داعيه للخير @daaayh_llkhyr
كبيرة محررات
كشتتنا في إستراحتنا مع الاهل والاحباب والجو الخيال
بسم الله الرحمن الرحيم
السلام عليكم ورحمه الله وبركاته
ياهلا وغلا بكل من نور موضوعي
بمناسبه هذة الاجواء الربيعيه والامطار جعلها الله امطار خير وبركه
قرر سماحه الوالد أطال الله في عمرة
ان نكشت في استراحتنا يوم الاربعاء
جهزنا أغراضنا وتوكلنا على الله كل العائله الكريمه
الوالد والوالدة الله يحفظهم من غيرهم إحنا ولاشئ
واخواني واخواتي وعيالي وولد اخوي الله يحفظهم جميعا وما يفرقنا .. اللهم آمين
وصلنا الاستراحه بعد المغرب ونزلنا اغراضنا
وطبعا إحنا مقررين يكون عشانا مشاوي لحم ودجاج ماتحلى الكشته إلا بالشوي
وكان الشيف إللي شوى لنا العشاء أخوي الغالي الله يحفظه
وبعد ما وصلنا الاستراحه نزلنا اغراضنا وقمت الله يحفظني
و صورت لكم بيت الشعر
هنا بيت الشعر من الداخل
ماشاء الله تبارك الله
قبل العشاء تقهوينا وهنا صورت لكم قهوتنا والحلى في الحوش والحلى عبارة عن حلا التوفي وكيك
وهذة سفرة ثانيه للقهوة والحلى في بيت الشعر والحلى عبارة عن بسبوسه وأصابع معمول بالتمر
بعد القهوة تبلت الدجاج وهذة صورة للدجاج واللحم بعد التتبيل
بعد ما ولع الجمر حطينا اللحم على الشبك وبدينا في الشوي
وبعد ما شوي اللحم شوينا الدجاج
وبعد ما خلص اخوي الله يعطيه العافيه من الشوي رتبت انا والبنات السفرة وجهزنا السلطات
سلطه خضار وسلطه طحينه وهذة صورة للسفرة قبل ما نفتحها من القصدير
وهنا بعد كشف القصدير بصراحه طعم الدجاج أحلى من اللحم رغم إن اللحم تيس صغير
وهذة صورة ثانيه
وبعد العشاء جاء دور الشاهي على الجمر
بصراحه الجو خيال هذة الايام امطار وبراد وجمعه أحباب يارب لك الحمد والشكر
يا بنات أبيكم تدعون لنا ابوي يبي يبيع الاستراحه وعارضها للبيع وامي مرة زعلانه ما تبيها تنباع
وبصراحه ما تنلام الاستراحه حلوة وخاصه في ايام الربيع ومانبيها تنباع وتروح منا تكفون إدعوا إن ربي
ما يكتب لها نصيب في البيع وتكون من نصيبنا ,,اللهم آميين
إن شاء الله تكون كشتتنا أعجبتكم
117
32K
يلزم عليك تسجيل الدخول أولًا لكتابة تعليق.
نورفي سماء صافية
•
ماشاءالله
ماشاء الله تبارك الله
والله يجمعكم على خير ولا يفرقكم
والله يختار لكم الي فيه الخير من بيع او عدمه للاستراحه
والله يجمعكم على خير ولا يفرقكم
والله يختار لكم الي فيه الخير من بيع او عدمه للاستراحه
الصفحة الأخيرة