معاناتي مع النزيف انتهت والفضل بعد الله للعضوة العنزيه وبس

السلام عليكم



انا ما سجلت في هالمنتدي الا عشان النزيف

كنت دايما اقري واآخر شي قلت ليش ما اجرب احط مشكلتي لعل الله سبحانه يسري لي واذا ما لقيت حل لعل الله سبحانه يتقبل من الي يدعون لي

وكتبت معاناتي مع النزيف واشوف الردود احس قلبي يبرد لما اشكيلهم الله يجزاهم خير الي تدعي والي تقول ارقي نفسج والي تعطيني وصفه وطبقت اغلبهم وما شفت فايده :44:

القرآن لله الحمد ملازمته والرقيه ماشيه عليها

وكنت اطيح علي السجاده بقيام الليل

الي صار لي قربني من ربي حيل لله الحمد والمنه

بس يعورني قلبي علي بناتي متعلقين فيني حيل

يفرشون السجاده ويدعون ودموعهم اتقطع قلبي

كل يوم يروحون المدرسه ماما حافظج الله ماما لا تنامين بالمستشفي

يقومون من عز نومتهم خاف رحت المستشفي

مره شافو الدم تكرمون من سريري لي الحمام وانا اغمي علي انجنوا من البكي

قلتلهم ماما رجلي مجروحه لاني امشي حافي كل ما جت الدوره اسبوع بفراشي لا تشوفون اشكالهم يما يقطعون قلبي

وقمت اول البارح الساعه ثنتين وفتحت النت ودخلت اقرا المشاركات من اولها وفي

مشاركه للاخت عنزيه وبس الله يجزاها خير

قالت لي اشربي النعناع مع خل التفاح مع ماي ولانه مو مسموحلي ادز علي الخاص دزيت لها مع المشاركات

وما ردت وامس الساعه اربع الفجر دزيتلها علي الخاص عن الكميه والطريقه ياعمري عمرها بنفس الحظه ردت

واشربها وانام ومثل كل مره ما اتكلم ولا اتحرك حتي اكلي بفراشي رحت الحمام وانا مستغربه اني امشي

عادي ما كن علي الدوره بس الدوخه موجوده وامشي شوي شوي ما صدق نفسي داخله الحمام عادي واطلع

من الحمام علي ويهي علامت تعجب شنو هذا معقوله انا تشافيت والله لحد الحين انا مو قادره اصدق ابكي ولا

افرح ابشر زوجي ولا اسكت وامشي بالبيت وانا مو مصدقه انا في حلم وارجع انام بفراشي وخايفه يمكن يرد

والي المغرب وانا بالسرير مو مستوعبه ومن امس المغرب لهالحين وانا ادعيلها تمنيت انها قدامي ابوس راسها

ياالله لك الحمد يا الله لك الحمد يا الله لك الحمد

اللهم ياذا الجلال والاكرام اسالك وادعوك انك تفرجها علي هالانسانه وتجزيها خير الجزاء وتفرج همها وتغفر ذنبها

وتوسع رزقها وتغنيها عن جميع خلقك وتحقق لها كل امانيها ياربي وترزقها فوق ما تمنت

انك علي كل شي قدير هالبنت اكسبت فيني اجر وفي بناتي وعمري ما انساها من الدعاء

وانا كتبت الي صار معاي عشان الي تعاني مثلي يمكن تقرا المشاركه ويكون باذن الله شفاءها في هالموضوع

وانا والله ما اعرف هالعضوة لامن قريب ولا من بعيد بس فضلها برقبتي ما انساه