12-02-1432 هـ, 04:04 صباحاً
السلام عليكم خواتي

حبيت استشيركم بحبوب منظم الدوره بروجيلوتون


من فيكم استخدمتها ؟ وهل تنصحوني فيها ووشهي اضرارها
وهل لها مضاعفات مثل تساقط الشعر والسمنه وغيرها؟
وسمعت انها تمنع الحمل في المنتديات وبعض الدكاتره مع ان مكتوب بالنشره حقتها لاتمنع الحمل
وانا استغربت من كلام الدكتوره لي قالت تآكلينها ثاني يوم الدوره؟!!
مع العلم انها تؤخذ من خامس يوم الدوره!!!
من صرفتلها الدكتوره مثلي من ثاني يوم؟
ياليت تفيدوني وتردون على اسألتي يآخواتي باسرع وقت ممكن
اللهم حسن خَلقه وخُلقه وسهل حمله ومخرجه
12-02-1432 هـ, 04:46 صباحاً
حبيبتي انا استخدمتها كثير ولا تخافين مالها اي اضرار الحمد الله صار لي مده وما تضررت منها
ولا تسبب تساقط شعر ولا سمنه ولا شي
وبالنسبه انها تمنع لحمل مع انه مكتوب عليها لا تستخدم لمنع الحمل انا سألت الدكتوره وقالتلي اللي مبايضها قويه واستخدمته احتمال يكون حمل اما اللي مبايضها ضعيفه تمنع الحمل عندها يعني اذا كانت مشكلتك بتأخر الحمل بسبب ضعف المبايض لا تاكليها اما اذا صارت فيك اي مشكله ثانيه عادي طبعا بعد استشاره الطبيبه
انا صرفتها لي الدكتوره خامس يوم ولا مره صرفتها من ثاني يوم بس انصحك امشي على كلام الدكتوره او تأكدي منها
وربي يرزقنا وياك الولد الصالح
12-02-1432 هـ, 06:20 صباحاً
صح كلام الاخت وانا دكتورتي وصفتها بس انا مارضيت اخذها لانه عندي ضعف في التبويض
الله يرزقنا يارب
12-02-1432 هـ, 08:47 مساءً
انا استخدمتها 4شهور من دون وصفه طبيبه لان دورتي مو منتظمه والان تركتها من شهر والدوره مانزلت والله خايفه لايكون زاد ضعف التبويض عندي
12-02-1432 هـ, 09:06 مساءً
بنات تكفون لايكووون حبوب الدفستون المنظم للدوره مااااااااااااااااانع للحمل


تكفوووووون ردوا
12-02-1432 هـ, 09:51 مساءً
يؤ يؤ يؤ الله يستر وانا لي 3 شهور استخدمها اللهم لك الحمد نظمت دورتي وسألت الدكتوره قالت لا ماتمنع مع العلم عندي ضعف تبويض شديد...ليييش كذا
لا والطامه الكبرى الشهر هذا اخذت كلوميد وابره تفجيريه قوه 5000 ..ونزلت الدوره اليوم مع انه كنت متأمله كثييييير الحمل هالشهر بس الحمدلله على ماكتب ربي..
وناويه هالشهر اخذ كلوميد وابره تفجيريه بدوون منظم دوره...ومتأكده بحول الله وقوه انه بيكرمني بالحمل

اللهم اني اسألك فرج من عندك قريب
12-02-1432 هـ, 09:54 مساءً
حبيبتي الله انا اعرفه ان الدافستون اذا تركتيه ..ياتنزل الدوره والا انه يكون حمل ..يعني مايمنع ..>>ترا مو متأكده ...بس ماحبيت اطلع وماأرد عليك

عاد تجي اللي لها خبره فيه وتخبرك.
12-02-1432 هـ, 10:03 مساءً
الله يرزقك ويرزقني الذريه وكل البنات الصالحه المعافاه قريب يارب


دنيا تضيق ورحمه الله وسيعه
12-02-1432 هـ, 10:37 مساءً
انا كتبتها لي الدكتورة لان البطانة عندي ضعيفه
وبعد ماستخدمتها نزل عندي البروجسترون اقل من واحد معناه تاثر على التبويض
فيه من يستخدمها وتحمل عليها عشان كذا مكتوب عليها غير مانعه للحمل يعني ممكن يصير فيها حمل
بعدين انا استخدمها خامس يوم مو من ثاني يوم
وانتظر بعد ماخلصها يومين تنزل الدورة
الاعراض الليسوتها لي
صداع وغثيان وعصبيه والشهر الثاني زاد عليها دوخه
اذا كنتي بتستخدميها منظم للدورة ممكن تناسبك اذا كنتي تاخذيها عشان البطانة انصحك بالدافستون للبطانة
الله ينفعك فيها
13-02-1432 هـ, 01:17 صباحاً
تستخدم البرجلتون اوماتسمى بالسايكوبروجونوفا في بعض البلدان وهي عباره عن حبوب تحتوي على هرمونين الاستروجين والبروجستين تبدئي بالابيض وبعدين البني ويكون التبويض في منتصف الحبوب يعني لما تنهي الابيض وتبدي بالبني هذي هي فتره التبويض .. المهم بعد ماتخلصي القرص كامل كل يوم حبه تنتظري من 5 الى 8 ايام وتجي الدوره خامس يوم من الدوره تبدي في قرص جديد وهكذا ..
كل الاطباء لما يوصفوه يكون لمدة 6 شهور يعني 6 علب وبعدها راحه شهر ثم من جديد ..
مثل ماقلت هي هرمون يعوضوا النقص اللي صاير بسبب ضعف المبيض عن انتاج هالهرمونين
ممكن ترجع تنتظم الدوره ويشتغل المبيض معها وممتازه للعظام والبشره ولاتمنع الحمل لان كثير حملوا وهم يستخدموها والدكتوره اللي تقول انها تمنع الحمل اسفه لاتفهم لان هذه الحبوب عباره عن هرمونات تعويضيه لهرمونات ناقصه ومضعفه التبويض وهي هرمونات المبيض فقط .
عزيزتي استخدميها مافي منها خوف ان شاء الله ....اكثر الاطباء يوصفوها للي عندهم لخبطه
وربي يكتب لك الفائده عليها ان شاء الله
يارب ياكريم أرزقني وكل محرومه بالذريه الصالحه عاجلاً غير اجل


الساعة الآن 05:52 .

جميع الحقوق محفوظة - عالم حواء - 2015