مدري من وين ابدا الموضوع هذا اللي مدري وش يبي
هذا يا صويحباتي اليوم صار الفرج
من اربع ايام تقريبا..وزوجي وجهه :hmh: قاالب البووز علي
المهم وانا كل شوي وقول تبي قهوه..تفضل اشرب بيالة شاهي ع الماشي
وابددددد البووز شبرين...يدخل مايطالعني يكلم البنات واسمعي يا امهم
المهم شفت انها اربع ايام طويله وماصخه وعلى مشكلة ماتسوى ولاهو ذنبي <<من العمل
وكل هالايام وانا اقول بكيفه ...وش اسوي اقطع هدومي..بكيفه بيرضى من راسه
ويوم الخميس بعد بكره<< يوم الفرج ويوم التنزة العائلي والفله
وخاف يفوتني مع هالاجواء الروعة ..لانه زعلان
...خاااصة ان الاسبوع اللي راح ماطلعنا السياره فيها عطل
ويجي هاك المطر من فجر يوم الثلاثا مع صيام البيض....
وانا بالمطبخ وقت الظهريه اسوي فطور
تفاجئني بنتي قالت يقول بابا يمكن ماراح نروح مكه << عند اهلي
قلت افا يا ذا العلم المترب
الصراحه حزنت .....قلت ابي امي ابي اخواتي ابي العمره :icon33:
حسيت بكتمه الطبخ مع ضيقة الصدر
ففتحت باب الحوش وتوني احط رجلي على اول درجه الا انا بالحوش منبطحه << طحلشت رجلي
يا شين اصحاب الوزن الثقيل لا تساووا بالارض
وشوف الجوو الروعة والمطرر يصب صيب .....
مطر!
مطرررر؟؟
مطر ...وانا صاايمة بعد؟؟!!
يا حلولو
ووتذكر ان دعااء الصايم مستاجاب والدعاء وقت نزول المطر مستاجب .........
وارفع يديني لرب العبااااد
وقلت يااااااااارب ان تلين قلب زوجي لي وان تجعل مافي قلبه علي بردآ وسلامآ
وان تغير حاله معي للاحسن ...وان تصلح ذات البين
ووجلس ادعي ادعي واذا تعبت سبحت وكبرت وهللت
شوي !
وفجآة!
الا هذا اللي يدخل علي بالمطبخ يقول وش طابخه لنا واااو وش ذا الرواائح الطيبه<< مع انه متغدي مو صايم
عاد تميلحت شوي وسويت نفسي اني حبوبه: ابد هذا مرقوق وهذي صينية وهذي وهذاك
تبي بياله شاهي ع الماشي << جس نبض
قال ايه ابي وشلون مابي وهو يبتسم
طلع من هنا
وانا احمد ربي من هنا والله بكييييييييييييييييييييييتتتتتتتتتتتتتتتتتتتتتتت
حسيت قد ايش ربي قريب مني .. تفهموني ؟
لدرجة اني انزلت رأسي بالارض وانحنى ظهري ,,شوي وباركع وابكييي بكاااء....
حسيت قد ايش ربي رحيم
حسيت قد ايش انا حقيررررررررررررره عند كرم ربي
حسيت قد ايشش انا غاااافله......
يا حبيبي يا ربي يا حبيبي يا ربي :44:
تذكرت الاية الكريمة؛ وَإِذَا سَأَلَكَ عِبَادِي عَنِّي فَإِنِّي قَرِيبٌ أُجِيبُ دَعْوَةَ الدَّاعِي إِذَا دَعَانِي فَلْيَسْتَجِيبُوا لِي وَلْيُؤْمِنُوا بِي لَعَلَّهُمْ يَرْشُدُونَ
وحديث :"" اسألو ربكم حتى في شيراك نعلكم"" <<يعني حتى لو جزمتك انقطعت ادعي ربي يصلحها
تذكرت ان ربي يستحي ان يرد يدي عبده صفرااااااااااااا
وتذكر ان.علامة استجابة الدعاء : الخشية، والبكاء، والقشعريرة،
فطمعت بكرم ربي زوود
قلت يارب الفردوس الاعلى يارب الفردوس الاعلى لي ولوالدي وللمسلمين احياء واموات
ودعيت دعيت
ويشهد الله مانسيتكم يا بنات حوااء من الدعااء :27:
الشاهد يا بنات:
لاتفوتكم هذي اللحظات وتاخذكم فرحتنا بالمطر وننسى رب المطر مانطلبه حاجاتنا
وتذكري:ربك قريب..قادر في لمح البصر يعطيك طلبك..لكن خلي قلبك حاضر وانتي تدعين
لان الله لا يقبل من قلب لاهي....واحسني الظن....
واذا دخلتي باب الرجاء والدعاء فلا تنقطعي لاسباب دنياويه فتلهيك
من الحين يا بنات هذي ايام مباركه فيها امطار وخير وصيام....
فدعي كثيررررر...فالله اكثرر
اللهم اني اسألك ان تجعلني من افقر عبادك إليك ..والهمني شكرك وذكرك يارب العالمين
يمكن الكلام قرقر واجد
وملخبط لاني اكتب وانا اكل بعض من المرقوق
هديتي لكم
WIDTH=400 HEIGHT=350
احبكم في الله :26:
الله يسعدك