السلام عليكم ورحمة الله وبركاته
بدعم من مدرسة ابنتي ..
اقترحوا بتجربة الافطار الجماعي للطالبات وتشجيعهم باستبدال الوجبات الضارة
من سناكس
وحلويات
وشوكولاتات
بوجبات صحية مفيدة
ومن فترة ارسلوا لنا استبيان بطريقة تغذية اطفالنا في البيت ونوعية الاطعمة اللي يتناولوها
وكيف نشجعهم على الاكل الصحي
وطبعا احلى سؤال عجبني ..
ماذا تودين توفره في مقصف المدرسة ..
طبعا ماخليت لهم طلب ماطلبته
مع العلم يوميا الطالبات يشربوا حليب مع التمر كل صباح قبل بداية الحصة الاولى وباشراف من المديرة نفسها
الله يجزاهم كل خير
وارسلوا لي طلب تجهيز اي نوع وجبة صحية
للتجربة نشاط في الافطار الجماعي
وتحمست لفكرتهم ,,
وفكرت وفكرت وكان الوقت ضيق ورحت بسرعة اشتريت بيبي صامولي ومرتديلا وشرائح جبن ولبنة
وشوية زيتون وسماق وجزرة وخس وزعتر للتزيين
وبدأت العمل ,,
اليكم الصور ..
حشيت الساندويشتات شي بجبن شرائح وشي بالمرتديلا
دخلت عود اسنان اسفل الخبزة عشان يسهل تناولها
ودهنت وجه الخبز باللبنة وزينت بالزيتون والمرتديلا والجبن
طبعا الاشكال عشوائية لانه الوقت ضيق وطلعت شوية كانها وحوش خخخخ
بس ارحم من الشيبس والوجبات المضرة والمخيفة على صحة اطفالنا
وصورت الطبق وطبعته وكتبت اسم بنتي وصفها عليه
ولصقت من خلف البطاقة عودين خشب
ولزقت العودين تحت الصحن عشان
يثبت ومايحوسها وهي شايلة الطبق
الحمدلله اتبسطت بنتي مررررة وكل المعلمات عجبهم والبنوتات طبعا تنافسوا عليه
واول وجبة بدأو فيها وبسرعة خلصت بالعافية يارب على قلوبهم
اتمنى يعجبكم ..