السلام عليكم ورحمه الله وبركاته
ادري تبوون تقولون هذي غثتنا كل ساعه والثانيه منزله طبق
بس والله اني سويته على شاان اليوم زيارتي لاهلى
ويووم ذقت الطعم وشفت شكله قلت لازم بنات حواء
يشوفونه ويسونه لانه سهل وبسيط
لكن بالطعم صراحه ما ابالغ لو اقول رهيب مو مدحا لشغلي
لكن جربو وانتوالحكم
المقادير:
3كأس سميد
1 كأس سكر ناعم
1 حليب بورده
نصف كأس سمن المراعي او زبده 113 غرام
2 علبه قشطه
للزينه:
شيره
وثلاث ارباع كيس جوز هند
بسكويت الجلوكوز (او اي بسكويت يشابه بصغر الحجم سواء مربع او دائري المهم ساده)
طريقه عمل الحشوه:
نضع كل المقادير على النار(ماعدا القشطه) حتى يشقر لونها (صوره 1)
ثم نجهز مشخال (صوره 2)
ثم ننخل الخليط (صوره 3)
ونتخلص من السكر المتكتل(صوره 4)
ويصبح لدينا خليط ناعم وخالي من السكر االمتكتل(صوره 5)
نضع القشطه عليها(صوره 6)
ثم تعجن باليد حتى تكون لديك عجينه ملساء ناعمه(صوره7)
طبعا الكميه شوي كبيره فممكن اذا سويتي الكميه اللي تبين من البسكويت تحتفظين بالحشوه
الى 4 ايام في الثلاجه لحين استخدامها مره ثانيه
الطريقه:
نأخد حبه بسكويت وندهنها بالخلطه (صوره 1 و 2 )
ثم نضع عليها بسكويت اخر(صوره 3)
وهكذا حتي نهايه المقدار(صوره 4)
ثم نضع جوز الهند في مقلا(بدون زيت)(صوره 5)
ونشوحه على النار حتى يشقر لونه بنات انتبهو لا يحترق وطي النار اول ما اتشوفينه بدا يشقر واستمري بالتحريك ليمن تشوفينه صاار اشقر(صوره 6)
ثم نضع الشيره في إناء عميق ويفضل ان تكون الشيره ثقيله القوام (صوره 7)
ثم نغمس حبات البسكويت بالشيره ونرفعها(صوره 8)
ثم نضعها على جوز الهند (صوره 9)
ثم تصف في الصينيه وهكذا حتى نهايه المقدار(صوره 10)
شكلها خطيييييييييييييرة وبنفس الوقت سهله مافيها فرن وهذا اهم شي..
يسلمووووو جنان يااللي اكلاتك كلها جنان..
تحياتي