس وباضطر اني اقعد هنا انتظر اخت زوجي تجينا باجازتها لانها تدرس برة

عاد انا خبرت زوجي اني لما اخلص نفاس ما راح اجي باظل شهر ونص عشان اخته تبي تشوف البيبي
قال لي اوكي خلج عشان اختي تشبع من البيبي رديت عليه اي وفرصة انت تشبع عزوبية
قال لي كلامج بايخ وما دري شووو

المهم انا متضايجة احس انه ما هو مشتاق لي
انا اعرف الزوج لو غابت عنه زوجته يفقدها
يظل يلح متى ترجع بيتها وهو خبر خييييييييييييير

انا بس اللي رازة وجهي عليه عاد خبرته
قلت له انا ما راح ارجع بيتي الا لما انت تطلب مني هالشي ما راح ارز وجهي واجيك من نفسي

عاد هو ما يتصل ولا يرسل مسجات ولاش يتصل بس اذا في شي مستوي
اتصاله ابدا ما يكون بغرض الشوق ولا الوله
قاهرني وما يقول لي كلام حلو انا الي دوم ابادر واقول له كلام حلو

وهو يرد علي مثلا لو قلت له احبك ولا اشتقت لك
يقول وانا بعد بسسسسس

والله اذلااااااااااال هالازواج

ما اعرف شو رايج انتي بالموضوع ؟
انصحيني شلون اتعامل معاه


(( ان مع العــــــسر يــــــسرا ))

احب توقيعك

قبل لا ارد على سؤالك احب اخبرك بعض المعلومات عن الرجل .

فيه رجال يحبون زوجاتهم ويموتون فيهم بس ما تعودوا من الاساس يقولون كلام حلو لهن ويعتبرون الفعل اللي يسوونه لهن كافي مثلا توفير ملستزمات البيت والصرف وتحمل مسؤليات الابناء .

بعضهم نفس الشئ يحب زوجته كثير ويكون بعيد عنها مثل زوجك وما يبي يفتح العنان لمشاعره لان الرجال لما يفتح مشاعره ويقول كلام حب لازم يمارس الجنس فيفضل انه ما يفتح الباب لنفسه علشان ما يفضي رغبته الجنسيه بطرق محرمه .
ولما يجي عند الزوجه تنفجر قريحتة الغراميه وينام ويا زوجته ويرتاح .

بعضهم يقول انا وزوجتي شخص واحد فما له داعي اقول لزوجتي احبك كاني اوجه الكلام لنفسي واكيد احب زوجي ما دامها مثل نفسي .
"طبعا هذا ما يدري بحاجة زوجته لهذا الكلام فممكن الزوجه تفهمه انا احس بانك تحبني واني مازلت مرغوبه لك اذا قلت لي احبك .

السؤال لك انتي زوجك طول عمره بهذا الطبع ولا الحركه جديده عليه ؟ يعني قبل كان يقول احبك والحين توقف ؟

لو كان يقولها قبل وتوقف ...
لا تقولين له كلمة احبك ابداااا ابداااا ...
قوليها بافعالك بس غيري ترتبي تنظمي وزودي الدلع والرومانسيه بدون كلمة حب وهو بينطقعها غصب عنه .

لو ما كان يقولها من قبل وهذا طبع فيه فاكيد زوجك يحبك ويموت فيك بس فيه احدى الاسباب المذكوره قبل .

واحب اعلمك شئ مهم وضروري الزوج مثل الطفل اللي متعود على الرضاعه وتفطمينه يتعب في البدايه وبعدها يتعود .

يعني طول الغياب عن الزوج بيخليه يتعود فراقك فانصحك لا تطولين الغياب عنه وايد .
لانه بيتعود غيابك خليك حتى بانفاسه ولكن لا تطيحين عليه طيح اثقلي وهو بيركض وراك

الرجال طبعهم يحبون المهام الصعبه حتى في الزوجات يحبون اللي تثقل عليهم ويحبون هم يتقربون لها واما اللي تطيح عند رجولهم هذي يعتبرونها سهله جدا

وعندهم قناعه اللي يجي بسهوله يروح بسهوله .

و ارحب بأسالتك حتى لو وصلت للخامس بعد المليون انا هنا لكم
يتبع
__________________

دلوعة زوجي!!
06-10-2008, 02:39 PM
انا الحمد الله جدا سعيده في حياتي الزوجيه بسبب تفهم زوجي لي
فهو جدا رائع
ارى رجاحة عقله في كل شي لكن مشكلتي اني جدا عصبيه على زوجي وعلى اولادي
احاول بشتى الطرق ان اكون ريلاكس لكن يومين ثلاثه ثم تعود حليمه لعادتها القديمه
اولادي جدا عصبيه في تعاملي معهم
اريد ان اكون الام الحنونه الهادئه لكن لا اعرف
اطفالي كلهم تقريبا صغار اكبرهم بنت عمرها 12سنه واصغر فاصغر
كنت قبل كذا اعلمهم الاذكار والاداب
اما الان فاصبحت غير كذا
اعلمهم يومين واسيبهم عشره
اقولهم قصص يومين واسيبهم شهر
احسهم احيانا وليس دائما ينفرون مني رغم اني عندي شغاله وبيت صغير ولا عندي عمل لكن لا ادري ما سبب التقهقر الى الوراء في تربيت اطفالي
اتمنى ان اجد مشورة لديك تعينني على ترك النرفزه الزائده
والتخلص من العصبيه والزعل على اتفه الاسباب

ولك ودي


عصبيتك لها اسباب داخليه انتي تعلمينها ولا احد سواك،
اعتقد في موضوع شاغل بالك ومخليك متضايقه واظن هو كيف تربين عيالك تربيه صحيحه .
وتريدين الافضل لهم ولكنك تجهلين الطريقة فتتخبطين يمين ويسار بدون خطوات ثابته فأحيانا خطاك تصيب واحيانا تفشل فتتعصبي وتتركين كل شئ .

العصبيه علاجها :
1) ذكر الله سبحانه .
2) الوضوء .
3)الاستغفار.
4) سوي فحص للدم يمكن عندك نقص فيتامينات معينه تسبب العصبيه مثل فيتامينات ب6،ب12، والزنك والمغنيسيوم .
5) يمكن نقص السكر عندك يسبب لك تعكر المزاج .
6) يوجد نوعية من الحبوب الطبيعية والافضل استشارة طبيب مختص يوصفها لك هالحبوب ما تدمينها لو شربتيها ابدا تجعلك ريلاكس وتبعد عنك الكابة والعصبية .
7) يمكنك الاستعانة بمشروبات عشبية مثل الكركديه والينسون يعملون على تهدئتك .

ولا تنسين الرقية الشرعية مهمه جدا جدا لك واذكار الصباح والمساء

ايضا وضع خطه وهدف ونظام واحد لا يتغير لتربية الابناء فالنظام المسمتر مريح لك ولابنائك .




















اقتباس
غاليتي
مشكلتي في حياتي مع زوجي أعتقد سببها شي واحد
لو قدرت أعدله وأحلها كان بيحطني زوجي فوق رأسه

بس أوقات الطبع يفرض عليك تعيشي الألم أهون من تغييره!

مشكلتي أني فوضوية وغير منظمة ونساية ومهملة
وزوجي على العكس تماماً
مرتب دقيق ومنظم وحريص جداً

تعجبني صفاته لكنها مسببه لي مشاكل لأنه يدقق في كل شي
وأنا حساسة ما أحبه يزعل أو يضيق من البيت وينحاش مني
وربي أحسه لو حرمة بيخلي البيت جنة من الترتيب والنظافة

وأنا طبعي كذا حوسة حاولت أتعدل وأصير منظمة بس عجزت

أشوفه يستانس إذا رتبت ومسحت ونظفت
بس متى ربي يفتح علي وما يمديني إلا ويرجع يدقق ليش كذا وليش ما ترتبين وتمسحين وو......الخ

بيتي مرتب ونظيف بس عادي
وهو يبي كل شي يبرق وزي الفل ولا فندق

حتى عيالي وربي لاهية عنهم ومو معطيتهم حقهم
ودايم أنحاش لغرفتي عنهم ما أحب صجتهم
غير أن راحتي بغرفتي كني مو راعية البيت
أحس أني مهملة حتى نفسي

كل وقتي نت وبس
ما عندي هدف ولا إهتمام ولا نشاط يدفعني دايم مكسلة

للعلم هالنقطة كانت سبب أن زوجي قعد يبحث عن زوجة غيري

فأخشى هالمره يصمل ويسويها

تكفين ساعديني
أنا أتحمس لمثل هالمواضيع وتحركني
بس أرجع لطبعي الشين

وش اسوي بعمري



هذا انتي عارفه مشكلتك الحل بيدك عزيزتي .
اما بيتك زوجك عيالك
ولا زواج زوجك والنت
الخيار متروك لك
رتبي اولوياتك وحددي الهدف
الهدف بيت مستقر ورضى زوج وتربي ابناء

والحقيقة لو انتي مثل ما قلتي عن نفسك وكلامك صحيح فوالله انتي بحد ذاتك مشكله عويصه

اذا مهمله نفسك فكيف بتهتمين ببيتك

عزيزتي شوفي حل يريحك ويريح زوجك وراجعي مواضيع القسم بتلقيين مواضيع تساعدك






















صراحه استفدت وايد من كتاباتك
بس فيه اشياء نفسي اسمع رايك فيها باستفاضه يعني ابغى رد يخليني مقتنعه بتصرفاتي بعده
لاني بصراحه ما شاء الله تبارك الله احسك صرتي حكيمه من التجارب اللي مريتي فيها

وطبعا لك مطلق الحريه في الاجابه او لا ما ابغى اثقل عليك

الموضوع الاول
عن الغيره اقصد لما الزوجه تغار على زوجها من الفتن اللي الايام هذه سواء في الشاشات او في الشوارع
كيف تتصرف قدامه بدبلوماسيه بحيث انه ما يحس
لان زي ما انتي عارفه ان الرجال يكرهو المره اللي تغار عليه
بنفس الوقت ابغى اشيل فكرة الغيره من راسي كييييييييييييييييييييف


شيلي فكرة الغيره من راسك بثقتك بحب زوجك لك
والثاني بثقتك بنفسك
بنات الشوارع مب احسن منك بشئ عزيزتي
الحسن الوحيد الذي فيهم انهم عرفوا كيف يبرزون جمالهم فقط لا غير .

وطبع الجل بصـــــــــــــــري
ولما اقول بصري مو معناته انه هو في عيون ونحن لا ولكن اقصد وكررت قبل هالكلام انه الجل عنده حاس بصر خياليه ولا ليش ذكر الله سبحانه وتعالى في محكم اياته انه لازم يغض بصره !!!

وللعلم معلومه ابي كل وحده تحطها براسها مو معناة نظر زوجك لبنات الشوارع انك انتي صرتي بنظره عديمة فايده بالعكس

انتي بنظره اغلها منها وهي رخيصه رخص التراب والتراب بنظره اغلى منها لانها عرض معروضه لكل الرجال وجربي يوم لو كنت تلبسين قفازات انك يوم تطلعين بدونها والله لا يقوم بقتلك لانك ملكه وحده .

كيف تتصرفين خليك على ثقه انه نظر زوجك لهذه المخلوقات المتجوله بالاسواق ليس بدافع الشهوه وانما لانه ينظر لها بدون قصد لانه حاسة النظر عندها اقوى من اقوى كشاف دولي وبس






















الموضوع الثاني
اذا وحده زوجها دايم يغلط عليها طبعا الموضوع لا يتعدى الكلام
لكن لو تجلس فتره طويله ما يراضيها فتضطر هي اللي تراضيه طبعا كنوع من المحافظه على بيتها ومع الوقت بدت تحس ان ما عندها كرامه من كثر ما تراضيه
انتي تتوقعي ليش ما يراضيها
هل معقول انه ما يحبها على الرغم انه بعد الرضى يحسسها انه يحبها ويتصرف معاها برضى ويرضيها بحنيه
فتعيش بصراع ليه اهملني الفتره اللي فاتت دام انه يحبها زي ما هي حاسه بفترة الرضى

كـــــــرامه بين الزوجين وبالذات بمثل حالتك انسيها بليز
زوجك مبين ما يحب الزعول اللي تطنش فأزعلي بدون تطنيش يعني
"غيري نظامك بالزعل
لو كان زعلك طناش
حوليه زعل بتقرب وفيه شوية دلع وتودد ولما يتكلم قولي له انا ماخذه بخاطري منك علشان هذيك الحركه وبيرضيك.



















الموضوع الثالث
ابغى تلخصي لي في نقاط اهم حاجه يبغاها الزوج من زوجته يعني اللي بعدها يقول زوجتي تكفيني

النقاط اللي يبيها الزوج وبعدها يقول زوجتي تكفيني
اعتقد انه هذا الحديث الشريف سيوضحها لك
يقول النبي صلى الله عليه وسلم وقد سئل عن أي النساء خير ؟ قال : التي اذا نظر إليها أسرته وإذا أمرهـــا أطاعته وإذا أقسم عليها أبرته وإذا غاب عنها حفظته في نفسها وماله) رواه ابو داود و النسائي وابن ماجه

وتابعينا في مواضيع قادمه قويه للزوجات باذن الله بتنزل
__________________


اقتباس
هل أنت مستمرة على أسلوبك الأخير مع زوجك


اسلوبي الاخير ؟
قصدك السكوت وعدم التدخل وكثرت الكلام والقلق والتفتيش
ومطالبته بالمحبه
والزعل اللي ماله داعي
واني اركض وراه
وما يكون شغلي الشاغل الا هو وبس
وكيف اكسبه وكيف اجذبه
وكيف ارضيه ولا انام الا وانا مجهزه لسته بقائمة الاشياء الي بكره بسويها علشان يفرح
وكيف اعمي عيونه عن غيري وكيف وكيف و..........الخ
نعم انا مستمره بنفس الاسلوب لانه هالاسلوب الامثل والاحسن واللي شفته جاب نتيجه مرضيه لي ولزوجي...

اخواتي تذكرون كلامي ...
انتي مختلفه عن زوجك ولابد ان يكون لك عالمك
صدقوني كل ما كان لك خصوصيه ببعض الاشياء الخاصه بك فقط
مو الزوجيه ولا العائليه ولا الماليه كنتي اكثر سعاده لانه الحياه الزوجيه تقوم على مثلث ...

ارسمي مثلث
بداخله اكتبي اسمك واسم زوجك باول زاويه الي هي راس المثل
اكتبي علاقه زوجيه واكيد هالكلمه تحوي الكثير من المعاني،
بتبقى لك زاويتين اكتبي علاقه ماليه وهو المال الي يصرف على البيت والاولاد والمدخرات الي ترجع للاسره ،
واخر زاويه اكتبي عائليه تشمل الابناء واهلك واهله والاصدقاء،

بجذيه تطلعين بمثلث الحياه الي يمارسها كل زوجين في هذي الدنيا واللي لابد ان يحترم فيها الزوجين قوانين زوايا هالمثلث ...
وتذكري انه اساس هالمثلث زوجين مختلفين كما ذكر كاتب "الرجال من المريخ والنساء من الزهره" د.جون جراى...
عندما تشعرين باختلافك التام عن زوجك
لحظتها بتحسين انك انثى بكل معنى هذه الكلمه وانه لك الحق بتملك بعض الخصوصيه ...
ولحظتها زوجك بيحاول يتقرب منك ليكتشفك لانه
هذي هي طبيعة كل رجل يحب غموض الانثى
ويحب يحتل كل جزء فيها يبي يعرفه فلا تكوني كتاب مفتوح
وحتى لو كنتي كتاب مفتوح سابقا
سكري تدريجيا مو مره وحده لا يشك فيك زوجك ويحسبك تبين تبتعدين عنه ...
يتب
__________

الحمد لله على السلامه
كيف تعامل ام زوجك معاك الحين
ان شاء الله ربي هداها


ام زوجي الله يهديها نفس الشخص وما تبي تتغير ومن الاصل ما يهمني تغيرها ابدا ..
انا اصلا اللي تغيرت ولاني تغيرت فرضت عليها اجباراً احترامي
وبعد خليتها تتجنب انها تغلط علي او تحاول تمس اي شئ يخصني بأسلوب صحيح ومو بالمشاكل
خليتها تؤمن انه مثل ما لها الاحترام تلزم هي بالمثل ...

كيف يصير الاحترام من انسان متدخل ويحاول يفرض نفسه دائما بكل كبيره وصغيره لانسان مسالم مستسلم خائف ...

هذا حال بعض الامهات الازواج هداهن الله لزوجات ابنائهن اللتي نشأن ببيئه يكثر فيها :
*حزم الوالدين وشدتهما وسلبيتهما وكثرة انتقادهم وجهلهم بنفسيتم ابنائهم وحقوقهم.
*خوف احد الوالدين وتردده الدائم وضعف جرأته ومجاملته للناس على حساب نفسه وبيته واولاده لكسب رضاهم.
*تناقض التوجيهات الصادره من الوالدين مثلا يامره بالصلاة وهو تاركها!!
*ضعف الترابط والاختلاط الاسري بينهم وبين نفسهم الام بوادي والبنت بوادي والابن بعالم والخادمه بعالم .
*اشاعة الهيبه المبالغ فيها سواء من الام او الاب او المدرسين
*تهميش دور الطفل اوالطالب في التفاعل وجعله متلقي سلبي .

تعالن نشوف وين الخلل وكيف نعدله

امسكي نفس القلم الي رسمتي فيه المثلث
بسرعه ولا بسحب الاوراق في وسط الورقه حطي نقطه ومن النقطه مدي مستقيمين واحد لليمن وواحد للشمال
واكتبي فوق النقطه الشخصيه

<-------------------0------------------>

السهم الي بجهة اليمين اكتبي الشخصيه المستسلمه والي على الشمال الشخصيه العدوانيه

تحت الشخصيه المستسلمه اكتبي بالارقام

1 الاذعان للاخرين ورغباتهم وطلابتهم
2 المجامله والمسايره في الاراء والتصرفات
3 الافراط في خدمة الاخرين ولو على حساب نفسه وحقوقه ووقته وبيته واولاده <<< كنت سابقا
4 ضعف القدره على الرفض وابداء المشاعر والتعبير عن الراي
5عدم المقدره على الحزم واتخاذ القرارت والخوف الدائم من المحاوله .
6التواضع الزائد عن حده في غير محله ويصل الوضع لذل النفس
7البعد عن المشاكل والخصومات والتنازل عن الحقوق لخوفه من المشاكل وعدم تمكنه من اخذ حقه .
8 ضعف التواصل البصري يتجنب النظر لعيون الاشخاص وعندما يتكلم يخفض صوته وهو مرتبك .

الشخصيه العدوانيه
1 التسلط والتحكم والهجوم على الاخرين فعلا وقولا. << ام زوجي هذا طبعها
2 المخالفه والتكذيب لاي كلمه من اي شخص بقوه وصراحه وتحد
3 مطالبة الاخرين بخدمته بدون ان يكلف نفسه عناء رد الجميل او الثاء عليهم او خدمتهم
4 الجرأة الزائده في ابدا الرفض الغضب والاستياء دون مراعاة لشعور الاخرين
5 الجرأة الزائده بتخاذ القرارات وتنفيذها وبتهور احيانا
6 دائما يبرز نفسه على الاخرين ويتحداهم بكل مكان بانه واهله وعائله وكل ما يخصه الافضل .

مثال على الشخصيه المستسلمه

كانت سميره بحاجه لشراء بعض الحاجات وبينما هي تتجول بالمحل لشراء حاجاتها أذ بالبائعه تعرض عليها كريم عليه تخفيض وتمدحه لها وانه لو اشترته ستحصل على اخر بنفس السعر ..
وانها لن تندم على اخذه واخذت البائعه تذكر محاسنه وسميره تستمع لها برغم انها مشغوله وليس لديها وقت وهي ليست بحاجة هذا الكريم من الاساس لكن لضعف شخصيها واستسلمها الدائم لم تتمكن سميره من الاعتذار من البائعه بل ظلت تستمع اليها وفي الاخير اخذته على مضض ..

مثال اخر

شروق متزوجه من سنتين
ام زوجها سليطة اللسان
كانت عندما تتكلم شروق
تتهمها بالكذب وانها غير صادقه ودائما تجرح مشاعرها ولا تهتم لها ابدا في اي مناسبه ولا تكاد تعتبرها انها انسانه ابدا بل دائما تعايرها باهلها واخوانها واخواتها برغم انهم من عائله محترمه شروق كانت انسانه
رقم 7البعد عن المشاكل والخصومات والتنازل عن الحقوق لخوفه من المشاكل وعدم تمكنه من اخذ حقه كانت تلتزم الصمت ولا تدافع ابدا عن نفسها ابدا وبذلك ام زوجها الغتها من الوجود في كل مناسبه كانها مجرد ديكور

للشخصيه المستسلمه بعض الافكار والمفاهيم الخاطئه

1 ألزام النفس بما لا يلزم .
يهتم بمشاعر الاخرين حتى لو جرحوه او سببوا له الالم والحرص على تقديم رغبات الاخرين ومشاعرهم على رغباته ومشاعره وحقوقه والحرص على ارضاء الناس كلهم والاتصاف بالدماثه واللطافه .

2 لا يفرق بين الحياء المحمود والمذموم

3 الخلط بين التواضع لله وللمؤمنين وترك الكبر والعجب وبين ضعف الشخصيه والذل المذموم

4 الخلط بين الايثار المحمود (وفيه تطمئن النفس وتكون راضيه بما تقدمه للناس) وبين الاستسلام والاذعان للاخرين وترك حظوظ النفس (خوفا وخجلا من الاخرين ويكون كل ما يقدمه بغير رضاه )

من المشاكل الي تواجهه المستسلم

1ضياع حقوقه الماديه والمعنويه لضعف قدرته على المطالبه بها وضعف قدرته على الرفض والاعتذار ولتسلط الناس عليه لانهم يعلمون ضعفه واستسلامه ،اضافة لاحتقارهم لشخصيه وانتقاصهم له
2 تراكم المشاعر السلبيه في النفس (إحباط -كآبه -قلق-انزعاج- غيظ)وتأثيرها على صحته النفسيه والجسديه والعقليه وكثرة امراضه ضغط سكري قولون عصبي بالاضافه لتوهم المرض
3 احساسه المؤلم بضعف شخصيته وعدم ثقته بنفسه
4 نشؤ خلافات مع الاخرين وخاصه لو كان المستسلم تحت سلطة زوج او مدير وهم يعلمون ضعفه ويستغلونه لعلمهم بعدم مقدرته على الرفض
5 إزاحة مشاعره السلبيه على من هو اقل منه لعجزه عن اخذ حقه ممن هو ظالمه
6 الرهاب الجماعي يكون قلق مرتبك في المواقف الاجتماعيه وعندما تتوجه الانظار اليه يشعر لحظتها بزيادة النبض ودقات القلب والتعرق وارتعاش بعض الاطراف ...

كيف يستعيد الشخص المستسلم قوته ؟

بأتباع السلوك التوكيدي فكيف يكون !
يكون الشخص متوسط في تعامله مع الناس بين طرفين ذميمين هما:
الاذعان الزائد <---------السلوك التوكيدي---------> التسلط والغلظه
فهو يعلم متى وكيف يستعمل الحزم واللين دون إفراط او تفريط وانما حسب ما يقتضيه الموقف وما يترتب على ذلك من تحصيل للمصالح والابتعاد عن المفاسد .

للسلوك التوكيدي خصائص وفوائد عظيمه:

خصائصه:

انه وسط بين الاذعان والتسلط
-يتوافق فيه السلوك الظاهري مع المشاعر والافكار الداخليه.
-انه مقبول شرعا وعقلا وعرفا وليس فيه اذى للناس .

فوائده:

يولد شعورا بالراحة النفسية .
-يمنع تراكم المشاعر السلبيه (توتر .قلق........)
-يقوي الثقة بالنفس
- به يحافظ الشخص على حقوقه ويحقق اهدافه وطموحاته .
-يعطي انطلاقا في ميادين الحياة فكرا وسلوكا وهي اهم طرق النجاح في الميادين المتنوعه.

كيف اكون شخص متمييز بسلوك توكيدي ؟

هناك تدريبات يتدرب على يريد انه يشعر بتوكيده لذاته ونصرته لها .

1) وضع خطه لنفسه لتغير سلوكه .فيبدأ من السهل للصعب في كل حياته .وليس في المعاملات .

*التدرب المنظم على :
-التعبير عن الرأي الشخصي بقناعة ورضا (في الموافقه والمخالفه)

-التعود على الرفض بأسلوب مناسب تؤكد فيه ماتريد دون ظلم للطرف الاخر
مثلا:
آسف لا اريد هذا - عفوا لا ارغب - شكرا لك لكني لا احتاج اليه - لا احتاج لهذا .

-لتعبير عن المشاعر والعواطف الداخليه بوضوح وصدق ولباقة .
مثلا:
هذا لا يعجبني .أشعر بعدم الارتياح لهذا الامر .هذا الكلام غير واضح ولا احبه.ارجو عدم تكرار الالفاظ البذئيه فهي تزعجني .

-التعود على استخدام ضمير المتكلم عندما توجهين الكلام للغير عن نفسك وبدون مبالغة
مثلا:
أنا لا ارضى بهذا العمل (بدلا نحن لا نرضى بهذا العمل او زوجي لا يرضى بهذا العمل )
شعرت بقلق لذلك يجب ان ارحل (بدلا من هو يشعر بالقلق لذلك يجب ان نرحل )

-التدرب على التعبير الملائم لفظا وسلوكا
التواصل البصري المناسب (التقاء العيون بدرجة مناسبة اثناء الحديث)
*وضوح الصوت والعبارات (بعبارات مناسبه ونبرات تلائم الحدث)
*تناسق حركات اليدين والراس والوقفه والجلسه ( بنتكلم فيه بموضوع منفصل عن لغة الجسد)


- التدرج مع الطرف الاخر في سلم التوكيد (الطرف الاخر قد يكون الزوج الاخ الاخت ام الزوج المدير المدرسه الصديقه)
ابدا بالاسلوب الاخف الذي يحقق لك مرادك بدون الدخول في مشادات كلاميه مع الطرف المقابل.
اذا لم تكون النتيجه مرضيه لك
زود السلوك تدريجيا بزياده في الحزم شيئا فشئا الي ان تحصل على مرادك .ولا تقفز للظلم و العدوان او تنحدر للاستسلام ابدا

* تصحيح الافكار الخاطئه وتغيير القناعات السلبيه المولده مثلا:

-لزام النفس بكسب رضا الناس كلهم (ارضاء الناس غاية لا تدرك ارضي والذي اكيد انك سوف تدركه ارضاء نفسك فارضها)
-تقديم رغبات الاخرين على رغبتك
-الخلط بين الحياء الحميد والمذموم
-الخلط بين الحياء والايثار
-الخلط بين الحياء والتواضع

وتذكري ان الاسلام اعطاك حرية التعبير
وذلك في قولة تعالى (وان قيل لكم ارجعوا فارجعوا هو ازكى لكم)
فقد اذن الشرع لصاحب البيت ان يرد الضيف بصريح العبارة
ارجـــــــعوا
لان صاحب البيت قد يكون في وقت راحه او بمشكله او لاي سبب
برغم تاكيد حق الضيف واكرامه لقوله صلى الله عليه وسلم "من كان يؤمن بالله واليوم الاخر فليكرم ضيفه"
بهذي الايه وهذا الحديث نطلع بان الشرع اكد للكل
حرية التعبير عن الراي ولم يجعلها لاشخاص واشخاص ليس لها حق في ذلك
وبهذا الدرس عن اهمية توكيد الذات بنعرف كيف نجبر اي طرف على احترام شخصيتنا باسلوبنا وسلوكنا وبتعبيرنا عن ذاتنا.

"حين تسمح طوعا للاخرين باستغلالك ...
فأنت ضمنا تتنازل عن حق محاسبتهم على ذلك لانك سمحت لهم برضاك سواء رضيت او ابيت ."

نصيحتي انتبهي لابنائك وبناتك وتجعليهم بهذه الشخصيه ابدئي من اليوم بتعديل الاعوجاج الذي تولد فيهم زيدي ثقتهم بنفسهم واجعليهم ملوك تمشى بكل ثقة في الارض

*** يتبع إن شاء

السؤال اللي محيركم جميعًا

كيف تكوني امــرأه

هالسؤال الصندوق الوارد بينتحر منه ...
لكن بعلمكم اياه هنيه على العام بدون لاتعمق للتفاصيل ...

اقتباس
وحده سألتني سؤال واكيد الكل سأل نفسه نفس السؤال
الرسالة الأصلية كتبت بواسطة ... »
ما معنى امراه في الفراش
يعني انتي مقلتي انك شريتي قمصان نوم جديده
انك صرتي تهتمين فيه يعني وش يبغون الرجال اكثر من كذا( ياليت احد يوضح لي على الخاص)



عزيزاتي ...
كم وحده اكتشفت خيانة زوجها لها على الموبايل ؟
الماسنجر الشات

او بالسوق وهو يختلس النظرات ؟؟
يعني كل الي شافهم الزوج او كلمهم كانوا يلبسون قمصان نوم ؟؟ او يتزينون بالمكياج والعطور وتكون مثيره اثاره غير طبيعيه ؟؟

اخواتي الزوج صحيح يثار بالنظر ودائما عندما يرى لون معين او شكل معين او امرأه جميله لا يتمالك نفسه فيطيل النظر اليها ...
قد تتسألين وسمعت الكثيرات
ومنهم: انا اتزين اترتب اتبخر اتعطر ولكنه ما يعبرني
ما سألتي نفسك ليش زوجي ما يطالع فيني مع اني اكون في قمة الاناقه ؟؟
زوجك يا عزيزتي ما يبي ديكور خارجي والداخلي تافه مثل البالونات اشكالها حلوه وهي منفوخه وجذابه وداخل مجرد هواء ..

زوجك يبيك انثى من الدخل قبل الخارج
اكيد ومؤكد الذي بيشوفك بيدري انك حرمه مو رجال << تذكرت نفسي لما كنت ادور معنى الحرمه هههههههه

كيف اكون انثى من الداخل قبل الخارج وكيف اكسب محبة زوجي وكيف اجذبه
هذا ما يجي بسهوله
تذكرن يا اخواتي قصتي من البدايه غيرت نفسي بالكامل وكان اخر نقطه وتغيرت بعد تنبيه ابوي الله يرحمه لي وبعد وفاته بعد ما علموني اخواتي
قبل لا اصير لزوجي حرمه بالفراش انا غيرت نفسي كثير ...
اجبرته على احترامي وانه يوفر لي مطالبي وان يهتم لي وانه يدلعني ولما وصلت للنقطه المطلوبه اقدر اقول انا مرتاحه مع زوجي

يعني صيري حرمه ميه بالميه بكل شئ مو الفراش بس لانك لو اهتمي بالفراش بس
هو بيهتم بك في لحظتها ومن يخلص كانك مش موجوده ابدااااوهذا ما نبيه

الي نبيه انه يكون معجب بك بكل لحظه ومع كل كلمه وبكل ضحكه وبطريقتك وانتي تمشين وانتي تتكلمين وانتي تبتسمين حتى وانتي زعلانه ...

فيه حريم بيقولن الحين بعد ما صار لنا عشر سنوات متزوجين ؟؟
بقول حتى لو لك عشرين سنه
لو ما يبيك لكان طلقك لكنه يبيك والا مكان احتفظ بك برغم انه مو معجب بك بس يحبك لانك زوجته...
فكيف تخلين زوجك يكون متيم بك وكيف تكونين له انثى "حرمه"
قبل لا ادخل بالتفاصيل احب ابين الفرق بين العشق وبين الحب الي يكون السبب فيه ارتباط .
العشق هو انك ترى شئ فيتعلق قلبك به مثلا : تحبين الورد الجوري وقلبك متعلق به فتقومي يوميا لمزرعتك او شتلتك اللي عندك وتهتمين فيها تصبين لها الماي وتهتمين بنظافة مكانها وترتبينها كل يوم .
الحب مثلا تحبين كتاب معين وخايفه يخترب او احد يقطعه او يرميه فتقومين برفعه فوق الرف
الفرق هنيه الجوري حطيتي اهتمامك المتواصل فيه والكتاب لانك تحبيه رفعتيه
هذا هو حب الزوج لزوجته الي يحبها لانها زوجته وام عياله حاطها معه لانها زوجته
ولكن لو كان معجب مثلا بيدها بيمسكها دائما لانه يحب معجب بهذي اليد واذا تكحلت نظر لها وهو مفتون بروعة عيونها واذا لبست بين لها اعاجبه بها

نرجع لسؤالنا : فكيف تخلين زوجك يكون متيم بك وكيف تكونين له انثى "حرمه"

الأنوثة والجمال
الجمال ما اعتقد فيه وحده تجهل كيف تكون جميله وانيقه .
الانوثه لها فنونها فهل تتقنينها في فراش زوجك؟

كيف تكونين انثى "حرمه"

قلت لكم ببداية القصه ما كنت اعرف اتعامل مع زوجي كشخص كنت افكر الزواج مجرد خدمة زوج وبيت واطفال.
بعدها تعلمت كيف اكون شخصيه تتعتع بالذوق باللبس والعطور والمشيه والاناقه
بعدها تعلمت كيف افرض احترامي على زوجي واهله بالسلوك التوكيدي
لكن ما كنت اعرف كيف اكون جذابه ومغريه لزوجي برغم وجود قمصان النوم الملونه واعتمادي على الليالي الرومنسيه والكلام المعسول ...

اذن كانت هناك ثغره ...

قصة ابو فيصل من خلالها بنتوصل للثغره الي تخلي الحرمه تكون انثى بفراش زوجها ...
يقول تزوجتها من سنه ونصف وقبل لا اتزوجها كنت احلم مثل كل رجل بالانثى الي تأسر لب فوادي ..
كنت اتخيل زوجتي رائعة الجمال ...
تأتيني كل ليله بأثوابها الرائعه
في كل ليلة بلون رائع يزيدها جمال اخاذ ورائحة عطرها المثير
كنت اتخيلها ضحوكه لعوب مبتسمه فيها غنج ...
كنت اتخيلها مرهفة الاحساس كالنسمه الرقيقه لا تتحمل ابدا اي صدمه او الم ...
وكنت اردد سوف احميها لانها تستحق لانها كائن ضعيف يستحق العنايه ...
يقول لما تزوجتها كانت عكس ما اريد
شكلها الخارجي رائعة الجمال ولا اعتقد فيه وحده بجمالها ولكن كانت كقطعة الخشب في بيتي
الخشب يتكسر هي كانت فولاذ
يقول كنت اتمنى بيوم أنام معها وهي مهتمه لي
كانت ابدا ما تبالي ابدا ابدا
تلبس قمصان اشكال الوان وتتزين وتتعطر وتجلس قدام مثل الجدار ولما اكلمها واقرب منها واشوف نظرات عيونها الجامده الي ما فيها اي نوع من الاحساس
كرهتها حتى لما امسك يدها برغم نعومتها لكنها ميتت الاحساس جامده !!
يقول كنت اتمنى اسمع منها الكلمات والعبرات والهمسات ولكن كل ذلك كان ملغي من سجلاتها ...
يقول الى انت تعرفت على فتاة عن طريق النت كانت محادثتنا كتابيه ولكن لا تخلو من الهمزات واللمزات التي كانت تعتبرها زوجتي عيب وحرام ولا يجوز
يقول كانت الفتاه متجاوبه معي بكل شئ وكل موضوع اكلمها فيه
تستمع لي وتناقشني
ما سمعت منها كلمة مابي ولا اريد ومو فاضيه وانت تافه وعيب هالكلام وما احب هذي الحركه
يقول كرهة زوجتي اللتي حتى في العلاقه الزوجيه بيننا كانت تقبل باشياء على مضض وكانه فعل شنيع والذي هي تريد وما فيه مشكله كانت تؤديه كانها ماكينه
فصرخ بعصبيه اريد زوجه حنونه متلهفه متعطشه لي تحبني
لا لاني مجرد زوج واب لابنائها ومصدر دخل لبيتها
اريدها تعشقني تروي عطشي تغنيني عن جميع النساء باشواقها الملتهبه لي انا فقط
اريدها عندما تكون معي تنسى ان ابنها فيصل مريض وان امها سوف تحضر الساعه الخامسه وعلي ان اتمم كل شئ بسرعه فائقه لانها تريد عمل البيتزا والقهوه وتنظف البيت !!!
ما ذنبي انا اذا كانت زوجتي جامده معي وتعتبر العلاقه الزوجيه حق من حقوقي انا فقط وانها مجرد وسيله لتفريق طاقتي !!!

.
.

هذي قصة واحد من القصص اللي سمعتها من محاضره كانت تتكلم عن فنون العلاقه الزوجيه وكيف تتم وكيف تكون متناغمه في الاحاسيس والشعور بين الزوجين
للفائده اكثر وللاطلاع اكثر عن هذا الموضوع
انصح كل متزوجه شابه مقبله على الزواج
كل ام بنتها مخطوبه ولدها خاطب بهذا الكتاب
"مباهج الزواج والحياة الجنسية "تأليف زوجين خبيرين ماسترز وجونسون

نرجع لكلامنا الزوج لما يقولون يبي حرمه فهو صح يبيها مهتمه لبيته وعياله ولكن يبها تهتم بجمالها واناقتها
نعومة صوتها
نعومة حركات يدها ومشيتها وجلستها ...

معنى الكلام انه كل حرمه تقدر تكون فاتنه وتقدر تكون دلوعه وتقدر تكون مغريه ...
تعلمي كيف تكوني ملفته لزوجك ...
انتبهي لجلستك لما تجلسين
لطريقة اكلك لما تاكلين
كوني ذات تمييز بحركاتك
هو ما راح يتكلم بس بينتبه اكيد وبتشوفين انه يطيل النظر لك بعد ما كان ابدا ما يطالع لك ...
تذكروا كلامي عن مشيتي وكيف غيرتها ...
تعلمي فنون الاغراء لزوجك دوري الكتب الي تساعدك ...
...
تمرين على ضحكه حلوه وعلى طريقة كلام متزنه هادئه.


فهمتوا شو كان يقصد ابوي الله يرحمه كان يقصد اني اتفنن بجذبه لي

*** يتبع ان شاءالله ***
__________________

تنبيه هام جدا
لا يجوز سماع الاغاني ولا مشاهدة الافلام خصوصا ما تحتوي على مخالفات شرعية
اقتباس
يا ليت تقولين لنا وش صار يوم دخلتو البيت الجديد
وكيف قدرتو تتقربون من بعض وتنسون اللي صار ؟
يوم دخلت جاتني دوخه متى بخلص تأثيث <<<< امزح معك
ما اقدر اوصف لك شعوري لما شفت البيت حسيت الدنيا بكبرها مثل الكوره بيدي من الفرحه
لو اقولك جلس جسمي يرتجف من الفرحه ساعه والتركيز خلاص شويه وبيروح
خفت استخف فركضت اتوضأ واصلي ركعتين شكر لله سبحانه على نعمته العظيمه .
ببيتي كانت بداية انطلاقتي لمشوار التسامح والتقرب لزوجي
وما اقول غير سبحان من حول حياة الشقى لسعاده
انا ما اقول انه ما تصير مشاحنات بيني بينزوجي لاني بكون اعيش بوهم والدليل امس شويه بهارات جات بحياتنا بس عدت على خير
زوجي يالغاليه لما شاف انه بدأ يخسر كل شئ وشاف انه امه بدت تزودها قرر ينهي الموضوع بحسم ووقف كل شد عند حده
وانا كنت ومازلت صابره لاني واثقه كل الثقه بنظرة ابوي الله يرحمه في زوجي لما قال فيه الخير وبتذكرين
مرت ايام تذكرت كلامه وقلت الله يرحمك كنت على حق ..
كيف تقربنا هذي عاد مادري كيف افسرها بس صار كل واحد منا اكثر تغاضي واكثر تسامح واكثر احترام
وانا بديت اتفنن معه بعلاقتي فيه وبنفس الوقت احترم خصوصياته واحترم خصوصياتي
وما دام لكل منا عالمه ومريح نفسه وشاغل وقته بما يرضي الله اقدر اقول حياتنا تعتبر سعيده
شوفي تنسين موضوع جارح مثل الي صار لي مستحيل
لكن متناسيه كل شئ وبنفس الوقت حطيت اخطائي نصب عيني علشان ما كررها واعيش نفس الحاله .
*** يتبع ان شاءالله ***
__________________

تحذير هام
كما تلاحظون فالأخت دائما تتكلم عن علاقتها بزوجها وكيف أنها تجعل بعض الأمور رسمية بينهما وتحاسب في تصرفاتها وكلامها وهكذا
فلتعلمي أختي أن الرجال ليسوا جميعًا سواسية وهناك رجال لن يحبوا هذه الطريقة
فبعض الرجال يحب المصارحة والحوار ويحب أن يكون هو وزوجته ككيان واحد وليس بينهما أسرار وإذا أخفيتِ شيئا عنه فإنه يصاب بالقلق منكِ ويبدأ في الشك وربما يفقد ثقته بك
بعض الازواج يحب ان يكون له خصوصياته ولكِ خصوصياتك وبعضهم لا يحب ذلك ويفضل أن تتشاركان في كل شئ حتى الخصوصيات
فإحذري أختاه وابحثي هل تصلح هذه الطريقة مع زوجك أم لا
وأرجوا من كل أخت أن تفكر قبل تطبيق النصائح فما يناسب إحدانا قد لا يناسب الأخرى
اللهم أبلغت اللهم فأشهد

اقتباس
عندي استفسار ...
كان زوجك يكتب اسامي العطور والبخور الي انت كنت حاطته ..
ليش؟؟
واذا السؤال منتي حابه تردين عليه عادي حبوبه ولا كانك قريتيه.
لانهم كانوا نازلات جداد بالسوق واول ما شمهم شمهم فيني ...
كتب اسمائهم علشان ياخذ مثلهم للحبيبه لانهم اعجبوه وهو يبي كل شئ معجبه فيها علشان تزداد روعه بعيونه
.
.
.
اقتباس
فيه بنات سألوني عنها
هو طلقها خلاص
وهو الي علمني مو انا سألته
وعموما انا شفت ورقة الطلاق وشفت القضايا الي هو رافعها عليها.
.
.
.
اقتباس
جاني ســؤال يقول ليش ما سألتي زوجك عنها ؟
الاجابه لانها مو شئ مهم عندي علشان اظل على الرايحه والجايه استفسر عنها
ثاني شئ لما تعرفين انه زوجك بحياته وحده مثلا اسمها مريم بذمتك بتجلسين كل دقيقه تقولين شو اخبار مريم ؟؟
اذا فيه وحده تسوي هالحركه وتذكر زوجها بماضيه او باسم بنت شافته بموبايله ولا هو ذكره ولا كاتبه تراها مجنونه رسمي
لا تذكرينه بالماضي علشان ما يحن عليه خاصه لو كان الماضي عاش فيه لحظات حنين وعشق وهيام ...
فهمتوا يا حواءات
*** يتبع إن شاءالله ***
اقتباس
عاد رجلي ما يحب حد يكلمه
ولا يلفت نظره لشئ لانه وايد مغرور ويشوف انه دايما على حق والعالم كله غلط
يعني صعب الصعب انه يقبل بلي تقولين عليه ,,,,,,,,,,,,
فون لايت اقولك شئ ولا تزعلين مني ؟؟
.
.
.
.
انتي صايره مثل هذي **صورة واحدة بتكسر صحون**
نفرض انه هذي الي قدامك الي تكسر الصحون
وحده تشيك على صحون غسلتهم الخدامه وبدال لا ترجع لها الصحون الوسخه وتقول لها غسليهم قامت تكسرهم صحن صحن لانهم مش نظيفين
انتي سكرتي كل الابواب على كل حل ...
زوجك صعب عنادي ما يحب يطلعكم انتي والاولاد وما يبي يصرف عليكم ولا يبي ولا ولا ولا ولا ولا ............ الخ
انتي متزوجته من سنه ولا سنتين؟؟
اعتقد بما انك ام اطفال صار لك سنين معه ،
لليوم انتي ما لقيت الطريق الاسلم الي يخليك تاخذين منه شئ؟
احساسي يقول انه زوجك سهل المراس لكن انتي ما حاولتي تدورين خيط يدخلك له،
كيد النسا ما مثله كيد وذكره الله سبحانه وتعالى في القران هالكيد بذمتك وينه ؟
انا اذكر قصة وحده كانت عندنا بالمنتدى تقول انه زوجها يذلها ذل لما تبي تروح لبيت اهلها او تطلع للسوق
واذكر اني قلت لها برساله خاصه مفتاح زوجك بيدك
كانت تردد
انا ما قصرت وانا ما خليت وانا ما حطيت شئ الا سويته
ولما طلبت منها تتذكر على شو اكثر خلافتها هي وزوجها
كان الخلاف على تنظيم الوقت والسهر هي نوع يحب يسهر وسهرها يأثر على مهامها بالبيت والبيت والعيال
والزوج الصبح على الخدامه
والخدامه تجيب الغداء للزوج والعيال لانه حضرتها نايمه
فقلت لها نظمي وقتك بما يلائم بيتك وعيالك والي تسوينه بالليل وهم نايمين تقدرين تسوينه وهم بمدارسهم وهو بدوامه ترا السالفه نت وبس ...
فقررت الحرمه تسوي هالنظام وانا وهي اتفقنا شهر بس ونشوف ردة فعل زوجها
فتخيلي كيف الزوج قام يطلعها بمجرد ما تقول حبيبي ممكن توديني السوق ابي اخذ لي غرض ؟
وهي ما كملت اسبوعين ماشيه على نظام ترتيب الوقت والاولويات .
انا اعيد واكرر لك لو جلستي مع نفسك وشفتي على شو خلافكم وشو الي زوجك يطلبه منك دايم وما تلبينه له
بتعرفين ليش زوجك يستخسر يسوي شئ لكم
وبتعرفين انه الخلل فيك انتي
دوري
ابيك اليوم تجلسين مع نفسك وتذكري شو السبب الي مخلي زوجك كذا؟
هل هو هذا طبعه من اول انه انسان حريص ؟
ولا تغيير فجأه؟
وشو تتوقعين سبب تغيره ؟
مشكله حادث
ازمه ماليه
تدخل خارجي
اهله
اخوانه
اصدقاء.
بعد ما تطلعين النتيجه نتقابل انا وانتي ولكن لا تقولين ما لقيت شئ لاني بقولك الخلل منك انتي مو هو
*** يتبع إن شاءالله ***
__________________

ايش الحـــل مع الزوج المدمن ع المواقع الجنسيه ؟؟
هالسؤال دمر حياة زوجات كثيرات وهم بيوت كانت مرتاحه وتنعم بالسعاده
تدرون ليش
لانه الزوجه بدال لا تنشغل بنفسها وتؤدي رسالتها
بدلت هويتها وصارت المحقق كونان بعد ما كانت الام الحنون والزوجه الصالحة ..
ولو سألنا الحرمه ليش تحققين وراه وتسالينه وتبين تبعدينه عن هالمناظر
قالت احس بأهانه ...
اهااا يعني مو قصدك انك تبين تبعدينه عن الحرم وبس
قصدك انك منقهره وبس !!!
بقولكم مثال وبعدين نشوف الحلول المستطاعه مع انه ما دام الرجال ما اقتنع بان هذا حرام ما راح يتركه
مثلا:
كنتي طالعه انتي واخواتك تتسوقون
شفتوا محل جديد لفت انتباهكم لانه جديد
قلتوا بتدخلون تشوفون الي فيه يمكن يعجبكم شئ مع انكم طالعات تتسوقون اشياء معينه من محل معين ولكن الفضول دخلكم المحل الجديد .
شو الي لفت انتباه الحريم بالمحل الملابس الملونه المعروضه والاكسسورات والاضاءه الالوان الخارجيه ...
هذا هو فضول النساء ذهب ملابس اكسسوارات ........الخ
الرجال لهم بعد فضول تدرون شو هو ؟
.
.
.
مشــاهدة النساء
عساها تمر بقربه اسود بأسود لكن بيشوفها
بيشوفها قدامك
بيشوفها من وراك
بيشوفها ما دام ما مشى بامر الله سبحانه وتعالى حين امره بغض بصره ...
نرجع لك زوجك يتضايق يوم انتي تتجولين من سوق لسوق لشغل و لا بدون بس لانك تبين تشوفين وتمتعين نظرك وتريحين فضولك
انتي بعد يضايقك نظرات زوجك لفلانه ولعلانه وللمواقع الجنسيه
انا ما راح اقول اتركي السوق واتركي الملابس واجلسي
ولا بكلامي هذا انك تضلين ساكته لا تامرين بمعروف ولا تنهين عن منكر
اللي ابيك تفهمين انه كل رجال الارض ينظرون لسبب خلقي خلقه الله فيهم
وهي حاسة البصر
ولا ما شدد عليهم سبحانه بان يغضوا من ابصارهم لله حكمه في خلقه
الحل :
تنبيهي زوجك بالمعروف وتذكريه بعذاب الله يوم القيامه .
قولي له تخيل تموت وانت على هالمناظر وشوف نفسك وانت تبعث على ما مت عليه .
قولي له تذكر انه الله معك ويشوف اللي تشوفه .
تخبريه مقوله طبيه
ان اهم سبب للبرود الجنسي عند الرجال هو النظر للمحرم
وكثرة النظر اليها تسبب ارتخاء للرجال ويكون غير قادر على ممارسة علاقة الزوجيه ابدااا
ادخلي بالمشاعر في كلامك :
قولي له تخيل اني اشوف رجال عاري واستمتع بالنظر اليه شو يكون موقفك ولا تنتظرين منه اجابه
بسرعه قولي: نفس الموقف انا احس به
ذكريه ترضى تشوف بناتك بهذا المنظر خاف ربك لا يسخط عليك
.
.
.
اذا شفتي منه ما فيه فايده
مالك الا تدعين له بالهدايه لانه امرها بيد الخالق
ادعي الله دائما يبعد عنه الفتن ما ظهر منها وما بطن.
واذا قالك مالك شغل
وهو رد بعض الرجال الله يهديهم
قولي بكل ثقة بكلامك اللي ما يخاف الله ولا يخشى عذاب مالي شغل فيه ابدااا خلك محد بيتحاسب الا انت .
اخر شئ ارسلي له مسج بهذا البيت عل وعسى يفوق من هالسبات
رأيت صلاح المرء يصلح أهله
ويعديهم داء الفساد إذا فسد ويشرف في الدنيا بفضل صلاحه
ويحفظ بعد الموت في الأهل والولد
الله يهدي زوجك وزوجي وازواج اخواتنا في الله جميعا
*** يتبع إن شاءالله ***
اقتباس
اود انك توضحي الاخطا التي وقعتي بها خاصة بعد عودتك
اشعر انك سحبتي نفسك من زوجك فيا ليت توضحي ان كان هناك مغزى من تصرفك
قبل لأقول السبب بقولك انه الرجال لما يتزوج يكون عنده هدف محدد غير انه يبي انسانه تحسسه برجولته
يبي ركيزه قويه واساس متين يمسك بيته صح ...
لما تجي زوجه ما يهمها بهذي الدنيا الا بيتها وعيالها واسرتها وتحاول تفداهم بعيونها
يرتاح الزوج اكبر راحه ولو انه ما يبن لك هالشئ ابدا
لانه يعتقد لو بين له راحته بعملك بتتهاونين في بعض الامور
وهنيه يرى الرجل بالذات بهذه الميزه بعين طبعه
لانه هو يتهاون عن اشياء يحس انه بمقدورك الاستغناء عنها
وبالفعل فيه نساء تهتاون في امور الزوج يطنشها
ونساء لا تحاسب وتفتح عين زوجها على مسؤليته ...
الرجل بطبعه يحب النساء كحب المرأه للذهب وهذي فطره خلقها ربي ما نقدر نغير فيها شئ ...
ولو جات حرمه كامله مكمله وهذي مو مستحيله ابدا
يقول الرجل خلاص ملكت الدنيا وما فيها ...
لكن احيانا ما يحصل الي يبيه فيها لكن يحصلها ربة بيت ممتازه فيحافظ عليها اشد محافظه
ولو صار اي خلل عندها او زعلت عادي بيترك كل شئ وبيرجع لها ...
ومن هالنوعيه كان زوجي لكن انا كنت جاهله بامور عديده برغم وجود بعض الامور الي جعلت زوجي يصونني فيها ...
ليش انسحبت من زوجي
كنت ابي احسسه اني اقدر اعيش بدونه عادي
بوقت هو كان متوقع اني بكون متبهدله وتعبانه لفراقه ...
كنت بحطه بنفس المكان الي هو حطني فيه اني للعيال بس وللبيت
وخليته يشوف نفسه بنفس المكان وخليته يجرب مرارة هالاحساس وذاقه زين ولا ما كان تمسك بي زين ...
نصيحه من لكل زوجه وهالنصيحه اكتبيها وكل يوم اقريها لو حسيتي زوجك يخونك او يفكر ...
لا تركضين وراه
ركضك ما يجيب نتائج تذكر ...
ركضك بيريح قلبه اكثر وبيخليه يتمادي ويطنش اكثر وبيقول هذا اللي ابيه انها تموت وتعيش بحبي ومتى بشبع برجع لها ...
خليه يعيش جوه وبنفس الوقت عيشي حياتك
حسسي بالفعل انك غير مهتمه له خليه يدورك بالبيت
لا تلزقين بوجهه كانك مرايه
عطيه متنفس وانتي المستفيده ...
ادري بتقولن نترك ازواجنا للمفتنات بقولك ما راح من يدك
الا انه ما حصل اللي يبيه
واحيانا فيك كل الي يبيه ولكن "نفسه دنئيه" المهم خليه ياخذ راحته...
وانتي في بيتك خليه يدورك واهتمي فيه كثير
حاصريه بالاهتمام والرعايه والتجمل والتزين والاكل المنوع خليه يحس بتأذيب الضمير ...
لا تقولين ما فيه فايده
فيــه ونص بس اصبري البذره الين تستوي شجره يبالها وقت ولين تاكلين الثمر بعد يبا وقت
لا تستعجلي على رزقك ...
هالاسلوب للي تحس انه زوجها يخونها وماسكه دليل
ما عندك دليل اهتمي واهتمي والاجر لك
وانتي ما تهتمين بمكان في خساره لك تهتمين ببيتك وزوجك وعيالك ولا ما كسبتي زوجك كسبتي عيالك هالدرر المكنون اللي الله اعطاك اياهم .
*** يتبع إن شاءالله ***
اقتباس
هل افهم من اخر رد انه
سبب مشاكلك ينحصر في كلام عمتك واتهامها لك
هذا فهمته لان زوجك لم بتغير الا بعد ما واجهته بالموضوع
وكيف تعاملك مع عمتك الحين
زوجي تغير قبل ما أواجهه بكلام امه ...
تغير بعد ما رجعت له ...
لكن هناك كان بقي عثرتين
الاولنيه كلام امه اللي جارح كرامته كـ رجل
ضربته امه بالصميم
زوجي شك بانه كلام امه صح لسبب واحد
انه ما نزل مني دم بيوم دخلتي ولكن الدم مو دليل العذريه
في ادله ثانيه هو وكل رجل يعرفها وانا ذكرته اياها فانحرج مني وتذكر انه ظلمني بانه حط هالفكره براسه عني
ولانه ابوه الله يرحمه كان حي كان كل شويه يوصيه فيني
فما قدر يقول لابوه الكلام اللي امه كانت تردد عني حطه بقلبه وبعد عني ...
تعامل عمتي ...
هي مو شخص مهم بحياتك علشان اهتم لها وعموما مثل ما سحبت نفسي عن زوجي
سحبت نفسي عنها وخليت الاحترام سيد الموقف وريحت نفسي ومثل ما خليت نفسي غامضه عند زوجي سويته مع الكل وارتحت
*** *** *** ***
اقتباس
الاخير قلتي راح تذكري لنا سبب كتابة اسم العطر و البخور لكن يبدوا ان البنات استعجلوك ونسيتي تكتبي السبب
لانه يبيهم للحبيبه زوجته وقلت السبب لانه الرجل الي يحب زوجته يحب يشوف الي يعجبه فيها
*** *** *** ***
اقتباس
كيف عرفت بمكائد سلفتك
كانت واضحه وضوح عين الشمس
كانت تغار من ضحكتي لما اضحك
ومن عيالي لانه اصحاء
ومني مع انها اجمل مني
لكن سبحان الله هذا طبعها وكان مكشوف الا لاهل زوجي
ما كشفوا افعالها الا بعد ما طلعت من عندهم
يتبع
__________________

قد إنتهينا من الأسئلة والأجوبة
وللمرة الأخيرة، أحب أن أذكركن أن الأخت فعلت ما فعلت بسبب خيانة زوجها لها وكان حلها أن تكسبه وتثيره وفي نفس الوقت تضع حاجزا بينهما
ويمكنك إتباع النصائح ولكن أنصحك أن تحاولي باللين أولا وألا تضعي حاجزا كبيرًا هكذا
كما أذكركن أن ما يصلح مع إحدى الأخوات، ليس معناه أنه يصلح مع الأخرى

موضوع منقول



URL=http://arabsh.com][/url]
حور دنيا غير متواجد حالياً رد مع اقتباس إرسال الموضوع إلى الفيس بوك إرسال الموضوع إلى تويتر




17-02-1432 هـ, 01:45 صباحاً
#2
100 زائره مافي وحده ردت بشكر اذا في من قراءه اكيد في الي ماقراءه بس لاهميه انا نقلته


رد مع اقتباس
حور دنيا غير متواجد حالياً  



17-02-1432 هـ, 04:50 صباحاً
#3
الله يجزاك خيرعلى هالنقل ويجعله في موازين حسناتك.قصه رآآآآآآآآآآآئعه وموضوع اروع الله يكتب لك اجر كل حرف قرأته
ودعواتك لي ان الله يسخرلي زوجي ويخلي لي بناتي ويسترعليهن


رد مع اقتباس
اصغرجده غير متواجد حالياً  



18-01-1433 هـ, 01:52 مساءً
#4
دخلت صدفة واعجبني وبحفظه بالمفضله عشان اكمله صراحة روعة ولازم نستفيد منه وجزاها الله خير صاحبة القصة فيه اشياء استفدت منهاوطبغا مانسى اللي ناقلة الموضوع


رد مع اقتباس
اطيب رووووح غير متواجد حالياً  



20-01-1433 هـ, 04:37 صباحاً
#5
اااااااااااااااااااااااااااا


رد مع اقتباس
اطيب رووووح غير متواجد حالياً  



20-01-1433 هـ, 05:33 صباحاً
#6
قصه قيمه ومفيهـ قريت منها البعض
وحفظتهاا بالمفضله للعوددهـ لهاا
جزااك الله كل خير صاااحبة الموضوع وجعله بمواازين حسناتكـ،،،،


توقيع


لاَ آنكر يوْمآ انني كرهتُ الحياه !
و لا انكر ضعفي منْ بعض الموَاقف
*، | ولكِن بداخلي روح تلوون لي [ آلحياه ]
تمنحَنيْ القوه كلمآ , تذكرتُ
قولْ / الرَسُول صَلى اللهُ عَليه وسَلم : { انّ اللهَ اذَآ احَبّ عَبداً ابتَلآه }

رد مع اقتباس
مجبوره أغليك غير متواجد حالياً  



20-01-1433 هـ, 06:02 صباحاً
#7
ساعود لاكمل القراءه


توقيع

بسهولة تستغفري اكثر من الف الفين باليوم لو كررررتي الطريقة سبع مرات واكثر خلال اليوم
.
رد مع اقتباس
سعادة الزوجية غير متواجد حالياً  



20-01-1433 هـ, 06:05 صباحاً
#8
جزاك الله خير

سبحان الله وبحمده عدد خلقه ورضى نفسه وزنه عرشه ومداد كلماته


رد مع اقتباس
ام مبارك1 غير متواجد حالياً  



20-01-1433 هـ, 10:39 صباحاً
#9
جداااااااا
رائعة جزك الله خير
"في اخرتي ماذا سأكون انا "


رد مع اقتباس
سعادة الزوجية غير متواجد حالياً  



23-03-1433 هـ, 08:23 صباحاً
#10
قسسسسم احولت عيوني وصابني صداع هذا الموضوع نت لوحده تسلمين ع النقل ولكنه طوووووووووووووووويل


رد مع اقتباس
..الاميره ميرال.. غير متواجد حالياً  



إضافة رد

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
الانتقال السريع


الساعة الآن 05:25 .