بناء على رغبة بعض الاخوات العزيزات
بنزل طريقة شاي كرك اللي دايما تشوفون صورته مع الريوق
نبذة عن شاي الكرك:27:
شاي "الكرك" الهندي، عرفه الخليجيون بشكل عام منذ ما قبل النفط
حين كانت العلاقات التجارية بين الهند ودول الخليج في أوجها وكان التجار الخليجيون يرحلون للهند ليأتوا بالبضائع والمفردات وأنواع الطعام المختلفة ،
ومن هناك بدأ الكرك رحلته إلى دول الخليج التي أحب شبابها تحديدا طعم الكرك
والكرك كلمة تعني الجامد أو المضاعف كناية عن الشاي الثقيل وهو لفظ بلغة الأوردو
هذي الصور من رحلة يوليو :35:
نحط الماي في الغوري تقريبا لتر والسكر حسب الرغبة
والشاي بودرة ليبتون مب اكياس (ملعقتين طعام مليانة)
(ممكن اضافة حبات من الهيل للي يحب)
نحط الغوري على الضو ونخليه يطبخ عدل عدل
بعدين نضيف علبتين حليب رينبو انا قلت حليب رينبو للتوضيح
ولا انا استخدم حليب الحكومة الله يعزها
شوفوا صورته في الطرف عاليسار مكتوب عليه تموين قطر:cook:
المهم ونخليه يطبخ بعد ونهدي الضو
اذا حسينا انه بدا يطيش نرفع الغوري شوي ونرده مرة ثانية
نكرر هالعملية لين نحس انه خلاص صار تمام
يعني مب اول ما بدا يرتفع خلاص نطفي الضو
لا
اذا استوى
نبدا نصبه بالزمزمية او اذا كنتوا في رحلة طبعا على طول في الاكواب
وتمتعوا باحلى شاي كرك يعدل مزاجكم
الف صحة وهنا:27: